咁多隻味之中，揀左原味，一底$18，平唔平見人見智，比完錢要等五分鐘左右先有得食，係即叫即整，好彩唔趕時間，咁玩下手機，好快就叫到我號碼。
一拎上手熱燙燙，雞蛋仔面比較亮身，用手輕壓係硬。雞蛋仔係要等佢散走剛起熱板既濕氣，等佢表面脆同變硬先恰到好處，呢間有做到。
先食一粒，面好脆，入面都飽滿同軟，每粒飽滿度平均，而連接每粒既薄脆都真係脆，加分。同北角雞蛋仔比較，呢間面層較厚，食落去脆得較明顯，入面軟糯，唔似北角既蛋糕口感，各有特色。係唯獨顏色唔均勻，同埋覺得蛋味不夠重，我比較鍾意蛋香多
作為香港名物既雞蛋仔，算係唔錯，下次可再試多啲唔同既味道
