影片
更多
2022-04-17
145 浏览
😏 嘩! 好猛料喎, “姚姚酸菜魚” 開店幾個月有50+ 個食評. 📙幾年前係大陸食過酸菜魚, 一試難忘, 香港食唔番. 聽講酸菜魚起源於重慶, 近年香港興起. 早期有餐廳譯做 Sauerkraut Fish, 幾有趣. Sauerkraut 其實係德文嚟, 解酸椰菜. 應該就係放喺鹹豬手側邊嘅配菜. 另一間酸菜魚舖 “廚十三” 就係用Sauerkraut Fish. 而家好多餐廳譯 Boiled Fish with Pickled Cabbage.🤗 喺香港一路試新店, 就係想搵番大陸食過嘅味道. 近日喺朋友口中聽過 “姚姚酸菜魚” 幾次. 神推鬼㧬, 今日嚟開飯. 午市冇套餐, 單點咗滕椒無骨鳳爪, 酸菜魚拼水煮牛肉.🥢 餐廳格局走新派中菜路線. 提供餐牌, 但落單就要用手機.🫖 每台先嚟一樽熱茶.🦶小食: 藤椒無骨鳳爪. 一流嘅川椒味道. 鳳爪細細舊, 好腍, 黐到味. 藤椒有別於花椒麻椒, 麻味較柔和清新.🐟 酸菜魚併水煮牛肉, $308. 加咗午餐肉 (+$40), 寬薯粉條 (+$38). 個煲好大, 煲底仲有少少火㷫住.首先講下水煮牛肉. 麻香味不足, 味道唔似平時食慣嘅
📙幾年前係大陸食過酸菜魚, 一試難忘, 香港食唔番. 聽講酸菜魚起源於重慶, 近年香港興起. 早期有餐廳譯做 Sauerkraut Fish, 幾有趣. Sauerkraut 其實係德文嚟, 解酸椰菜. 應該就係放喺鹹豬手側邊嘅配菜. 另一間酸菜魚舖 “廚十三” 就係用Sauerkraut Fish. 而家好多餐廳譯 Boiled Fish with Pickled Cabbage.
🤗 喺香港一路試新店, 就係想搵番大陸食過嘅味道. 近日喺朋友口中聽過 “姚姚酸菜魚” 幾次. 神推鬼㧬, 今日嚟開飯. 午市冇套餐, 單點咗滕椒無骨鳳爪, 酸菜魚拼水煮牛肉.
🥢 餐廳格局走新派中菜路線. 提供餐牌, 但落單就要用手機.
🫖 每台先嚟一樽熱茶.
🦶小食: 藤椒無骨鳳爪. 一流嘅川椒味道. 鳳爪細細舊, 好腍, 黐到味. 藤椒有別於花椒麻椒, 麻味較柔和清新.
🐟 酸菜魚併水煮牛肉, $308. 加咗午餐肉 (+$40), 寬薯粉條 (+$38). 個煲好大, 煲底仲有少少火㷫住.
首先講下水煮牛肉. 麻香味不足, 味道唔似平時食慣嘅水煮牛肉, 少少似沙嗲牛肉.
酸菜魚用咗鱸魚, 份量充足, 滑溜, 少骨, 配合到酸菜湯, 唔錯. 湯底味道平衡, 唔會太酸, 足夠麻香, 俾到魚味道. 可惜太油, 飲唔到.
可以加配料喺香港好少見, 喺大陸都唔常見. 可選配料包括金菇萵筍等等. 今次加咗我最鍾意嘅午餐肉, 好夾酸菜魚味道. 抵讚!
🥛 另外點左杯五穀米槳. 不過不失.
機械人送餐, 搞下噱頭. 機械人一路行, 酸菜魚嘅湯一路搖下搖下. 而且行得好慢, 食物會唔會凍哂呢?
🤗 總結一下: 酸菜魚屬水準之上, 當然同大陸嘅味道還有差距, 水煮牛肉就不似預期. 可以雙併可以加配料係賣貼. 午市唔做套餐, 性價比有限. 單點嘅話, 晚市Ok嘅. 餐廳環境闊落, 食得幾舒服. 值得一試!
张贴
