燒冬菇同雞髀菇好多汁，泰式燒豚肉好大份，肉邊帶少少焦香，點埋泰式醬嘅話更惹味！
完全冇肥膏㗎🤣
翠玉瓜多汁鮮甜，翠玉瓜逐件逐件反黎燒，更見師傅嘅用心☺️
蟶子皇好大隻！用咗蒜蓉黎調味，所以非常香，聖子亦10分鮮甜👍🏻
多春魚好好食，芝士年糕勁好食，軟綿得黎又帶咸香！
燒蠔係朋友食嘅，聞到都覺得香！
雞胸軟骨好有咬，同平時食嘅雞軟骨唔同！旁邊嘅燒白鱔，如果魚皮燒得更香脆就咁好食👅👅
燒茄子惹味，啖啖肉，而且蒜蓉磨得10分幼細！
燒豆腐係幾有驚喜，出面塗滿醬汁，口感係係外脆內嫩！
串燒店整嘅墨西哥薄餅亦都10分好食，薄餅香脆，入面就有啲芝士、洋蔥、紅椒粒等等，口感豐富！
呢度嘅服務好好，下次會想再嚟！
