奧壽司

营业中

休息中

今日天朗氣清, 當然要去海邊欣賞下個海啦. 黎到數碼港海邊, 睇埋日落之後個肚開始打鼓, 咁就喺附近搵下野食啦🤤見到個門口咁靚就即管去試下啦☺座位好闊落, 睇完日落🌅去歎番個日本菜做晚餐係幾咁寫意😍各大種類既刺身壽司都應有盡有, 如果想抵食d 既話可以叫個拼盤, 都幾齊幾多野食架當然唔夠喉可以另外散叫啦除左刺身壽司之外, 另外仲有大把選擇, 串燒啦鍋物啦拉麵石鍋飯都有得揀, 唔洗驚唔食生野既朋友黎到會冇選擇啦🤘芥辣八爪魚, 上面鋪滿左新鮮魚子, 咬落去爽口彈牙😍😍火炙壽司盛合, 勝在每樣野都有, 啱晒我呢d 選擇困難既人, 火炙做法深受人喜愛, 因為用高溫火槍喺刺身上面製造一層炭火感覺, 食落去半生熟既質感比全生或全熟更吸引🤤🤤雲丹蟹粥, 雲丹即係海膽, 相入面喺d 粥入面橙色一舊舊果d 就係海膽, 睇到都好足料架, 價錢仲要勁抵, 只係$98就嘆到😚牛油焗帶子, 大大粒新鮮帶子加入牛油放入錫紙度焗, 受熱更均勻唔會咁易燶左😝一打開錫紙果陣香味一聞難忘🤤燒鯖魚, 魚皮燒得香脆之餘, 魚肉仲keep到唔會太乾身, 將d 魚香逼晒出黎燒雞翼串, 燒到好似炸咁香口, 加埋d 黑芝麻粒, 聞到

趁周末來數碼港看戲，看完戲在附近商場醫肚，數碼港商場本來人流不太多，但見到這間奧壽司幾乎坐滿，就知質素應該有一定程度的水準。一進去就看到有壽司吧台，原來這裡有提供廚師發辦，亦可以選擇散叫餐牌上的各種壽司、刺身、鍋物、串燒及小食等，還有Today’s special的特別推介，非常多選擇。刺身最能是反映一間日本餐廳是否合格的標準，我們一來就叫了一盤小的刺身盛合，原來份量也不少，共有七款，一入口真是不得了，新鮮非常，尤其是吞拿魚腩，色澤極漂亮，粉紅到鮮紅的漸層，一入口已在口腔中溶化，完全無筋，三文魚亦是厚切，啖啖美味，完全出乎意料。吃完冷的喝口湯暖身，立魚湯蜆鍋令我到現在都念念不忘，通常煮蜆都是清酒或上湯湯底，但這𥚃卻十分有心思，用上熬製的魚湯，令蜆的鮮味更為突出，湯的層次也更豐富。接著是網燒和牛扒，以鐵板上桌，保持熱度，我們叫了五成熟，粉嫩的和牛肉絕對是值回票價，店家還細心的以洋蔥墊底，不會令和牛過熟，配搭一起吃也能增加清爽感。我本人非常喜歡吃魷魚，每次餐廳有魷魚筒都是必叫的，這𥚃是我吃過最喜歡的一款，不會燒得太焦，仍保留濕潤度，不需調味都已經有濃濃魷魚香，自己吃光一碟也無問題。吃罷仍意

難得放假就入左黎數碼港睇早場，1145唔太早但早場價真心正。睇完過左最多人既lunch hour，見到間日本野就入黎食了。❤️特色三文魚 $45首先叫左呢個做前菜，三文魚份量多亦算肥美，略欠鮮味。本身以為係柚子sauce，原來係蒜味既sauce，少少重味。❤️羊架 $58/件價錢唔算平，但燒得很好，叫左5成真係冇overcook，亦唔會太騷又多肥膏☺️👍🏻❤️鵝肝多士 $138有2大件，價錢唔算太貴。鵝肝size 算大，亦有入口即融既效果！多士亦落足心機，用大量牛油烘過，超正超香脆！❤️火炙壽司盛 $280最值得讚既係海膽個件，海膽有成2層！仲厚過飯！鰻魚燒完做到入口即融😍三文魚如果厚d會更正！其他都好香魚油味👍🏻❤️鍋燒烏東 $98有炸蝦，娃娃菜，金菇，雞肉，蟹棒等算多款！材料好新鮮，娃娃菜勁甜，雞肉亦冇雪味👍🏻同炸蝦既炸勁薄👍🏻湯底唔會太咸，烏東亦彈牙❤️綠茶雪糕 $28用雪糕完結豐盛既brunch~唔會太甘苦，怕苦亦可以一食

剛剛既星期五晚去左數碼港接朋友放工因為要就佢放工時間睇戲 睇完戲就順便係個邊食埋晚餐數碼港商場既選擇唔多 見到呢間日本野唔錯 Menu都好多選擇 所以就入左去試下啦雖然menu有好多選擇 有刺身壽司鍋物炸物串燒但店名叫奧壽司 梗係要試下d壽司啦😂件件壽司都好豐滿🤤 帶子非常鮮甜蝦同海膽都非常新鮮喔😋鵝肝壽司 一上枱已經嘩左一下 好大舊鵝肝呀🤤 流晒口水😋鵝肝燒到表面微脆 一啖食落去入口即溶好好味呀 忍唔住要再encore一舊到串燒既部分 我地叫左兩串牛舌牛舌厚切 咬落去口感非常滿足 厚得黎質感彈牙 燒到非常香口 好想再encore呀原條燒魷魚筒好開心呀 係原條燒 好香口燒鰻魚 鰻魚啖啖肉 加上佢既醬汁一齊燒好好味 可以媲美係日本食到既 好想要碗飯呀😂牛油帆立貝佢燒到個表面金黃色 小小焦脆 好香牛油味加埋黑椒調味 好味喔 而且每粒size都唔細燒銀雪魚 銀雪魚本來既油脂味已經非常豐富燒完之後個種香口既油脂味簡直大爆發最得意係個舊蘿蔔仔 顯示師父既刀工總括黎講 雖然地點比較偏遠但係以食物既質素黎講都好值得黎食等我快d再約朋友接佢放工再黎食先😋

數碼港百老匯有 2D 的 Black Panther 上映，看戲我還是比較喜歡平實的 2D 吧。女朋友陪我看完戲，就到我陪她食喜歡的日本菜，哈哈！女朋友愛吃生鮮食物，所以我們選了好幾款刺身。先來的是北海道烏賊刺身，份量比想像多！滑溜漿口的烏賊被切成厚薄適中的一箸箸，保持著口感。再來是由幾款刺身拼成的刺身拼盤，賣相相當吸引！Wasabi 壓成葉形，也很可愛。原隻帆立貝刺身味道清甜，除了貝柱肉，還有裙邊附上。裙邊上黑色的一點點，就是帆立貝的眼睛呢！相比起貝柱肉，裙邊較爽口，是一物兩食的滋味。算是罕有些的金目鯛也有，通紅的魚身倒是頗有新年氣氛，哈哈！三文魚籽不是限定品，但質素不錯，有驚喜。三文魚籽很飽滿，鹹鮮的魚油在口腔爆發，好食！橙是挖空的，所以份量亦令人滿足！海膽橙黃色，顆粒整齊。新鮮度十足，口感 creamy！豚肉份量很多，還有一隻流心蛋，對得起價錢了。

因為朋友有$800優惠，所以特登同佢入去試！要咗枝細清酒凍飲，黎到發現只係室溫凍，晤係凍飲嘅温度，只好等佢喺冰桶浸下先飲得😓。散叫咗幾件壽司，都新鮮嘅！鵝肝壽司～鵝肝好大件，煎得甘香！另加咗份“鰻魚露筍卷”～賣相味道都可以，但每件卷都好散，一夾就散？串燒要咗“牛肉粒”同“牛脷”，推介牛脷 👍🏻，小食要咗幾款，“蒲燒鰻魚”～好厚身 👍🏻、“銀鱈魚西京燒”～應該係一齊燒，但晤知點解一嚿係熱，但另一嚿係凍咗(室温)？、“燒魷魚筒”～晤乾身，好香口、“牛油焗帆立貝”～用錫紙包住焗，所以係熱嘅，牛油味幾香都大隻嘅！食到而家……開個電話check反啲相，同時間個男侍應（並無問一句）就清曬枱面上所有嘢？可能佢（認為）我地晤會再叫嘢？基本上服務係👌🏻，咁其實都只係坐得個3-4張枱客！但相信如果晤係住附近/黎戲院/反工/放工，都未必黎食，因為個商塲7點左右，差晤多啲舖都close咗！

今次既晚餐真係相當難忘，真心熱烈推介比鐘意食三文魚既朋友仔，雖然數碼港係真係有啲遠，但食到咁新鮮咁美味既食物真係覺得好抵阿我不嬲都食好少野，但一食完個三文魚即刻食慾大增阿，唔講咁多，即刻同大家介紹下我地食左啲咩啦！枝豆枝豆又熱又甜，如果你同我一樣去親日本餐廳必食既話，呢間值得一試！三文魚壽司 新鮮 入口即溶三文魚真係不得了，好味到識跳舞阿！不但新鮮，仲入口即溶，係我食過既三文魚入面數一數二既好食，好味指數爆燈！冷豆腐如果你係豆腐迷或者你身邊有人好鐘意食豆腐，咁你真係要試下呢個冷豆腐，佢配上青瓜同蕃茄仔，仲有個汁，配搭好match又好味，讚！牡丹蝦剌身 肉質彈牙 鮮甜呢個牡丹蝦剌身肉質相當彈牙，味道亦非常鮮甜，好味到暈！立魚湯海鮮鍋足料！特別係立魚超好食，又香又有濃郁既魚味，連我一向唔鐘意食魚既人都夾多幾舊黎食阿！而且材料都好大舊例如帶子、青口、蟹、蝦等等帆立貝特上卷呢個特上卷真係要試下，佢配搭左青檸汁、牛油果 去襯托帶子既鮮甜，而且有蟹籽魚子去增添口感，一流！雲丹蟹粥呢個蟹粥好足料，食一啖都食到海膽蟹肉蟹膏三重口感三文魚腩壽司三文魚腩同三文魚一樣入口即溶，而且肥美肉身厚，一試難忘海膽壽

呢排少咗去旅行，想留係香港放假嘅時候去多啲自己未去過嘅地方😬今日放假就去咗數碼港，諗住睇場戲再食過日本野同四圍行下！由於數碼港真係冇乜嘢做所以6點半我哋就去咗食晚餐！由於時間尚早嗰度就真係唔多人嘅😁安安靜靜嘆番餐🤩個裝修同埋啲枱都好有日本嘅感覺啊！好零靜好舒服！當然選擇唔會少啦！佢有幾大類嘅，有火鍋，有拉麵，有炒飯，有刺身，有壽司，仲有串燒😋我同我老公梗係揀我哋最愛嘅壽司啦！雖然海膽壽司唔算平＄42/1件🤣但係個海膽黎到你覺得係絕對值得㗎！個粒海膽好大粒🤩而且仲要係雙層㗎😛真係好滿足呀！，仲有三文魚刺身好肥美！我哋仲叫壽司拼盤同埋一個三文魚芝士鰻魚卷！個壽司拼盤入邊呢有個炸蝦壽司就好特別啊正呀！佢將成個飯攞去炸！外面飯圑脆脆地，好特別😁

數碼港，確實係十年都未必會去一次既地方。咁啱今日想睇既戲就只有數碼港戲院先有位，所以就順便周圍逛逛同睇下有咩好野食啦！行行下見到我最愛既日本菜，環境開揚舒適，餐牌上食物種類都多而且價錢合理，就拉埋朋友坐低一齊試下。牆上掛了充滿日本風情的畫作裝飾設有壽司吧檯，可一睹壽司師傅製作壽司刺身既過程特上吞拿魚腩(AA)(1件) $88色澤均勻透亮，係上等拖羅既粉紅色澤。入口充滿油脂香味，在口腔內徘迴不息，係幸福又滿足既感覺。沒有一點筋，一咬即斷，如果可以厚少少同肥少少相信更完美。海膽壽司(1件) $42相比上面既拖羅壽司，我更愛這個海膽壽司。價錢不算便宜，但海膽份量毫不吝嗇，放入口滿滿海膽既鮮甜味道。質感非常ｃｒｅａｍｙ，一啲腥味都冇，係高質既！火炙壽司盛合(特上) $280呢個壽司ｓｅｔ超抵食，一個價錢就可以食到咁多款唔同既壽司，啱晒我呢個火炙迷！咁多款最愛火脊三文魚同火脊海膽，炙燒度剛剛好，亦冇因為係火炙類而用次等既材料。鵝肝多士 $138同朋友一人一件，我地兩個都邊食邊讚，鵝肝燒完香味四散，做到外脆內軟既感覺。大大件入口即溶一啲都唔韌，多士減低了膩感，所以整個感覺啱啱好。蟹糕炒飯 $118

去到數碼港咁遠睇戲，梗係食番餐先走，見到成個商場得呢間日本料理人頭擁擁，應該有好野食! 店內已經坐滿9成，幸好仲有一張二人枱。呢個特上刺身拼盤非常吸睛，有十款精選刺身，款款都好靚，680蚊。牡丹蝦好大隻，好鮮甜，帶子刺身超巨型，一粒分六份都得，非常厚肉。油甘魚非常厚切，肥美。三文魚籽用檸檬汁撈過，好脆好甘香，多一份清新感覺。金目鯛有搶眼嘅鮮紅色，肉質新鮮。主角toro 好大舊，充滿粉紅色油花，入口即溶，滿口toro 油脂香，朋友都食到笑逐顏開，非常正!三文魚腩，肥美如圖。要食d 熱野喇，牛油焗帆立貝，68蚊有四大隻，好抵食，好香牛油味，肉質爽甜。牛肉火鍋128蚊，放滿新鮮蔬菜，配帶甜嘅醬油湯底同日本雞蛋，牛肉份量好多，肉味濃，質感嫩滑，點蛋漿食真係無得頂，一d 都無得留低。每人四百幾蚊，可以嘆到咁多款新鮮刺身，水準絕對不能同放題質素相題並論，服務環境亦相當休閒，可以慢慢食慢慢傾計嘅好地方。

呢度嘅加拿大海膽好新鮮！果然係一分錢一分貸，出面有啲海膽賣得雖然好平，但好明顯係隔咗一段時間！我自己就幾鐘意佢個炒飯，因為炒得夠香口、乾身同入味。至於個拉麵嘅湯底就吾算話太濃味，我自己就覺得可以再濃啲都仲得，令到個拉麵可以更加入味好食！佢呢度嘅鵝肝真係整得好好食，夠晒香口，而且最掂嘅係佢係有少少入口即融嘅感覺，真係好滿足！呢度食物嘅份量同質素以咁嘅價錢黎睇，絕對係一定會令我再幫襯！不過佢嘅位置實在離我活躍範圍比較遠，如果吾係我應該都會變做常客🤣🤣

是日一嚐百慕達的日式餐廳---奧壽司. 平日十二時多到達, 可立即入座. 店內地方頗大, 感覺開揚. 有set lunch提供, 點選了便當A ---炭燒雞扒, 日式魚餅, 什錦壽司, 日式小食, 果物(HK$88). 不消一會, 侍應送上食物. 從賣相來說, 不太吸引, 分量少, 色澤也暗淡, 感覺不太新鮮. 先試一口白飯, oh…怎麼不是珍珠米的? 日本餐廳不用珍珠米, 誠意欠奉. 主菜炭燒雞扒, 雞扒有點像白烚的, 何來炭燒? 味道只是靠丁點醬油調味. 日式魚餅是整個便當中最可取的, 魚餅中有芝士, 味道ok. 什錦壽司, 魚生非常薄切, 色澤暗淡, 很不新鮮, 超級市場的出品也比它好. 日式小食是海蜇, 請留意它的分量, 太吝嗇了吧? 果物---橙, 令筆者想起了監獄風雲. 應該沒有下一次了.

今日放假瞓到中午過後，家人都各有各忙，得我同老豆兩支公，好耐冇陪過老豆了，咪問吓佢想去邊囉，佢諗咗陣 就話未去過數碼港想去行吓，好……反正我都未去過， 去數碼港其實都好方便，喺西隧轉車就有巴士直達， 沿途風景都非常之唔錯, 行到傍晚我哋兩個都肚餓, 行過呢間餐廳門口， 望入去環境唔錯喎， 問下老豆肯唔肯食日本菜, 佢話普通嗰啲放題就唔好預佢， 呢啲格局就唔同, 我心諗老豆你真識食……環境真係唔錯，而且可以睇到廚師親手主理 刺身，可以擺出嚟畀你睇， 就知道啲魚有幾咁新鮮啦鍾意邊樣點樣老豆揀咗佢至愛嘅三文魚， 冇幾耐就已經送上， 一睇D色澤 唔食都知新鮮，而且係厚切，老豆話好正口感一流我比較喜歡熟食，都有唔少嘅選擇喎，吉烈炸生食落唔太油，重點係入面隻都幾大隻而且保留到有鮮味，平時食放題嗰D粉多乜，揾放大鏡睇先揾到鰻魚絕對係我既至愛，我叫咗碗鰻魚拉麵， 賣相相當之唔錯， 啲湯好濃好夠味鰻魚又大舊， 麵質好煙韌有咬口,有隻流心蛋都好正I鰻魚拉麵既鰻魚好厚身好肥美， 食到唔夠喉我再柯打多一個蒲燒鰻魚， 一樣咁肥美 而且呢個香味更大添 老豆仲叫咗個咖哩銀鱈魚飯， 咖哩汁嘅味道合格， 重點係喺

話說我之前都食過依間餐廳，諗住今晚除夕夜晚叫小小外賣，點知我9點3打電話去落order,個店員同我講話特別日子提早收鋪，完全冇提早通知，而營業時間係寫去到11點😡😡😡

奧壽司開業於數碼港商場內，因交通略為不便，所以在平日的夜晚食客不會太多，用餐環境恬靜，適合閒聊談心。餐廳内部呈半開放式設計，「露天」部份望向商場中庭位置，裝潢輕帶和風味道。 一如其他日本料理，除了散點餐牌上的食物外，亦可將「煩惱」交托主廚發辦。$780 一位的 Omakase，定價不算貴。 飯餐的頭盤是一道櫻花蝦沙律，菜蔬爽鮮，但胡麻醬偏酸及量多，以至櫻花蝦的味道不突出，影響了預期中的脆感。接下來是兩味前菜小碟，螢光魷魚與魷魚鹽辛勻是以魷魚入饌的菜式，兩者味道皆十分濃烈，尤其是魷魚鹽辛，以魷魚自身肝醬拌製，相當重口味，比較適合佐酒同食。 臨近秋冬，又是各類海產的當造期。這隻日本生蠔口感帶爽，不論蠔香或海水味道皆屬輕盈，餘韻稍遜。刺身併盤一客四款，由右至左分別是左口魚、牡丹蝦、馬貝及池魚皇。左口魚薄切兩食，魚肉清甜，裙邊爽脆。牡丹蝦一向是小編至愛，肉豐鮮甜。馬貝秉承貝類海產的特質，脆彈甜美，是四款刺身中最優於預期的作品。池魚皇入口軟滑，穏實的魚香接力而出，同樣出色。 眼前是集紅酒蕎頭、蒜粒木魚漬及黃蘿蔔紫蘇卷於一身的鹹菜小碟。特別喜歡紅酒蕎頭，酒香芳郁得來不霸道，能適度提振味蕾