女人街食飯公司

营业中

休息中

疫情加上限聚令關係，令好多食肆都紛紛推出優惠，咁啱另一半話想飲湯，就即刻諗起“女人街食飯”。今次約多兩個朋友一齊嚟，可以叫多啲嘢食，除咗個杏汁豬肺湯（忘記影相）之前食過之外，今次其他餸都係第一次食。蝦多士上次都已經想試，今次終於食到，好正好好味，同我之前響其他店食過嘅唔同，外邊有啲店只係用蝦膠。沙拉骨勁好味，難怪我朋友去邊度食飯都一定要叫炸豆腐都唔錯，但可以更好。小炒王，我最意食蝦乾，好味。雞絲粉皮就普普通通，如果粉皮切幼身啲會好好多。蒜茸炒白菜，唔多介紹喇，如果連咁基本都炒得唔好就執得咖喇！仲有一樣我都唔記得係乜嘢，因為唔係我叫嘅最重要一樣：開場白已經講過，因疫情關係，該店有推出7折優惠。而我朋友埋單時冇留意，就照俾咗錢！到後尾店舖埋數發現忘記咗俾7折我地，店員即刻打嚟通知我，問可以點樣俾番錢或留下次用，我地選擇咗下次再嚟時扣數！如此誠實嘅店舖，一定要表揚

早前同友人們來到呢間想試已久嘅飯店 一入嚟好有懷舊情懷 舊香港嘅味道 喜歡黑松露蝦多士 香口鬆脆蝦鮮甜滋味 點埋黑松露醬同吃非常開胃韭菜豬紅 個汁好濃烈沙嗲香味 而且帶點辣 豬紅嫩滑 但不知為何食到底嗰幾舊有啲啲豬臭味 就冇吃下去了杞子魚湯浸豆苗 魚湯淡淡魚香味而不腥 豆苗入口嫩滑 呢個菜簡單但好吃豉油王炒麵 好夠夠鑊氣 食呢個炒麵真心感覺到大排檔風味 一啖炒麵一啖啤酒爽到爆椒鹽豆腐 豆腐炸得外脆而皮不會太厚 而且內裏好軟滑 yummy!豉椒鵝腸 餓腸並沒有過度炒而萎縮 入口不肥 香濃惹味爽脆！希望下次再黎可以試多啲餸💜

可能我見識少，因為從來都冇諗過有大排檔開係商業大廈🤣見到呢間大排檔個陣覺得好驚奇，樓上仲有一間叫妹記嘅大排檔。一出lift，就見到女人街食飯有限公司嘅一對大龍鳳，店入面仲有霓虹燈招牌同舊式閘門。不過最令人有驚喜嘅係細節位，好似係地下嘅痰壺，窗邊嘅綠色窗框同枱上面嘅舊式保溫壺，真係有種時光倒流嘅感覺。（不過水壼重手同有少少熱，帶小朋友黎食飯要留意下）裝修令人有驚喜，食物就整體一般。我地嗌左個餐有屋邨三鮮、龍蝦麵，同葱油雞。先講屋邨三先，呢個認真麻麻，三鮮冇乜味，淨係食到甜麵醬同芥辣味，有一種食之無味，棄之可惜嘅感覺。龍蝦麵一般，但要讚下師傅有砍開龍蝦鉗，食個陣只要輕輕一剥就食到啖啖龍蝦肉。葱油雞係三樣餸之中最好食，雞肉滑一滑，送飯一流🤤

今晚情況好嚴峻，大家依然赴約。我哋點左好幾樣送，每樣都好味之前已經食過2-3次，最喜愛仍是椒鹽鮑魚，全枱5人一致認為好味屋村三鮮，係乾淨，但好似味道偏淡泡椒鳳爪，都可以，但味道偏淡，冇乜泡椒味葱油鷄，鷄滑，好味焗魚腸，我本人唔太好呢味餸，但相比其他舖頭，冇咁腥同蛋滑，我接受到沙拉骨，有芥辣味，夠特別絲瓜粉絲，清甜黃金蝦，我覺得蝦唔夠大隻，味道ok!咕嚕肉，用鮮波蘿，正評語：值得推介，會再嚟！如果疫情期間有多啲優惠仲好。

餐廳名為 女人街食飯公司比佢搞笑嘅名吸引 就決定去試一試🙈餐廳嘅裝修非常特別既有古色古香嘅屏風 亦有老香港霓紅燈仲有一個小小嘅魚缸 養住啲海鮮有時仲會見到師傅即場撈海鮮證明真係即叫即製 夠曬新鮮.我地叫左6款嘢食首先講左必食嘅蝦多士先$28一件（3件起）蝦多士一上檯就熱辣辣 我想拎起影相都比佢辣親🙈多士非常非常脆 配埋隔離嘅松露沙律醬一齊食 超好味啊😝不過啲蝦可能炸過龍 有少少overcook哩度扣左少少分 但整體係好味嘅 一定要試！.另一樣必嗌嘅係麻香手撕雞沙律 $68分量非常多 師傅仲砌到靚靚囝囝咁先上檯味道方面呢 我會比100分充滿芝麻香同埋鹹香 非常好食連平時唔食蒜嘅我都食左好多🙈.大叔焗魚腸 $98今次係我第一次食焗魚腸 感覺好特別！好似係一個有脆面嘅蒸水蛋蛋好滑 魚腸冇腥味 入面仲有少少陳皮提升香味非常驚喜 友人話唔係好多地方有魚腸食係新派大牌檔都食到 係幾驚喜🙈.鳳梨懷舊咕嚕肉 $108鍾意食酸嘢嘅我點會錯過咕嚕肉😝醬汁酸酸甜甜 非常好味肉粒香脆 帶有肉質 而且炸粉唔厚 yumyum💕連隔離嘅椒同埋菠蘿都好好味真係食到停唔到口💕.高湯粉絲雜菜煲 $98每味菜都咁濃味 叫返

不知道年輕的Foodies有沒有去過「大牌檔」？「大牌檔」此名源於1912年港英政府發給攤牌檔經營者的牌照，由於該牌照的面積、形狀均比一般小販牌照大，所以人們統稱這些攤檔為「大牌檔」。筆者在小時候、讀大學期間都會跟家人、朋友到「大牌檔」吃飯；「大牌檔」價廉物美，小菜以「夠鑊氣」為賣點，一班人浩浩蕩蕩的吃飯喝酒，好不熱鬧快樂！但缺點是可能沒有冷氣，也可能沒有上蓋，衞生環境較差。這一天筆者二人來到旺角的「有冷氣版大牌檔」，感覺超良好！明明是樓上餐廳，但主打「大牌檔」菜式，店舖更被劃分成不同主題區，有酒樓、理髮店💈、燒臘店等等，這些香港舊有的傳統景觀全都是港人集體回憶的一部分，非常有誠意！我們點了金銀蛋浸時蔬 ($88) 及士多啤梨🍓三度腩排 ($108) ，另加人頭白飯。筆者自小已喜愛食金銀蛋浸時蔬此菜式，新鮮的時令蔬菜🥬，配上金蛋 (鹹蛋) 、Q彈的銀蛋 (皮蛋) 及上湯，既簡單既好味。而士多啤梨🍓三度腩排十分對筆者口味！果粒醬汁帶著水果的天然甜香，甜酸度適中，非常開胃，吃起來口感有脆度。順帶介紹一下腩排，腩排是位於豬腹腔靠近肚腩部分、連骨帶肉的肋骨，由於肉厚、脂肪多，超適合煎炸之用。總

為了吃好吃的東西我經常在某幾位food blogger 那邊爬文，我知道自己喜歡什麼就根據他們形容的以及過去中伏的經驗去篩選那些我有可能喜歡的餐廳。女人街食飯公司是最近我看得比較多的。椒鹽雞翼尖好脆好巨（我10分喜歡）小炒皇好惹味，氛香撲鼻，質感也很多（韭菜、菜甫、蝦干、杏仁，很鹹香開胃。略嫌乳鴿太大隻了肉質不夠嫩滑多汁；最近都有人說日月居的乳鴿很不錯看來我下一站就要去試吓啦。咕嚕肉很可以；這裡的古法脆麻花是我吃過中最好吃的，非常爽脆甘香（必食）

最近見到幾多闊地分享呢間餐廳 等我又唔執輸先😛.炸皮薄薄的🐟風沙九肚魚 ($88)炸完仍然能夠保持到九肚魚鮮嫩🤤 成品味道主要來自頂頂嘅炸蒜粒 略嫌炸蒜粒少咗啲 (純粹因為個人中意😹).用士多啤梨做嘅餸菜真係好少食 甚至係好少見❓ 小編表示懶係貪新鮮嗌咗🍓士多啤梨三度腩排 ($108) 醬汁味道唔係好似菠蘿咕嚕肉嗰種酸甜惹味 反而係淡淡嘅香甜味 醬汁入面仲有粒粒嘅士多啤梨 食排骨嗰陣咬到士多啤梨粒時 輕輕帶咗陣酸酸的刺激感🙊.最後想介紹返呢個 <見個個都食之我又想食嘅黑松露鮮蝦多士>($84)三件起跳每件廿八蚊 嗌之前仲肉痛心諗點解一件咁嗱貴 點知食完第一啖就講我想再點多件😂 多士炸得非常好 唔係炸到硬梆梆嗰種 仲有上面嚿蝦膠一食就知係鮮蝦膠唔係呃人🤤 好鬼彈牙🦐 雖然一咬落去有陣油滲出好邪惡 但嚟到呢度真係不得不試😆

女人街食飯公司唔係女人去嘅專利👩🏼，懷舊大牌檔格局更係麻甩佬至愛👨‍🦳。👩🏻‍🦰 屋村三鮮（豬生腸，鴨腎，墨魚） $78👩🏼‍🦰 麻甩佬豆腐火腩煲 $128👩🏽‍🦰 虎皮尖椒豉蒜爆鮮鵝腸 $128👩🏾‍🦰 生炸脆皮頂鴿 $98👩🏿‍🦰 大叔焗魚腸 $98👩🏼 SAPPORO啤 $42 x 3👩🏻 哈爾濱啤酒 $22朋友講咗好多次想食乳鴿🦆，呢日終於可以如願以嚐。嚟得大排檔點可以唔飲啤酒🍺，呢日大家飲咗四支啤到好盡興。女人街食飯公司，大牌檔風味，啱哂我呢啲偽文青真麻甩，好食就唔洗多講😎！

食物方面： 1️⃣蝦多士必點之選！2️⃣肉餅大大塊但個人覺得一口size 會更爽3️⃣士多啤梨肉！OMG太好食！覺得想少一點邪惡感風妹子可以咬走肉跟肉之間的肥膏！4️⃣鮑魚好似$1x 限每人一件 ！ 調味不錯，最重要是鬆軟不會變橡皮！加分！5️⃣妹子們不能沒有菜！一般正常！可點可點！裝潢方面： 超舊式復古味道！ 妹子走一天太累沒打到卡～ 旅人方面，絕對可以來留一下印象。我們這些本地大的都是來懷舊！嘻！

企喺門口已經感受到舊香港嘅氣息 傳統酒樓見到嘅龍鳳 參照大排檔既裝修 代表香港嘅霓虹燈牌 喺呢度食飯就好似返咗去舊香港咁😛 鍾意影相打卡嘅朋友 都可以喺呢度打下卡😎 彩椒黑醋脆豬柳 $108一定要推介嘅就係呢一個彩椒黑醋脆豬柳 豬柳經過煎炸後脆卜卜 再用黑醋炒一炒 每一嚿豬柳都均勻沾滿咗酸酸甜甜嘅黑醋 非常好味😛馬拉盞通菜牛肉煲清蒸游水海斑 $198起新鮮即劏嘅海斑 斷斤計 肉質鮮嫩 清蒸 配上豉油 食佢嘅鮮味 原汁原味淮山杞子燉螺頭湯 $168

之前已經好想嚟呢間餐廳食好耐，見到雜誌、電視介紹，再加上朋友極力推介，趁阿媽生日就去幫襯幫襯，因疫情關係加上之前有訂枱所以唔係排咗好耐隊，朋友叫我記得飲佢嗰個杏汁豬肺湯，確係好好飲，佢哋嗰隻招牌瑤柱雞一隻好大碟， 仲有蝦多士同埋椒鹽魷魚，呢啲咁邪惡嘅食物梗係好好味啦， 基本上佢啲食物都好惹味，要講講嘅雖然周圍環境 好似大排檔但係夥記啲服務態度一啲都唔似大排檔嘅惡死，態度好好

有冷氣 有氣氛 好有香港特色裝修 好多大排擋菜色 夠味 有wok 氣 飲酒仲要用個碗飲真係好local唯一隻乳鴿 好似太大隻 d 肉唔夠滑同埋唔夠彈牙 不過整體黎講 好多菜色都好有香港味 讚

難得嘅朋友聚餐 又要煩食咩🤣 今次我就喺OpenRice book定呢間仲可以用優惠價$68食到豬手٩(˃̶͈̀௰˂̶͈́)و✨ 以前食開妹記今次試吓新野 感覺佢哋質素差唔多 但係呢度就新啲靚啲🥳 有唔少影相位📸由於我食飯遲到所以好多碟餸都冇影相🙇🏻‍♀️🌟鐵板黑椒豬手 $68 (原價$168) 🐷最好係book枱嘅時候同佢地留定👍🏻 睇住佢係鐵板切jarjar聲真係幾正🤤 除咗偏鹹之外冇乜挑剔豬手大隻 肉勁軟淋 層皮好多骨膠原 送飯一流😋 呢個價錢勁抵可以encore💪🏻🌟鳳梨懷舊咕嚕肉 $108相信係即叫即整 上到台肉係啱啱炸起咁脆(๑•̀ㅁ•́๑)✧ 鳳梨已經比朋友搶曬 係用新鮮唔係罐頭💛 甜酸汁亦都好惹味😚🌟青島ft.戰鬥碗其中一個嚟大排檔必做嘅 就係用戰鬥碗飲啤酒🍻佢哋嘅戰鬥碗都係預早雪住 夏天飲啤酒真係好爽😋另外幾好食但係冇影到👇🏻🌟黃金海中蝦🌟青芥沙拉骨🌟蟹子蛋白野菜脆米炒飯

覺得呢間充滿懷舊裝飾嘅大排檔一定要帶屋企人嚟呢度試下叫咗六碟餸 每一碟都好大碟😲頭三樣小食加埋都係$158咋地道咖喱水魷魚水魷魚好爽口 味道較為濃 咖喱味唔算好出 但食落都覺得辣 對於唔太食到辣嘅人來講 就可能會覺得辣得滯 🥵除咗魷魚之外仲食到紅椒 青瓜同青蔥做配料 成個畫面好豐富😝八味脆豆腐好鍾意豆腐嘅質感 外脆內軟 豆腐大小可以一啖可以放入口外面炸粉嘅調味恰到好處 配合中間嘅豆腐 鹹淡適中😋胡麻鮮淮山呢個就係日式胡麻醬加上新鮮切片淮山混合蔥絲整成 食落又幾fresh喎👍薑蔥砂鍋鱈魚腩($148)一開頭唔知鱈魚腩係炸過 加埋薑蔥成個感覺好香同吸引 魚腩好滑 但如果魚腩可以大返少少 就會更滿足啦 調味方面就覺得太鹹 唔太適合平時鍾意清淡嘅人啦😜鮮魚湯杞子浸時蔬($88)🥬湯飲落去好鮮甜 小白菜 加埋杞子感覺好養生 湯都飲多幾啖鐵板黑椒豬手($68)用優惠價換購呢個黑椒豬手真係抵食🐽大大隻豬手炆得軟淋淋 一路切一路係鐵板上面聽到吱吱咋咋既聲音 都係視覺上享受既一種 單食豬手加黑椒汁可能太鹹 加埋個噴噴熱辣辣既油飯($18)就完美啦😋