媽咪雞蛋仔 (已結業)

供應創意雞蛋仔如紫薯番薯、栗子和抹茶紅豆味雞蛋仔都得到好評無論夾餅定係雞蛋仔都非常足料食雞蛋仔最怕空心,佢就無呢個問題 每粒都有餡 唔會甜到漏個味道好平衡外面脆如餅,中心蛋糕口感格仔餅厚實多醬好滋味  爆醬香甜濃甜朱古力平均消費$40評分8/10媽咪雞蛋仔深水埗福榮街92-98號常福大廈地舖

今日蛇王行過,發現媽咪雞蛋仔門面靚左好多,突然有d 想食,見到有伯爵茶味,幾得意喎,但要等佢即整,都要等一陣喎,咁蛇王蛇太耐唔好架嘛,咪返去鋪頭先,點知有friend打黎話係附近,咪叫佢幫我買囉,黎到,見到個袋,嘩,乜家陣雞蛋仔都靚到咁呀?手抽立體卡紙袋,有埋透氣窿窿,拎得方便又唔會揸到個雞蛋仔扁曬,透氣窿窿又令到雞蛋仔唔會焾曬,好利害既設計,其他我已經好耐好耐冇食過雞蛋仔,一黎就試伯爵茶,唔知會點呢?搣一粒出黎.脆既.聞下,好香伯爵茶味,入口,完全唔甜,外面脆得黎入面綿密,嗯,係好食既,$28一底雞蛋仔,係要花d 心思啦,不過地圖話深水埔媽咪雞蛋仔係良心店,咁唔怪得好食啦.

💛媽咪雞蛋仔·因為疫情嘅原因真係超耐冇喺條街度食呢啲街邊小食😭😭咁啱個日食完間cafe仔覺得可以食多少少野 就嚟咗買雞蛋仔食😍😍·鳳凰卷$34雖然佢呢個比原味貴好多 但係因為我超鍾意食鳳凰卷 所以我地都係買左🤣🤣佢中間塊紫菜係鹽燒紫菜嚟嘅 超大塊 而且食到最後都仲係超脆 唔錯唔錯🤤佢個肉鬆分布就唔係好均勻啦 佢主要係得中間先有 佢有肉鬆個啲口感係真係幾豐富既 帶有啲啲鹹香咁 不過中間加左肉鬆佢粒雞蛋仔就偏實 個蛋味無咁出咁 但係都係食唔停口既😈😈·#rbyeat#rby港式#rby💛#rby深水埗·📍深水埗福榮街92-98號常福大廈地舖

平時經過媽咪雞蛋仔一定會買返底原味雞蛋仔食，個人認為又脆又香。琴日經過深水埗呢間，由落單到拎得等左成20幾分鐘，其實前面無乜人排隊，只係唔知點解我見好多爐頭都係整緊野食，個服務員一底一底慢慢整。唔一次過2-3張單整。 變左就要等好耐，想食就真係要花時間等了。人手就有3個，好似得一個人做野。旺角，都唔洗等咁耐

雞蛋仔癮起通常都會去《媽咪雞蛋仔》買的，喜歡佢真材實料，不是空心得個殼的，仲要外脆內軟⋯⋯而且口味選擇又多又夠特別，今次就試咗有機栗子味同咖啡味，兩個口味都好香同好好食！好想試晒全部口味呀！好野多人等，終於到手啦咖啡雞蛋仔$25超香既咖啡味，連唔好咖啡既我都覺得正呀有機栗子雞蛋仔$32係有原粒粟子嫁⋯唔係碎上同食完都唔知食左個隻⋯兩個人一人一底，可以交換食⋯食到飽⋯連lunch都唔洗食啦，好滿足呀

呢間舖頭相信大家都唔陌生，就算係反送中之前，呢間嘅雞蛋仔已經好出名😋但咁多年佢都維持到佢嘅質素😎佢唔單止有最傳統嘅原味，仲加入左唔同特色、味道嘅雞蛋仔🤪作為香港人💪🏼緊係要撐番香港本地嘅街頭小食啦！🧇==============================🧇 媽咪雞蛋仔 (深水埗)📍深水埗福榮街92-98號常福大廈地舖 （深水埗站D2出口，步行約2分鐘）⏰ 星期一至日 12:00 - 22:30==============================1️⃣ 【粒粒朱古力雞蛋仔】$25雞蛋仔就最怕佢唔脆同埋係空殼公司🙄不過佢入面啲朱古力都好足料！每一粒入面都會有朱古力🍫朱古力味真係好rich，絕對唔馬虎！由於佢係即叫即整，就算係咁凍嘅天氣拎到番屋企🥶佢都仲係暖粒粒🥰啲朱古力仲係暖暖地溶溶地嘅狀態🤤但即使朱古力味雞蛋仔，都唔話係好甜好漏🧟‍♀️拎到個好好嘅平衡😚(🔥怒食指數：9/10)==============================🔥評分：環境：8/10（外賣）味道：9/10性價比：8.5/10總分：8.5/10==============================

媽咪雞蛋仔推出左2個期間限定口味～分別係「紫薯番薯雞蛋仔」同「牛油果朱古力雞蛋仔」～今次我就試左「牛油果朱古力雞蛋仔」～我最鐘意就係牛油果，基本上我覺得佢配搭任何嘅食品飲品都會好夾～今次嘅雞蛋仔都冇令我失望～牛油果蓉超滿，勁香牛油果味～再加上粒粒朱古力，又足料又香濃～另外仲試左「粒粒朱古力雞蛋仔」～可能呢個冇果蓉嘅關係，真係做到超脆！完美咁表達出咩叫「外脆內軟」～而且真係粒粒都有朱古力，非常足料～味道就唔會太甜，濃濃朱古力香。

黃店推介💛一直都很喜歡吃雞蛋仔，奈何現時動輒索價二三十元一底，所以不常吃☹️·<抹茶紅豆雞蛋仔> ʜᴋᴅ 29即叫即製十分新鮮，稍微放涼會更脆😉抹茶味沒有很濃，細心品嘗能吃到一抹甘味🍵喜歡它沒有中空的情況出現，毎粒雞蛋仔都很飽滿🥰紅豆粒分布亦均勻，不會過甜😌

食完好味午餐，又係時間食甜品，今日係食媽咪雞蛋仔及港式奶茶豆花。媽咪雞蛋仔用料十足，雖然價錢係貴咗少少，但品質有保證而且比較衞生。我極力推介是他們的凍奶茶系列，如果跟餐更可以減4元。這個系列有五款，有港式奶茶、奶茶豆花、奶茶沙冰、奶茶蒟蒻、和奶茶紅豆，遲啲要試哂5款。港式奶茶豆花 茶底非常香濃幼滑，輕輕一啜你會滿心歡喜，攪動一下大力一啜咖啡和豆腐花混為一體，非常好味，而且他們預先將飲料冷藏足夠時間，飲的時候涼入心甜入心，哈哈其實甜都只係剛剛好，好飲呢！

來到深水埗執平野，買完野一出黄金商場見肚餓，面前就有門面七彩豐富的媽咪雞蛋仔，又熱又餓嘅時候，最好就係嘆返個飽肚冰凍的雙重滋味。雲尼拿雪糕牛油果朱古力雞蛋仔即叫即製需時，所以等左5-8 分鐘左右，大大件夾住兩大球灑上碎朱古力雪糕出爐，出爐時實在太邪惡，兩個人Share 也覺得大件抵食。值得一讚係餅底的牛油果同朱古力件粒粒分佈平均，每粒都食到兩種味道。讓我對雞蛋仔新口味有更多幻想的空間，難怪是米芝蓮保持推介的香港小食店之一，最後飲個凍鮮榨檸檬汁，So fresh!👅美味: ⭐️⭐️⭐️⭐️/5💫回頭: ⭐️⭐️⭐️⭐️/5💡性價: ⭐️⭐️⭐️⭐️⭐️/5

平時我好中意食佢地既雞蛋仔，今次試下加雪糕!綠茶朱古力雞蛋仔加vanilla 雪糕雪糕有兩球，上面有朱古力針我係外賣返屋企食，估唔到雪糕無咩點溶到雪糕仲要好綿滑，但唔會好重奶味!綠茶朱古力雞蛋仔綠茶帶有微甘香，係真茶味，但又唔會搶左朱古力味另外，朱古力份量十分多!粒粒雞蛋仔都佈滿左朱古力而且仲要係粒粒實心足料今次想飲下佢啲fresh嘢飲，叫左鮮榨檸檬水好清新，不太甜，超解渴!跟雞蛋仔一齊買仲有得減4$

深水埗之友一定知附近好多好野食，又足料又飽肚又令我呢個街坊回購的都係呢間，同時我覺得好幸福，因為好近我屋企，方便到不得了。本身想食返開心果，但賣曬未有，甘就嘆個茶啦。伯爵茶朱古力味真係好正，用上twinings 伯爵茶，勁香茶味，再加入濃厚的朱古力醬，朱古力碰上茶香，唔會搶味，反而混在一起更好味。天氣熱，想食雪糕，今日係雲尼拿雪糕，更加好，充滿奶香味，細路仔見到我食到津津有味都扭媽媽買，哈哈哈另外，買埋港式奶茶，茶味較重，很香濃，凍奶茶係好飲既，亦有淡淡的奶香，今次真係嘆左一個下午［茶］。

身為香港人很難抗拒街頭小食的魅力，間唔中就想買底雞蛋仔咬下。媽咪雞蛋仔出名多口味又創新，每次經過總會有新配搭吸引到我，今次就試左牛油果朱古力雞蛋仔，入面仲真係有牛油果肉，超過癮。媽咪雞蛋仔周圍都有分店，我最常去的是深水埗福榮街店，這一帶是平價小吃集中地，沒事來掃街最開心。店面總是貼滿餐單和新口味雞蛋仔，今次我就被「朱油果朱古力」和「法式檸檬芝士」，丫，真係咩都可以變做雞蛋仔個喎。除了吃雞蛋仔，其實媽咪雞蛋仔也有很多飲品揀，而且都唔係一般咖啡奶茶咁簡單，我最鍾意奶茶加豆花/蒟蒻，唔輸俾台式珍珠奶茶。 牛油果朱古力雞蛋仔 HK$35牛油果控見到牛油果雞蛋仔當然即刻要試，入面粒粒滿晒朱古力，最驚喜係咬咬下發現仲有牛油果粒，真材實料之餘，味道也很特別。 法式檸檬芝士雞蛋仔 HK$35這個是新上市的口味，味道大概就像法式檸檬批，吃起來帶點檸檬清香，微微的酸調加上芝士鹹香，非常獨特有創意。牛油果朱古力雞蛋仔入面真係有牛油果，朱古力份量也很足呢。 奶茶芒果蒟蒻 HK$24 / 鮮搾檸檬水 HK$20媽咪雞蛋仔的奶茶都唔馬虎架，飲起來有紅茶的澀味也有淡奶的幼滑感，夠風味之餘仲有蒟蒻咬下幾開心。鮮搾

我係好中意食雞蛋仔，亦試過唔同店舖既雞蛋仔，始終係媽咪雞蛋仔最足料抵食!伯爵茶朱古力雞蛋仔好香伯爵茶茶香，粒粒雞蛋仔都佈滿朱古力，超級足料!雞蛋仔外脆內軟! 茶香同朱古力香唔會互搶!好夾芝士雞蛋仔原本以為芝士會好膩，點知又唔係，芝士咸香好出，同原本雞蛋仔既蛋香都好夾!咸既雞蛋仔我會推介呢款!而且粒粒都足料實心!加飲品可以減4$所以都試左兩杯沙冰奶茶沙冰係今期限定，奶茶香係好似茶餐廳飲既奶茶，好地道夏天飲好透心涼而且唔會太甜!特濃朱古力沙冰超濃郁既朱古力香!而且仲食到粒粒朱古力，好滿足不過略嫌有點過甜不過都推介!

而家長時間要戴口罩，冇得隨便喺街食嘢！好耐好耐冇掃街、冇食雞蛋仔！今日經過終於忍唔住買咗返屋企食！今次試咗兩個新口味：香蕉朱古力雞蛋仔黃金雞蛋仔新鮮出爐嘅雞蛋仔好香脆，而且好足料，每一底都好有份量㗎香蕉朱古力雞蛋仔佢一粒都有香蕉朱古力㗎！超正呀 不過都幾飽肚！黃金雞蛋仔真係好多鹹蛋黃，每粒都有，鹹香十足呀！除咗雞蛋仔，仲要咗兩杯飲品！鮮檸水 同 柚子梳打 好清新，非常之消暑仲有好多特別嘅味道！下次再試吓其他