好日子 (已結業)

其實貨色就一般酒樓水準啦見有張優惠就去~晚市無咩人, 一定有位~呢碟野~等左一個鐘先黎~原來無料真係等條魚擋左先分呢個位煮俾我地....................呢個D配料算多啦呢間野....真係去HEA就最岩.....搵唔到位就黎啦...

星期六行屯門，朋友介紹話好日子冬瓜盅好抵食又好味，為免dinner time太多人去食飯，我地一到18:00便入去坐低食(仲有卡位坐添)朋友話，來到好日子，近期不得不食個冬瓜盅，$68份量足夠味道亦唔錯：冬瓜盅 - 好日子重點推廣，大大個冬瓜，裡面勁多冬瓜肉，草菇及瘦肉粒，啖湯夠清甜，我地2個人食，每人都飲到4-6碗(連料) ，消暑料理重點推介，掂~脆皮南乳吊燒雞(半隻) - 雖然份量唔多但盛惠$38算係ok, 隻雞有黃油，皮夠脆肉都頗滑。total加多碗白飯，連茶介加一合共$14x, 都抵食既~~

上月,最細o既舅父聯絡大哥,話o係大前日(21-9-2013 Sat)為外婆擺生日宴,問我家會有幾多人去.最後只有我一個做代表=.=”.去到搵到家人喇,經過一輪合照同食蛋糕後,8:00pm開席,一共四席.1. 乳豬個樣唔錯同脆,但都幾厚脂肪,個個都話隻豬要減肥,點解o衣o家啲豬仔點解會咁肥?而我第一啖食落去竟然有啲苦,夾第二件時見到大大件,師傅認真懶.至於味道,唔太鹹,不過乳豬醬畀得好少,蘸極都蘸唔到,真孤寒.2. 雙鮮拼西蘭花雙鮮係帶子同蚌片,帶子味鮮但薄切,蚌片爽口好味,西蘭花清甜,呢個餸做得唔錯. 3. 瑤柱冬菇扒時蔬睇顏色就知好夠味,但瑤柱好鹹,髮菜份量少,大大舊冬菇夠腍,底下o既菜係生菜,成個餸係食到濃濃o既蠔油味.4. 炸蝦o岩o岩炸起熱騰騰,裡面全部都係蝦膠,唔算好彈牙,味道一般,佢o既酸甜醬就好好味.5. 竹笙雞絲翅翅唔多,可能係舅母佢o地吩咐唔要咁多翅,雖然竹笙絲都唔多,但食落有爽口o既口感,湯幾杰身但味道幾淡,要加醋食.6. 清蒸海斑唔算好大條但肉厚,蒸到o岩o岩熟,肉質好滑,反而略嫌甜豉油太甜.7. 鮑片鵝掌扣時蔬同瑤柱冬菇扒時蔬一樣咁深色,鮑片鵝掌都炆得好腍,

周未父親喜歡到此飲茶。一向明白這裡有一個潛規則「不是熟客要等很耐位的」，若你不是熟客，取票後真的要慢慢等。但等的過程你會現入面有數張空枱懸空。曾試過等了一小時仍未有枱，但見不少人與問口的梁小姐打招呼後便直入餐廳，梁小姐便會傳話與同事指某某生或某某太「入緊黎，安排枱」。這個已見怪不怪，故會選擇一早(指是早上8時)與父親到這裡飲早茶，免郤等上兩個小時。但剛過去的周未，如常早上時到此陪父飲茶，但今次真係忍無可忍。首先梁小姐正與一名男子傾計，我向她表示取票等枱。她示意指入面有枱，著我直接入餐廳。但入到餐廳，待應們又指沒有枱，搭枱的亦沒有。有一位郭經理非常不禮貌的指我們坐在大門邊的位置，我表示不想坐門口，故我便取票等枱。但等的過去，梁小姐不斷給別的客人枱。還責備我指我表達得差。我指非我表達得差，是她顧著與別人傾計。那刻已決定不在此光顧，但想反應她們的服務態度，但這位梁小姐，恃勢凌人指他們的僱主為某某先生，你投訴也不受理的。

年廿九果晚因為我要返工，所以屋企人就提早同我喺屯門食團年飯喇！果晚……我哋叫咗三碟餸。首先…係「乳豬燒味拼盤」，裏面有：乳豬、叉燒、油雞、海蜇。味道 ok 嘅，乳豬皮係脆嘅，叉燒就「鞋」咗少少；其次係「清炒豆苗」，碟餸唔多油，有好香嘅蒜味；最後……就係「菠蘿咕嚕肉」，酸味夠，肉味好，炸粉唔會太多。

果日夜晚我同屋企人去咗酒樓食晚飯，因為要預祝媽咪生日。一入去冇耐，我哋就叫咗個燉湯同幾道小菜。先講個燉湯啦……材料新鮮嘅，足料去煲，味道好。跟住到小菜喇！等我逐一同大家介紹吓……D 蝦夠新鮮，有蝦味。豆苗冇沙，炒得好好。一字骨嘅肉味夠，唔會太咸。成碟嘢夠冰凍，正！

果日係慶祝我父母嘅結婚周年紀念，所以去屯門好日子食晚飯。一入去，我哋先 Order 個燉湯飲。因為遲就可能會賣晒喇！每日數量唔多㗎！個湯我哋三個人每人有兩碗幾飲 而材料嘅份量都好足夠，同時亦好新鮮。之後，我哋就叫咗幾碟小菜食。夠冰凍，好好食。蝦夠新鮮、夠熱。花姿片夠「林」；芥蘭炒得好好，唔會太硬；碟小菜夠熱。

上菜極慢! 趕時間等了三十分鐘一籠點心也未到! 要求取消其中兩碟 (因怕等唔切), 竟被店舖經理無禮對待!!! 要求取意見書, 經理起初說有, 後來竟給我一張白紙!! 更態度惡劣說:「冇意見書俾你寫ga!」食物質素一般,員工態度惡劣! 唔會再去!

食到一半，吹你埋單，唔緊要。承惠197大洋，俾咭佢。過咗5分鐘返黎同你講200元樓下唔收咭---咁你早d講啦！俾咗200蚊，食完都成半個鐘，都唔找錢。你又想收足我兩舊水，又唔俾我碌咭，咁你地酒樓想點呢？食物質素可以接受，不過兩個人以197蚊飲下午茶，可以搵間服務好d囉！

今日原本開開心心同個朋友去飲茶11點幾去到攞位，我飛號碼係81，等左太約一個鐘。終於叫到78, 79......點知服務員一跳就跳左幾個號碼。我同朋友就去問佢啦。點知佢黑口黑面一粒聲都唔出。好啦。我好聲好氣問多幾次。其後亦有其他人上前問，果位服務員同樣黑口黑面唔出聲。我就忍唔到口話人地問你野出句聲啦。果位服務員就話講左你知囉。但由頭到尾係無出過聲我唔明佢點可以話講左我知。其後我咪講你態度都好差喎。問你點解會跳號碼，你答左人咪無事囉，點之條友就講粗口關你X事咩，之後就開火同佢嘈，嘈唔夠幾句我癈事同佢嘈，我就話我要向你公司投訴你。但另一位部長比左張咭片我。佢叫我打呢個電話，但果個電話就係果間酒樓既電話黎 ，我再問佢拎佢個名投訴，我話佢地無個牌掛係衫到我費時投訴錯人，點知佢地唔肯講，好。無問題我咪影佢相囉，之後果服務員話做咩影我相，我報警！你唔好走，我咪同佢講，好我唔走我坐係入面等警察黎，我唔明係公眾地方點解唔比人影相，警察黎到我同佢地講返成件事佢地都好無奈點解要攪到報警。原來開開心心放個假去飲過茶，比佢攪一攪無哂心機，之後上網搵佢地公司電話投訴，但發現係投訴無門，唯有在此舒發。以後都唔會去

嚟呢間好日子酒家飲茶真係my family的壞日子la....難得阿爸星期日放假咪决定去市中心飲早茶，度度勁多人等位，見好日子冇禁多人又冇幫襯過，咪試下law. 一坐低睇見價目，D點心竟然同美心皇宮一樣貴，都坐低左咪豪一次law. 阿媽諗住拎走D點心畀佢同事做早餐就額外叫了兩個正價小點的鳳爪排骨飯。終於點心到左，最先到就係那兩個鳳爪排骨飯，阿媽就問D員左擺膠袋及盒盛起D飯，點知個女員工好晦氣放低盒and 用不友善態度話呢兩個係特價點心唔可以拎食，之後極速走開。我地已經响正價時段落單而且冇任何特價點心紙，何來叫了特價點心。阿媽咪揾左個女部長詢問及反映該員工的說話，點知個女部長一句：由佢la...就走左去。到最後我揾個男部長過嚟，投訴該女部長及女員工的惡劣待客態度，及取消未到的點心。點知個男部長除左肯定我地冇錯聽完我地截單，就真係只截單，一句道歉的話句都冇就走左。我地未見佢跟進我們的投訴，大佬！做飲食業唔係淨係煮碟野出口黎，你做得部長連點樣管理都懶得去做，你就算唔願炳個員左，都做場戲拉個員工埋一邊扮炳黎安撫食客la。最後走左去吉野家食早餐，好好的一個早上就糟蹋左。我做左會員好耐，未曾留言

放假飲茶,老婆說去好日子星期四比較少人所以很快有枱’叫了八樣点心o不熱,已經是大忌:鮑汁鳳爪.,又是暖的,食落是普通豉油味而雞腳還有很重雪氣味,失敗之作o九菜豬紅不知烹調為何物用滾水烚一下ㄧㄧ掂?完全冇味,車仔麺好好多賣相還可以,但食後又有一大陣雪氣,唉廚藝及處理方法有問題

熊媽嘅嫲嫲約晒所有仔仔孫孫一齊食飯, 話就話預祝母親節, 其實老人家嘅心意喺見到幾多次得幾多次...好sad呀熊夫妻很少嚟屯門, 入到嚟人生路不熟, 唯人靠嫲嘛帶路, 喺屯門西鐵站行落扶手電梯, 直行過幾條馬路再轉右, 得咗事先聲明, 今次食評無相片供應, 因為唔想俾親戚問長問短。嫲嫲及各位長輩選了$1888全包宴, 包2枝生力啤及12罐汽水。 侍應生把它們放在轉盤上, 嘩~ 排成一圍牆, 好壯觀啊~首先, 燒味拼盤送到來, 有燒肉、乳豬、义燒、酸辣海哲, 海哲粗條橡根狀, 甚有咬口；燒肉皮脆而且肥瘦相間, 不過鹹；麻皮乳豬皮薄脆, 肉嫩滑, 不過層肥膏都幾厚吓；义燒正正是用梅頭豬肉, 肉質爽滑兼帶根跟住第二道菜是芝士焗生蝦伊麵, 芝士味道是芝士粉Parmesan Cheese, 伊麵帶點點韌性但都偏向腍, 生蝦都ok至少沒有肉霉。第三道菜是西蘭花炒蝦仁土魷, 西蘭花脆口而花花綠色部份就腍腍地帶鹹香, 蝦仁有壹圓硬幣咁大但唔夠爽口, 土魷香兼彈牙隨後有蒸魚(肉好滑), 蟹肉草菇小棠菜(啖啖鮮蟹肉及蛋白, 草菇唔夠卜卜脆), 菇翅(其實個個都唔知叫乜, 因為碗翅有大量菇條, 肉絲, 翅

住屯門周不時都會去市中心飲下茶,好日子我地間唔中都會去,野食都唔差,款又多,不過就貴d啦...之前去就特別要食叉燒,好好食...不過近年去,叉燒水準下降了,外賣仲唔好食tim....而家去飲茶我最想就係食佢個沙翁, 點心紙上係冇得叫,要等亞姐拎出黎賣....有時要捕架...因為都幾受歡迎, 佢整得好好食, 又大舊,又唔算好油,有蛋香,外面鬆化,入面軟熟,雖然係係幾heavy下,我媽咪又唔食得太甜,佢都唔食o既...但我又好想食,有時得兩個人去,得我食,我都會照叫,我起碼食兩個...我去到就會捕,一見佢拎出黎我就好心急去拎,都唔等佢行埋黎喇,有時同d亞姐講我想要沙翁,佢地都會幫我拎...好味~~~今次只係重點讚個沙翁,嘻嘻...

同屋企人食飯，因為姨丈剛剛尼泊爾出差返來，話好耐無食飯，一定要食中餐，本來想去明星的，但系去到好多人等位，6點幾咨客就話要食第二輪，要8點幾左右，馬上走，行左好多間都好多人，剛好行去好日子就馬上有位，D環境一般（每張枱同枱之間根本行唔到人），西蘭花一塊有味一塊無味，乳鴿麻麻地，條斑仔屋企人話幾好（我無食到），元貝都幾大粒（太多蒜蓉，比D去西蘭花個度就好啦，因為好似蒜蓉西蘭花要加10蚊，問有無芝士西蘭花話無，後來話有，要98蚊，部長話省D啦，味道好極端），燒鵝好正（我覺得比稻香好，D皮熱的時候好脆啊），老虎蝦一份系4只，全部D味道都算OK啦，5個人total買單910蚊，送左6張50蚊的現金券，話下次食滿100蚊可以用一張（正價菜），現金券比左我另外無信用卡的姨，點知佢地去食話唔可以用，因為之前送券的時候系刷卡買單，要刷卡才能用，唉......