影片
其实货色就一般酒楼水准啦见有张优惠就去~晚市无咩人, 一定有位~呢碟野~等左一个钟先黎~原来无料真系等条鱼挡左先分呢个位煮俾我地....................呢个D配料算多啦呢间野....真系去HEA就最岩.....揾唔到位就黎啦...
继续阅读
星期六行屯门，朋友介绍话好日子冬瓜盅好抵食又好味，为免dinner time太多人去食饭，我地一到18:00便入去坐低食(仲有卡位坐添)朋友话，来到好日子，近期不得不食个冬瓜盅，$68份量足够味道亦唔错：冬瓜盅 - 好日子重点推广，大大个冬瓜，里面劲多冬瓜肉，草菇及瘦肉粒，啖汤够清甜，我地2个人食，每人都饮到4-6碗(连料) ，消暑料理重点推介，掂~脆皮南乳吊烧鸡(半只) - 虽然份量唔多但盛惠$38算系ok, 只鸡有黄油，皮够脆肉都颇滑。total加多碗白饭，连茶介加一合共$14x, 都抵食既~~
继续阅读
上月,最细o既舅父联络大哥,话o系大前日(21-9-2013 Sat)为外婆摆生日宴,问我家会有几多人去.最后只有我一个做代表=.=”.去到揾到家人喇,经过一轮合照同食蛋糕后,8:00pm开席,一共四席.1. 乳猪个样唔错同脆,但都几厚脂肪,个个都话只猪要减肥,点解o衣o家啲猪仔点解会咁肥?而我第一啖食落去竟然有啲苦,夹第二件时见到大大件,师傅认真懒.至于味道,唔太咸,不过乳猪酱畀得好少,蘸极都蘸唔到,真孤寒.2. 双鲜拼西兰花双鲜系带子同蚌片,带子味鲜但薄切,蚌片爽口好味,西兰花清甜,呢个𩠌做得唔错. 3. 瑶柱冬菇扒时蔬睇颜色就知好够味,但瑶柱好咸,发菜份量少,大大旧冬菇够腍,底下o既菜系生菜,成个𩠌系食到浓浓o既蚝油味.4. 炸虾o岩o岩炸起热腾腾,里面全部都系虾胶,唔算好弹牙,味道一般,佢o既酸甜酱就好好味.5. 竹笙鸡丝翅翅唔多,可能系舅母佢o地吩咐唔要咁多翅,虽然竹笙丝都唔多,但食落有爽口o既口感,汤几杰身但味道几淡,要加醋食.6. 清蒸海斑唔算好大条但肉厚,蒸到o岩o岩熟,肉质好滑,反而略嫌甜豉油太甜.7. 鲍片鹅掌扣时蔬同瑶柱冬菇扒时蔬一样咁深色,鲍片鹅掌都炆得好腍,真系冇牙都食到.而底下o既系小棠菜,我就冇食到.8. 烧鸡睇落唔太油,颜色对版,食落,皮脆肉滑,但咸o左啲.9. 蛋白炒饭我都系唔钟意食呢个,WCW表妹食呢个话好食.我话因为好淡.10. 干烧伊面我拣呢个食,伊面好腍,咸淡适中.11. 莲蓉寿包热腾腾,皮松软,唔太多o既莲蓉馅唔太甜,内里原来有蛋黄,不过几干吓.12. 雪耳木瓜糖水估唔到系呢个,睇见糖水好少,我o地个个都饱,唔想食雪耳只想饮糖水.我拣o左碗冇咁多雪耳,木瓜同水多少少o既.糖水落o左姜煲,唔太甜,雪耳同木瓜都够腍.卫生:都算干净,不过都系有只乌蝇飞o黎飞去.服务:上菜速度有啲慢,唔太细心留意客人饮晒饮品.环境:第一次o黎o黎呢间,座位分布系半间二人卡位,半间系圆枱,格调高档o左啲,亦觉得佢o地睇准未必成班人饮茶o既市场.我o地被安排o系最入o既一个区,初头人少时冷气有啲冻,但人齐影相切蛋糕,就觉得同外面等超强台风天兔袭港o既翳焗天气无异,叫侍应开大啲冷气,佢o地话已经开到最大,因为呢o度有好多射灯,同o岩o岩中间都间o左一间房畀另一班客,所以呢边焗啲,呢个系设计上o既缺点.而舅父佢o地拣呢间,估计系佢o地o系地下,唔使上落楼梯或等电梯,方便坐轮椅o既外婆出入,同令众多老老嫩嫩o既亲戚更安全.
继续阅读
周未父亲喜欢到此饮茶。一向明白这里有一个潜规则「不是熟客要等很耐位的」，若你不是熟客，取票后真的要慢慢等。但等的过程你会现入面有数张空枱悬空。曾试过等了一小时仍未有枱，但见不少人与问口的梁小姐打招呼后便直入餐厅，梁小姐便会传话与同事指某某生或某某太「入紧黎，安排枱」。这个已见怪不怪，故会选择一早(指是早上8时)与父亲到这里饮早茶，免郤等上两个小时。但刚过去的周未，如常早上时到此陪父饮茶，但今次真系忍无可忍。首先梁小姐正与一名男子倾计，我向她表示取票等枱。她示意指入面有枱，著我直接入餐厅。但入到餐厅，待应们又指没有枱，搭枱的亦没有。有一位郭经理非常不礼貌的指我们坐在大门边的位置，我表示不想坐门口，故我便取票等枱。但等的过去，梁小姐不断给别的客人枱。还责备我指我表达得差。我指非我表达得差，是她顾著与别人倾计。那刻已决定不在此光顾，但想反应她们的服务态度，但这位梁小姐，恃势凌人指他们的雇主为某某先生，你投诉也不受理的。
继续阅读
年廿九果晚因为我要返工，所以屋企人就提早同我喺屯门食团年饭喇！果晚……我哋叫咗三碟𩠌。首先…系「乳猪烧味拼盘」，里面有：乳猪、叉烧、油鸡、海蜇。味道 ok 嘅，乳猪皮系脆嘅，叉烧就「鞋」咗少少；其次系「清炒豆苗」，碟𩠌唔多油，有好香嘅蒜味；最后……就系「菠萝咕噜肉」，酸味够，肉味好，炸粉唔会太多。
继续阅读