奈良上釜 (已結業)

今晚去了試了蟹肉飯前菜茶碗蒸，沒有什麼特別，味噌湯味道很淡。主餐蟹肉很少，飯沒有味，感覺一般，不值一佰八十多元店員態度麻麻，問她有関優惠，説不知道就走開。再問另一位店員，才答幾句，愛理不理。中途要添茶，叫了兩次才添。如此食物如此服務，沒有下次幫襯。

週三下午，靚靚媽咪約咗姨媽去銅鑼灣濕平，中午就先同小肥兩兄弟喺隔離街間日式釜飯專門店「奈良上釜」度午膳。釜飯店要喺「拉麵街」（即登龍街）立足並不容易，要標奇立異餐廳就揀由門面開始。其黑紅色o既鳥居正門及不斷開關且放出白煙o既釜飯模型都甚具睇頭，不難吸引途人o既注意力。室內o既天花都襯返個鳥居設計，夠哂全面。店子用上木造o既枱櫈，和風味濃。可能港人始終鍾情拉麵，「奈良上釜」閒日午市唔係咁旺場，細佬亦可任影唔嬲。入座後，妹妹仔先奉上熱茶，茶杯上o既十二金釵莫非就係名著「紅樓夢」中最優秀嗰十二個女兒？！真係唔知原來「紅樓夢」紅到去日本喎。。。餐牌共有四頁之多，其中一頁為「蕎麥麵套餐」。第二頁則為「午間限定」釜飯套餐。如果嫌套餐唔夠食，每份可以優惠價追加一款「升級滋味」食品。再唔夠的話就要喺「單品」頁加料。落單時得知四人有意分黎食，妹妹仔即細心醒目地自動送上飯碗同匙羮。唐揚炸雞（$58）：金黃色o既炸雞乾巧皮脆，肉質幼嫩且肉汁夠。海老天婦羅定 – 3尾配冷蕎麥麵（$138）：哥哥最愛食冷麵，蕎麥麵套餐就最啱佢。因定食只含三隻海老天婦羅，唔夠我地一人一隻，結果當然係升級要多兩隻啦！升級滋味之海老

香港的日本菜多以刺身、定食為主，「日本式煲仔飯」真是少見。最近發現銅鑼灣有奈良釜飯專門店，當然要朝聖啦！裝修充滿日本風，門口排着長長的人龍。今晚點了奈良七盛釜飯，主要以海鮮為主。每款釜飯包括漬物、前菜、茶碗蒸。茶碗蒸非常足料，頂層包括蟹肉、三文魚子、草菇，鮮味滲入蒸蛋。加上蒸蛋的火候剛剛好，入口即溶，值得一讚。另有刺身，包括甜蝦、吞拿魚。今餐的重點到了，七盛釜飯非常豐富，豐富海鮮鋪滿表面，包括松葉蟹肉、海蝦、鮑魚、三文魚籽、冬菇、白本菇、三葉。日式和風木盆非常吸睛，一揭起木蓋香味撲鼻而來。值得讚的是原隻鮑魚，口感彈牙嚼勁而不韌，蟹肉同海蝦滲出鮮甜味，海鮮控表示正呀！釜飯的精髓在於飯粒完全吸收海鮮的精華，米飯軟綿濕潤。鍋底位置仲會有飯焦，同時品嚐到柔軟和焦香兩種口感。

最近燈籠街又有新餐廳,今次原來係食釜飯,之前去日本奈良都冇食過,咁難得出開銅鑼灣, 一於食下見佢牆上既Poster推出左個新飯,係蟹盛釡飯黎,咁吸引就揀左呢個!個飯單單係前菜都已經好豐富,凍松葉蟹腳,天婦羅蟹腳,蟹鉗蒸蛋凍松葉蟹腳輕輕一整,蟹腳啲肉就原條拆哂出黎,好方便呢!蟹肉夠凍,味道鮮甜清新天婦羅都係用蟹腳整成,炸粉唔厚,仍然食到蟹肉既鮮味更重要既係一啲都唔油!至於蒸蛋,入面都有蟹肉架!!!入面既蟹肉都係勁鮮甜,仲有一隻細細既蟹鉗,但入面都係好多肉蛋就非常滑溜,加埋其他配料,例如蟹籽,冬菇,真係樣樣都鮮味十足主角黎啦,蟹盛內有蟹膏,蟹子,蟹肉,撈勻佢地就食得蟹味濃郁,食起黎啖啖蟹肉不過要趁熱食,畢竟係海鮮,凍左會變腥架!

上年年尾去完大阪，真係好掛住啲日式料理啊!! 所以就約埋男友去食日本野，回味一下~ 登龍街真係改變咗好多，現家已經變咗係一條好多餐廳林立嘅街，而呢間餐廳嘅門口真係幾有日式風味，個橙紅色嘅鳥居非常突出，另外仲有個機關裝置，係個不停開蓋同噴煙嘅釜飯，真係令途人都會停底望望餐廳其實佔地唔大，都係和風嘅木枱為主，但係座位有啲窄，我手拎一兩袋戰利品，都唔知點算好，好彩坐多一陣，隔離枱就走咗，又唔係繁忙時間，所以可以佔據張枱黎擺野呢到主打係釜飯，但係唔想食飯都可以揀食蕎麥麵嘅，不過我係飯桶黎，所以我地要咗兩個釜飯套餐，而套餐都包括唔少嘅前菜、小食、漬物同伴菜，一定會食到飽飽先離開我揀咗極上釜套餐，首先黎咗茶碗蒸、漬物同沙律，冷物就係普通嘅凍豆腐加木魚片，清淡嘅味道，凍冰冰都幾開胃口。漬物就係醃蘿蔔同類似用酸梅汁醃嘅蘿蔔，味道酸酸，開胃之餘，仲可清一清味蕾~逢係蛋類嘅料理我都幾鍾意嘅，日菜常見嘅就有呢茶碗蒸，用一個茶杯載住蒸蛋同其他配料，真係幾別緻，蒸蛋係將高湯同蛋漿混合，呢個底部仲加咗啲蟹肉絲添，另外頂部再配上蝦、菇、蟹肉絲、黑松露同埋生嘅三文魚子，蒸蛋好滑溜，仲有淡淡高湯香同松露香，足料又好食套

從雜誌上看到呢間奈良釜飯的介紹，令我食指大動！至於乜野無釜飯呢？真係長知識啦！原來係師傳將米飯、上湯同各類食材，放入鍋中並蓋上木蓋慢火燜煮，從而令米飯吸收其他配料既精華！而上湯湯底以蟹和蝦殼、鰹魚及昆布等等熬製而成！前菜：漬物(餣蘿白)、凍豆腐、茶碗蒸茶碗蒸內有三文魚子，用料的確上盛！連前菜用料都一絲不苟，讚！飯來了～鰻魚釜飯內有少量飯焦，金黃香脆，甚有咬口！蟹釜飯 蟹肉份量多且肉質鮮甜香濃！牡蠣釜飯，即是蠔！而呢間餐廳更選用廣島蠔！蕎定食＋蕃薯南瓜天婦羅 蕃薯南瓜各兩件，新鮮熱辣，天婦羅粉鬆脆！

面前的這個盒子裝著的釜飯，叫我想起我在奈良的快樂日子，那個時候，三個大男孩，一人一個飯，叫我們吃得津津有味。 這個晚上，吃到非常滿足的釜飯，在一間滿新的地方，叫奈良上釜，因為在銅鑼灣的登龍街，這裡暫時告別了拉麵的戰場，換上了一間特別有個性的店，原裝正貨地把奈良的地道味道帶過來。 如果你曾自遊行過奈良睇鹿，我想你一定不會錯過這個飯，說真，那感受，味覺，可以話是倒模般一模一樣。 奈良七種盛釜飯，這個應該是整個menu最豐盛的，就連前菜都多很多。 海鮮蒸蛋，豆腐和蘿蔔淹物是每個釜飯都送的前菜，味道中上。 這個奈良七種盛釜飯還多了刺身和煮物中最美味的就是三種刺身都非常新鮮，毫無雪藏味。 釜飯中的海鮮有大大隻的鮮鮑魚和大蝦，蒸得剛剛好又不會老掉，最正係鮑魚和大蝦都是一口清爽，還有那些魚籽在口中爆烈，夾上那些煙韌無比的飯，吃得很爽。 飯中除了有海鮮外，還有金菇，豆類和冬菇等等，兩種影響整個飯更香更美味。 飯還附上一個幾濃味的麵豉湯，整個餐叫你連我這些大食男也滿足。 一路吃一路繼續焗焗佢，佢就如在奈良吃香港的煲仔飯，最後個底會有飯焦，那個底才是吃得愉快又美妙。 另外女友吃的

釜飯,此乃日本名物,一般為一人份量,常見的配料有雞肉,海鮮,椎茸等等,呢間日本釜飯專門店,主要係賣海鮮釜飯,身為日本控嘅我梗係要試吓啦!兩個人叫咗奈良七種盛釜飯,同埋三種盛釜飯,仲叫咗一份海膽天婦羅!兩款釜飯都係set黎,兩個set都有茶碗蒸,煮物,其中一個set 有刺身,茶碗蒸做得相當出色,有黑松露,入邊嘅雞肉好滑！釜飯到咗,已經唔記得邊個打邊個,一個有鰻魚,蠔,蝦,另一個既主要材料係鮑魚同蝦.佢個飯係用鰹魚醬油煮既,加埋開先喺入邊煀熟, 鮮味落晒個飯度!個人比較鍾意有鰻魚嗰個,鰻魚好好味,本身有鰻魚汁,加埋個份真係好匹配!成個飯都好好味,食到尾都仲熱辣辣咁,唯一敗筆之處就係隻蝦,唔知點解隻蝦冇晒味,係一啲味道都冇,真係好可惜!個海膽天婦羅做得幾出色,紫菜包住好多份量嘅海膽然後拎去整成天婦羅,海膽鮮甜到呢~呢個以前一般係高級嘅天婦羅專門店先有得食,今日喺呢度有得食,而且質素都相當之高,真係喜出望外!

位於銅鑼灣的奈良上釡，是香港首間釜飯專門店今天和媽媽來到吃晚餐，人龍源源不盡，等侯一段時間呢。媽媽曾吃過釡飯，所以對釡飯不新奇，但我未吃過，有點期待呢。奈良七種盛釡飯$288釡飯套餐包括: 釡飯，前菜，煮物，冷蒸蛋，沙律，味噌湯，水果。前菜是醃製蘿蔔，刺身和芝麻醬冷豆腐。冷蒸蛋有冬菇，蝦肉，三文魚子，鮮甜滑溜，口感豐富呢煮物是煮冬菇，南瓜，茄子，腍軟美味。主角釡飯，終於呈上，配菜不少呢。奈良七種盛釡飯包括: 蟹肉，海蝦，鮑魚，三文魚子，冬菇，白本菇，三葉。鮑魚厚肉彈牙，鮮美可口，蟹肉鮮甜，伴上米飯，更加美味。感覺釡飯全部吸收配菜的鮮甜，清新健康呢蟹盛釡飯$298期間限定的蟹盛釡飯，不是不吃吧。蟹盛釡飯包括:釡飯，凍松葉蟹腳，天婦羅蟹腳，蟹鉗蒸蛋，前菜，味噌湯，水果。全部菜式，不論主菜，前菜勻使用到松葉蟹的各個部份，果然是全蟹宴呢。凍松葉蟹腳有三隻，冷凍得宜，鮮甜清新，已拆殼非常好呢天婦羅蟹腳有三隻，香脆啖啖肉，唯有點略油。主角蟹釡飯很快上桌了，份量不少哦。蟹鉗蒸蛋較普通的蒸蛋更有氣派，內藏冬菇，蟹子，滑嫩蒸蛋，一下子就吃光了。打開蟹釡飯，一隻松葉蟹殼塞滿飯鍋，殼底內藏蟹膏，蟹子和蟹肉，

登龍街已經變身成為一條食街,仲要係專食日本野既食街,愛好食日本野既我當然會時不時走去睇下有咩新野食啦!最近發現左呢間餐廳,專門食釜飯個釜飯有前菜,前菜都好豐富有茶碗蒸,豆腐,煮物,刺身茶碗蒸有黑松露,海膽係入面,相當矜貴除此之外仲加左蟹肉,三文魚籽,鮮蝦肉,食落好鮮味蛋亦都好滑,有蛋香刺身就有3款,分別係吞拿魚,油甘魚同蝦,魚生新鮮厚切,鮮味十足,蝦肉好爽口白蘿蔔腍軟入味,而魚更加係滑溜到不得了叫左個極上釜飯,入面有鰻魚,蠔,蝦,冬菇釜飯內有海鮮,所以一定要趁熱食,否則會變腥鰻魚入面冇細刺,可以大大啖咁食,肉質算是肥美蠔雖然唔算太大隻,但都幾鮮甜蝦肉好爽口彈牙唯獨飯既醬汁唔太多,當餸食哂之後有啲Dry

香港終於有釜飯食喇！！銅鑼灣真係一個美食天堂，哩度最近就新開左一間食日本釜飯同蕎麥既食店，岩岩去完日本既我都有d掛住日本既味道，哩日一於試下先！😆好彩係平日六點鬆d去食所以冇乜人，到我地坐底十五分鐘左右就幾乎full house😚 我地太好運喇！餐廳枱櫈都係用木製為主，係傳統簡樸日本風~釜飯都幾多選擇，有海鮮、肉類又有素食既飯。極上釜飯…我覺得叫哩個最正，因為有齊我想食既野！鰻魚、蟹肉，三文魚子仲有赤雞，仲有菇、扁豆，係好均衡既感覺😋 鰻魚雖然一開二，不過都好食，起碼冇食都有骨，連幼骨都冇嫁！肉質都幾嫩。蟹已經拆左肉，份量都唔少，不過要快d食，如果唔係碗邊既熱力就會整乾哂，變左蟹肉乾嫁喇😂 所謂既赤雞，其實係雞肉粒，去哂皮好健康😂 而每個釜飯餐都有配一set前菜，當中既足料茶碗蒸同凍豆腐都好好食😍松葉蟹腳天婦羅配抹茶蕎麥… 蕎麥麵可以揀冷或熱，哩個係冷食，又可以揀原味蕎麥或者抹茶蕎麥，我緊係揀哩個抹茶蕎麥啦！要認真㗳先食到少少抹茶味。旁邊有冷既蕎麥豉油汁，整體好清爽！蟹腳天婦羅炸粉夠哂脆口，雖然唔夠薄身，不過好彩夠鬆有好多空心氣泡，加上可以點埋旁邊既酸醋汁，所以食起上黎都唔太油膩😜 蟹

朋友是正宗「飯桶」，又最喜歡日食，這間位於銅鑼灣、新開的「奈良上釜」，肯定符合他的所有要求！ 餐廳裝修充滿日式風情，門口有一個仿釜飯的機動裝置，飯蓋開開合合的，冒出白煙，很能吸引食慾！ 室內座位光猛舒適，連杯子也是「日本風情畫」，很傳統的感覺。 奈良七盛釜 ($288) 所有釜飯均配有茶碗蒸、前茶、漬物、麵豉湯，我這晚點的「奈良七盛釜」更是加配了魚生，十分豐富。 魚生十分新鮮，是上等貨色；蒸蛋亦十分精彩，蛋身夠滑，有鮮蝦、冬菇、蟹肉等等，畫龍點睛之處，是加上了松露醬，令蒸蛋變得好香，非常好吃！ 釜飯好味之處，是飯底都是以海鮮湯煮成，令每粒米飯都充滿鮮味，而我的「七盛釜」面頭的蟹肉、海蝦、鮑魚，進一步將海鮮汁流進飯內，吃起來每口都是鮮甜。 海膽釜 ($188) 朋友叫的是海膽釜，有好幾塊大海膽鋪了在飯面，店員教我們用海膽來撈飯，照做如宜，真的很棒！海膽軟滑鮮甜，撈了在熱飯上，令每口飯都甜甜的，很好吃。吃到飯底，還有飯焦，香香脆脆，飯焦控一定一吃愛上！

在銅鑼灣這一個充滿美食的地方找餐廳吃飯一點也不難, 只要上開飯喇重點式搜尋, 便會找到一間適合自己和朋友去的晚餐地方。今次, 我和朋友試了這間新的日本餐廳, 它專吃釜飯。 由於我不是太肚餓, 所以我點了一個松葉蟹腳天婦羅配冷抹茶蕎麥麵來吃, 我的朋友則點了蟹盛。大概等了十分鐘, 我的蕎麥麵便呈上來。抹茶蕎麥麵的抹茶味不突出, 好像和吃普通蕎麥麵沒大的分別, 不過吃久了便開始感受到它帶一絲茶味。 旁邊亦有日式芝麻醬凍豆腐, 豆腐好滑。我朋友的蟹盛看起來非常吸引，首先是一碟 松葉蟹腳和一碗麵豉湯, 接著大概等了二十分鐘，釜飯才送到上來。釜飯裏面有豐富的蟹膏，用來跟飯一起吃，味道非常豐富。旁邊的蒸蛋很香滑, 蒸蛋蒸得剛剛好, 一點兒也不老, 非常好吃。

這晚與好友約好了在這吃晚飯。來之前已經看見有網友comment這餐廳有日本人的精緻及堅持。的確它並沒叫我們失望。跟餐都有前菜。很喜歡它的安排，碗筷通通都好美。雖然環境不能說是高級，而無可否認約二百元這樣的定食不是特別經濟，但餐具真的令整餐生色不少，而且蒸蛋弄得很不錯呢！這是我選的鰻魚飯。如大家所形容，應該可以很貼切的形容為日式煲仔飯。不是特別香口，但卻有著健康、不多汁的感覺。份量挺適合，而漂亮的餐具令我倆都放慢了咀嚼的速度，好好享受談天的快樂。朋友點的有蟹膏也有三文魚子，忘了名字但沒有忘記那輕輕的蟹香。值得支持的特色小店！

I am not really a RICE person in general.But thanks to JBB's recommendation, I would say this place surprised me much!!First of all, shameful as in being a "Japan-Lover", I havent really had an "Kamameshi" experienceApparently it's originated from Nara (奈良)? Just a random guess from their shop name (奈良上釜) lolAppetizers are very delicate and yet very tasty!I have ordered Uni Kamameshi Set and let me show you how's the appetizers are like: it comes with a cup of Japanese steamed egg topped with bl