媽咪雞蛋仔 (已結業)

我覺得雞蛋仔和港式奶茶是香港最偉大的發明，所以間唔中就會想買底雞蛋仔咬下。要食雞蛋仔當然要揀名牌，獲米芝蓮推薦的媽咪雞蛋仔一定無錯。值得一讚的是媽咪雞蛋仔口味極之多選擇，更會每季推出新口味，真係日日食都唔會厭啊！分店多也是媽咪雞蛋仔的好處之一，我家附近就有一間，行過去買超方便！雞蛋仔全部都係即叫即做，烤好吹凍再入紙袋，確保每一底都夠香脆。站在店外面等食的時候，聞到香味就超級期待。雞蛋仔口味極之多，每日食一款不同口果都要食幾個禮拜，喜歡經典或是創意都必定揀到心水。飲品選擇也極之多，由港式奶茶到宇治抹茶到各種果香，點配搭都好滿足。秋冬必吃的有紫薯系列，食雞蛋仔又得，飲紫薯奶又得，又飲又食當然都可以。 芝士雞蛋仔 HK$35 / 紫薯蕃薯雞蛋仔 HK$32港式奶茶豆奶 HK$24 / 香甜紫薯牛乳 HK$32除了紫薯combo之外，我還揀了我最鍾意的芝士雞蛋仔和很有特色的港式奶茶豆花。芝士雞蛋仔就是充滿鹹香之選，當飯食都ok，媽咪的芝士雞蛋仔不會烤到過硬，吃起來很香很美味。值得一讚還有港式奶茶，充滿茶餐廳風味，加了豆花就更特別了，喝起來很夠療癒。紫薯蕃薯雞蛋仔也是極足料，咬起來鬆軟又有薯香，

依家雞蛋仔真係有好多唔同既味道同選擇，而我就最鐘情媽咪雞蛋仔仔，每次出新野我一定會去試伯爵茶朱古力雞蛋仔 $30(美味指數: 😋😋😋😋)媽咪雞蛋仔最吸引我既地方就係做到脹卜卜，而且外脆內軟，入面係軟綿既蛋糕心。雞蛋仔用左Twining既伯爵茶，有好濃郁既伯爵茶香味，但無茶既苦澀味，入面有粒粒既朱古力，而朱古力唔太甜，伯爵茶同朱古力都取得一個好好既平衡，好匹配紫薯蕃薯雞蛋仔 $32(美味指數: 😋😋😋😋)紫薯雞蛋仔係冬季限定，中意食紫薯既朋友記得把握最後機會。紫薯雞蛋仔真係好真材實料，粒粒都能夠食到蕃薯蓉意大利特濃朱古力沙冰 $29(套餐價)(美味指數: 😋😋😋😋😋)朱古力沙冰真係好有驚喜，朱古力味好濃郁，而且唔太甜冰搖宇治抹茶牛乳 $20(套餐價)(美味指數: 😋😋😋😋😋)本食想點有豆花既，但好可惜一早已經賣晒。但黎杯抹茶好甘香配搭上牛乳既順滑😋整體食物質素：4.5 / 5💰性價比：4.5 / 5👍推薦指數：4.5 / 5

平時食開呢間雞蛋仔，我一係叫原味，一係叫香蕉朱古力，因為我覺得呢兩款味比較大路，失準嘅機會唔會高。今日係友人嘅推介之下，我試咗牛油果朱古力味。本身我係一個好鍾意食牛油果嘅人，可以成個牛油果切開就咁食，因為我好鍾意佢果浸油香味，又夠晒健康同朋友吹水，10分鐘好快就過咗，有得試下。拎上手，成份雞蛋仔都係好有份量同埋超級辣手，正但係咬落去之後，個朱古力味似乎有少少搶咗牛油果個味道而且overall 我係覺得成個食嘅過程個口都係苦苦地，去到最後一刻我都唔係幾feel到牛油果嘅存在（但望入去我係見到粒粒都有牛油果嘅綠色係裡面的）下次試下其他味

前排有團購，我家姐一口氣買左幾張$25coupon ，食唔晒，又益左我！hahaha...Lucky..... 😜😜😜其實好耐無食媽咪雞蛋仔，原因好簡單 - 貴，😥😥😥雖然我覺得佢係幾好食，但此終食個有特色少少既都要$25+ ，我真心覺得貴！之前次次都係家姐買俾我食，佢負責俾錢我多數無得揀😅😅所以好多時都係食佢鍾意既紫薯，我其實覺得都幾香幾好味，但就好飽肚，佢次次都係臨開飯前買返來俾我食，食完都完全食唔落飯，就會俾我呀媽鬧🤣🤣🤣🤣今次唔同喎，佢俾coupon 我換，我可以揀啲我鍾意既Item la~~~~Yeah yeah yeah yeah ~~~~🎊🎊🎊🎊🎊 一直都好想試佢既朱古力，但又見有伯爵茶喎，不如試下伯爵茶朱古力啦！$30 一底，都係補幾蚊啫。準備叫既時候打開個銀包。。。得$2。。。。😥😥😥😥😥😥😥😥😥😥😥 唔夠錢，咁算啦，我叫個粒粒朱古力啦！反正我都唔鍾意伯爵茶🥺🥺🥺🥺 (自暴自棄mode...踢..)，又平啲。😥😥😥 (買完先睇到可以用八達通😥😥)可能因為有少少雨關係，無乜人等，我等左唔使10mins 就有得食啦！一食落口，好香朱古力味，但無乜蛋香味，但都幾好味，再食再

成日見人排隊，肚仔有些餓，就食件雞蛋仔先，好快就到我們點餐，好野黃金雞蛋仔，粒粒有黃金，咸香到不得了，份量都大，黃金其實是咸蛋黃，熱食好滋味，價錢比起其他款貴少少，但值既，因為我對咸蛋很喜愛牛油果朱古力雞蛋仔，甜甜地又creamy ,呢個配搭真出奇不意的好食，牛油果很軟滑，朱古力醬的配搭很夾，很香紫薯牛乳是限定,每一口都係紫薯蓉，又香又滑，我叫熱飲，毛毛細雨下飲奶真係暖粒粒。老公愛冰凍，宇治抹茶沙冰勁香勁濃的茶味，少少甜度都岩飲。食完雞蛋仔，太足料，很飽肚

💁🏻‍♀️ 媽咪雞蛋仔 (深水埗) 🍴-呢排風頭火勢真係唔多敢出街食飯，如果口痕買返排雞蛋仔返屋企歎就岩曬啦～媽咪雞蛋仔真係百試不厭，質素絕對對得起個價錢，成排雞蛋仔勁厚實同足料，食完真係唔洗食飯黃金雞蛋🥚仔（$35)鹹蛋控必試，但高血壓人士就唔好玩命啦，因為真係好足料同heavy >< 一攞上手已經聞到濃烈嘅鹹蛋味，香到爆～～～食落口每一粒雞蛋仔都真材實料，食到有粒粒鹹蛋黃，但又唔會太鹹，甜甜地，超滿足！香蕉🍌朱古力雞蛋🥚仔（$32)鍾意食甜品🍮人士必叫～食落有幸福嘅感覺，雞蛋仔外脆內軟包住粒粒香蕉朱古力，好似食緊泰國D pancake咁，但又唔會太甜太膩，大人細路都好岩食啊芒果🥭沙冰（$25)解暑一流！飲落唔係死甜，有芒果嘅酸甜味，沙冰打得夠滑，而且好大杯，飲住佢食雞蛋仔超爽紅豆冰（$25)有驚喜！本身以為會係大快活果隻紅豆冰，但佢呢隻原來係打碎左變沙冰，飲落好香椰奶同紅豆味，口感豐富，唔錯喔～/📍 媽咪雞蛋仔 (深水埗)#深水埗 元洲福榮街94號 #小丸子搵食記 #小丸子深水埗-#hkig #hkigfood #hkfoodblogger #hkfoodie #

今日買了這個烏龍茶雞蛋仔，上次我品嘗了粒粒朱古力味，但是比較甜，所以今次試了烏龍茶味！因為男朋友同我都不太好甜嘢，而這間是香港人小店當然要支持支持啦！每每感動是香港人排隊買同等黃店，堅持又有耐心，香港人加油！今次去到深水埗買，人流不算太多，點了烏龍茶味（真的好多種味道款式選擇，也有夾餅；飲品加錢可配埋）烏龍茶雞蛋仔好濃郁的茶味，唔會好甜；脆卜卜的雞蛋仔又熱辣辣，好美味！賣相也不錯，都算快手！必會再幫襯！下次試夾餅

上星食完飯，想飲D嘢，又唔想飲珍珠奶茶，行過雞蛋仔鋪，之前食過都ok幾好味，見到有果汁飲品，試吓，點知一試就中伏。點了一杯＂芒果＂飲品，結果嚟咗杯檸檬茶色的芒果飲料，飲了啖，完全無芒果味，同店員講，佢換過一杯比我，但又是一杯檸檬茶色的芒果飲料，無奈真的飲不下掉了！

好難得有牛油果嘅產品，仲要係最愛嘅雞蛋仔。不過好可惜佢唔係純牛油果雞蛋仔，一定要加朱古力味落去。味道唔伏，有朱古力陪襯，顯得牛油果冇咁苦劫。因為佢本身牛油果有少少苦，加埋朱古力粒，可以中和返個味道，整體唔錯冇失望。而且呢個新產品，保留原有嘅硬度及脆度。只不過食第一啖仲未有牛油果同朱古力餡，第二站仙遊。

近排行過深水埗，行行下想食下小食，雞蛋仔作為本地小食代表，媽咪雞蛋仔原來獲得過米芝蓮推薦，見咁耐無食，經過媽咪雞蛋仔就叫咗兩個套餐食下！套餐有雞蛋仔外還有一款飲品。鹽燒紫菜栗米雞蛋仔 ($32) + 宇治抹茶紅豆牛乳沙冰 ($30) (Set: $58)我叫點了鹽燒紫菜粟米雞蛋仔，因為加了紫菜的關係，這款雞蛋仔味道帶咸，不過食落去依然咁脆，還有點煙韌，還有粟米增加口感。香蕉朱古力雞蛋仔 ($30) 柚子蜂蜜梳打 ($23) (Set: $51)另外還有香蕉朱古力雞蛋仔，傳來一陣香蕉味，還食到香蕉肉係入面，好特別！朱古力感覺相當不錯，不過有點味道被香蕉蓋過的感覺，要咬到咁上下先會食得出有朱古力味。兩款雞蛋仔味道都相當不錯，而且好足料，食到一半會覺得好飽，加上飲品，又爽又飽肚，當午餐都得，難怪會獲米芝蓮推介！

這間小食店一向出名，故此即使深水埗小食店林立，我還是忍不住雞蛋仔的引誘。三個人，買了兩款雞蛋仔和兩杯飲品。等了一會兒，熱辣辣的雞蛋仔就ready了！香蕉朱古力雞蛋仔（$32）每一粒粒都有朱古力和香蕉，真是真材實料，朱古力和香蕉是永恆美味的配搭，推介給所有愛甜吃的朋友。另外雞蛋仔烤得外脆內軟，趁熱吃真是一大享受。黃金雞蛋仔（$33）吃完甜的，轉個咸食換換口味。每一粒的咸蛋份量充足，令人吃不住口，三個人就很快把它清光了。宇治抹茶牛乳豆花（$30）抹花得甘香中和了牛乳的甜膩，配合口花，口感很豐富。香芒椰子奶（$24）椰子味香濃，配合香甜的芒果，非常吸引呢。兩款飲品都可以選擇甜度。這間餐廳雞蛋仔口味很多，還會不時推出限定，令人很想再光顧。

💁🏻‍♀️ 媽咪雞蛋仔 (深水埗) 🍴-天氣開始轉涼，最啱食排熱辣辣新鮮出爐嘅雞蛋仔，要食雞蛋仔就梗係食香港經典牌子，媽咪雞蛋仔啦。貨真價實，超級足料🍠紫薯番薯雞蛋仔($32)紫薯迷必食，每一粒雞蛋仔都填滿左新鮮足料嘅紫薯同埋番薯，食落去唔係死甜，係食到兩種材料嘅天然甜味，另外雞蛋仔烘得好外脆內軟，越食越上癮🌰有機栗子雞蛋仔（ $32 ）栗子又係另一個轉涼必食嘅食物，配搭雞蛋仔，估唔到會咁夾。每開粒雞蛋仔入面真係會見到有栗子粒，勁有咬口，味道比紫薯果隻冇咁甜，唔會太膩🍵宇治抹茶紅豆牛乳沙冰（$24）估唔到雞蛋仔鋪頭嘅飲品都好有驚喜， 20幾蚊大大杯，一飲落去真係飲到有香濃嘅綠茶味，唔係死甜，再加埋沙冰，同紅豆，飲落勁滿足🍼港式奶茶沙冰（$24）港式奶茶就飲得多，沙冰就真係未試過，飲落好似係有奶茶味，超級新奇有趣，而且奶茶味超濃，如果奶茶控不妨可以試吓呢隻飲品-📍 媽咪雞蛋仔 (深水埗)#深水埗 福榮街92-98號常福大廈地舖#小丸子搵食記 #小丸子深水埗-#hkig #hkigfood #hkfoodblogger #hkfoodie #食好西 #香港美食 #香港 #hkfries #h

好耐未去過深水埗，難得今日有事要去一轉黃金，突然口痕想食啲嘢，但又唔想食太飽，經過呢間雞蛋仔，寫住米之連一星街頭小食，岩晒唔太餓既我。咁多隻味之中，揀左原味，一底$18，平唔平見人見智，比完錢要等五分鐘左右先有得食，係即叫即整，好彩唔趕時間，咁玩下手機，好快就叫到我號碼。一拎上手熱燙燙，雞蛋仔面比較亮身，用手輕壓係硬。雞蛋仔係要等佢散走剛起熱板既濕氣，等佢表面脆同變硬先恰到好處，呢間有做到。先食一粒，面好脆，入面都飽滿同軟，每粒飽滿度平均，而連接每粒既薄脆都真係脆，加分。同北角雞蛋仔比較，呢間面層較厚，食落去脆得較明顯，入面軟糯，唔似北角既蛋糕口感，各有特色。係唯獨顏色唔均勻，同埋覺得蛋味不夠重，我比較鍾意蛋香多作為香港名物既雞蛋仔，算係唔錯，下次可再試多啲唔同既味道

呢日唔想食正餐，想食小食，所以直接食咗雞蛋仔做晏🙈。呢頭無乜太多雞蛋仔選擇，加上某旅行網做緊合作優惠，所以就幫襯咗福榮街媽咪雞蛋仔。可能大家都正正經經去食午餐，所以下午一點係無人排隊㗎。呢到出名嘅地方應該係有好多唔同嘅口味，甜咸都有好多，大路嘅有🍫朱古力、🍵抹茶、☕️咖啡、🍌香蕉、🧀芝士等等，特別啲嘅就例如🍋檸檬、黃金(鹹蛋黃)、鹽燒紫菜粟米、麻辣肉鬆同鳳凰卷等口味，真係數唔晒咁滯。呢度嘅雞蛋仔可以加雪糕添，不過我就麻麻哋咁嘅組合啊，食店另外亦有賣格仔餅同埋飲品。留意番呢度嘅定價都唔平😐，一底雞蛋仔由$18(原味)到$3x(特別味)不等。我食雞蛋仔一向鐘意食原味，因為simple is the best😂，原味先食得出嗰種🥚蛋香(如有)。Show一show個code，店員就即整雞蛋仔，等咗大約10分鐘到，就熱辣辣送上，都叫做有啲香味。雞蛋仔造型望落同平日有啲唔同，首先係佢比較有油光✨，似啲食物模型；第二係佢嘅雞蛋仔比平日嘅細粒，每粒之間嘅空位較多；最後就係佢成餅比較硬身同挺。雞蛋仔食落係外脆的，亦都算內軟，唔會有空心嘅情況，係滿滿的。整體還不錯，不過又未到好好食，如果口痕都可以食下止癮。

媽咪雞蛋仔一向受歡迎❤️，剛好經過於是就買了一份粒粒朱古力雞蛋仔。由於不是第一次買，所以有心理準備要等一段時間才有，畢竟是新鮮製造。⏰最後我也等了20分鐘，才可以享用新鮮製造的朱古力雞蛋仔。🤪剛出爐，口感非常脆，外層脆口，內面比較軟，而且帶點彈性。顧名思義，每一棵雞蛋仔都佈滿了朱古力，很滋味，一粒二粒三粒的不斷吃，不禁愈吃愈多。但今次的朱古力不同味道，偏甜，可能轉了材料吧。他們的份量十足，我覺得一底的份量，2個人吃會剛剛好。