奇趣餅家

营业中

休息中

最愛在旺角掃街！好多人掃街都是魚蛋、燒賣、炸雞、魷魚⋯⋯吃貨的我，提提大家，路經花園街附近，一定要掃埋奇趣餅家！識這間餅家的人，一定識佢嘅紅豆燒餅！但其實餅家除了紅豆燒餅外，更有不少隱世美食！是日首推：香蕉糕$15/5件，香蕉味夠濃，夠新鮮軟諗，無得頂！望埋個價錢，真係食幾多都唔怕窮外帶必備，每次必買2包！細個甚愛吃乾酥餅，今時今日鮮有地方有得賣，榮華、奇華賣的太貴又不太正宗！這兒的$10大大包，又香又好味，唔會死甜，一口一個，愛死佢！總評：下次經開，必定會再去買野，性格比高，十元八塊盡是美味！

今早路經此店，聽說燒餅不錯，試試看。$5差不多有手掌心般大，薄薄的，表面蓋上白芝麻，仍是微暖，應該剛剛烘起。與其他店鋪出品比較，燒餅表面不算太油，糯米皮偏向軟熟，口感軟綿綿的不太韌。至於紅豆蓉餡軟滑，分佈尚算平均，啖啖都食到豆蓉，甜度也適中，加上芝麻幾香口。整體而言較一般餅店多了一分柔軟，也勝在即制新鮮熱辣，但未至於齒甲留香。亦可能油膩感較重同飽滯的燒餅始終不是我杯茶，而老店往往吃的也是風味與情懷。

🍘豆沙燒餅$5拎上手仲係熱 明顯剛岀爐😋咬落脆脆地 配上煙煙韌韌 軟綿綿既糯米皮口感一流😙仲有啲白芝麻脆脆地 令個餅更香😛入面豆沙唔會太甜 份量岩岩好底有啲白芝麻脆脆地 亦為個餅增添唔少香味☺️

平時路過這邊總會前來這店，店前總不乏客人。豆沙燒餅好正，可惜今天1時45分來到的時候還沒出爐，那唯有下趟再吃吧。 之前也喜歡買光酥餅，但早幾天爸爸才買了奇華的光酥餅，所以我不想吃 了。那就買爸爸和我也喜歡的合桃酥吧，$5超級鬆脆！棋子餅$18/4件，也很好吃，餡料足，味道夠。

呢間野尊賣一啲傳統既糕餅小食光酥餅 雞仔餅 香蕉糕 合桃酥等等好多都只係幾蚊就有交易仲有啲一袋袋賣既牛耳仔 蛋散😍------------------------------我買左一個豆沙燒餅$5 拎上手仲係熱架糯米皮煙煙韌韌 軟綿綿 dap真啲係有糯米香🍡入面豆沙唔會太甜 份量岩岩好底有啲白芝麻脆脆地 亦為個餅增添唔少香味☺️肥姐個條街有間叫明華餅家 佢既豆沙燒餅都好食個皮比較厚 比較甜 睇大家喜好啦😉------------------------------細個係街市買 係用個好大既鐵兜裝 透明膠蓋住一蚊一個 肥妹放學要食五個做下午茶架😛

幾乎每次去旺角都要去買返個燒餅食。每次都好多人。中意食無餡嘅燒餅。夠哂煙韌。超愛呢種口感！之前$3個~今日去加左價$4!紅豆餡$5, $20有5個！見好多人都5個5個咁買！其實加幅都幾大😂

終於有機會再經過旺角食番細細個嘅時候成日食嘅雞仔餅，再食番兒時嘅味道！雞仔餅我買HK$25,兩個人都有排食喇。雞仔餅細個時嫲嫲成日買俾我食嘅，印象中都係細個嘅時候好食d，依家都係好食，不過就同印象中嘅味道有d出入。佢係軟身嘅雞仔餅， 依家都好少地方有得賣喇！買野嘅時候聞到好大陣香蕉味，下次要買埋香蕉榚先！

呢間花園街入面嘅奇趣餅家,門外總係堆滿食客.售賣嘅唐餅都係佢哋自家手工製,晌而家嘅香港真係愈來愈少見.紅豆燒餅係佢哋嘅招牌貨之一,另外仲有原味,不過我每次都只買有餡嘅.拎返去途中仍然暖暖哋,燒餅表面有啲白芝麻晌度,同埋有少少油份,應該係用嚟防止癡底.糯米皮煙韌軟熟,中間紅豆蓉餡均勻微甜,焗得非常香口.呢次仲買咗另一款傳統唐餅嚤囉酥,佢哋嘅出品外型有啲似皮蛋酥,又有啲似小餐包.同平時食嘅中式有餡酥餅唔太一樣,佢外皮嘅口感鬆化到好似菠蘿包嗰層脆皮咁,中間包住嘅椰蓉餡甜度啱啱好,食完都唔覺得膩.

知道這間老店已久，還是第一次光顧，下午時段不算太多人排隊。店員斷斷續續地把新鮮做好的紅豆燒餅端出來，$4一個，$18五個，就買了5個。搭車回家途中，放進膠袋的燒餅仍是暖暖的。回家後馬上吃了一個，嘩！燒餅外層沾上的芝麻，經過加熱，香氣誘人，加上內裡的豆沙香，和燒餅的軟糯，不期然又手執第二件往咀裡送

奇趣餅家其實係我公司左右但次次我收工去買都冇晒食撻10次去10次都冇可能我收得夜 6點去都賣晒難得今日收早去碰下運氣點知 真係有得買10蚊6個我要左3個蛋撻3個椰撻一口一件佢蛋撻係曲奇餅 脆身蛋香係出面食唔到果隻味椰撻都係一口一件 可能細個關系唔似平時食一件就覺得好溜

見到有人話呢道既服務。。。哈～人地就係咁有態度，唔憂做你生意。。。我就係比人黑晒面仍然會死死地氣返去買野既人辦點解會比人黑面呢？就係呢度既野食好懷舊亦好花多眼亂，拿不定主意人地就唔會serve你。我娘親最鍾意呢度既紅豆燒餅，剛出爐熱辣辣係最好食！外面既芝麻燒得好香，而且個餅係熱既時候係好煙靭軟熟。而我就喜歡牛耳餅。講真外面真係好少見，而呢度就一定有係度。牛耳餅微咸微硬，都幾有咬口。新年既時候就會有角仔、脆麻花等等賀年食品，新年更會大排長龍，要買除左要趁早，仲要趁手，如果唔係又skip左你到下一個架啦～

今午經過發牙痕想食撻仔，就講要半打旦撻加椰撻，結果個阿叔執咗一打，之後話邊有人咁樣叫法喎之後就做其他人生意，好明顯唔打算賣比我，有錢周圍有得食，我亦無興趣比錢買氣受，呢間嘢睇佢幾時摺埋自己搞錯搵客出氣，呢啲咁既態度既老店，就算在港買少見少亦係活該

奇趣可以係旺區屹立咁多年，都算係奇芭👍🏻👍🏻最鍾意它嘅燒餅，總令人念念不忘😌今日路經，想買點咸品，於是揀牛耳滿滿一包😊😊帶點鹹味，食落卜卜脆，但唔易碎，山長水遠拎到返屋企都無乜碎到，足料可見。而且食完都不感口渴，想必無添加而成👍🏻👍🏻

每次行開旺角就算遠左少少都會專登行去花園街就係為左食奇趣餅家既紅豆燒餅是日去到竟然啱啱賣哂話要等十五分鐘先出爐我竟然真係等😰仲要同好多人一齊逼終於...新鮮出爐熱到燙手既紅豆燒餅終於到手個燒餅皮真係好軟糯 (我就係中意呢個口感😍)又有炒得好香既白芝麻鋪面配埋爆哂既紅豆餡紅豆餡真係有啲紅豆衣喺度唔會煲到完全溶哂無口甜度又適中成件事真係無得輸😘依家咁有心機既小店真係買少見少希望大家路過都多多支持小店啦😜

今天和媽媽吃飯，因為媽媽未到，而三嫂係花園街同姪女行街，她們買了一袋旦散，她給我試了一件，果然好脆，而且都好傳統的味道。我覺得這味道是兒童時的味道，能夠維持到現在已經不易，的確要支持一下。