姚姚酸菜魚 (港威商場)

营业中

休息中

好耐好耐無食酸菜魚，今次來到尖沙咀同親戚食飯！佢地選擇左呢間餐廳！反正好耐冇食過就試吓啦！都叫咗啲小食嘅！有皮蛋、土豆絲、蓮藕仲有豬手！最令小編滿意嘅係皮蛋！皮蛋個味道都OK嘅！唔算話太辣！個口感都唔錯嘅！仲要好難得見到黃金皮蛋另外、土豆絲就令人有啲失望啦！冇咩味！冇辣味冇鹹味！真係好似一啲薯仔切條落去就算數！再者，蓮藕嗰個又冇乜味！唔算辣，小編食咗幾舊就冇食啦！至於豬手方面！雖然就夠林啦！但係個汁就唔合格，得個鹹字！完全配合唔到個豬手！豬手就好似冇乜肉最後講返主角酸菜魚！酸菜唔夠酸！個湯底又得個鹹，又冇酸又冇辣！魚又腥又無魚味！D金菇又係一大件咁放落嚟咁，d豆腐又唔入味！真係唔掂！最後服務態度方面尚可，但價錢方面偏貴！

真係超耐冇試過堂食自從有疫情以來基本上都冇出過門口難得今日朋友一齊約埋話食酸菜魚一於去試吓新嘢講返呢間嘢都好國產feel自動機械人出餐酸菜魚中規中矩驚喜嘅係竟然有炸鮮奶炸鮮奶味道唔錯其他涼拌野都有一定嘅水準但略嫌佢呢啲食物都比較相對油同埋我係用海港城coupon食先咁平如果平時正價食我覺得有啲唔太值可能大陸食酸菜魚太平～整體來講尚算感覺唔錯坐得幾舒服

星期六1點去到，侍應表示walkin要留電話，大約1:45先有位。因為太想食加上附近想食既餐廳都係要排隊，就決定等。我地行左個圈，1:45返到，侍應就安排我地入座，之後有其他客人walk in ，侍應都係同佢地講要等45分鐘。提早一日book枱最好。今餐總共用左4張海港城$50美食優惠券，埋單實付$268，抵食。只不過侍應比較cool ，無乜笑容。黃金脆炸小酥肉($78)係酥肉同姚姚雞翼之間揀一款，最後揀左酥肉果然係無揀錯。酥肉炸得酥脆，唔油膩。最怕炸野咬落得炸粉係無肉，但尼間既酥肉係有一條札實既肉 ，口感唔錯。我地揀左正常辣度，辣度適中，麻麻地又辣辣地，好醒神開胃，惹味，推介。(個人口味S: 5/5)(個人口味E: 4/5)姚姚酸菜魚($278)魚片爽脆，唔會一夾就散，數量都好多，好似食極都有，辣度剛好。配料揀左寬粉($38)，係厚實既寬粉，大約一人份量，menu無寫，係手機落單會見到。有2個魚頭，但係無肉食既。本身附有大量酸菜，都幾好食。白飯($15)配酸菜魚既湯汁惹味，餸飯一流。如果2個人食，覺得total起碼叫3個配料比較合適/豐富。酸菜魚個盆下面擺放蠟燭，保持溫度夠熱，食完酸

大概下午二點多等了半個鐘入座，點了餐坐著等。幾個服務員看起來很忙碌走來走去但是我們坐了很久也沒有送上水來還是主動要求了才送上。之後開始漫長的等餐，先是上了油炸鬼和冰粉，吃完這兩樣已經快飽了酸菜魚還沒有上來。關鍵這時候我們發現隔壁桌還有後面比我們晚15分鐘入座的都已經快吃完了。於是開始一次又一次的催單，每次催服務員都說好去催，但沒有任何feedback回來，就這樣又等了將近半個鐘，我們已經完全失去耐心，直接讓服務員請他們老闆出來去廚房催，這樣才又等了將近十分鐘菜終於上來了。最生氣的不是等菜，而是這漫長等待期間沒有一個服務員告知菜品久久不上的原因，也沒任何抱歉的意思所以最終菜品上齊了我們也沒吃幾口就走了總之體驗太差了 一天的好心情都沒了

😏 嘩! 好猛料喎, “姚姚酸菜魚” 開店幾個月有50+ 個食評. 📙幾年前係大陸食過酸菜魚, 一試難忘, 香港食唔番. 聽講酸菜魚起源於重慶, 近年香港興起. 早期有餐廳譯做 Sauerkraut Fish, 幾有趣. Sauerkraut 其實係德文嚟, 解酸椰菜. 應該就係放喺鹹豬手側邊嘅配菜. 另一間酸菜魚舖 “廚十三” 就係用Sauerkraut Fish. 而家好多餐廳譯 Boiled Fish with Pickled Cabbage.🤗 喺香港一路試新店, 就係想搵番大陸食過嘅味道. 近日喺朋友口中聽過 “姚姚酸菜魚” 幾次. 神推鬼㧬, 今日嚟開飯. 午市冇套餐, 單點咗滕椒無骨鳳爪, 酸菜魚拼水煮牛肉.🥢 餐廳格局走新派中菜路線. 提供餐牌, 但落單就要用手機.🫖 每台先嚟一樽熱茶.🦶小食: 藤椒無骨鳳爪. 一流嘅川椒味道. 鳳爪細細舊, 好腍, 黐到味. 藤椒有別於花椒麻椒, 麻味較柔和清新.🐟 酸菜魚併水煮牛肉, $308. 加咗午餐肉 (+$40), 寬薯粉條 (+$38). 個煲好大, 煲底仲有少少火㷫住.首先講下水煮牛肉. 麻香味不足, 味道唔似平時食慣嘅

酸菜魚新鋪喺海港城，梗係要試吓啦，何況又可以用優惠券兩個人叫咗兩杯嘢飲，皮蛋同一個酸菜魚，皮蛋都幾好食，跟住再嚟兩杯嘢飲，我真係淡而無味，酸菜魚我哋再加左萵筍，薯粉，但係足足等咗九個字酸菜魚先至嚟到，可能漏單啦，隔籬枱遲過我都已經食緊，但店員同我哋講仲話師傅整緊😕酸菜魚上枱係好吸引嘅！但係食後就有啲失望，因為食酸菜魚通常比較濃味，但呢一個酸菜魚就比較清淡，可能對於一啲喜歡食清淡嘅人會比較喜歡，但我哋對酸菜魚嘅期望係比較喜歡食一啲濃味。總括來講，用咗優惠券，埋單每人都係$150 ，算抵食

今日疫情嚟咗海港城，中午搵嘢食，見到呢間新開嘅酸菜魚，仲可以用海港城優惠券（ 100元減50元）⭐️⭐️⭐️⭐️⭐️即刻試吓。《酸菜魚拼水煮牛肉》308 + 10%《缽缽雜錦》88 + 10%餐廳已淺藍色嘅色調為主，令人有舒適嘅感覺。酸菜魚很少有雙拼。兩個人點雙拼，魚同牛肉都可以同時享用。雙拼我比較喜歡酸菜魚。酸菜魚我點小辣，很配合香港人口味。唔會太辣。魚🐟煮得好滑。 配白飯剛剛好。水煮牛肉唯一要挑剔嘅就係，啲牛肉切得太厚。唔夠滑。另外我哋單點了缽缽雜錦。裏面有雞腳豬耳牛展。好嘢未。少少麻少少辣。整體絕對值得推介。用海港城優惠券價錢超優惠。每人都不用180元。

星期六行過見到海港城新開左間酸菜魚，店入面幾乎坐滿晒，而出面咁啱冇人排隊，就即刻試一試‼️見到佢有機械人送餐到特定枱，然後員工會遞上比客人😆嚟到一定要試吓佢哋個酸菜魚，分量超大，今次揀咗雙拼：酸菜魚拼水煮牛肉🔥酸菜魚味道OK，反而係水煮牛肉麻麻哋，牛肉肉身較厚，食落覺得有啲’韌’😞見到其他人都有揀雙拼：酸菜魚拼避風塘炒蝦🍤好似幾好🧐四季豆份量較少，味道OK！麻醬雞絲粉皮就一般，食落覺得麻醬太多…

同姐姐一齊食晏，我倆都是好辣及酸菜魚的粉絲，所以除了主打菜<姚姚酸菜魚>是必點之外，其次就是<辣子雞軟骨肥腸>，雖然好邪惡，但十分惹味，用來送走一流🍻而<香辣豬扒串串>用竹籤穿成一串串，孜然粉香氣撲鼻，就算豬扒厚切，也不會鞋身，啖啖肉食飽飽，當然一定要叫甜品，必定要點<彩虹烏龍冰粉>，據說，是非常熱賣的甜品，一向對甜品不太有興趣的我，都一整碗吃掉，不太甜，可以減輕剛才的油膩感，如果夏天食，定必透心涼

本身我對酸菜魚已經有種情意結，喺未封關之前，有時都會上深圳食酸菜魚！而依一間就係我喺深圳最鍾意食嘅酸菜魚，而家佢開分店開到落嚟香港！一於就去試吓🌈姚姚酸菜魚拼避風塘大蝦 $308一上枱，賣相十分之不錯，超級香！先講蝦先，總共有八隻，蝦預先炸過，所以成隻連埋頭食得，唔使嘥時間剝殼～底裏面有薯條，同埋大量嘅辣椒，好麻好辣！但由於份量唔多，下次唔都唔會叫～到期待而久嘅酸菜魚，魚片份量都足夠，好滑又無骨嘅～酸菜都好好食，夠味又爽脆！湯底都夠晒味！推薦推薦‼️🌈寬薯粉條 $38依個係加落酸菜魚入面食嘅，粉質都q彈，唔會煮到淋啤啤，夾埋酸菜魚入面嘅湯，十分之絕配！🌈麻麻辣辣口水雞 $88大家唔好俾佢啲紅油嚇親，識落其實都唔會話好辣！雞嘅份量十分之足夠，而且唔係骨多個肉，食落都算啖啖肉🤤 作為餐前菜可以一叫！🌈擔擔面 $68呢個擔擔麵同我想像中嘅有啲差距，佢係擔擔撈麵😆我印象中嘅擔擔麵係有湯底，好香濃嘅花生味，但呢個食落就唔太覺～最咪我哋用口水雞嘅汁撈埋啲麵食就好入味啦

疫情下總是在家自煮，真係食到有啲悶，同事話之前用#Togetda 叫左#姚姚酸菜魚，仲要港九新界都有送貨服務，更附外賣火鍋套裝🍲。啱晒唔想特登走出去拎外賣嘅我，即日order就安坐家中等食Lu😚。🐠#酸菜魚拼盤 可自選兩款口味，當然會點姚姚酸菜魚，太耐冇食好期待😚，打開蓋即聞到香噴噴，即刻胃口大開☺️，梗係即時飲湯啦，酸帶辣味道適中又足料，魚🐟份量都多啊😊。併上🍅番茄魚, 酸酸甜甜的好開胃，呢款加了粉絲在內，吸收了湯嘅精華， 鱸魚好滑冇骨啖啖肉😚。🥓香辣豬扒串串，豬扒厚身但唔會韌，肉質軟淋，調味的香辣孜然粉很惹味且不會太辣😗。🐤麻辣口水雞，雞翼、髀同胸位各個部位都有，肉質夠嫩併埋濃味不過咸嘅汁，真係過足口癮🙊。

最近在網上看到有新的外賣平台togetda.com可以提供酸菜魚，而且還有八折優惠，而這間酸菜魚在內地非常有名氣，便選擇在家享受外賣酸菜魚。酸菜魚二人份$278，魚片是由鱸魚切成的，肉質鮮嫩，味道鮮甜，最重要這裏的魚是有身份證的魚，政府溯源是關鍵。酸菜採用水東新酸菜，爽脆而不會太酸。金湯是由魚骨熬製，所以喝完都不會覺得口渴。涼拌萵筍絲 $58，雖然只是加點蒜頭爆炒，不過萵筍爽脆香甜，不失為一度特色小菜。麻醬雞絲粉皮$68，麻醬味道香濃，雞絲爽嫩可口，粉皮有點彈牙，三者配合得天衣無縫。彩虹烏龍冰粉$48，紅糖冰粉內有酒糟，花生，芝麻，芋圓，紅豆，提子乾。冰粉爽口嫩滑，加上多種配料，味道層次豐富。

網上介紹國內知名酸菜魚品牌姚姚酸菜魚登陸了香港，之前午市來到想試，竟然全店滿座，侍應說要等一個小時，所以便沒有堂食。及後在togetda.com發現此店原來有外賣送貨，便立即預訂了位置（9/10）：餐廳位於尖沙咀海港城內近中港城的位置，地點及交通方便，由港鐵尖沙咀站A1出口步行約7分鐘環境（9/10）：餐廳乍看之下時代感十足，燈光暗淡有氣氛，明顯有國內飲食大品牌的高規格，可惜這次沒機會坐下來感受服務（8/10）：侍應相當繁忙，人手略為不足，收銀台也是長長的人龍，但仍然很有禮貌，服務看上去不差食物（9/10）：大品牌的酸菜魚當然不會差，口碑載道，因而疫情下竟仍是客似雲來，不然我也不會想試試吧網上下單點了兩款食物外送回家：姚姚酸菜魚拼水煮牛肉（2人份） - $308既然酸菜魚是主打菜，當然必點。我選了酸菜魚拼水煮牛肉，一次可試兩款她們主打的川菜外賣是分開兩個圓型大盒盛載，份量相當滿足酸菜魚這道菜酸酸辣辣，酸菜開胃惹味，辣椒及花椒雖多但不算太辣，魚肉幼滑鮮味，份量亦夠多水煮牛肉同樣不算辣，牛肉非常香滑，很稔很入味，湯底有寛粉，和普通的寛粉不一樣，很滑很稔卻不會韌，口感獨特吸引麻辣雞煲 - $

疫情下唔知幾耐無堂食過，日日煮飯，有時都想偷懶一下，人氣四川姚姚酸菜魚於尖沙咀開了香港首間分店，Togetda好貼心連酸菜魚都爭取到外賣火鍋送貨，宜家好方便，只要透過https://bit.ly/3ACMsl6就可以方便預訂，特設港九新界送貨服務，坐係屋企等食，住係山山旮旯都唔怕無野食啦▫️姚姚酸菜魚拼水煮牛肉一打開就聞到好香，酸菜魚可以選小辣，用了正宗花椒、辣椒、泡椒好足料，愈食愈辣，但又會愈食愈想繼續食，魚夠滑又唔多骨，水煮牛肉好嫩滑，牛肉好新鮮，唔會俾辣味蓋過，入面還有薯粉條，二人份量真係好充足，如果加埋小食，三至四人一齊開心share都仲得▫️麻麻辣辣口水雞相對起，呢個口水雞就一點都唔辣，秘製口水醬汁帶有d甜味，好香口，雞肉都好滑，好出色▫️姚姚脆奶即是炸鮮奶，外層薄薄的，外脆內軟，很惹味，大家一定有聽過奶可以解辣，而呢碟小食正正有呢解辣既功效▫️彩虹烏龍冰粉烏龍茶冰粉上面有一層層不同的配料，有提子乾、紅豆、小丸子、花生碎、黑芝麻，成個甜品有不同口感，有脆有軟，有煙韌，有甜有咸，最特別係用一粒粒酒糟，酒香好濃郁，感覺就好似食左粒酒心朱古力既感覺，有一小啖酒湧出來，口感豐富，清涼可口，為

熱氣又濕又熱，令人冇咩胃口，搞到我口淡淡想食d 酸野， 所以係“姚姚酸菜魚”到買外賣返來食。⚛ 姚姚酸菜魚拼番茄魚 （2人份）～ 呢個雙拼絕對滿足到一d 愛辣但身邊又唔食辣朋友一齊享用。 先講唔辣的番茄魚， 魚肉無骨有厚度，用番茄湯底，酸酸甜甜好開胃， 估唔到仲有粉絲在內， 粉絲超掛湯，謙謙差唔多獨霸全盒。而辣的酸菜魚， 味道酸酸辣辣，食落似中辣好惹味配飯食一流。⚛ 黃金脆炸小酥肉 ～ 炸得好酥脆香口， 酥肉上灑了一點辣椒粉添加辣味。⚛ 麻醬雞絲粉皮 ～ 太耐冇食呢味菜式，雞絲搞青瓜拌勻後， 每片粉皮都沾滿麻醬， 一口過好滋味。⚛ 紅糖糯糍粑 ～ 外賣回來雖然唔太熱， 但加了紅糖漿後，依舊煙韌軟糯，是我最喜歡的口感。