媽咪雞蛋仔 (已結業)

行過媽咪雞蛋仔，即使唔肚餓都想食翻一底。甜點幾時都有位置放入，我偏愛原味，喜歡吃那種蛋香的味道 配合麵粉等，製成外脆 內鬆軟綿密，糥糯的感覺 ，好好味，趕快食啊，涼了便差少少。今日要了他們的飲品，奶茶豆花，第一口啜下去 是奶茶加上豆腐花，很香滑。再細嚐這個奶茶，好濃味、好有茶香，超乎想像中好。套餐還有折扣，又可以省一點啦。

今日去開深水埗行街，未肚餓到食飯又有啲口痕，我哋就決定買餅媽咪雞蛋仔食啦！好開心去到門口一個人都冇，唔駛等即刻有得落單！掙扎左好耐要栗子雞蛋仔定係芝士雞蛋仔好，最後都係邪惡贏咗！落咗order芝士雞蛋仔！等左大約6-7分鐘，新鮮滾熱辣出爐！即刻搣咗一粒擺落口，有啲失望喎，因為平時食開上環嗰間媽咪，啲芝士多好多㗎直情有拉絲效果，呢間要食到中間先至有少少芝士味，不過咬落去香脆個口感都仍然keep得着嘅！希望咁多間分店嘅質素可以平均啲啦！

咁岩今日想食雞蛋仔，經過見到深水埗呢到有間媽咪雞蛋仔，買左份香蕉朱古力味俾自己，再買左份原味俾屋企姐姐...再買多份榛子朱古力格仔餅俾老公...仲有佢嘅檸檬茶...冇冰架，好好飲👍👍👍

媽咪雞蛋仔(深水埗) 水準能保持👍🏻每次去黃金商場看下有什麼新產品，總要去掃下街吃下咖喱魚蛋、飲下果汁還有吃我最喜愛的雞蛋仔及格仔餅😋。這間店每次都能保持水準，雞蛋仔外脆內軟 有蛋香。其實用料其他舖也有同樣標準，但出品之後 交給顧客之前 那份細分可能有別。店員見我在等待時，問我幾多號票，之後便告訴我還有一分鐘。雞蛋仔入袋之後他說要多等一會兒，吹得夠時間才唔會咁快軟身。格仔餅同樣有質感，牛油煉奶花生醬非常足料，好吃。

適逢今日早收工🙈還掂今晚無野搞就同成班同事黎深水埗覓食醫下肚先😆😆早前有朋友一直介紹呢間既格仔餅但一直都無時間去紅磡食不過今日發現原來深水埗都有分店😆還掂經過就一於去試下先！☺️我叫左原味格仔餅🙈可能夜晚既關係買既人都唔算多🙈所以好快就有得食😆格仔餅即叫即整😋所以拎上手仲熱騰騰夠哂溫暖☺️食落外脆內軟🤤而且花生醬既份量唔會話太少🤤雖然偏甜食落有啲漏但整體上朋友都無介紹錯既☺️☺️

粒粒飽滿的雞蛋仔吃完文記車仔麵已飽飽了，但見到媽咪雞蛋仔就忍不住買了一底來吃吃。朋友說深水埗那間店的雞蛋仔特別好吃，每次都很滿意的。顧客未算太多，我只需等二個號碼便可取食品，嘩！果然好味，粒粒飽滿，有蛋香，夠脆口，上佳之作。

晚餐食完麻辣干鍋還是餓，經過媽咪雞蛋仔見無人等，即刻企定揀一款來試，太多選擇，單是咸或甜已拿不定主意，芝士、麻辣肉鬆和鹽燒紫菜粟米都很吸引但最後還是選了甜的咖啡朱古力，可能揀得太耐，格仔餅收爐了。拍照才發現這雞蛋仔像膠面，外層質地好像比平常吃的實淨一點，也有脆脆的邊。食落都ok，用料足，滿滿朱古力，可惜有點蓋過咖啡味，喜歡咖啡味的或許選單一的味就好了下次或者試試原味會不會不同口感，還有要吃到格仔餅

吃了午餐 但好像還欠甜品，媽咪雞蛋仔的格仔餅很不錯啊，他們連續三年獲選為米之蓮2016-2018香港街頭小食推介的店舖。港式格仔餅 Egg Waffles 是香港地道美食，以前是用炭爐燒的，但我相信現在很少有，不久前我在離島就品嚐過。他們做的格仔餅，有傳統的 還有咖啡味 抹茶味或者是加配金沙醬榛子粒的。我喜歡最原始的原味，窩夫做到外面挺身而內𥚃鬆軟，窩夫遇上花生醬 牛油 煉奶及砂糖，那種滋味是沒法形容的，好好吃。

大熱🌟 媽咪雞蛋仔，身為抹茶控🍵既小編揀左【抹茶朱古力味】$28因為係即叫即製，都要等十分鐘。一拎上手熱辣辣😝 梗係襯熱食啦！ 咬落口外脆內軟，用料幾足夠，有蛋香味。抹茶味濃，而且食落去唔會太多朱古力粒蓋過左抹茶既味。-雖然價錢比起普通一般雞蛋仔貴，但都物有所值既。 媽咪雞蛋仔 Mammy Pancake營業時間：星期一至日 12:00 - 22:00為食指數：6/10推介程度：6/10打卡指數： 5/10性價比： 5/10

話說約了食鵝煲（唔知審核過左未，過左大家有興趣可以睇睇），但係呢要6點至開門，咁我地三人行又肚仔餓就買本人慕名已久的媽咪雞蛋仔食下啦～原本傾好點鳳凰卷雞蛋仔架，不過唔知係唔係我心中太渴望試黃金雞蛋仔，所以我點左都唔知，到拿上手至發覺（已餓到將點餐過程忘了），不過食落去好彩好食姐，唔係絕對被fd 用怨念眼神攻擊。每一粒食到咸蛋香match埋雞蛋仔的外脆內軟，yumme ~~不過杯抹茶就味道過淡，相都沒同它影

今天去黃金商場逛逛，看一看有什麼新的產品，新的資訊。午餐後還有點肚餓，見到'媽咪雞蛋仔' 在等候的顧客不太多，那一定要去買返一份慢慢嘆下。我好喜歡他們的產品，因為鋪頭乾淨衛生，他們細心地將做好的雞蛋仔放到夠涼，夠硬身才給顧客享用。選擇又好多好多，但我始終最喜歡就是原味的，有蛋香 而且吃起來的時間有份兒時的感情。其次 他們的出品很足料，這才可做到外脆內軟，好像有一個QQ的布包豆腐在其中，你可以一邊欣賞食物的味道，又可以欣賞 咬開、搣開、揭開後雞蛋仔的形態，雙重享受。

放工時間，來到深水埗打算吃車仔麵，但排隊的人真係好多好多！而且肚皮又打鼓了！便先看看四周有沒有小吃可以醫一醫肚..之後眼前便見到媽咪雞蛋仔！之前吃過雞蛋仔今次就試下格仔餅啦叫了朱古力金莎醬格仔餅（原味）等了又等.....終於到我了嘩😋😋好吸引呀！好多朱古力醬😍😍咬落去鬆軟程度剛剛好，是真真正正的外脆內軟..而金莎朱古力漿更加係冇得輸正呀每一啖都是爆醬的所以真是會食到成手都係..而且全個咀都會是朱古力醬所以我稱呢個叫髒髒格仔餅

媽咪雞旦仔 🥚老婆👸🏼最中意食🥚雞旦仔，經過深水埗見倒新開了媽咪🥚雞旦仔 買左經典雙重🧀芝士味 加鮮窄🍋檸檬水 $42 雞旦仔🧀芝士夾心多，味道不算很濃厚！鮮窄🍋檸檬水 反而是驚喜！🍋檸檬味重！似🍋檸檬汁多於🍋檸水！讚！👍🏻

去食嗰日係平日既1點左右，所以只需等5分鐘就可以攞倒熱辣辣既雞蛋仔。👍我嗌左最basic既原味雞蛋仔 ($16)🐥🥚👶🏻一攞上手已經聞倒好香，急不及待即食左一粒🤤果然同人地講既一樣 - 外脆內軟😋😋唯一令我感到可惜既係雞蛋仔聞起來好香蛋味，但是食落蛋味就唔太夠。😢如果蛋味可以再重啲就真係無得輸我最欣賞媽咪雞蛋仔既地方係佢好真材實料，因為依家坊間既雞蛋仔都偏向中間係空心，但媽咪雞蛋仔既就粒粒都好飽滿👍如果自己食晒一底真係會好有飽肚感🤰🏽值得一提既係當日幫我落單既女店員真係好有禮貌，又好笑容，作為食客真係會感到開心😎👧🏻如果要入膠袋，記得落單時講埋，因為會幫你吹凍少少再入袋。但我認為唔要袋比較好，因為雞蛋仔要即食先好，而且入左袋難免會令雞蛋仔難以透風，咁樣好容易會變軟‼️‼️

2018.4.7去深水埗唱happy hour K, 唱k前掃街食飽肚先去唱K，見到呢間出名的媽咪雞蛋仔，未試過想試下。點左個店長推介"鹽燒紫菜粟米"味道！雖然成$30一底，但真係好好味，好足料，粟米有混過牛油，好香牛油香，成底雞蛋仔整得好香脆，唯一美中不足係個紫菜不夠脆。整體都好好味。