好日子 (已結業)

對上幾次來好日子也是飲茶，雖然點心方面的確不錯，可惜服務真的差劣都不行。所以一直都沒有帶友人前來飲茶。為食晚飯再度前來，原因是個人認為茶市和晚市的服務可以差天共地的，所以搏一搏咁啦六點幾入去還可坐到二人卡位，遲多十幾分鐘入來簡直位都沒個，已經要等位鳥估不到酒樓位置較偏僻，但早午晚仍能吸引到一定人流，相信食物好的話，位置已輪為次要了大家胃納也不是太多，點兩樣餸也足夠矣。本想食本月特價粉絲蟹煲，等食期間如非本身是一名八卦妹無聊地收聽收銀和侍應的對話，也不知此蟹煲已完售(6點幾就賣哂)。為何我會這提到這﹖因為過了20分鐘多都有了，負責落單的經理在經過時，加突然醒起時，才施施然地，告知我們此煲已售罄見他笑笑口地講，也沒怪他，他順便'介紹'我們吃另一蟹餸，但見到價錢貴好多喎...收費餐小食...我最愛酸酸甜甜的東西，這個給我吃清九成今日滋陰一下，就來個花膠蘑菇煲。當中有4件花膠﹑大量蘑菇和數棵小棠菜。花膠軟滑香淋，黏性極高，吃完個咀極速黏合，快過AA膠花膠吸盡獻汁後，本身沒有味道的，也由此帶一點鮮甜。獻汁濃度和傑度也剛好，至少不是鼻涕質，當中加入大量乾搖柱絲，由外到內都很有看頭，至於餘下菜蔬也煲

星期六同屋企人又嚟左呢度飲茶,唔係等左好耐位就有位啦,我地四個人叫左都幾多嘢食呀,都食唔晒仲要打包添.坐底劃緊點心既時候,仕應係度拿住沙翁係度叫賣,我地一見到即刻攞左一碟嚟食,三大個沙翁,仲熱辣辣架,出面好多糖舖滿晒,入面既蛋好軟好香好味呀.跟住就叫左一些點心及一個炒飯啦,點心有鳯爪,鳯爪都幾大隻,下面有些花生係底,唔算好辣,d汁都調得幾好味,唔會一pat pat咁,蝦餃係必叫的,因為真的好好味又大隻蝦又爽口,正呀!!跟住叫左一碟紅米炒飯,碟飯38元好大碟,我地每人都食左一至兩碗,炒得好香口及都幾多配料呀,有些菜料,瓜粒,蛋等,好味道,我地還打包仲一兩碗走添.牛肉珠都好大粒的,味道都ok,唔會好實及好粉,入面有些蔥粒,好味呀,跟住仲有煎堆又係係度叫賣的,都係熱的,大大個好味呀,夠香脆,好味!這裏的點心選擇唔算好多,但味道平均都有水準的,所以價日都好多人來飲茶的呀!

去過兩次, 結果相同, 所有員工唔想做野, 隻眼一係望遠一係DUP底頭, 驚一睇到人就會比客人叫做野, 我向過D呀姐大聲叫唔該寫寫野, 重要係睇住佢望到下我, 即刻DUP底頭, 我再挑戰佢多一次, 都係咁.....我終於發火了!!! 野食叫做OK, 吉之島黎計除左美心佢算係第二我認為, 但一講到服務質素成個屯門區應該係佢算差LA, 係差到無譜果隻.....TIPS, 最好一次過叫晒D野食, 盡可能唔好打擾到D呀姐, , 一係你去澳洲牛奶公司習慣下先, !!!

琴晚同家人第一次係好日子食飯,晚餐時間都幾小人係好日子食飯,但係上菜就等左好奈都有3-4個字我們家用膳就快完畢,個待應就企係到望住我地,等我地食完收野超冇礼貌,以後唔會再去喱到食飯

下午茶時份，價錢成了各間酒樓的賣點，顧客也樂於光顧。好日子，位置比較偏僻，地利優勢欠俸‥‥但開業幾年，已經成功吸納了一班固定的客群，相信總有突出之處。下午茶時段，大、中、小點一律＄9.8！很化算！切雞米粉，$14.8，忘了留倩影，唯有用文字表達。大大碗米粉，切雞肉嫩，是雞胸肉。骨多還是肉多，要看你的運氣，之前有吃過整碟雞背脊，只有丁點肉。特別之處是這兒用榨菜作配料，不是平時的時蔬。榨菜爽口，本人認為榨菜好像比雞肉更好味呢！潮式糯米卷，只有花生作配料，賣相？不算好‥‥但味道卻很不錯。糯米很黏口，入味，面層的皮很軟也夠薄。體積不大，吃完也有ＱＵＯＴＡ吃其他點心！蘿蔔絲蝦餅，上檯時，賣相異常的驚人！！期望跌至「零」！！但‥‥「人不可貌相」‥‥此餅味道奇佳！！蘿蔔絲份量多，感覺很清新！雖然用筷子夾時，會輕易散開。但如果不散開，就是蘿蔔份量不夠多，很矛盾吧！對我來說，此等的「散開」，我可以接受！五十多元的價錢可以吃到一碗燒味米粉，兩道點心！果然抵食！

當日安排入座後，冇人招呼問你飲咩茶，等咗同搵咗大約5分鐘先可以叫茶，攞餐牌又要等(因為張枱連餐牌都冇)，想叫杯汽水飲住先，d人話等一陣啦，"唔好意思"都冇一聲，好似重嫌你阻住佢哋。真係想走嗰時，好似經理咁款o既人就走埋嚟問係咪要落單，本來以為經理落完單，d人o既態會好番d，點知都係咁衰，d嘢食又唔好味，炸豆腐濕o既，d餸又成日送錯枱。大偖呀，你比我望住你送錯咗碟餸喺隔離張枱，人哋用筷子夾過，你竟然就咁攞番比我，我緊係唔要啦，你重要黑口黑面咁話人哋冇食過，整過要等好耐喎，但係叫我點要呀，送比我都唔想食啦！所以埋單咪叫個經理取消嗰碟餸兼投訴，但係都覺得冇咩作用，唔覺得佢哋會改囉，我一蚊tips都冇比，已經好多餘咁比佢哋收咗加一啦！

好日子一直都有光顧。最近惠顧满$100，就會送給$50贈券給客人下次使用。上星期五晚我和老公在那裡吃過晚飯後，記得總數大約是$280，用早前買的1 張$100現金券和信用咭結賬，他們竟然把$100現金券，視作他們用來吸引客人下次再惠顧的贈券看待，拒絕給我們$50贈券。他們還斬釘截鐵說没有贈券可給我們及一口咬定我們用的是他們的贈券。我老公與他們經過一場爭辯後，最終好日子承認是搞錯了，給了2張贈券給我們。昨晚又再遇到這情形，質問他們一會，便給我們贈券。

今日一行五人打算預祝中秋節飯，本身諗住book稻香但冇位，唯有推而求其次到好日子食，6：00到，可能時間尚早，冇咩食客，一坐低見到個餐牌，就寫住中秋節餐，都知會貴，但選擇少得可憐，唔係好啱食，但都冇計，都要食，叫左龍蝦伊麵，燒雞，乳豬，蝦子豆腐，蒜蓉炒白菜，叫由於餐牌見到清炒時蔬，我向叫野的時候就同個寫野的阿姐講的時候指住清炒時蔬，但我要蒜蓉炒白菜仔，唔知我做錯左咩，個阿姐用好差的態度同我講，你要蒜蓉炒白菜就講蒜蓉白菜la，我問佢時蔬係咩，佢好似冇答咁時蔬就係時蔬，我唔明我點解要比佢教訓。我作為顧客要受氣。個阿姐睇落唔低級，可能真係以為自己大曬，本身冇la la 受氣已經好唔開心，野食真係好難食，燒雞dry到爆，柴皮雞乾。炒菜係黃色kar，真係咩人都炒得好過佢，龍蝦伊麵，伊麵一d上湯味都冇，可能味精奇多，食完餐飯，喉嚨好唔舒服。唉，埋單767，重想話送coupon比我地下次幫襯，我地直接比番佢，我地冇下次la

今早起身心血來朝想過番日(好日子)！腦中浮出曾經有屯門見過的Banner，所以就同老公去試試看！位置比想象中難搵，泊好車後要問路才找到，等了15分鐘左右，入到去的感覺樓底不高，地方細，有部收得唔清的細電視。但大家也落意望住電視，我坐定後也好奇看著，電視正播住新聞，有輪旅遊巴在公路中……大家仔不以為意，仲估緊發生咩事…………我們叫了：上湯有機莧菜($19.8)…湯底清淡，量多，特出了莧菜的清香。香煎腸粉…略油且不香口，但蝦米味足生滾牛肉粥…粥底無味精，Good欖菜醬燒骨(小食$28)…香口，有BBQ的口感！味道不過濃，燒骨表面乾身而內有肉汁，高水準，這是我們的驚喜！

服務、食物和清潔都不合格，而且偏離甚遠.......入到去諗住叫個部長安排位置比我地，點知佢口黑面黑咁講：「你自己坐啦，咁多位......」係，的確係好多位，我點知你要唔要都扮下野帶下位o者，間舖咁多空位，你就知你地要諗諗你地d 工作態度啦！坐左在一張6人位，另一個女員工走出來：「你地幾多位架？」「4個！」「4個坐呢張啦！果張6 - 8個人坐」於是安排左我地去一張未執位既位置我地坐以為佢地幫我地執啦.....又唔係喎....行左去喎隔左幾分鐘又有個人出來執野......佢拎d 餐具比我地，我一見到有一個有上一手既漬....我就問可唔可以比另一隻我點知佢拎一個倒洗碗水既大湯碗比我，仲要加多一句：「你都要洗架la........」我發火同佢講：咁要唔要我入去洗埋你d 碗啊！佢理都唔理就行左去........之後再冇乜野事發生，雖然佢地d 態度好衰，但係我對食物既評語絕對客觀，並唔係因為佢地服務唔好而唱衰佢。好日子除左抵食之外，我找不到有任何好處...........

朋友約飲茶, 今次我地捨棄潮館, 試一下從未幫襯過的好日子, 老媽子是茶客, 市中心的酒樓大部份她已經都幫襯過, 暫時她最愛的是好日子, 因為她喜歡它水滾茶靚, 而我聽得老媽子講得多, 今次就約埋朋友一齊去試下我們二人被安排坐卡位, 很喜歡這種二人卡位, 就只可以坐兩人, 從前覺得2人惠顧酒樓, 總覺得是被忽略的一群, 等檯等得比較耐或硬要你搭檯, 但我不喜歡搭檯耶 所以很驚喜見到這種二人卡位點了一壺鐵觀音, 果然水真的夠熱, 熱到拿不起杯子, 但滾茶真的香很多, 好飲很多2人點了5款點心, 蛋球, 點心呀姐話, 平時沒有的, 假日才有啊, 所以見佢新鮮熱辣出爐就要了一碟, 鳳找夠入味, 腸粉皮看起來很厚, 但原來是很滑的, 就算厚了少少都可以接受呀~~牛肉就普通貨式, 排骨飯幾好味, D飯一粒粒的, 夠干身, 絕不是淋pat pat, 不過份量小了點~~5樣點心連茶芥, 埋單$110, 比起潮館貴, 但食物出色, 可以再幫襯!!p.s. 聽老豆講現在有長者優惠, 有長者咭者, $5有一個餐, 一籠包連一碗粥, 款色還要每日不同, 但好似是有時間限制, 想幫襯的要問清楚啊

今日休息天氣好悶熱 , 約左康記一家三口 , 及小貴子晚飯。晚上八點多小貴子駕我車 , 載我到屯門吉之島 , 泊好車後到玩具反斗城會合康記一家。到【好日子】晚飯 , 因為好友【油雞忠】, o係呢度燒味部做 , 諗住順便探下佢班 , 點知佢已經收左工囉! 入席九點多 , 點好菜色 21:20 pm , 計有【節瓜鱆魚螺片豬骨湯、鮑汁貴花蚌小棠菜、花蟹蒸籠炒飯、海鮮雜菜粉絲煲、琵琶豆腐、及贈送的龍蝦粥。】點知食到十點 , 仲有【琵琶豆腐 & 花蟹蒸籠炒飯】未到 , 向多位高低級職員再三催促先到 , 仲以為未落單添...唉!講下菜色味道先↓【1】節瓜鱆魚螺片豬骨湯 : 好鮮味夠濃郁 , 絕無味精成份 , 湯渣都十分好味有口感 , 正~【2】鮑汁貴花蚌小棠菜 : 貴花蚌都幾好但份量少 , 小棠菜伴碟賣相都唔錯 , 送飯就唔o岩~【3】花蟹蒸籠炒飯 : 唔用糯米飯鋪底我未試過 , 最初食覺得硬係唔知點咁 , 但食落冇糯米飯咁滯 , 蟹好似用鹽水先浸熟 , 唔似一般原海水鹹味 , 雖然冇咩肉但都好食。 炒飯幾乾身 , 蛋味都濃郁夠香 , 正~【4】海鮮雜菜粉絲煲 : 海鮮都係一般蟹柳、蝦仁及魷魚等

難得係平日唔駛返工~當然搵埋媽咪出黎食tea啦~星期一至五下午茶優惠時段: 小點$9.8, 中點$11.8, 大點$13.8..下午茶時段仲有兩款優點($6.8)點心選擇上次黎既時候已經係上個月既事喇~叫左於特價紙既煎蘿蔔糕同水餃..原籠蒸馬拉糕..鮮蝦菜苗餃, 仲有新鮮出爐既叉燒餐包煎蘿蔔糕水準普通~幸好唔算多臘腸.. 水餃有3隻..用廣式水餃皮, 感覺冇咁飽~鮮蝦菜苗餃好食~蝦幾爽口…原籠蒸馬拉糕好特別, 咁樣設計可以有多d邊位~因為鍾意食馬拉糕既人多數都係揀邊位…岩岩蒸出黎好軟熟~仲有少少欖仁,更有口感呢~唔太油..都唔錯~~叉燒餐包係侍應拎埋黎問要唔要…見到賣相幾吸引呢~熱辣辣..咁新鮮~~都幾難唔好味~包軟熟~~叉燒唔太肥~但就汁多過肉~而今次一座低先叫左兩個特價紙上既點心~同屬優點既潮州粉果同叉燒包..另外要左個菜遠班塊炒米-$38潮州粉果既皮略厚~而且會黏住對筷子~但味道都正常..叉燒包細細隻好的骰~叉燒唔肥又唔嚡..今次既汁剛剛好~個包放左好耐都冇變硬…^^菜遠班塊炒米賣相都唔錯~菜遠圍邊擺…總共有4-5塊班片..都幾好味~仲有脆脆既口感.....當然係油膩d~但都可以

早上八點零五分.潮館已經要等位.等了五分鐘見不太對路加無太多時間等.就轉戰落樓下好日子看看早茶是否有優惠?門口放了三張分別早,午,晚市的優惠海報加一張專為6X歲以上老人家的早茶套餐海報.總共四張.好日子都有雙拚早茶套餐,價錢平,$11.80有兩味.因第一次在早茶時間來,我怕入到去其實無優惠就幣啦,入去前先問站在門口的知客....我:家陣係咪都有早茶套餐食?佢:你講邊個呀?(兇兇的)我(指向海報)我講呢個...(心諗:早上有幾多個餐呀?我又唔係老人家..=.=)佢:有啦(好惡咁答,做緊自己野唔想多講野)我:咁一位丫~佢:......(佢講緊野但細聲到無朋友)我:??...我係一位...佢:自己搵位架..(又兇過...)好無奈地入去搵位,身邊擦過幾位店員和經理但他們是不會理你的酒樓地方很大,檯與檯之間都放得好開,因好多檯都有食客了,我轉來轉去,才有一位阿姐"發現"我及問我幾位?回答後就叫隨口叫我坐那張檯...呼...整頓好後就點野食.好快手點了粟米雞絲粥加桂林魚翅餃.粥在一分鐘內就有了.一個湯碗份量.粟米粒都算多,起碼每啖都有食到.而粟米又幾甜喎.雞絲得好少,不過肉質爛巴巴,不吃無算失.而

sem break最後一星期，想悠悠閒閒地渡過，叉足電再戰！飲茶可算是一種頗耗時的活動，過多幾天就沒有時間再過這種好日子！午時很多人，要排隊，可能因為附近的巨型酒家正在裝潢中，人們被分配到其他的酒家去，好日子也因此受惠。過了差不多半個多小時才被安排入座。二人雅座，卡位是也！可惜的是沒有檯布，感覺比較髒，手肘不想放在檯面上。點心的款式不算多，多是一些大路的食物。蝦餃依舊是鎮店之寶，被冠上好日子之名。但卻沒被我點中。糯米卷，都說過了，是我的至愛。這裡的糯米卷比悅明苑的好多了，味道不是淡淡的，而且有花生才陪襯，口感不會那麼單調。另外，還有售＄３８的午市抵食的麵／飯系列。有三款，今次要了韮黃冬菇斑塊炒麵。果然是抵食，很大碟，炒麵被剪開了，方便與人共享，炸得夠脆，斑塊有六件，魚肉滑嫩，是不錯的。唯一的缺點是汁太稠。結帳只是六十多元，抵食丫！