好日子 (已結業)

今日又好凍，所以度度都咁多人拾下拾下，搵左幾間酒樓都好full，最終黎左喱間頗貴既酒樓，但埋單時都覺得物有所值啊！一行五人叫左十幾碟野，加埋個蟹粥都好甜好好味。材料1x - 4x既價錢都有，揀選左satay＆清湯底。帶子，龍蝦片，籮白，蝦，鲩魚片，花枝片，墨魚丸，肥牛，蟹柳，鮮冬菇，竹笙，烏冬，生菜。最後送上紅豆沙做甜品。

成日話去好日子飲茶今日終於都有時間同阿媽飲茶,等位等咗半個鐘....入到去有一張無人坐中枱,待應叫我哋轉隔離有人坐,但未執枱嘅細枱,執完枱放低枱布走咗無人理,等咗一陣有人招呼之後叫點心20分鐘到,叫待應攞個碗比BB,叫咗人攞應咗就算又唔理,唯有自已出去攞啦!!叫佢沖水又聽唔到,收碟又收D唔收D金錢肚有D蘇又硬,點心到齊欠一個燒腩飯差唔多半個鐘,叫人黎個個聽唔到,睇唔到.....终於有人見到(嗰個唔知待應定部長走個黎,我哋話有個飯未到同咪我媽話腸粉唔夠豉油叫佢順便攞黎,佢當時嘅態度喺好激動咁講:跟完一單又一單先)我望住佢...又望住我媽,我媽都呆咗..我覺得佢好有問題!!!我問佢咩態度呀!佢一路走...越走越遠之後再返黎話單上無喎,可能無落到單...我弟婦睇過單上有喎,估唔到佢兩隻眼都有問題),之後唔夠兩分鐘後面有個阿姐攞住個燒腩飯上枱,諗住食咪個飯走啦!!點知有個姐攞住D點心黎,我哋話齊哂啦....點知又黎完一個又一個!!我弟婦叫人叫經理黎點知就個個都聽唔到,後來有個女待應编張點心單出黎比我哋睇成十樣嘢都唔係我哋,話有人寫錯枱號所有點心入我哋抬...到埋單走經理都唔喺度,.出到門口見到

下午大約1:55pm去試屯門市中心好日子酒樓的下午茶, 好快有位(約數分鐘), 2:05pm落單點咗6個點心, 2:10pm有推介便即時要了一個食, 約10-15分鐘便來了兩個已落單的點心, 因我們坐在房(約十張枱), 侍應係經常有入去, 但係佢哋會扮見唔到你個茶壺冇水,你揮手亦當見你唔到, 你只係見到佢哋對眼只望住個電視(因為當時電視有股票資訊), 你可以想像吓我哋坐响電視機前面但係你同佢哋揮手都可以睇你唔到只望住個電視係有幾誇張呢??????到咗2:50 我哋仲未見另外四個點心, 於是好辛苦咁叫到個侍應問, 追完之後佢話可能漏單, 幫我哋追, 到3:20仲未見四個點心, 我都覺得我哋已經好有耐性, 但容忍都有限度啩, 我當你之前漏單2:50pm 先再同我哋再入單, 但都冇可能等多30分鐘依然未見個d點心出現啩, 我哋食的咁普通的點心都等到一肚氣, 我真係唔咁想像佢哋晚市會係點.以佢哋咁普通的食物質素, 我一定唔會再幫襯佢, 呢間酒家真係試唔試都罷, 我寧願去返稻香美心潮館麗都宴客好好多lor

晚上去慶祝生日叫左三個餸.燒鵝半隻 - 佢雖然平 $48.00 ,一般好吃,食唔完又唔可以拿走,太浪費 (個老闆又要平,就唔好咁炒粉絲蝦煲 - D粉絲不是一條條的,好似,炒菜 - 一d "獲"氣都冇總之食到一肚氣

食到一肚氣!事緣每星期日成家人都去屯門市中心飲茶, 最初試呢間好日子, 見佢門面幾靚, d人既服務唔太差, 雖然點心都係一般, 但都偶有佳作。 唔知呢個老闆係咪諗住打响左名堂，小女子就覺得食物同服務水準開始下降...今日仲食到一肚氣, 有"小昆蟲"不特止，叫人沖茶冇人理，臨走時仲比個待應踩左一腳應既，冇道歉，同d經理理論就叫我地算啦，最後仲叫我地一係報警啦(言下之意, 就係叫我地收聲).....唉..差到咁我真係第一次見, 當時成場食客都聽到! 我只能夠話，呢間酒家試唔試都罷，可能有食客唔同意，不過我就一定唔會再幫襯佢囉!

今時今日 我都知道有好多茶樓都出現熟客打尖..但今日 呢個情況真係令到我十分不滿。我由10點鐘 開始排隊 等到12鐘 都係冇位 我排咁耐隊 只係 為左一張3人檯。明明見住佢有人埋單 但偏偏冇叫number...係茶樓入面 又見到熟客等位..咁大家都唔使排啦,,, 排咁耐都係眼白白見到人狂打尖。真係排咁耐 真係排到冇胃口。太約等左 2個幾鐘 終於有位坐啦,但真係見住個經理既物體 手上成堆點心卡,有人埋利 就發比佢..真係係度玩派檯咁... 當時見到真係火滾。大家以後都係咪去,,廢時等死。

今晚又出動，全因我父親大人生日^^好日子酒家 -- 正好配合爸爸生日的感覺^^酒樓是媽媽選的，是一間全新的酒樓(不過在我的角度會幾似餐廳，因為很多卡位)。在屯門市中心食肆真的愈開愈多…見怪不怪，酒樓一係換名一係換鋪，其實對我黎講黎黎去去都差唔多…..所以新開的酒樓真的很少見。不過由於好日子的位置是在比較偏的位置，好似仲未好多人知佢ge存在…不過真係想講，堅好食~我們沒有叫它的4人餐，因為份量太多，感覺上可以給5﹑6人食，價錢500﹑600左右。素來我爸爸都愛吃清淡，所以亦沒有叫它的招牌海鮮(特別出名的應該是蟹，下次一定會去試試..看見人地食魚也好似好正….勁大條勁新鮮)，我們散叫了4個菜：　鮑汁琵琶豆腐﹑好日子燒雞半隻﹑海味什菜煲同埋菠蘿古老肉。一個一個說吧~ 首先上菜的速度很快….出孚意料之外….也好好味….琵琶豆腐 “讓” 得好好食….那個汁也真的很入味….令到呢味平凡到不得了的菜變得異常咁好食….好日子燒雞….打住自己公司名號的一定不能差….果然真的很好味….皮很脆….肉很嫩….雖然半隻都要88蚊….但係真係抵返曬..海味什菜煲冇咩特別…不過勝在都熱住咁上.....賣相很好..菠

星期六下午同媽媽來了這裏飲茶.我放工入去,媽媽12:30左右已去等位.......等到我入到去即差唔多一點半先有位,兩個人都要等一個鐘.媽媽話呢間酒樓幾時都咁多人.因為依家屯門都冇咩酒樓了,稻香又裝修,客家好棧又開迎囍.所以呢度變左好多人.酒樓都算大,都幾多位,我們坐房裏面.有電視,都不算好嘈,環境幾好呀.兩個人叫左:叉燒餐飽-是d亞姐係度sale的,咁就試下,都幾熱架喎,熱辣辣好味,d皮軟淋淋架牛肉-好大粒,都好熱架,ok呀,不會好粉灌湯餃-呢個一般,不過個皮都幾薄及多料的鴨腳扎-不是成隻鴨腳的,是切開了的,方便進食.腐皮,肉都ok,芋頭生水的叉燒腸-都幾多叉燒,腸粉都好滑呀咸水角-好脆呀,好香,我覺得好味呢度的點心熱辣辣的,味道都幾好,都好快就到,不用等好耐呀!

今晚一行四人去食晚飯慶祝父親節....講真d裝修係幾靚架...d二人卡位都好吸引...去到......屋企人已經一早叫左四個餸...1) 美果炒鮮蝦仁 HK$882) 燒汁煎牛仔柳 HK$883) 半隻太爺雞 HK$70 (個待應又話叫太子雞...真係無人知係叫乜...但係同豉油雞無分別)4) 竹笙北菇唐生菜 HK$80等左都幾耐...先黎個雞同牛仔柳...跟住無耐個菜都黎.....點知黎錯菜心...個女待應睇返張單..係晒整錯左...佢突然同我老豆講 "無所謂啦...菜心未重好食D...唐生菜唔好食架"...我聽完真係眼火爆...有乜理由你整錯要我食呀...就算菜心好食...但係我鍾意食唐生菜呀...跟住我未大聲同佢講 "你換過比我啦...我唔會要架"...咁個女待應就死死氣咁擺走...但係過左幾分鐘...另一個待應先黎講 "無晒唐生菜啦...轉第二樣啦"..跟住就咁走啦...要我地搵第二個問有乜野菜...到個男待應黎到...佢話 "有菜心..同.......小唐菜"...咁我地就話要小唐菜...真係好戲連場呀...過多幾分鐘...個男待應過黎話 "無晒小唐菜啦..得返菜心咋"...

環境, 一般, 但有蒼蠅飛來飛去.點菜, 部長"支ＸＸ"唔貴唔介紹, 你唔叫就開始變面. 差我們5個人(2個老人3個女性), 我們想吃燒鵝,龍蝦,魚, 便叫＂支ＸＸ＂部長介紹有否特價菜, 這位高人叫我們點$20/両的龍蝦一只約2斤半, (其實有特價$188/只包伊面底不介紹), 燒鵝要1只$88(話我們一定吃得完), 老虎斑1條2斤幾, 話特價$488, 佢私人平多$50給我們, 另外叫我們點多一味菜, 試問2個老人加3個女人點食? 我們七時半入座, 特價湯有冬瓜盅, HK$88, 售完, 但我們入座時, 只有小貓三兩台, 不知特價品是否只售3盅? 燒鵝亦是特價, 八時已售完, 要食特價菜,請5時入座. 食物, 縮水. 1) 上湯龍蝦1只 - $188 (肉都有幾舊可以吃)2) 芝士焗龍蝦1只 - $188 ( 肉數過得3舊, 腳就很多, 蝦頭得半邊, 唔知另外半邊去咗邊?)3) 燒鵝半只 $48 - 可以. 不過只鵝唔熱, 好肥. 4) 龍躉兩味$198 (勁細碟) - 翡翠炒斑球 - 蒜茸蒸頭腩最搞笑係上菜, 起菜先來燒鵝及斑頭腩兩味, 等了一陣,未見龍蝦便叫

今日難得放假,就陪媽咪去細姨度屯門飲茶雖然係遠左少少,但難得有一盅兩件,當然會出席啦!新式真係唔通D,連卡位都多個人.點心既款式都有好多,價錢都可以接受不過...講到味道....就真係見人見智叉燒焗餐飽:我覺得最好味,又夠熱,個皮又軟熟瑤柱千絲酥:賣相都幾好,但個心只剩低微暖.而且仲係淡而無味上湯小籠飽:只望個樣,我已經唔想食啦,個皮又厚,又少湯...失望蒜蓉蒸鮮魷:咸到....真係好難接受.其他既點心都.......不過不失啦PS:下次都係叫細姨試下另一間好D

今日見幾得閒,就同埋班fd去左呢間新派酒樓試下菜~一去到見倒隔離檯碟燒鵝好似好好味咁~就叫左一個燒鵝例牌, 一個芝士焗龍蝦同埋金銀蛋煮菜苗事關3個人唔食得咁多野~而最快上ge就係燒鵝，上檯時仲係熱的，鵝背同鵝腩位皮脆肉滑，肉汁豐富，比我最好的感覺就係連髀位都好入味，論香味絕不差於中環鏞記~本來呢餐都算完美的，可惜個芝士焗龍蝦完全唔得，我都係第一次食到d芝士味係似上湯囉，可能係太忙啦，d龍蝦完全唔入味，淡面無味，個金銀蛋煮菜苗，清清地唔錯呀，最後仲送糖水添，不過我同兩個朋友不太愛食甜的跟過咁多朋友去試菜，本人絕對推薦各位去試下個燒鵝，用一個平平地ge價錢可以食到不會差過鏞記的燒鵝，鐘意清ge朋友，都可以試下個冇咩(芝士味)的焗龍蝦的，試下金銀蛋煮菜苗也可以喔，記住喜歡清先好叫呀

呢度冇其他酒樓咁嘈, 而且每張枱都睇到TV (雖然冇乜聲)最好味係海王煲有魚肚好入味燒餓冇海霸咁好味龍蝦伊面好大碟好低食

好日子星期一至五都有一款外賣燒味做特價, 老公愛吃雞, 所以星期五特意走來買半只貴妃雞給老公晚飯加料, 再配上我煮的海南雞飯, 老公話好好味道, 他更覺得比元朗金記的切雞更好吃, 雞肉很嫩很滑, 肥糕不多, 味道又夠鹹, 最喜歡那只免切雞脾, 吃得方便又暢快。師傅刀功亦很好, 碎骨很少, 可以吃得放心一點。店員很好人, 由買票到取外賣, 全程都顯得友善, 服務抵讚!!! 特價後價錢與百佳超市的相約, 但質素與味道都好很多, 那當然要多點幫襯好日子啦, 更何況是老公點名說好的呢, 下個星期五應該又會見到我買貴妃雞了。

新開張一段日子都未去過, 今晚無煮飯, 所以同屋企人去試下新派裝修, 環境都幾光猛, 我地一行三人, 知客安排左我地坐卡位,但卡位設計好有問題, 竟然有扶手的, 搞到坐入去果陣好迫, 坐落都ok, 只係出出入入好唔方便,今次本來點左三樣小菜:欖菜肉碎炒荷豆金銀蛋煮菜苗甜豆牛柳粒落單時我問侍應荷豆同甜豆係咪一樣, 佢話應該係, 我同佢講唔緊要啦, 照落單啦,無幾耐個侍應走番轉頭, 原來佢幫我入廚房問師傅, 係同一種野黎, 問我需唔需要轉第二樣,我覺得佢都幾細心, 出面好多侍應聽你講話"唔緊要, 照落單", 佢地都會算數, 我覺得佢都幾上心幾好呀我家母親因為患病, 味覺好敏感, 唔可以食太濃味既野, 我叫侍應幫手同廚房講儘量淡味D,上菜之後發現果然係淡味左, 食到半路佢仲埋黎問我地夠唔夠淡, o岩唔o岩口味原來晚上6-8點入坐的話, 會送陳皮蒸鮑魚仔, 每人一隻, 味道都ok最後仲送糖水添, 今晚有三款選擇, 我地每人試一款, 試哂三款馬蹄雞蛋糖水 (好清甜)紅豆沙 (起哂沙, 好味道)紫米露 (甜度剛剛好)