如

預祝母親節，想係荃灣區搵間比平時好少少既酒樓慶祝。原本想去熊貓酒店，可是星期六開11點，於去如試下，飲10:00。開係酒店入面既酒樓，諗住都係環境和服務較好。今次一試，感覺只係不過不失。主要原因係坐位安排。呢一樣野真係要扣分，佢有枱係窗邊，但全程沒有安排人入坐，全部客人也是被安排坐內廳，窗邊枱一枱客也沒有安排入坐，難道為左方便管理，所以將所有客人安排係內廳？另外估唔到入座計時限個半鐘，如果知道係咁，以呢個價錢，唔值。大廳枱與枱之間不會很近，但以呢個價錢，我覺得係基本野。店員服務幾好，值得一讚！食物不過不失，沒有特別驚喜，去得酒店中菜部，預左貴，性價比偏低就預左了。想同家人、朋友搵個好d既地方聚下，唔介意得個半鐘，都可以考慮。

好耐無去食中菜，忽然有少少掛住飲茶食兩碟小炒，所以這天約肉肉子來到有海景的如心酒店中菜廳，入面有唔少健康素菜菜式可以選擇，特別推介很有水準的蜜汁素叉燒。荃灣如心酒店位於荃灣如心廣場一期樓上，搭地鐵最方便可以去荃灣西站，沿天橋行到如心廣場一期就搵到酒店入口，中菜廳位就於七樓。入面以喜慶紅色配高雅灰色為主調，地方都幾闊落，檯與檯之間很有距離，安全又坐得舒服。靠窗一面亦設置很多獨立房間，四人包一間自成一角最舒服。最入面的房間可以看到海景，陽光普照的日子很寫意。餐廳設有素食餐牌，可以吃到多款素菜。蜜味素叉燒 HK$68朋友推介必點的是這個蜜味素叉燒，賣相和味道看起來都跟真叉燒很相似，它有脆脆邊和炭烤香味，蜜汁香甜惹味，口感也很不似素肉呢。酥炸大蘑菇 HK$68新鮮炸好的大蘑菇真係無得頂，脆漿夠薄，蘑菇肉厚多汁，配上炸脆蒜香口美味，讓人一口接一口吃不停。脆皮素千層 HK$58炸得很靚仔的千層豆皮卷，外脆內軟，入面可以吃到很多很多層豆皮疊在一起的層次，而且豆香十足值得一讚。酸辣椰菜花 HK$138上桌的時候「咋咋」聲鑊氣十足，味道唔會太酸或太辣，非常mild的程度，但已經令椰菜花沒那麼沉悶。鵲巢彩

上星期日和家人一同去如飲下午茶。因我們一行九人，職員替我們安排三張相鄰餐枱。食物質素很好，尤其是蝦春卷，真是不得了！而且女經理Julie招呼非常周到，又有禮又貼心！真要大力推薦！

相信大家喺 #新年 呢幾日，都食咗唔少好嘢🤤 #中國人 都喜歡 #熱熱鬧鬧 過節，不過一次過要煮咁多餸菜出嚟招呼朋友， 確係有啲頭痕😅 近年興起食 #盤菜，取其 #盤滿缽滿 好意頭❤️ 唔使買、唔使煮，又可以叫埋一班人圍埋 #高高興興 食一餐，確實令大家、尤其煮婦輕鬆好多🥳呢晚我哋喺「如心酒店」訂咗個 #素吉品如意齋盆菜，另外再喺另一間餐廳訂多個傳統 #盤菜，為求滿足各人嘅口味🤤 #如心酒店 嘅 #齋盆菜 睇嚟幾足料，當然對一班 #食肉獸 嚟講，就齋咗啲，不過呢幾日食咗咁多嘢，對我嚟講清清地都唔錯👍🏻 #素鮑魚 外貌非常出色，食落去嘅口感當然冇真嘅咁煙韌，不過都呃得下人㗎，盆菜底層大部份都係用 #雪耳 堆砌而成，剛好煮哂啲醬汁，非常入味🤤 而且雪耳含有大量 #Collagen... 最啱我呢啲 #中女 用嚟 #養顏補身 㗎喇😉$599呢個價錢雖然唔算特別平，不過勝在原汁原味，可能係我比較鍾意食呢類型嘅素菜，可以食到食物嘅原味🤤 太花巧嘅做法，我反而有啲抗拒😅 希望大家食完呢餐 #新一年 都 #盤滿缽滿、#身體健康！

喺OpenRice搜尋可以儲亞洲萬里通嘅餐廳食肆，點知係埋單嘅時候想儲里數，就話如果要儲里數就要全部用正價🙄，如心酒店現在所有餐廳酒樓都有優惠折扣，所以諗住儲亞洲萬里通里數的話就唔好諗住嚟呢度食嘢啦

二人限聚令下到如心酒店中菜廳食飯，感覺特別安全，地方寬躺，枱與枱之間比較濶。三人家庭下也是要分兩枱，吳師傅好有心機幫我地做位上，不用上枱後才分餸咁麻煩，而且擺碟又靚啲，增加食慾.頭盤海參涼伴西芹青瓜，食開清淡嘅我就稍覺咸了一點，但味道就非常之好😋😋再來是日例湯，今日係沙參雞腳粟米湯，好夠火候，認真合這個天氣。忘記拍照，另外師傳話每日也會不同款式的.炭燒安格斯牛勒骨，為保持賣相，師傅將骨也切三段順德煎焗魚咀，一位是半邊，煎得好香炸子雞，皮脆肉滑拍蒜炒豆苗，這個菜最有驚喜，真的不如何可以炒到這個水準，每一口也有蒜香味最後係芒果布甸，師傅特別試吓這個攞設，一上檯感覺到聖誕節來臨小雪人☃️是師傅自制嘅棉花糖做🥳為這晚餐劃上圓滿🥰

今年到了11月依然有大閘蟹供應，真好，上星期就約了幾位好友，趕及在限聚令的人數，品嚐一頓大閘蟹宴。早前係荃灣如心海景的 Staycation ，已經享用過餐廳的特價片鴨同龍蝦，實在相當抵食，而今次大閘蟹套餐，CP值同樣的高，每位只不過$498，另加茶芥及加一服務費，想知道套餐有乜菜色？請花少少時間睇埋下邊！先由「菊花五蛇羹」打頭陣，當然是位上，而且伴以檸檬葉絲及薄脆片。舀一下，玻璃芡夠薄，蛇肉切得幼細平均，相當討好，湯底鮮甜可口，水準是比預期出色。主角是清蒸「紫蘇葉蒸大閘蟹（ 四兩半）」，選用上蟹公，雖然未至於爆膏，但蟹膏軟綿滑溜，實在與蟹乸是雲泥之別，就算拆蟹幾花時間，但一班朋友說說笑笑，時間實在好快過。真係好耐無食蟹，有機會一於追加「六兩大閘蟹」，蟹膏的份量是更上層樓，豐腴口感不減，超正。再來是一道很傳統的宴席菜「BB柚皮扣北菇鵝掌」，BB柚其實是柚青，汆水足，絲毫不帶苦澀味，加上係自己摰愛菜色之一，當然會加分，鵝掌骨肉分離，但賣相卻沒有破損，而北菇肥大肉厚，扣得入味，其實真係好啱撈飯食。係時候食碟「蛇湯灼時蔬」清清腸胃。凍凍地又真係好想食碗「生炒糯米飯」做單尾，咬落軟熟中有煙韌的

每年秋天，香港人最風湧的飲食熱潮一定離不開食大閘蟹，但其實食得太多大閘蟹，身體有時候都未必受得住，所以一定要從飲食方面得到平衡。「秋風起、三蛇肥」，秋天除了適合品嚐大閘蟹，大家也別忘了另一位主角 —— 蛇羹。今晚正好遇上荃灣如心酒店中菜廳的時令晚餐，心動不如行動，Happy Friday就同幾個朋友大吃大喝一番。首先出場的有菊花五蛇羹，這碗蛇羹用料真的非常豐富，啖啖濃厚蛇肉，感覺比外面其他蛇王X更真材實料，湯底亦不是一般的生粉芡，配上脆卜卜的薄脆片同檸檬葉，啖啖暖胃。緊接蛇羹就是主角紫蘇葉蒸大閘蟹， 餐廳寫明足4.5両，我自己覺得好似有5両以上。大閘蟹，識食一定食公，因為公蟹的膏是偏透明呈膏狀，口感較為黏口，被熱呼呼的蟹膏黏住口腔是滿滿的一種幸福感，真的好滿足。食完大閘蟹馬上為你端上濃濃的薑茶，不會太甜，味道剛剛好。收起手套，提起筷子，就品嚐一道熱葷，BB柚皮扣北菇鵝掌，這個菜水準一流。首先柚皮燜得非常軟腍，盡吸鮑汁精華，鵝掌更是入口即溶，化骨綿掌，連冬菇菜心都入味非常，在沒有太多期望下這是一道有驚喜的菜式。激昂一輪之後，就來一點清菜，但也別以為是小角色，這個波菜可是用了蛇湯來灼的，吃

之前分享過帝京軒嘅蟹宴，今日轉條地鐵線嚟到荃灣嘅如心酒店，因為之前見朋友食過後推薦呢度嘅蟹宴，於是捉緊尾巴，食多餐大閘蟹。 雖然地方有點遠，但都值得過嚟，因為除咗大閘蟹，還有鵝掌，仲有冬天進補最適合嘅蛇羹，又有合時嘅糯米飯。 而呢個咁多元化嘅陣容，價錢都只係每位498，我又覺得真係超級化算，你自己喺屋企訂一隻蟹都要成百蚊，喺呢度仲要有其他正嘢食，我諗唔到有咩理由唔試吓。 先上場嘅菊花五蛇羹，非常足料又夠大碗，喺酒店食蛇羹同係出邊食蛇羹件事真係唔同好多，整體得體好多。 紫蘇葉大閘蟹，四两半，係細細隻，但都算幾好，啲蟹膏都非常高，同上次帝京質素差唔多。 朋友話覺得幾好食，於是我哋追加多咗一隻六两，當然都好正，蟹膏更澎湃，由於大隻好多，蟹腳都大隻好多，又粗又有味。 然後有BB柚皮扣北菇鵝掌，個汁扣得幾好，柚皮幾鮮甜，鵝掌入口個刻即刻骨肉分離，如果唔係有生炒糯米飯在後，唔叫個白飯都對唔住自己。 蛇湯灼時蔬，呢個的確幾特別，唔知係啲菜本身都係好甜定嘅關係定因為有蛇湯嘅影響，特別好食。 生炒糯米飯絕對非常出色，粒粒都有彈性，和灣仔最出名嗰間生炒糯

今年第二場蟹宴，選址在不久前吃龍蝦套餐的荃灣如心海景酒店。原來以往的「如粵滬中菜廳」已改名為「如中菜廳」，由吳長江師傅任行政總廚。套餐包含五款菜式，有：菊花五蛇羹、紫蘇葉蒸大閘蟹(4.5 两)、BB柚皮扣北菇鵝掌、蛇湯灼時蔬及生炒糯米飯。菊花五蛇羹~菊花、檸檬葉及薄脆是吃蛇羹的必備三寶。蛇肉性質溫熱，脂肪含量低，蛋白質高，暖胃又暖身，精細的刀工更讓人吃得舒爽。紫蘇葉蒸大閘蟹(4.5 两)～呈半透明、粘粘糯的白膏細膩綿密，那堆積起的脂肪在口中慢慢散發，膏香滿盈！當然少不了一杯驅寒暖胃的薑茶，中和大閘蟹的寒涼，而且薑味濃郁，非常好飲。BB柚皮扣北菇鵝掌～北菇口感厚實滑Q，鵝掌含有豐富的膠原蛋白、慢火燜鵝掌至軟身，非常入味，時間控制適宜；BB柚皮纖維幼細，沒有渣，味道清香，營養價值豐富，但炆得比較腍身。蛇湯灼時蔬(菠菜)～味道清甜又惹味，而且份量非常大，喜歡吃菜的我，真是多多益善，小小無拘，一於食晒佢唔好浪費。生炒糯米飯～最尾的糯米飯份量也是非常驚人，但之前吃了太多菜，實在無能力完全KO佢；糯米暖胃，口感煙韌黏身，雖然好飽也令人吃個不停。生拆蟹粉小籠包(四隻 4pcs

今年的大閘蟹十分有質素弄得平時一年只吃一次的規矩我也沒法遵守！這第三弄去到L'hotel Nina et Convention Centre內的如 Ru再次*如*願以償一飽口腹之慾！心水清的朋友應該發現到以往的如粵滬中菜廳已轉成了如 Ru，而中菜行政總廚亦改由新任的吳長江師傅掌舵，這天有空相約到好友便即去品嚐吳師傅手勢兼嘆埋時令大閘蟹套餐！酒店防疫措施從來也做得十分足！每枱必備一枝新的搓手液另外亦有精緻的口罩套供應，所以每次去開餐我也吃得特別放心。先品嚐五道菜的時令大閘蟹套餐＄498/位，先上檯的是菊花五蛇羹跟足薄脆、檸檬葉和白菊花，可惜車媽媽對蛇羹不太喜好！所以我免費轉了松茸瑤柱杞子燉雞湯！以紫砂茶壺精美的盛載賣相得體之餘更可保溫！將松茸瑤柱杞子燉雞湯傾注出來，看到金黃而清澈的湯色喝下味道鮮甜味美。大家喝罷湯和羹後紫蘇葉蒸大閘蟹亦隨之上檯！而每隻公蟹也有四両半重對我來說剛剛好！揭開靚仔的面具底下是那澄黃混上雪白的蟹羔挺豐盛耶，絕對足夠滿足我的口腹之慾了嘻嘻！吃過寒涼的大閘蟹後當然要飲杯薑茶暖暖胃！之後便繼續品嚐剩下來的三道菜！第三道菜係BB柚皮扣北菇鵝掌，北菇厚肉滑溜香濃而鵝掌炆得入

呢個時候，又是吃大閘蟹的好日子，今年其實也沒心情四出找靚蟹，就在我家附近的如心酒店，食個大閘蟹套餐，叫做完成一件每年必做的事便算。酒店中菜廳最近改了名字，據聞有新任總廚掌舵，這個全新天地，會否成為我既新飯堂呢?費事傷腦筋，要個大閘蟹套餐就好，唔夠食再另加餸。打頭陣是蛇羹，涼涼天氣喝這味也正好。湯頭夠熱，蛇絲及各料頭切得幼細，吃蛇羹我會狂放薄脆，大口吃下好暖身。套餐包一隻大閘蟹，係蟹公，四兩半重。蟹羔不少，吃起來自然甘香。家陣年紀大了，真的一隻已夠皮。再來有蝦籽柚皮扣北菇鵝掌，BB柚皮扣得腍身，唯略嫌有丁點澀味，反而冬菇夠厚身夠香，大隻的鵝掌質感討好，唔會好容易散，是三者之中我最喜歡的。套餐既浸時蔬，十分嫩口，但份量多得誇張，我覺得減半都唔過份。另點了兩份蟹粉菜色，分別係蟹粉扒滑豆腐，以及生拆蟹粉小籠包，個人特別欣賞其小籠包，皮薄而湯汁充盈，但夾起打鞦韆亦不會穿，蟹粉夠香，作為小籠包控既筆者，吞下了兩隻才收手。單尾每人整多個足料既糯米飯，保証大家十二分飽。飲埋杯辣辣薑茶，飽足而歸。臨走時見到餐廳自家製的XO醬，買了一瓶回家，挺香的，撈麵食最好。

又到左大閘蟹既旺季，見到平時幫襯開既如心酒店中菜廳 - 如 推出左季節限定「時令大閘蟹套餐」. 咁食大閘蟹當然要去有質素既地方食，咁先絕對放心食到正宗嘅陽澄湖大閘蟹😉中菜廳今次推出既5道菜「時令大閘蟹套餐」亦相當抵食，原來只需要$498/人. 咁抵食，當然要去試下啦！第一道菜是熱騰騰的菊花五蛇羹講起蛇羹原來已經有成十幾年無食過所以都有點期待😉 因為秋季食蛇羹相當補身🤤這碗菊花五蛇羹一看便知道相當足料，蛇肉絲、雞絲、木耳絲、冬菇絲、花膠絲等煮成羹，入口非常鮮味濃郁及口感幼滑，還帶有一點陳皮香. 配上芳香的菊花和拌入幼細的檸檬葉絲，辟走了肉腥味更大大提升了鮮味，真的很好吃！配上旁邊的小薄脆一起吃也增添了口感. 聽說蛇羹很費工夫也要花很多心機時間😉第二道菜是紫蘇葉蒸大閘蟹(約4.5兩)另外加錢多叫了一款6兩重的大閘蟹大閘蟹我是比較喜歡吃蟹公的，黃毛金爪，看到也相當興奮！大閘蟹的蟹膏濃郁，就是特別喜歡吃蟹公的蟹膏幼滑香口，口感酥軟帶甘甜，半透明的膏狀吃起來很creamy，超正👍🏻 再點上它們自家調製的薑米蟹醋一起吃，更加鮮味！值得一提的是，點菜時會問我地想唔想食緊第一隻先再蒸第二隻？確保上

今次係我第一次寫食評，昨天八號風球，但見無乜雨風也不太大，就三個去荃灣如心酒店中菜廳食午餐，經理介紹新主廚嘅菜式，好有驚喜，特別喜歡炭燒安格斯牛肋骨，有燒烤味但又夠淋身，一定要試吓。帶子兩食也是很好，特別帶子棧下釀了百花，顯得師傅嘅心機雲耳拌香芹，第一次試這個效果很清新，本身就喜歡芹菜嘅香味，回家可以試做西芹炒小象拔蚌，食味不錯祗可惜象拔蚌有啲過火，要多點牙力😅杏汁花膠燉豬展，夠料👍🏻反沙芋，芋頭現在合時👍🏻 就是偏甜一點，減磅中的我也忍不住食咗4件🤦‍♀️桃膠燉雪梨，現在嘅天氣真係好好潤一潤，這個好清甜👍🏻👍🏻👍🏻