女人街食飯公司

营业中

休息中

最近到旺角行街，見到一間以女人街為命名的餐廳，今日終於到來試嚇啦。餐廳門口龍鳳呈祥的裝修就像酒樓一樣，而裡面裝修就一片香港的懷舊風格，充滿香港的舊情懷。屋邨三鮮$78屋邨三鮮是豬生腸、鴨腎及墨魚，豬生腸及墨魚都帶爽口，而鴨腎的邊有少少脆，㸃上甜醬及芥辣，味道豐富。清炒蒜蓉菜心$78清炒蒜蓉菜心，每蓬食飯都喜歡㸃上一個青菜，健康又有益，今日要了清炒蒜蓉菜心，菜心頗嫩，炒得又夠蒜蓉味之餘又爽口。鳳梨懷舊咕嚕肉$98鳳梨懷舊咕嚕肉，有菠蘿、青紅黃椒及少少洋蔥，咕嚕肉切成長條形，因剛炸起，外面還帶點脆，酸酸甜甜非常惹味。