影片
更多
2009-11-06
5 浏览
十月二十八日.夜.一名外號"無雀仔既腳"人士,遭四名大漢嚴刑烤問,包括鬼計多端鬚哥,精打細算餅王,愛老婆多過愛國中山裝同食極唔飽爐兄,終於幾杯快車水之下,精神開始崩潰,當然,飲得快車水就一定要有野送酒啦.五指毛桃煲豬骨 : 原先見到豬肺湯,即時已經唔想要,實在近日飲得太多,轉一轉口味都好,呷一口湯,五指毛桃本身有點近乎椰子的味道,再加上有足夠火侯,實在清甜可口.炒虎尖椒 : 自已一向怕太辣的食品,起初一聽見虎皮椒都打個突,但大廚先將最辣的核囊去清,辛辣度相信已失去一半,用豆豉一類香口配料炒,令味道不至太單調,更加充滿鑊氣.炸豬大腸 : 一道愈來愈少人做得好的一味菜,對上一次同蒸餾水係大埔東江雞食,真係完全失敗,反而今次好得多,但只可以話合格.由於豬腸一早切去肥膏部份,只淨外皮去炸,當然會易脆口,而且健康,誰不知,肥膏的豐腴口感,加上外脆內嫩先係精髓.份量比平日見的少一半,但要健康就唔好食.風沙雞(半隻) : 炸過的蒜粒完全將雞件蓋過,雞是雪貨,味道不太突出,肉質偏實,其實以斤來兩斤重的雞,理論上應該易控制火侯,有期望所以失望,反而蒜粒炸得香口幼細,有碗粥送就好好多.鬼馬油條 : 說穿了
一名外號"無雀仔既腳"人士,遭四名大漢嚴刑烤問,包括鬼計多端鬚哥,精打細算餅王,愛老婆多過愛國中山裝同食極唔飽爐兄,終於幾杯快車水之下,精神開始崩潰,當然,飲得快車水就一定要有野送酒啦.
五指毛桃煲豬骨 : 原先見到豬肺湯,即時已經唔想要,實在近日飲得太多,轉一轉口味都好,呷一口湯,五指毛桃本身有點近乎椰子的味道,再加上有足夠火侯,實在清甜可口.
炒虎尖椒 : 自已一向怕太辣的食品,起初一聽見虎皮椒都打個突,但大廚先將最辣的核囊去清,辛辣度相信已失去一半,用豆豉一類香口配料炒,令味道不至太單調,更加充滿鑊氣.
炸豬大腸 : 一道愈來愈少人做得好的一味菜,對上一次同蒸餾水係大埔東江雞食,真係完全失敗,反而今次好得多,但只可以話合格.
由於豬腸一早切去肥膏部份,只淨外皮去炸,當然會易脆口,而且健康,誰不知,肥膏的豐腴口感,加上外脆內嫩先係精髓.份量比平日見的少一半,但要健康就唔好食.
風沙雞(半隻) : 炸過的蒜粒完全將雞件蓋過,雞是雪貨,味道不太突出,肉質偏實,其實以斤來兩斤重的雞,理論上應該易控制火侯,有期望所以失望,反而蒜粒炸得香口幼細,有碗粥送就好好多.
鬼馬油條 : 說穿了還不是油條內釀入墨魚膠,原意想做成外脆內彈牙的食法,可惜眼高手低,外層炸得過火,死實實之外墨魚膠又無乜味,只憑彈牙,可以話不成氣候.
羊腩煲 : 是本人食過最差的羊腩煲,汁太稀而近乎湯,南乳味變得唔突出,羊肉炆唔夠時間,好難先咬得開,腐竹尚未煮開,根本吸收唔到羊腩汁,汪洋一片的煲,好失敗.
飛天通菜 : 油份多到不能接受,熱辣辣上檯本來幾吸引,但食未到一半已經見到油,多到可以炒多碟.
小炒王 : 所謂小炒,一般是用作下酒,配料多傾向乾料,例如蝦乾,土魷絲,韮菜花,加上西芹用X.O醬快炒而成,不單香口,更可以體會水上人家就地取材的智慧.但妹記竟然用上鮮貨蝦仁及鮮魷,根本是兩碼子的事.
炸墨魚咀 : 未搬舖前曾跟"美心"食過一次,上次是比較濕身,漿粉厚薄不一,但今次熱辣辣上檯,漿粉上得有心機,送酒又多一個選擇.
地方乾淨多了,客人亦不見少,水準有升有跌,不過不失.
食幾口,呷一啖,幾碗戰鬥碗到肚,無雀仔既腳開始語無論次,都係時候落多少少藥,一於挾佢去下一個刑場逼供.............................!
p.s : 之前有要名物~~炸豬手,點知同炸墨魚咀一齊走單,又唔想等太耐,後追返墨魚咀就算.
张贴
