姚姚酸菜魚 (希慎廣場)

营业中

休息中

講起酸菜魚菜式, 熟悉嘅餐廳少不了姚姚酸菜魚! 今次我地揀左喺銅鑼灣嘅希慎廣場食, 因為希慎分店面積夠大, 坐得舒服自在. 睇完菜單, 朋友想試下辣蝦, 而我就只想食姚姚最招牌嘅酸菜魚, 咁我地就叫咗個雙拼🐟🦐姚姚酸菜魚 拼 避風塘大蝦呢道菜以新鮮嘅鯽魚同泡菜一齊燉煮, 湯汁酸辣開胃, 魚肉鮮嫩可口. 再加埋炸得香脆嘅避風塘大蝦, 令人垂涎欲滴🥬上湯野菌浸娃娃菜 蘑菇嘅香氣同清淡嘅上湯, 令娃娃菜保持住蔬菜嘅鮮甜, 同時帶有淡淡嘅菌菇風味, 清新可口🍋爆打青瓜檸檬茶 呢杯清涼解渴嘅茶飲入面, 青瓜嘅清香同檸檬嘅酸爽交融, 清新怡人, 係一款搭配辛辣菜餚嘅好選擇🥖香港油條 我哋試咗一個神秘嘅食法, 就係將炸到金黃色嘅香脆油條浸泡喺酸菜魚湯中數秒, 然後一口咬落去, 又酸又辣又香, 十分過癮💛個人必食推介: 酸菜魚雙拼浸油條返食指數: 🥑🥑🥑🥑(5🥑滿分)#姚姚酸菜魚 拼 #避風塘大蝦 ($308)#上湯野菌浸娃娃菜 ($58)#爆打青瓜檸檬茶 ($38)#香港油條( $38)______________________________📍 姚姚酸菜魚 (希慎廣場) (銅鑼灣)銅鑼灣軒尼詩道

喺銅鑼灣時代廣場睇完戲，諗唔到食咩，就去咗希慎，見到好多餐廳都排晒長龍，但姚姚酸菜魚竟然冇人等位🤷🏻‍♀️，經理仲話可以任坐😮，就去試吓啦，佢俾我哋2人坐4人卡位，仲係窗邊位，位置都相當闊落🫢❣️春夏滋味套餐 $338📍姚姚酸菜魚（精裝版）酸菜魚份量係比較少，一撈已見底🥸，魚肉算滑但較多骨，湯底都一般，唔夠辣同酸🙂‍↔️，整體較為遜色🤨📍北京烤鴨（半隻）北京烤鴨等嘅時間比較耐，可能真係即叫即烤😂😂，鴨皮香脆多油脂，鴨肉味就唔太濃，配上青瓜絲、大蔥絲、紅菜頭同甜麵醬夾住薄餅食冇咁膩😙📍川味鴨架經理話可以轉做是日涼菜，食咗咁多濃味嘅嘢就試吓轉麻醬雞絲粉皮，味道就係普通嘅麻醬加雞絲粉皮🤪❣️手打檸檬茶 $19凡惠顧神仙套餐，可以半價加飲品，今次試咗手打檸檬🍋茶，但睇到份量係偏細，如果正價就真係唔會飲，味道就正常檸檬茶味🫢🏦是次消費總額 $418（人均消費 $209） 🍴須加一服務費👅好味度：7（10分滿分）有少少失望係一間主打酸菜魚嘅店舖竟然係北京烤鴨做得比較出色，曾經試過內地嘅姚姚酸菜魚，記憶中嘅味道係好嘅，點知喺香港食到嘅竟然相差咁遠，價錢亦都貴好多，所以應該唔會再試🤷🏻‍♀️

話說好耐冇食酸菜魚但又好想食片皮鴨喎姚姚呢個👉🏻『 #滋味共享套餐 $438 』 就fit晒啦～有齊 ·#片皮鴨 （半隻） ➕ #酸菜魚 ·仲加埋 川味鴨架 及 是日涼菜 ～🥢《 是日涼菜 》 係 籐椒無骨鳳爪 ～ 鳳爪爽口，香麻帶辣惹味～🥢《 川味鴨架 》 鴨肉入味，辣得開胃～🦆《 片皮鴨 （半隻）》 鴨皮有油光吸引，入口香脆鬆軟兼有油香，連著嘅脂肪唔多，刀功唔錯～鴨肉仍嫩唔柴～🫓餅皮新鮮熱烘，薄身Q彈，放涼咗都唔會變乾硬～ 配料有山楂、青瓜同蔥絲、糖同醬汁～ 🐟《 姚姚酸菜魚（2-3人份） 》揀咗唔辣、走芝麻～好大盆！湯低酸香，用上2條魚，魚肉多又十分滑嫩～湯中無其他配料，想食其他可以另加配～因為魚肉多，我哋都好飽無加其他料～ 🥬《 上湯野菌浸娃娃菜 $58 》湯底鮮甜，有杞子同娃娃菜～如果娃娃有切開會易食啲～🌈《 彩虹烏龍冰粉 💲68 》冰粉滑溜微甜～上面放有提子乾、酒釀、紅豆、西米、花生碎、黑芝麻及椰奶7款配料，七彩繽紛好吸引，而且口感味道同樣豐富， *🚫茶芥收費 *✅加一服務費*

之前朋友食過話尖沙咀嗰間幾好食，今日行開銅鑼灣就試吓，佢有好多套餐揀，我哋揀咗姚姚雞泡魚套餐，有酸菜魚同雞煲，仲有小食同飲品都係$398。有酸菜魚點可以無寬粉，所以加左$38寬粉，仲加左萵筍。小食酸辣土豆絲，係涼菜，好爽脆，切絲夠幼，加上辣油，辣味比酸味多少少，酸酸辣辣好開胃。酸菜魚兩人份，魚片夠大塊，份量大，係超多魚片，配有香蔥香蒜，乾辣椒等啊，但要加寬粉，佢同個酸菜湯好夾，魚片好滑，無骨同鬆化，酸味濃，叫中辣就啱啱好，寬粉厚身有咬口，煙煙韌韌，配埋酸菜魚湯係超好食！萵筍夠爽口，酸菜配埋魚片少少辣好惹味。雞鍋配料好多，有洋蔥冬菇竹筍同少少辣椒香蔥，仲有木耳，啲配菜好入味，雞件好香口，因為佢有爆香炸左先炒，惹味得黎唔太鹹，味道係好既，啱鐘意吮骨之人。值得一讚嘅係佢有用火暖住啲酸菜魚同雞煲，keep住個溫度，所以可以慢慢食慢慢傾計！

想食酸菜魚，梗係要揀間人氣🔥🔥姚姚酸菜魚更推出套餐，性價比即刻 🆙 套餐包括有半隻烤鴨同酸菜魚，心大心細唔知食咩嘅你就可以以一個價錢食哂2款美食🫶🏻🫶🏻最近仲推出左四人餐，好抵食，就下次可以帶埋屋企人一齊嚟食喇‼️滋味滋味套餐$338手機自助落單夠哂方便，酸菜魚更可以根據自己口味自由配搭，揀咗小辣，魚片肉質嫩滑，加上酸菜等，香辣酸麻口感非常惹味😋😋北京烤鴨（半隻）唔妹睇少半隻，份量足夠兩個人分享，皮香肉嫩，配上秘製醬汁、京葱等，再沾到上砂糖，口感層次豐富，滋味十足川味鴨架烤鴨二食，入口香口麻辣麻醬雞絲粉皮好香花生麻醬味，撈勻雞絲及粉皮一齊食，係一款唔錯涼拌小菜

🤔招牌酸菜魚午餐 湯底普普通通，較酸。魚肉都算滑，但較唸身，冇咩味。酸菜都好酸吓。整體嚟講，味道比較單一偏酸，同食平價嘅酸菜魚分別唔算大。性價比唔高。麻辣燙午餐 - 藤椒湯湯底覺得呢個套餐比酸菜魚套餐抵好多！$88有得揀三種肉類、三種菜類、仲有檸檬茶同甜品送。湯底方面，係雞湯加上濃郁嘅花椒味道。選咗中麻，都唔算話好麻，剛剛好。冇咩辣味但又有花椒嘅香麻味。味道恰到好處。配料方面：薯粉煙煙韌韌。肉類方面，肥牛就普通，肥肉部份比較多。嫩牛肉係平時中式炒牛肉嗰種質地。個人覺得嫩牛肉好過肥牛，冇咁多肥肉。豚肉比較硬，好似腩肉嘅質地。鱸魚片都算嫩，冇骨。牛丸比較大浸騷味，麻麻。另外仲有三種菜或豆類揀，花菜即係椰菜。千葉豆腐係冇味嘅類似魚片質地嘅物體。麻麻。 👌🏼麻辣燙午餐 - 麻辣湯底麻辣湯底都算濃郁，似重慶火鍋湯底嗰種味，都惹味，符合預期。不過講特色，藤椒湯底喺其他餐廳少有嘅味道，都係會prefer藤椒湯底多啲。另外跟餐仲有冰粉同埋檸茶送。檸檬茶仲可以揀走甜或者走冰，好靈活，唔錯。食物： ★★★☆☆ 環境： ★★★★☆ 推介度： ★★★★☆

地點方便環境又大又靚，玻璃窗夠大，有得欣賞日/夜景🌃✨姚姚酸菜魚 二人份～酸菜魚賣相吸引，綠色嘅湯汁很濃郁，湯頭辣酸中帶點麻，清新爽口，不會過於酸澀，我選擇了小辣和少油，更降低整個菜品油膩感，魚肉薄而大塊，入口滑溜，肉質鮮嫩，完全吸收了酸菜香氣。我哋加咗配菜千葉豆腐和金菇菜，增添飽腹感，很吸湯汁。✨菌香雞煲無辣口味，醬汁係甜醬油風味，大人小朋友都食到，濃郁湯汁冒著陣陣香氣，雞肉彈牙鮮嫩，好入味，加入菌類，滋補養生，又口感豐富！

Tiffany Blue嘅裝修好吸引眼球，原來食魚都可以咁有格調🥰天氣咁熱，坐低先來一杯香橙綠茶，茶色清澈，香橙酸酸甜甜，味道清爽，不會澀，回甘感很好。姚姚蕃茄魚(2人份) :擺盤整潔，蕃茄酸甜適中，湯汁味道濃郁，份量都算多，我哋兩大一小都夠食，魚肉嫩滑，入口十分鮮香，我哋加咗寛粉條和肥牛，更增加口感層次，酸酸甜甜，越食越開胃！涼拌土豆絲:土豆絲切得均勻細長，小辣口味，入口脆爽，凍冰冰，麻辣得來，突出土豆原味。烏龍冰粉:天氣咁熱，點少得凍冰冰嘅甜品，冰粉晶瑩剔透，色彩搭配很漂亮，入口Q彈爽滑，清涼解暑。

店名: 姚姚酸菜魚地址: 銅鑼灣軒尼詩道500號希慎廣場13樓1301號舖銅鑼灣站F2出口，行3分鐘環境: 4/5價錢: 4/5味道: 4/5一直都知道姚姚酸菜魚好出名，今次就同朋友黎食佢哋嘅套餐，有半隻烤鴨同酸菜魚，一個價錢食哂種😆最近仲推出左四人餐 ，好抵食，下次可以同屋企人一齊嚟食🤩春夏滋味套餐❤️❤️❤️❤️$338姚姚酸菜魚❤️❤️❤️❤️麻辣程度都可以自由選擇，今次揀咗少辣，魚片夠哂大塊，肉質好嫩滑，加上酸菜等，整體十分惹味😆北京烤鴨(半隻)❤️❤️❤️❤️❤️北京烤鴨就算叫半隻，份量都好足，皮香肉嫩，入口一啲都唔油膩，鴨香味甚濃，配上秘製醬汁、京葱等，再沾到上砂糖，層次分明又美味🥰川味鴨架❤️❤️❤️❤️北京烤鴨有二食，鴨架口感酥脆，帶上微辣，十分惹味😌涼拌萵筍絲❤️❤️❤️❤️❤️$58萵筍切成幼絲，配上醬汁，清新之餘，口感亦十分清爽😗彩虹烏龍冰粉❤️❤️❤️❤️$68份量十分大，配料有提子乾、花生碎、黑芝麻、紅豆🫘等，加上口感順滑嘅冰粉，炎炎夏日食翻碗就啱啱好☺️

🩵🧡💚去酸菜魚店唔食酸菜魚🌶️依個季節就最啱食啲麻麻辣辣嘅嘢，開胃又過癮！今次嚟到姚姚酸菜魚，唔食酸菜魚😂因為想試吓佢哋嘅新嘢呀！🤩❤️美極鮮辣汁麻辣香鍋❤️ $198麻辣香鍋可以揀牛或豬😚牛魔王嘅我緊係揀牛啦！依個大大盆嘅麻辣香鍋有嫩牛肉、牛柏葉、鮮豆皮、椰菜花、薯角，肉類份量都唔少，超級豐富！🐮美極鮮辣汁令麻辣香鍋多咗鮮美香辣🌶️，配搭花椒麻香，越食越上癮！💚豪吉藤椒油麻辣燙💚 $88另一個新品就係麻辣燙🤤未食已經聞到豪吉藤椒油有幾過癮！鮮麻清香嘅豪吉藤椒油麻辣燙，掛上每條手工麵條🍜真係好正！6款自選配料分別揀咗: 鱸魚片、豬頸肉、魷魚鬚、萵荀片、油麥菜、脆魔芋絲！🤩口感都好豐富！💛解辣奇冰💛依家有快閃優惠午市套餐，食麻辣燙會奉送三色冰粉 解辣特飲🍧食完辣嘢😏緊係要解辣爽一爽啦！🧡北京烤鴨🧡 半隻 $188半隻都好夠食😛用煙韌軟糯嘅麼麼皮包住烤鴨 油脂均勻、皮薄肉嫩多汁，配上青瓜條🥒蔥絲、秘製填鴨醬，味道有層次！流連忘返🤤依間酸菜魚店除咗酸菜魚正，新品都好有驚喜🤣麻辣香鍋同埋麻辣燙都必試呀！BTW記得save post，方便向店員查詢有關餐點啦❣️📍姚姚酸菜魚📍銅鑼灣軒尼詩道500號希慎廣場

今晚約左朋友行久違噶銅鑼灣，肚餓噶時候，2人都有選擇困難，於是就決定來呢間位於銅鑼灣軒尼詩道500號希慎廣場13樓1301號舖噶姚姚酸菜魚 因為2人都想食辣辣地噶野。然後又又又一次選擇呢間！環境超正，尤其係近窗位，一邊食，一邊欣賞夜景，真係身心舒暢。今次選左麻辣豚香鍋，材料豐富，有豬肉腩片，重慶酥肉，鮮豆皮，椰菜花，薯角，份量超級多，慢慢一大盤，味道麻辣鮮香，配飯一流。清新騰椒湯，材料自由搭配，有鮮蝦，鮮豆皮，油麥菜，木耳，豚肉，鱸魚片，湯鮮帶有藤椒噶清香，一口一口食唔停。黃金炸脆小酥肉，外層脆脆，配上辣椒面，好惹味。藤椒無骨鳳爪，藤椒香味十足，鳳爪脆彈，因為無骨，一口一個，超方便。彩虹烏龍冰粉，簡直比臉還大，配料有，酒糟，提子，花生碎，黑芝麻，丸子，紅豆，甜度適中，解麻一絕，吃麻辣噶菜必點。今晚呢餐，真係飽足12個鐘。

其實本來想試下佢酸菜魚，但原來酸菜魚冇一人份，唯有叫小菜餸白飯啦。太愛佢既辣汁！叫左最少既辣，佢個汁香多過辣裏既料人曬味，餸飯一流。雖然睇落好細碟但份都唔少，唔夠食既原因係因為好食。叫多左個窩荀涼拌，除左本人鐘意食窩荀之外，亦可以解一解辣，估唔又幾好食😋兩個小菜已經令我想再食，西利！

姚姚酸菜鱼这是一道经典的川菜，以酸菜和鱼为主要食材。它的特点是酸辣爽口，鱼肉鲜嫩，搭配上酸菜的酸味和香料的独特调味，形成了独特的口味风格。有丰富的配料，豆芽、豆腐等等。增添了口感的层次。片皮鸭（半只）片皮鸭的皮薄脆香，肉质鲜嫩多汁，搭配上特制的酱料和薄饼，使得每一口都充满了浓郁的鸭肉香味和口感的享受。川味鸭架川味鸭架有浓厚的麻辣口味，搭配上川菜特有的调料和香辣的火锅底料，使得鸭架肉质鲜嫩，带有辣味的麻辣香气，让人回味无穷。

🍽️ Boiled Fish in Tomato Soup (姚姚番茄魚) $288好紅🤣 但其實唔係辣油，係番茄湯🥣 因為要戒口，所以食唔到最出名嘅酸菜魚😌 但正因為唔辣，所以先食到魚肉的鮮味🐟 塊塊厚肉～🍀🍽️ Spicy Pork Pot (麻辣豚香鍋) $198鍋裡面有：豬腩片、重慶酥肉、鮮豆皮、椰菜花、薯角😝 最好吃是重慶酥肉，炸得香～ 加上美極鮮辣，真的辣！🍀🍽️ Fried Milk Custard (姚姚脆奶) $58炸得很脆，而且沒有多餘的油分👍🏻 不甜，好味！🍀想收到更多美食資訊，請追蹤@greatfood_grateful

之前一直都想試呢間，今次同朋友去咗希慎行街，所以去試吓！美極麻辣牛香鍋（嫩牛肉、牛柏葉、鮮豆皮、椰菜花、薯角）：香濃既麻辣味混合美極鮮醬油、再加上指天椒及花椒，令到辣味層次豐富！而鮮嫩嘅牛肉、爽口嘅牛柏葉同外脆內軟薯角，相當惹味，令人吃得開胃🩵姚姚秘製經典麻辣燙用上清新藤椒湯做湯底配上蝦、魷魚鬚、黑木耳、萵筍片、鮮豆皮同寬薯粉條！湯帶有清新藤椒味同小小麻辣味，十分清新香辣，讓人回味無窮😍藤椒無骨鳳爪：無骨鳳爪十分鮮嫩，香辣味十足彩虹🌈烏龍冰粉 ：彩虹粉有芝麻、寒天、花生、酒糟、椰奶、紅豆同提子乾！這個一定是必叫的，尤其是吃完辣嘢的時候，非常解辣、消暑！手打檸檬茶/新鮮水果烏龍茶：解辣一流👍