好旺角麵家 (已搬遷) 新店位置

10feb06收工已是2am，落旺角吃個宵夜醫醫肚。旺角愈夜愈精彩，西洋菜街MK人嘻笑聲不絕；凌晨時分，雖有食肆，但選擇不多，見舖仔細細，人客不絕，二話不說，坐在角落吃個飽再諗聽日的事。雖說有生滾粥，但吃粥的話還是留到妹記好了，就要個蝦籽麵，麵份量夠大，算唔上爽口，尤幸非韌而鹼水味非重，蝦籽份量足，食落鹹味重，卻嫌不夠香，但25蚊貨仔，加上已是2am，作為宵夜，已是交足功課！