女人街食飯公司

营业中

休息中

聽到個食店名稱，和店內用心復古懷舊裝修 ，就知老闆有些搞鬼有用心思。之前和同事來過，人太小很多東西吃不到，今次一行五人，那些年的朋友(一算之下已逾30年，唔到你唔認老) ，沒見多年，那當然要去一些那些年裝修的懷舊特色食店。Open Rice上 book錯日期，但電話confirm booking 多謝接電話的哥仔安排可以改，但說可能要1.5小時內交枱。19：00到，20：30要走。可能疫情加上時間早關係，其實沒太多人。都唔明點解要1.5小時交枱。叫了四人餐再加兩個餸《黑松露蝦多士4件（另加1件) 》漏上一件，通知服務員，才補回 。味道正常，黑松露和蝦香味配搭不錯，可惜多士太油。《秘制走地雞半只》值得一試，其中一款由老闆親自備製的醬汁內有蔥、蒜、乾蔥、秘制豉油和麻油…等 ！雞亦煮得很滑，面層鋪上炸蒜蓉…等等！惹味香口，混在一起吃多重口感。《足料老火湯( +$40升級杏汁燉豬肺湯)》杏汁香濃，豬肺還算乾淨， 不過略嫌片得太薄，這類湯水在家制作很費時， 就算以前 在廚房，亦不是每一個檔口都有做這類湯水 ，香甜喜歡杏仁味的 不要錯過。《風沙鮮魷》鹹蛋黃惹味， 如果面層再干身啲更好，但係食落魷魚

Happy Friday 同朋友食飯傾計其中一個朋友想食大排檔 又驚今個星期洛雨早兩日已經預約留座食喱間女人街食飯公司一行3人加一個B叫左一個八味脆鮮魷 ，高湯粉絲雜菜煲，黑松露鮮蝦多士（3件），加Openrice 優惠價 $38 享用原價$138 招牌瑤柱走地雞半隻食隻時間係有限既 我地留位晚上6:30 員工電話確定預約會同你 要係到8:15 就走 個人覺得八味脆鮮魷 好失望 又唔脆 又多油 高湯粉絲雜菜煲 又普普通通 冇咩特別黑松露鮮蝦多士（3件）有驚喜 又脆 味道又重蝦味 正🥰招牌瑤柱走地雞半隻 雖然做優惠價 但一d都唔錯 雞好鮮 又大隻3個女生加一個B係 大約$400食物唔算樣樣好食 有待改善 野食都唔大碟

見到最近好多人去呢度食飯，即管黎試下，喺openrice book左6點半，當晚full booking要8點3就交枱，因為朋友生日所以有蛋糕，要收切餅費$30。4個女仔叫左7個餸，包括: 
*屋村三鮮 （生腸、鴨腎、墨魚）- 好食，好食同埋好好食，全部都好爽口，秒殺*士多啤梨骨 - 得個色，無咩味，有幾粒士多啤梨碎喺面，較多肥肉，失望*黑松露鮮蝦多士 - 配個黑松露醬，趁熱食係OK，蝦都幾大隻，一人一件就夠*一口臭豆腐 - 唔夠臭，不過都幾好食，係無咩豆腐味*生炸脆皮鴿皇 - 正常味，4個人叫一隻都可以*高湯粉絲雜菜煲 - 純粹想叫個菜又唔想諗，無咩特別*瑤柱招牌走地雞 - 經operice book位可以用$38享用，都有啲驚喜，啲肉幾嫩，配個泰式醬汁都出奇地夾最後未夠鐘啲侍應好似成日行埋黎想收早我地啲野，不過知我地想食埋蛋糕都有幫我地清乾淨張枱比晒碟我地，所以我地臨尾都快食，唔好阻住人地翻枱，臨尾佢地都係無收我地切餅費～

想食大排檔懷舊菜，絕對要去旺角既女人街食飯公司😎 是日晚餐去左呢度，真係無來錯👍🏻 叫左好多碟餸都好正🤤🤤..叫左黑松露厚蝦多士🦐蝦多士唔係度度有，蝦好爽，仲要有黑松露！好正😋 然後叫左鐵板黑椒豬手，好惹味🤤豬手既肉質燒得好軟，入口即溶!..唔少得要叫招牌杏汁燉豬肺，杏汁好香好濃👍🏻 豬肺好滑，成碗湯都好好味好潤。再叫左碟瑤柱招牌走地雞，好多料，而且俾埋兩碟醬汁，一碟係薑蒽，一碟係泰式酸辣醬，一啖薑蒽雞，一啖酸辣雞，正呀。..再叫左乳鴿食，好好味好嫩滑，唔夠喉再叫左鐵板尖椒醬爆大腸，聽個名都知夠火喉夠鑊氣，堅好味，鵝腸吸收哂醬汁～..最後叫返碗麵同豉椒炒大蜆作結，好滿足😋呢度既裝修都有好多影相打卡位！

有陣時懷舊一下細細個去既酒樓，機乎每間酒樓的特式都有「龍」與「鳳」裝飾，呢間大排擋感的餐廳令我好懷念好回味兒時回憶呢個係佢既門口 好懷舊呢個牌係呢間餐廳特式風味每處都是80-90年代風味唔好而為去左街市，呢d都係鋪頭特色炸蝦多士咕嚕肉，椒鹽鮑魚、炒雜菜煲查黃金豆腐呢隻蟹真係好貴呀$700蚊 不過好大隻，如果食海鮮，佢呢度海鮮價都高咖雞湯中式生菜包呢兩張係zone近影一大班朋友約係呢度懷舊下 飲杯啤酒 相當唔錯

連續兩星期幫襯，有番咁上下地點方便，食物有水準，招呼周到，環境衛生今次有七拆優惠同正價食一樣貨真價實朋友未到齊推介兩味送酒前菜麻辣韭菜花豬紅：夠野味勾起兒時味道屋村三鮮： 即滷味三寶 墨魚~彈 大生腸~爽 雞腎~脆晚飯整碗無味精螺頭湯唔係例湯嚟架梅菜扣肉煲仔上，入口即化食完唔會有罪惡感，送飯一流扣肉一口臭豆腐，配豆瓣醬 海鮮醬 , 朋友仔話如果用夾埋酸菜食正好多薑汁炒芥蘭， 處理夠誠意 削皮無渣 食得自在仲有手撕雞同蒸魚，呢兩味麻麻地下次要試多幾味

【女人街食飯公司】『九龍篇-油尖旺區』同完一大班波友係花墟打完波，出完男男男之力後，更係要補充番體力同成班兄弟啤啤佢啦。真係唔好意思，作為一個地道既麻甩佬，本尊又食大排檔啦。旺角大排檔黎講，妹記一定係數一數二。而近一兩年就多左一間頗有特式既大排檔正正開左係妹記樓下，當然唔好輸洩，一試佢既龍與鳳先。點知一入門口，佢真係擺左對龍鳳係門口迎接我地。少年!我地真係太年輕了。入到去一系列懷舊既裝修真係令人覺得好Amazing，認得既話真係出賣哂年齡，淨係係到打卡懷緬下昔日既舊香港都抵哂。我地坐低左之後，事不宜遲，當然馬上睇餐牌點菜啦。伙記都好幽默地一黎已經同我地講秘制蔥油雞同埋招牌杏汁燉豬肺得番一份，問我地要唔要，我地更係諗都唔諗即刻要左先啦，咁多人叫一定唔會差得去邊。之後下單既有酒香醉豬手、黑椒蜜餞薯仔牛柳粒同埋香辣京蔥爆羊片。招牌杏汁燉豬肺果然名不虛傳，又夠足料又夠哂入味。適逢新冠肺炎既關係，飲完都覺得個肺即刻潤左，杏汁味勁濃，睇個湯既濃度都知倨湯足哂料。飲完完全明白點解呢個湯會係招牌菜。之後再黎既秘制蔥油雞可以食出懷舊既味道，蔥油做法既菜式係香港已經買小見小，估唔到呢間大排檔竟然咁出式有蔥

今日趁住屋企人生日嚟到女人街食飯公司慶祝，貪佢裝修夠懷舊，夠特別！叫咗唔少嘢食！特別係蝦多士，炸得香脆金黃色，唔會太燶，蝦肉又新鮮，超好味！另外，仲叫咗豉椒鵝腸，古法蒸魚腸，梅菜扣肉同蒸龍躉飯，全部都係懷舊菜，樣樣都好好味，價錢又唔算貴，有長輩生日嚟呢度慶祝的確是不二之選！

黑松露蝦多士(每件$28)，蝦幾大隻，麵包脆，松露香，唔馬虎。提提大家一件起、兩件止，會膩同好肥。一口臭豆腐($58)，因為只係好輕微嘅臭味，一般人都頂得住，一口size做starter啱晒。屋村三鮮($78)夠爽口，配啤酒好夾。受疫情影響，好多餐廳都少左人流同生意，因此食肆近來嘅服務態度係提升左，某程度上對小市民黎講係好事（平時受盡白眼...😂誇張手法）。*強調絕對鼓勵大家應留家吃飯，避免到人多地方。

⭐️ 女人街食飯公司 ~旺角⭐️想去有啲新意同乾淨嘅大排檔？好推介你哋黎呢間樓上鋪試吓😋唔單止裝修好靚😍霓紅燈招牌好矚目加好多懷舊裝飾🎞，仲要嘢食都好味💯地方都幾大，冇乜人，地方一啲都唔迫😝係冇平時大排檔嘅熱鬧😲但都充滿着香港特色，好特別！經OpenRice定位仲要有七折，平好多‼️1️⃣黑松露厚蝦多士 $80呢個真係必叫‼️即叫即炸好香脆🍤 蝦肉彈牙好香口🦐同埋幾重黑松露味💯唔會話太油膩！配埋黑松露醬令人一試難忘😋好好味🧡2️⃣鳳梨懷舊咕嚕肉 $76咕嚕肉炸得好香脆🤤炸皮唔會話太厚，味道酸酸甜甜好開胃！3️⃣XO醬馬拉盞通菜煲$69通菜煲分量幾大，味道好濃味🤩唔會話太鹹👍🏻XO醬係有少少辣，好惹味😋4️⃣豉椒炒大蜆$90呢碟好夠鑊氣🤣豉椒亦都好重味，份量算多！蜆肉飽滿😍洗得好乾淨，唔會話食到有沙😋5️⃣八味脆豆腐$41豆腐外脆內軟，八味粉亦都充滿着椒鹽味😋😋好香口！送飯食一流😙6️⃣八味脆鮮魷$69味道其實同八味豆腐差唔多，只不過係炸鮮魷🦑炸皮亦都唔會太厚，椒鹽味十足！夾埋啤酒食就一流🤣💡總括而言，呢間餐廳食物質素很高！雖然價錢略貴💸但嘢食好特別，幾值得去😋覺得比妹記更加

放工喺旺角想搵嘢食，諗起之前有朋友提過呢間小菜幾好食，於是兩個人就去試吓。上去見到佢嘅裝修以懷舊為主題，感覺好特別。我哋叫咗個豉椒炒蜆、薯仔牛柳粒、蒜蓉白菜仔、螺頭湯 (唔記得影相😅)，再加一個雞油飯，一個白飯，好快就有嘢食啦。啲蜆好大隻，食落好鮮味又冇沙; 薯仔甜，牛柳唔會太靭，螺頭湯夠火候，每人可以飲到三碗🤤，雞油飯唔算好油，而且都幾香，兩個人食到捧住個肚走。埋單一共💰$7XX，以食小菜來講有少少貴，不過真心好食，各位不妨一試。

今天趁著難得假期，一個人到旺角，逛逛街看看東西，，逛街前當然先醫飽肚子才有體力，恰巧早前從朋友口中得知旺角有間懷舊餐廳，便打算上去品嚐一番。餐廳裝潢懷舊，徬彿回到時光隧道，霓紅燈的招牌十分矚目，整間餐廳以水泥灰作為主色調，每面牆均有不同的懷舊場景，窗花也是仿照舊唐樓的窗戶製造，牆上更掛有模仿七十年代的告士，每個細節均仔細顧及到，可見相當花心思。香蔥豬扒太陽蛋配白飯豬扒用半煎炸方式處理，透過延長醃肉時間來保持豬扒的水分，豬扒厚身結實，色澤金黃，份量十足，入口香脆多汁，肉味濃郁，還配上自家製的蔥油、甜豉油和太陽蛋。大陽雞蛋蛋香濃郁，把蛋黃、豉油與白飯混在一起進食，相當惹味可口。隨餐還會附送老火湯，老火湯燉得入味，火喉十足。凍檸茶隨餐加六元就可加點凍飲，茶味不會過濃，加上檸檬清香，入口恰到好處，甜酸剛好，冰塊使用適量，既能使檸檬茶夠冰涼又不會沖淡檸檬茶影響味道，整體能帶出檸檬及茶香，既解渴又解膩。整體而言，裝修設計有心思，除了可以回味舊香港還可以與朋友一起互相拍照留念，食物亦用心美味，十分適合與朋友聚餐。

小編同女仔朋友閒時鐘意去啲靚餐廳🤗但好多時都好麻甩🤨前排聖誕gathering 去左呢間有濃厚懷舊本土情懷既女人街食飯公司🏡啤一啤同打下冷🤫.🦐黑松露蝦多士多士即叫即炸好香脆🔥蝦肉彈牙 加上少少黑松露令整體既味道有多啲特色🤤.🥢屋村三鮮係打冷常見既小菜 都係呢度既熱門菜式💁🏻‍♀️墨魚🦑鴨腎🦆生腸🐽爽脆彈牙淡淡滷汁味道 加埋甜醬同黃芥辣好惹味🌶.🐟大叔焗魚腸第一次試 過程複雜同即叫即整🤜🏻🤛🏻等既時間會比較⌚️魚腸食落一啲都唔腥同埋幾爽口加埋好實淨同濃濃雞蛋味既蛋🥚 好有飽足感😝.🍻哈爾濱啤酒飲落都幾順口 女孩子會喜歡既味道👍🏻唔會過苦又帶少少麥味🍺.整晚仲食左脆皮豆腐同浸時蔬都係高質既👐🏻加上呢度啲整體食物環境都好乾淨同衛生店員又好funny 係成班女人麻甩下既好地方🧍‍♀️

尋晚臨時臨急先話食團年飯，下午打去book 7:30，佢話最快8點先有位。但最終我地都係7:30已經到咗，初時接待哥哥話真係冇枱可以俾我哋，最快要8:15隔咗一陣佢話有一張可能會坐得迫少少嘅枱，問我地介唔介意，睇一睇，都唔係好細啫，我哋有個小朋友OK嘅即刻睇吓Menu先，我細個住屋村，樓下就有大排檔，仲要係好有穫氣嗰隻，而家真係好難搵返嗰種兒時味道。呢度環境不錯，裝修格局有懷舊feel，乾淨企理，唔會好逼，食物質素相當不錯屋村三鮮，即叫即上，相信有八成枱都會叫呢個餸瑤柱招牌走地雞咕嚕肉啫啫芥蘭煲好惹味黑松露蝦多士，一件極限，有點漏燒乳鴿薑蔥魚雲煲薯仔牛柳粒，極力推薦仲有好多餸想試，下次一定會再嚟，服務態度都好好

雖然這家公司名字有點奇特🤣但裡面的菜式一點也不奇怪 很會令人想一吃再吃!!!😍想先特別稱讚這裡的員工 他們看似粗獷🤣🤣🤣但其實還蠻有禮貌而且人挺好的!!!懷舊咕嚕肉 $108必點必點‼️拜托大家 必點!!🤣😭酸甜度剛好 粉漿不會沾得過厚 肉質是最值得稱讚的部分 吃得出來是用了里脊肉 肉質夠嫩 切的大小剛好 再淋上滿滿的醬汁....很開胃!😋-蒸蓉粉絲蒸大蟶子 $58/每隻大蟶子是按照時價收費 至於烹調方法 就任你選!😉 可選豉椒炒 或者 蒸蓉粉絲蒸😛 個人覺得大蟶子肉質還算肥滿 可惜點嫌粉絲口感偏硬...-濃湯鱈魚肉碎泡飯 細$58又是一道必點之選‼️蠔仔肉碎泡飯就吃得多 鱈魚泡飯你又試過了嗎?😍 湯底鮮甜 滿滿的鱈魚肉碎 真材實料 建議兩個人可以點小份 都只是$58而已 性價比還蠻高的‼️😋-另外點的 八味脆豆腐 ($58)➕ 啫啫生菜煲 ($98) 兩者都很入味 重口味人士之選!!😋 就整體價錢與食物質素來說 性價比蠻高的 特別適合一大群朋友來 可以多點幾道菜!!!