女人街食飯公司

营业中

休息中

今天和朋友选择在这裏吃饭。因为他很喜爱喝这裏的杏仁猪肺汤。但此餐馆非常爆满，只能订6点，吃到8点15交枱。疫情期间还是这样可知这裏生意有多好。这裏装修故意营造，六七十年代香港大排档模式，感觉别具风味。点了屋村三鲜，黑松露虾多士，杏人猪肺汤，秘製葱油鸡，黑椒猪手，蒜蓉蒸扇贝等。杏仁猪肺汤绝对是我的最爱，一大锅两个人喝每人3~4碗。味道香甜杏仁味浓，而且配了非常多，奶白色的汤底实在让人喜爱。女士喝这个汤尤其养颜。黑松露虾多士，也非常好吃。炸得非常香，配上黑松露和沙律酱简直是最高享受。黑椒猪手非常嫩滑，而且原价168现在openrice订枱特价只须68。绝对是必吃之选。而且没有因为特价而将货就价，黑椒猪手还是货真价实味道美味。屋村三鲜也是必吃之选。鸭肾鱿鱼和鸡肠配上芥辣酱和烧烤酱实在是助酒之选。蒜蓉蒸扇贝的扇贝体積非常大。蒜蓉粉丝加上扇贝上蒸得也非常香。稍嫌扇贝太黐壳很难挖出。秘製葱油鸡如果喜欢吃葱一定会非常喜欢。鸡肉嫩滑无比。也是必点之选。今天两个人点得太多。最后吃不完还是要打包。人均360元。是吃得有点贵。

訂咗檯同朋友食生日晚飯，無論用Openrice App或者打電話，訂檯只會接受6:30同8:30時段，90分鐘限時。當日一行四人8:30到達，量好體溫就安排入座。當晚我哋張檯嘅位置近窗邊，檯與檯之間都有屏風相隔。店舖內環境裝潢以香港大排檔為主題，有眼鏡店、理髮舖、夜總會同海鮮檔等等，非常有趣。食品選擇，琳瑯滿目，仲有多款大排檔經典港式風味菜肴。四個人綜合意見精挑細揀叫咗:-1.     屋村三鮮 – 其實係鹵大生腸、鴨腎同大墨魚。之前聽講過料理呢款鹵味嘅廚師係跟過肥姐工作，難怪味道同用料都十分相近，豉油汁仲多加咗麻油提味，甜醬同黃芥辣就分開上，可以按照個人喜好沾醬份量。2.     胡麻鮮淮山 - 鮮淮山新鮮、香甜夾多汁，配上芝麻醬同芝麻粒，不容錯過嘅開胃小食。3.     八味脆豆腐 – 因同行友人唔食臭豆腐，唯有點呢個。一貫酒樓都會食到嘅貨色，熱辣辣，外脆內軟再加上啲黃金炸蒜粒，口味絕對人人喜歡。4.     椒鹽雞翼尖 – 普通小食，不過鑊氣十足，一啲都唔乾，更加冇油膱味，再加上調味一流連埋啲炸蒜粒一齊食，送酒良物。5.     黑椒牛仔骨 – 用鐵板上，熾熱鐵板遇上黑椒汁，唧唧

疫情下都叫爆場既食肆, 所以係掂既~ 佈置懷舊但地方乾淨, 食到兒時菜式例如焗魚腸, 臭豆腐, 味道做到95分 (因為媽媽整既係100分), 大啤仲要買二送一啱晒一班老友/屋企人去食~ 是晚老豆滿意, 但扣分在限時2小時要交枱, 未能飲得盡興~

有時都鐘意同班fd一齊食大排檔，食下小炒啤翻兩啤🍻 ，可惜領展加租愈執愈多。好彩多左好多樓上鋪，等我地可以繼續享受鑊氣🤩 今次呢間女人街食飯公司最推薦食佢隻雞🐓，走地雞肉滑味濃，配埋d汁都可以仲會有泰式風味。另外必叫既有蝦多士同屋村三鮮。蝦多士炸到勁脆，三鮮有肥姐level，真係可以做女人街飯堂😚.🔹瑤柱招牌走地雞 $138/半隻🔹屋村三鮮 $78🔹黑松露鮮蝦多士 $78🔹曼谷鹹魚炒芥蘭 $88.📍女人街食飯公司 (旺角)旺角通菜街1A-1L威達商業大廈1樓B室

食評有啲長但想去嘅朋友就要睇下上網見到呢間食店裝修都幾靚有啲懷舊feel，諗住去食下飯影下相，係openrice book位最少要訂四人，咁我想book兩位就打電話去book位啦，我第一次打去接電話果個人叫我等一陣間，卒之我等咗五分鐘都冇返嚟再聽我電話，咁我相隔咗半個鐘後再打去終於順利book到位了當晚去到攞位嘅時候伙記嘅態度已經唔係咁好，就咁指咗我去某一個位置冇帶位要我自己搵，當刻我好迷惘自己搵位，因為佢指嘅方向有幾張吉枱我都唔知佢叫我坐邊張。坐落咗之後就叫野食啦…叫咗三碟餸，坦白講啲餸係好味但係細細碟價錢相對比較貴，後尾我哋再加飲品叫夥記嚟加單一個推一個💢💥嗰刻已經開始心火盛，book位嘅時候佢有講明20:15交枱，到20:00嘅時候個伙記就已經行埋黎隊張單比我哋之後用啲極不友善嘅態度收枱面嘅嘢同埋推櫈示意我哋要走，好啦…我哋第一次嚟食就咁連單連錢交番畀嗰個伙記，個伙記用啲勁粗聲粗氣勁倔強嘅仆*語氣同我哋講“自己攞埋錢行去門口畀啦”，就繼續呯呤嘭唥收枱面嘅嘢行到去櫃檯畀錢嘅時候我忍唔住同收銀講(我懷疑係老細)講返以上伙記嘅態度，最後我都講咗句我嚟係畀錢食飯唔係嚟受氣，而家咁嘅時勢仲

對這間餐廳感到失望，食物ok，環境ok，唯獨店內職員服務態度超差，我不會再去幫襯，他價錢不算平宜，還頗貴，都不緊要，價格貴但服務質素惡劣，令人留下壞印象，顧客不會回頭，希望職員會有改善。

之前被此店名稱吸引到，今午終於有時間去試吓佢哋嘅出品。此店裝修一流十分特別，舊香港特色，店內還播放住經典名曲，步入門口已聽到一起走過的日子，一句超讚。今日試左個香葱雞扒太陽蛋飯，最欣賞它伴有甜豉油和蔥油，用來撈飯一流！香脆雞皮兼雞肉好鮮嫩多汁，可能即叫即燒，脆口又熱騰騰的，可見廚師好有心機去整。 此店職員很有禮貌，招呼不錯，適逢又冇乜人，坐得非常舒服！整體食物和價位都可以，環境又乾淨，下次絕對會再試。

如果想慶祝既千祈唔好簡呢間！［不斷趕人走］事關今日屋企人生日，先前同朋友食覺得好好食（坐出面既位置）於是介紹屋企人，鋪頭好懷舊幾靚，但今次既聚餐令人覺得不再想黎。我地一早已經book左位，理應上會比walk in 有既位置會好少少，先不論book定walk-in 好，我地坐既位置係最差！呢間鋪頭有一個area好似包廂咁但係open area 黎，separate出黎，呢個area 只有2張枱，我地張枱隔離就放左裝修既梯，「傢俬」，工具，油漆味好重，完全感受唔到懷舊feel同埋冷氣，坐又坐得唔舒服。食物質素可圈可點，但基本上都唔錯，起碼無螞蟻曱甴先，但order左2份出左1份，食物偏細份但收緊乜乜皇宮既高價位仲要坐得唔舒服。我地book左6:30 OpenRice 講到明可以預留15分鐘個位置， 我地6:45分都到左埋到位，店員講到話要8:15分交枱我地都知， 但因為慶祝生日我地已經7:40上左件蛋糕。重點係佢地由8點鐘已經開始不斷吹我地走 係8:15分前都有3.4個叫我地交枱，一個理由用8:15交枱，另一個人用 你地比cash 定卡既理由再提我地交枱，一個直情走黎收我地枱既野收得好密搞

🥢簡介女人街食飯公司坐落於旺角鬧市，裝修風格以舊香港為主題，提供多款香港懷舊小炒，背景音樂亦以70年代歌曲為主，菜式特別、味道不錯，適合三五好友聚舊，但環境有點嘈吵，不適合與長輩前往。🌟特色- 能品嘗多種懷舊大排檔小炒- 裝修及用具帶濃濃老香港風情👍🏻必試由於只是簡單二人晚餐，只試了四款菜式，雖然蝦多士大獲好評，但麵包略嫌太厚，蓋過了蝦的鮮味和黑松露香味，因此並不推薦- 風沙九肚魚：九肚魚外皮十分香脆，但魚肉嫩滑，伴以微酸醋汁，開胃美味- 金沙炸魚皮：魚皮沾上咸蛋黃，味道咸香，口感香脆，由於是新鮮製造，即炸即食，比市面上即食咸蛋黃魚皮更勝一籌💰價錢- 約每人200港幣🎖評分- 4/5💫請follow Instagram ar_roan以獲得更多美食資訊

服務好差價錢吾抵清潔麻麻最嬲係豉椒炒蜆成碟得個殼，數埋都唔夠20粒肉，正常嗎？加茶還加茶，有壺柄唔攞，做乜攞開個壼蓋成四隻手插落個壼度扐起，好有型嗎？個餸涷嘅想加熱，伙記都講明只可以返叮我地唔緊要，個咀臉唔使咁邪惡，有需要嗎？大大話話人頭平均消費都差唔多三舊水，好唔值！

Tbh, I love local Chinese food and Dai Pai Dong so much. This is my favorite one in MongKok even I’m not usually go to the dark side 🙈 The Classic Shrimp Toast with Truffle Oil is very delicious but the best one is the Deep Fried Pigeon. Crispy skin and still very juicy inside. All the other dishes are very tasty too with extremely good value (under $400 each 🤫).🔥🔥Rating: 8.5/10

女人街食飯公司很多kol強烈推介，等jo又來試下，睇係咪又可以打卡又好食先淮山杞子燉螺頭湯 $168入面有瘦肉，杞子，雞腳，螺頭，好足料！湯好鮮甜又唔肥膩，飲落好有住家湯感覺，不會成口味精好味指數：😋😋😋😋😋屋村三鮮 $78其實即係生腸，鴨腎，魷魚，這碟完全是jo的口味！平時大愛食呢d街邊小食，呢碟質感更厚身同彈牙，但一定要點醬，如果唔點醬就比較淡味好味指數：😋😋😋😋😋生炸脆皮乳鴿 $98這碟很多人推介一定要試，外面脆卜卜，但入面肉好嫩滑又多汁，不錯！好味指數：😋😋😋😋金沙脆鮮魷 $108這間炸物做得不錯，不會有成口粉感覺，食落好有鮮味同脆口，仲有好香的鹹蛋黃味好味指數：😋😋😋😋高湯粉絲雜菜煲 $98因為叫太多熱氣野要叫碟清淡d菜中和一下，味道也ok，蝦乾意外地大條仲幾有咬口好味指數：😋😋😋八味脆豆腐 $58呢碟菜係最驚喜！外表睇落平平無奇，但一食落口真係嘩一聲，椒鹽味好出，外脆内軟，真係一食就停唔到好味指數：😋😋😋😋😋.整體來講，野食質素好高，有大排檔風味，環境好有特色，懷舊feel打卡一流，好值得一試！

女人街食飯公司喺女人街好有名氣，出名食小菜小炒，網上見過好多朋友仔post過，但原來女人街食飯公司仲有午市。去了門口，勁有feel ，係香港80，90年代酒樓常見既金色龍鳳擺設，童年回憶返哂黎。老香港理髪店的佈置，好真。香港街上既霓虹燈賣少見少，老闆好有心喺餐廳整左呢個懷舊霓虹燈，喚起左香港人對自已文化產物既自豪同重視餐牌午餐送例湯，係雞腳湯滑蛋叉燒飯，雞蛋好嫩滑，叉燒好厚身。同埋香蔥豬扒太陽蛋飯，豬扒大大塊勁厚身，煎得入味，而太陽蛋賣相吸引，半生熟流心蛋黃汁可以撈飯，好吸引現場好有氣氛，播放多首80丶90年代香港經典懷舊金曲，呢度除左有晩飯小菜，午餐原來都唔錯。

旺角女人街食飯公司，除左嘢食花款多，價錢大衆化，食物夠新鮮😋之外，招呼亦非常週到👍，坐得又濶落，配合懷舊裝潢，令你手上的相機不停按快門📸。徐行推介：黑松露蝦多士 $28一件wasabi沙拉骨 $108麻甩佬豆腐火腩煲 $128大叔焗魚腸 $98X0醬海鲜小炒皇 $108生炸脆皮頂鴿 $98黑椒牛柳粒 $168招牌杏汁豬肺湯 $148屋村三鮮(豬生腸,鴨腎,墨魚) $84

要食最地道嘅嘢梗係去冬菇亭啦，不過冬菇亭買少見少，唯有捐窿捐罅搵啲樓上餐廳食地道小炒今次比我搵到呢一間餐廳裝修佈局似80年代大排檔咁款，用返大排檔嘅摺檯同埋帶筷子嘅方式,風味認真十足今次點了杏汁豬肺湯，咕嚕肉，香脆炸豆腐，芒果蝦球，薑蔥筒蠔你都大排檔梗係要食最麻甩嘅嘢😉😉😉味道有以前大排檔嘅風味，好夠火候💛💛由於價錢同普通大排檔差唔多一啲都唔貴，喺門口大排長龍，等左半個鐘先有位，想食嘅朋友要趁早去等位