奇趣餅家

营业中

休息中

從小就食開呢間餅店，每次經過都會買返一兩樣野食。今次買左每次都必食的紅豆燒餅，牛耳仔兩樣。紅豆燒餅不會太甜，個皮又夠香口同軟熟，餡同皮的比例剛剛好。而牛耳餅都好好食，脆得黎又唔會太油，仲有南乳香。會一直幫襯！

以前平時亦有買牛耳，今年新年亦不例外，連續5年都有新年去買牛耳等小食，從來都冇食物敏感的我今年每日食左牛耳之後，身上出左風癩咁嘅疹。去睇醫生食左敏感藥後一段時間就消左。剛剛再試食小許，又出疹。似乎今年在牛耳上加左新配方？或轉左成份？或者我自己身體忽然有食物敏感了...

米芝蓮街頭小吃2019指南，當然要去拜會啦，花園街一向出名多人，奇趣餅家更是人山人海，冇想過一間老式餅家會如此多人幫襯，由於下星期就年初一，我也買了笑口棗和馬仔應節，我一向都忍唔到口，一拎上手，馬上咬一口笑口棗，好明顯是新鮮炸的，脆，冇油益味，芝麻好香口，好似細細個食的賀年食品，手指仲完全唔油，好健康呀😂至於馬仔，入口鬆化，如果可以少甜就更好，可能因為賣賀年食品，今日沒有燒餅賣，過年後一定再來試燒餅☺️

昨天經過又見餅店圍滿購買的人，我也買包瑪仔試人，一袋4包獨立包装的賣$16，瑪仔質感徧軟，麥芽糖不夠，甜度剛剛好，但份量徧細，我的结論是唔抵食，多人龍店可能只是因為其他原因，例如地點旺，中上的產品，但因太多人買，所以質量不太穩定，價錢也加了。

呢種懷舊嘅餅店已經係香港幾乎無晒咁滯！所以真係好難得會係旺角搵到呢間！呢間真係由細食到大！佢哋最出名就係幾分鐘就會出爐一次嘅紅豆燒餅，拎上手係熱辣辣！咁耐無食再返嚟食味道都係一樣無變過！

今日去開旺角附近食飯，緊係要去下花園街名物買餅啦。買左半斤雞仔餅（30蚊），雞仔餅外脆內軟， 個皮好香。仲買左豆沙餅， 唔係叮噹個啲， 係中式個啲， 個皮勁正， 好軟， 好香。本身想買埋香蕉糕， 可惜賣曬，下次請早。

今日eatmug9 #12喺旺角探完個朋友，順便問佢附近有啲咩嘢食推介， 跟住佢就帶咗我嚟呢間奇趣餅家。去到舖面，已經有五六個師奶排緊隊買佢啲餅咁聽聞呢間舖出名呢，就係一種叫做豆沙餅嘅嘢，咁出名就冇理由唔試下佢個豆沙餅呀嘛😑芝麻味夠香，紅豆蓉夠多， 個皮夠煙靭口感一流。 但係我朋友話如果係撞正新鮮出爐嘅豆沙餅， 個餅皮係脆嘅，食落去個口咁完全唔同。所謂人紅眼角就會高，間舖做啲餅係好食嘅，咁難怪個staff有啲串嘴。

餅店個阿姐依頭收緊錢，嗰頭就手套都唔帶就直接將蛋撻甩模倒入掌心，成個蛋撻面連蛋擦落手心，再入膠袋，污糟到一個點，啲銀紙散銀咁多細菌，掂完錢再直接用手掂食物，出聲話佢，仲話"我地不嬲都係咁"!

約咗朋友去旺角食晏，點知佢臨時有事要延遲1個鐘， 於是我就係花園街一帶逛逛， 行過一間舖頭，見人頭湧湧，我就行過去八一八。 原來係間中式餅鋪，鋪面無乜裝修， 但係就擺滿咗各式各款嘅中式餅!呢個時候見阿姐捧住個大焗盤出嚟，原來係紅豆燒餅新鮮出爐，當然要趁新鮮即食啦，阿姐好識sell, 話買夠4個送1個，咁先至20蚊鷄！ 買完我都急急腳返屋企， 帶畀大家試吓！呢個紅豆燒餅好好食，豆沙蓉細滑，唔會太甜 ，餅皮厚薄適中，一啲都唔油膩，屋企個個食完都！

紅豆燒餅 ($5, $20 for 5)平平無奇的燒餅平平無奇的老字號餅店可以上米芝連 必定有佢過人魅力😏紅豆燒餅一日出爐好多次，所以經常都有機會遇上熱辣辣嘅燒餅㗎 🤩外面香香脆脆，有芝麻喺面更加錦上添花入面軟糯煙韌🤤！如果你都同我一樣鐘意食湯丸年糕糯米糍呢啲嘢，咁你就要嚟食吓啦！紅豆餡甜度啱啱好，亦平均分佈啖啖都食到每次嚟都保持到一樣質素，永無失望講講吓我又想食喇😛仲有合桃酥同埋雞仔餅呀！下次一定要食！

過年時買過佢d 牛耳👎🏻今日行過諗住比多次機會佢買蛋散👎🏻最慘佢至少買半斤又唔可以二溝得我一個人食所以只可以分二次買唔知係咪做咗米之連出名後太多遊客都嚟買宜家我諗隨咗燒餅椰撻及蛋撻係即場新鮮係店舖做出嚟外其他我諗已經係大陸工場做再交落嚟因為比錢後見到佢係開紙皮箱倒出嚟😱果黑好想退貨，真係又中伏了😑二樣都唔脆之外，仲要係硬同係士多或超市預先包裝好果d 冇分別我唔會再幫襯佢，會選擇其他店舖情願唔食👎🏻👎🏻👎🏻👎🏻👎🏻👎🏻

經過奇趣餅家，就算啱食完飯都忍唔住買返個紅豆燒餅過下口癮。拎上手已經知道不妙，之前拎到手係熱嫁，但今次連暖都唔暖🤦🏻‍♀️-燒餅皮咬落有米香。質感尚算煙韌，燒餅皮厚既位置較薄既位置煙韌。燒餅兩面只係少少脆，增加左口感（但已較之前失色不少，之前係好明顯有脆既口感，一軟一脆，非常好味）-紅豆餡紅豆餡調味適中，唔會太甜；紅豆蓉亦綿密；味道口感方面都唔差，但餡料分佈十分偏頗。淨係有四分一角既燒餅係有餡，剩低既位置好似食緊原味燒餅咁，退步不少～總體而言，味道還可接受，但製作已失色不少。燒餅皮厚薄不一，餡料分佈不均。下圖可以明顯見到餅皮分佈不平均單單燒餅拎到手唔熱哩點，已經令我好失望！加上賣餅既員工態度好差，將塊燒餅拋比客，就算出左名唔憂做都唔係咁冇禮貌啊。奇趣失去左我對佢既信任，會唔會再有下次，未必啦～

呢間#奇趣 都算係由細食到大，由1984年到已家，已經34年啦，絕對係歷史悠久😌 雖然佢地最出名嘅係#豆沙燒餅 同 #雞仔餅 🙈但我最鍾意嘅，反而係佢個 #合桃酥❤️.比起奇華榮華嗰啲機製合桃酥，我比較鍾意呢到嘅手製版😌師傅每日新鮮製做，夠晒新鮮👍🏻一咬落去，已經感受到佢嘅酥香鬆化！味道唔太甜之餘，食落仲有一陣陣合桃香☺️重點係米之蓮級數都只賣$6，絕對係良心小店🏠#買少見少#好老闆#鍾情唐餅#兒時回憶#奇趣餅家

很久以前已經在OR save下這家店，沒想到今天和媽媽在旺角時，她說想到正路過的一間麵包店買東西，一看就發現是它。媽媽買了紅綠豆餅、光酥餅、魚仔餅，全都不是大多數人在這兒買的「鎮店之寶」，但我卻覺得已經十分不錯，強推它的綠豆餡料，不知道為何沒有人推薦它們呀最喜歡這間餅店傳統懷舊的味道，價格也非常親民，普通一件只需$3.5，簡直就是可以行開就買很多的節奏

星期四下午，我先在油麻地近着「咸美頓街」的地方位置，光顧試食了一間車仔麵店，試食這店其中一款頗有彈牙口感，但是卻有跟零食差不多名稱的魚蛋小食「蝦條」。光顧完這間車仔麵店之後，我徒步北上旺角。去到旺角之後，我再橫過「亞皆老街」，北上去到「花園街」，近着太子「新世紀廣場」的位置。我上次曾經在「花園街」旁邊的「洗衣街」飲過一次咖啡，今次我不飲咖啡了，轉試另一間平民餅店。這間平民餅店名稱一點也不平凡，店名叫做「奇趣餅家」。「奇趣餅家」之所以這麽「千奇百趣」，吸引到我專程北上拜訪，無非是因為「奇趣餅家」有很多平時吃不到的中式糕點麵包售賣。例如「奇趣餅家」裡面有一大堆，刻意要用上膠套遮蓋，防止接觸外界的甜食糕點「紅豆燒餅」。除了「紅豆燒餅」之外，「奇趣餅家」還有售賣，歷史悠久的古早味甜味糕點「香蕉糕」。不過，就算「奇趣餅家」的「紅豆燒餅」，跟「香蕉糕」再吸引到我，它們的吸引力還是不如，放在眾多中式麵飽糕點一旁的「鹹老婆」。我是一個很喜歡食「老婆餅」的人，因為我對「老婆餅」裡面的傳統冬瓜蓉很有興趣。未接觸「冬瓜蓉」以及「老婆餅」之前，我曾經懷疑過擔心過，不知道「老婆餅」味道會是什麼的樣子。但是當我在