姚姚酸菜魚 (港威商場)

营业中

休息中

位於尖沙咀海港城港威商場新開幾個月～已經吸引左好多為食先鋒慕名而來嘗鮮🤪加埋有得用海港城coupon 非常抵食😝🍄酸菜魚 - 二人份（$278）另外再加配料萵筍（$38）、鮮豆皮（$38）餐廳用咗機械人送餐 送餐速度一般🤔上枱後花椒酸菜香氣撲鼻而來😀小妹好鍾意好鍾意花椒麻麻既果種感覺😌魚肉好滑 迅速Sir左入喉嚨而且完全冇魚腥味份量亦都一點兒也不吝嗇 超多魚肉🤤🤤另外湯頭酸中帶甜 唔好覺得太油膩😻佢已經成為本年度截至現時為止 小妹最愛酸菜魚～沒有之一真係冇誇大！送飯一流😈😈😈

姚姚酸菜魚係國內品牌，酸菜魚的質素一定正宗有保證。好彩預先卜左位，真係好多人食呀，我地卜左8:30門外都仲有勁多人排隊等入座，酸菜魚吸引力果然沒法擋！一場黎到酸菜魚當然係主角，我哋叫左二人份，都好大份呀，魚肉酸菜都唔少呢！我哋揀左少辣多酸多麻，魚唔腥又無骨，肉質嫩滑，好好味！最正係個酸菜湯底好夠味，魚肉吸收晒味道精華，真係超超好食！另外我哋叫左個麻辣牛𦟌，牛𦟌切得薄薄的，好林，麻辣汁非常正宗，加埋一齊又係超好食的一道菜。熗炒手撕蓮白菜其實即係辣椒蒜蓉炒椰菜吧，味道好夠，好野味，食得出有鑊氣，正！飲品黑豆漿同水果烏龍茶都好飲，後者好多水果，有青檸檸檬西瓜熱情果菠蘿等等，真係有水果肉架，仲可以走冰走甜，健康啲！最後我地仲食埋個彩虹烏龍冰粉，烏龍冰粉好食呀，食得出茶味，加埋配料豐富，有珍珠紅豆薏米提子乾黑芝麻等等，份量又大份，食到我哋飽飽又滿足！

今日係海港城行街❤️夜晚經過見到呢間姚姚酸菜魚勁好生意！🙈我諗咁好生意味道唔會差呱🤣一於試吓～座位有分2人同4人，2人座位略微會有少少逼整體評分：7.2/10味道：7.2/10服務：6.9/10環境：6.9/10人均消費：$200-300地址：姚姚酸菜魚 (尖沙咀)尖沙咀廣東道3-27號海港城港威商場二樓2307號舖姚姚酸菜魚拼水煮牛肉 （$308 ）：佢下面會有個蠟燭熱住個煲～爐魚滑得嚟有質感，酸菜湯惹味又開胃😋😋配菜 都 唔 小 ,水煮牛嘅話帶有牛油香，牛肉都滑，咬落去有口感～另外2份入面都有芽菜同寬薯粉 ，寬薯粉好好味！😍四川回鍋肉 （$88 ）：肉嘅份量意外嘅多😍 回鍋肉肥而不膩，炸得微焦再炒蒜苗～好惹味麻麻辣辣口水雞（$88）：好開胃😋 雞唔肥，啲皮脆嘅，配上口水醬汁好正飲品：-鮮奶紅茶凍-茉莉香橙水果茶

呢日去海港城行街，見到有酸菜魚食，而且又唔使點等位，一於試吓夠唔夠正宗Half half fish (酸菜魚 x 蕃茄魚 ） $308❤️招牌姚姚酸菜魚拼番茄魚 $308It’s for two people , may choose from fish, beef or shrimps 魚肉嫩滑、蕃茄味偏甜、酸菜味亦都唔會好辣❤️酸辣士豆絲 $58appetiser , very refreshing ❤️水果烏龍茶 $38❤️彩虹烏龍冰粉 $58果仁冰粉黑豆等 唔算太甜清涼可口

這間餐廳好耐之前就聽過朋友講過，不過佢開業後就遇上疫情，未能相約朋友一齊來試試，現在終於有晚市，當然要來試一下！餐廳裝修以Tiffany Blue為主，有卡位亦有普通座位!餐廳除了有酸菜魚食，亦有其他川菜可以食到！姚姚酸菜魚(2人份)，湯底味道酸酸味味，不會好辣，魚肉份量都幾多，魚肉嫩滑冇骨！湯入面有酸菜和蘿蔔！我們還加了萵筍，口感爽脆！麻麻辣辣口水雞 ，口水雞雞肉嫩滑，份量係是例牌的份量！味道麻麻辣辣，但不會太辣！酸辣土豆絲，醬汁酸酸辣辣，土豆絲爽脆，味道開胃！乾煸四季豆，四季豆炒得惹味，份量都幾多，用黎送飯一流！茉莉香橙，有淡淡的香橙味，甜甜地幾解渴！新鮮水果烏龍茶，入面有西瓜、熱情果等，酸甜又解渴！

不少香港人疫前經常到深圳朝聖的人氣食店--姚姚酸菜魚，最近香港開業。餐廳招牌的川菜名物酸菜魚，仍然是主打名菜之一✨酸菜魚可以選兩味，勁大盤呢度有機械人送餐，小朋友應該會覺得好得意😎今次試咗姚姚酸菜魚拼水煮牛肉 $308有火熱住過酸菜魚，keep 住個溫度，爐魚都幾滑，配菜都唔小，水煮牛就略嫌佢唔夠辣，牛肉肉質軟淋，芽菜薯粉做底，唔錯的✨宮保蝦球 🦐 $188隻隻都大大隻，爽口彈牙，酸酸甜甜都幾開胃 👍🏻涼拌萵筍絲 $58蔬菜來講, 萵筍我最喜歡清口腔最好嘅選擇 😁彩虹烏龍冰粉 $48呢個我俾佢💯分，真係好好食，必叫既飯後甜品💛

今次第一次嚟，早一日已經book咗枱食lunch，留咗姓名電話，但去到竟然沒有記錄！ ！不過唔緊要，餐廳多的是安排到座位給我們，所以都OK。因為係lunch hour，用膳時間為1.5小時，但落單後d 魚要大概30分鐘才送到今次一行三人，叫咗一個鴛鴦酸菜魚及蕃茄魚，再另加萵筍及寬粉，但這間舖頭係用微信自助落單，落單時並沒有要求食客指明加的配菜是放在那一邊，所以以為係另上，點知……所有餸都放在蕃茄魚那邊， 強烈建議如果系統沒有得選擇的話，把餸平均分在兩邊會比較好一些。之後再叫咗一碟油炸鬼， 30幾蚊嘅油炸鬼係有啲水準，夠脆夠熱，但因為啲魚太耐先來，係肚餓嘅情況底下啲魚未到d油炸鬼已經食晒講返啲魚先，個鴛鴦鍋嚟到嘅時候即刻試吓兩邊嘅湯，點知係比室溫熱少少嘅溫度，有點兒失望，蕃茄湯唔夠濃，所以唔係好啱我哋口味酸菜魚方面，普通料囉，有幾片薄切白蘿蔔，味道一般， 沒有wow 的感覺，可能真係唔夠熱， 雖有幾個蠟燭仔，但完全幫唔到件事好想知道啲魚點解要等30分鐘都可以唔熱。。。仲有期間嘗試想問吓啲魚嘅進度，但幾個侍應都係望住你揮手，然之後擰轉頭走😵‍💫

🍁呢日去完Staycation，經過海港城見到呢間姚姚酸菜魚門口企咗好多人喺到等晚市開門😂成間餐廳以Tiffany blue為主色，感覺好舒服，好似真係幾吸引咁😍我又唔執輸，試下先😛🐠姚姚酸菜魚(2人份）$278酸菜魚個盆下面擺放咗蠟燭，咁樣可以保持溫度，抵讚❤️👍🏻首先飲啖湯先，酸酸辣辣好開胃呀😋魚肉喺用咗海爐魚，份量十足，食落好嫩滑，完全冇骨，正😋仲叫咗碗飯😂送飯真係一流呀💯🥬熗炒手撕蓮白菜 $58白菜好爽脆清甜，辣辣地，味道幾好，感覺好夠鑊氣🥓黄金脆炸小酥肉 $78小酥肉炸得好酥脆，熱辣辣，完全唔油膩，連埋辣粉一齊食，真係好正😋💯揀咗小辣，食落唔會太辣🫶🏻🌶 缽缽什錦 $88有雞腳、雞腎、海帶同萵筍，辣油加上芝麻令到個汁好惹味，食落又麻又香🍹新鮮水果烏龍茶 $38茶底幾清新，加上新鮮水果粒，清甜又解渴🫶🏻總結💕食物真係幾出色，食完好滿足🥰平日6點幾離座都全場爆滿😂想食真係要book定位😛呢間可以用海港城劵又係真心抵食嘅🫶🏻

尖沙咀站📍姚姚酸菜魚-呢間酸菜魚好多人排隊，座無虛席，8點已經冇飛拎，唔知關唔關母親節事呢？😆姚姚酸菜魚拼蕃茄魚2人份（$308+$38+$38）本身只係想試酸菜魚，但見到雙拼咁吸引當然試試佢🐟酸菜魚有得簡辣度同酸度，女朋友堅持多酸，辣度維持不變😎本身我以為唔夠份量，想叫3-4人份，女朋友話一定夠食，唔比我叫😹最後好彩冇叫，一上台已經嚇親，大兜到傻左😂😅酸菜魚同蕃茄魚都採用新魚肉片，幾嫩滑，大部份係無骨，一兩舊有好細既骨。酸菜魚面頭有炸蒜、花椒、芝麻，配搭一齊食香辣十足（當然仲有辣椒🌶️，不過太辣唔挑戰😂）女朋友堅持加酸又真係幾好食，成個湯底好開胃，一定要叫碗白飯（$15）送飯先完美。本身個酸菜魚冇乜配料，只有海量酸菜同幾片酸蘿蔔。我地另外加左千頁豆腐（$38）同寬薯粉條（$38）。加配料都可以選擇加係酸菜魚個邊或者蕃茄魚個邊😆👌蕃茄魚好鮮甜，本身配有粉絲，蕃茄加蒜既湯底比粉絲吸收晒😍雙拼黎講，我就中意酸菜魚多d，湯底層次更分明，亦更開胃。藤椒無骨鳳爪（$68）呢個前菜只有女朋友食，我唔食鳳爪🥲花椒、藤椒味好出，仲有淡淡醋香味。鳳爪爽口，不過份量唔算多，好快清晒。底層仲有蓮藕片，同樣爽口

新派中菜。勁掂酸菜魚👍🏻👍🏻行過呢間「姚姚酸菜魚」覺得個門面好得意😎有隻魚身熊仔頭嘅公仔，好過癮全店更用上年輕人喜歡的 Tiffany Blue🥰不過好多人等位，想食記得訂枱啊！🥰一於試吓佢個酸菜魚先，原來呢度嘅酸菜魚可以選兩隻味，呢個設計幾好喎，咁大盤，可以試吓唔同味。不過我哋都喺選擇咗原味「姚姚酸菜魚」二人份 $278。🥰呢度有機械人幫手送餐，仲有火熱住個酸菜魚，一邊食可以Keep住個溫度。不過建議大家先吃魚，煮太耐嘅魚會無咁滑㗎。啱啱上桌嘅時候，魚嘅口感最滑最香。個湯偏酸，都忍唔住飲咗少少湯😂酸菜好爽口。留意吓個餐牌，原來可以加送，可以加巴掌肥牛、鱸魚片、金針菇、萵筍片、嫩牛肉、午餐肉、龍口粉絲、脆魔芋絲、千葉豆腐。我地另外點咗「宮爆蝦球」$188個味ok喎，好惹味！加埋入晒味嘅大蔥同茄士，好送飯。所以我地又點咗個飯😂「酸菜雞蛋炒飯」$88炒飯色香味俱全，飯炒至金黃色，軟硬適中。口痕想試埋「黃金脆炸小酥肉」$78有啲似送酒香口小食，都唔錯。蝦子餅難得樣樣都讚好味😋飲品我地都叫咗「低糖紫米熱豆漿」$19好特別，少少甜好好味😋下次再嚟食過🥰姚姚酸菜魚 (尖沙咀)尖沙咀廣東道3-27號

星期六又到, 四圍揾食mode又要開動! 消費卷一出就黎到尖沙咀shopping🛒, 順便去海港城揾食!疫情底下唔可以出國四圍玩, 好在香港係個美食天堂, 咩菜式都有得食🥹 今次就選擇左酸菜魚為主題既餐廳😄1/ 姚姚酸菜魚🐟 $278 + $38寛薯粉條我地2個人叫左二人份量岩岩好, 魚質滑溜帶酸嫩既酸菜一齊食好好味😋而佢有好多唔同配菜可以加, 如萵筍片, 金針菇, 午餐肉, 脆魔芋絲等, 我地就加左寛薯粉條增加飽肚感!佢其實有雙拼既拼盤, 但我地真係太中意酸菜魚所以只係選左呢一款😄2/ 椒麻皮蛋🥚 $58皮蛋流芯帶有濃濃既蛋香味, 配埋椒麻合成一個惹味既菜式👍🏾3/ 麻醬雞絲粉皮🐤 $68粉皮彈滑, 再配埋雞絲同青瓜條, 好食👍🏾如果雞絲可以再多的就very good喇！4/ 鮮奶紅茶凍☕️ $38冇諗到原本平平冇奇既紅茶可以咁outstanding! 茶底香滑, 而佢加左的鮮草凍增加咀嚼感同埋飲到最尾都仲有鮮草伴隨住飲品👍🏾5/ 新鮮水果烏龍茶🍹 $38茶底同樣做得好而果香味濃但又唔會好甜, 燒滯之選👍🏾

今晚去左海港城覓食，我手上有好多海港城coupon呢間酸菜魚，個感覺有啲似太二‼️裝潢以ᴛɪғғᴀɴʏ ʙʟᴜᴇ嘅顏色，係我鍾意嘅顏色「姚姚酸菜魚」本身打算要雙拼酸菜魚🌶但其他味道已經賣哂了……所以就只食到單拼酸菜魚！味道好有層次酸辣岩岩好仲好有蒜香味魚肉好嫩滑，又無幼骨‼️啲魚應該輕微炸香左，所以食落多左一份香本身我對醃製食物有啲抗拒，但呢度嘅酸菜唔會太咸太酸，而且仲好爽脆連啲湯都好好飲，起碼飲左2-3碗「大盆花菜」呢碟菜一嚟到，已經香味四溢炒得好香，越食越惹味，辣得好興奮呢個真係必食推介「彩虹烏龍冰粉」食完咁濃味嘅嘢，食返冰粉，味蕾就變得好ʀᴇғʀᴇsʜɪɴɢ而且一啲都唔甜當中有紅豆、酒糟、黑芝麻、提子乾、丸子。口感好豐富，不過冰粉嘅烏龍味就唔太突出～～

又有內地知名食府香港開店！🙌🙌成間野裝修係我最愛既tiffany blue做主色系疫情因素冇得北上🥲估唔到香港都有機會食到咁正宗，色、香、味俱全既酸菜魚🐠首先佢地份量好足，碗裡面有大大份，肉嫩汁多既新鮮鱸魚，配上酸度調配剛好既東北酸菜同脆筍，食完口齒留香😄餐廳亦可依個人要求調整麻辣程度，及加入配料，我地選左肥牛作為配料，食完成碗好滿足，絕無偷工減料👍🏻👍🏻慣左食主食既我亦叫咗個雞絲粉皮，冰涼口感及濃濃花生麻醬味好適合夏天開胃消暑。飲品方面叫咗杯茉莉香橙😽清新嘅茉莉花味仲有香橙切片好冰凍又解渴🥶🥶食完夠麻夠辣嘅酸菜魚🐟🐟點少得試佢地獨家甜品彩虹冰粉，如圖所見有六種唔同顏色嘅配料，每款顏色配料搭配冰粉都有唔同既甜味刺激你味蕾，為整頓飯畫上完美句號。

魚味偏腥 但明顯有走過油 都還可以湯底淡 除左酸菜之外 無其他配料小酥肉係唯一叫好食 可能因為味粉既關係滋巴 粉厚 大舊 紅糖小 油膩 十分難食油條無特別飲品偏小甜尚算可以總結服務奇差，只可以用微信落單，搵侍應又搵唔到，搵到個侍應唔會幫你落單，佢會搵部手機俾你自己落單，十分之搞笑。完全冇服務，冇質素。只係適合打卡，打住大陸旗號分店黎香港 對佢期望好高去食 結果味道同大陸差天共地 任何一間本地酸菜魚 十二味 廚十三 麻派 川莊都比佢好食

好耐好耐無食酸菜魚，今次來到尖沙咀同親戚食飯！佢地選擇左呢間餐廳！反正好耐冇食過就試吓啦！都叫咗啲小食嘅！有皮蛋、土豆絲、蓮藕仲有豬手！最令小編滿意嘅係皮蛋！皮蛋個味道都OK嘅！唔算話太辣！個口感都唔錯嘅！仲要好難得見到黃金皮蛋另外、土豆絲就令人有啲失望啦！冇咩味！冇辣味冇鹹味！真係好似一啲薯仔切條落去就算數！再者，蓮藕嗰個又冇乜味！唔算辣，小編食咗幾舊就冇食啦！至於豬手方面！雖然就夠林啦！但係個汁就唔合格，得個鹹字！完全配合唔到個豬手！豬手就好似冇乜肉最後講返主角酸菜魚！酸菜唔夠酸！個湯底又得個鹹，又冇酸又冇辣！魚又腥又無魚味！D金菇又係一大件咁放落嚟咁，d豆腐又唔入味！真係唔掂！最後服務態度方面尚可，但價錢方面偏貴！