奇趣餅家

营业中

休息中

很传统的老式饼，在现址已经经营了几十年，有些唐饼不一定能在其他地方找到。年近岁晚，他们也有推出不少应节饼食，笑口枣、角仔、豆沙角过年食品天天都卖出不少。其中以豆沙角更火，每天都是卖完即止，明天请早。我当天是早上十点多的，只看到店外十分拥挤，大部分都是抢购豆沙角。其实饼店还有销售其他食品，年糕、马仔、牛耳朵、光酥饼、豆沙饼等传统食品。单看上面的价格，已有提示部分产品已沽清，幸好豆沙角还有货。这是当天见到的第二盆，一下子就卖完了，师傅一直在炸，拿到手时还是热的。回家打开时还是热的，外面的皮有点像咸水角，但里面的馅是豆沙。口感是烟烟韧韧的，又吃到很厚味的豆沙，比附近几家饼店好吃。以价格而论，卖价是每近90元，真心的有点离地。然而每年就是这次，加上味道不错，也就接受了。

食完午餐沿路行下花園街見到奇趣餅家排滿人龍大家都在買賀年食品角仔 笑口棗已經開賣我家習慣新年前兩三天才買角仔所以今次就買下我的童年最愛食下先口感乾爽 未至於卡住喉嚨食時配茶會比較好

開咗好多年嘅傳統老餅店唔知點解對依啲傳統餅店 情有獨鍾好有懷舊味道每次經開旺角都會忍唔住買次次都見到有一埋人圍住🤣.咸蛋散每斤 $60豆沙燒餅 $5.今次買咗半斤咸蛋散同一個豆沙燒餅👍🏻蛋散好脆口但又唔會好死實鹹鹹香香 個人幾鍾意不過你就唔好expect個味道會好驚艷👍🏻豆沙燒餅係佢地嘅名物差唔多個個都會買燒餅面灑咗啲芝麻 增加香味燒餅軟糯 食到糯米味煙煙韌韌 豆沙餡唔會好少 又唔會太甜重要我買個時重係熱辣辣🔥⭐️多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️

好久無食過光酥餅, 記得太子奇趣都有賣, 趁午膳時間出去買番包食下。呢度有著好多不同嘅傳統餅食,有老婆餅、紅豆燒餅、香蕉糕、牛耳朵、雞仔餅、蛋撻、嚤囉酥、光酥餅等…每日新鮮製造, 而且成日都好多排隊人龍, 真係響噹噹店舖今次買咗包光酥餅食,記得小時候食覺得好乾,要在中途飲水,但呢間口感鬆軟,唔會太乾口。呢家這些老餅店真係買少見少,幸得太子仲有這間,讓人可嚐到懷舊中式餅。

請咗上午假陪我老婆大人睇醫生，睇完10點幾，問我有咩地方去，見臨近聖誕節不如行花墟睇下花，由旺中沿路走去花園街，就係路經嘅時候見到呢間老餅家，我對傳統既食物一直都大興趣，由佢門面，舖內裝修格局更顯得舊有味道，不同產品的價錢向貼在舖頭兩邊，幫襯既都係50歲左右人士，身為80後忽然我都覺得自己好後生😅，顧客圍繞都係買牛耳、紅豆燒餅、光酥餅.....，經過一輪視察，最後買咗$20/5個紅豆燒餅、$20/4個嚤囉酥。紅豆燒餅：買紅豆燒餅係睇落似最熱熱熱賣嘅食品，事實就真係👍下午返到公司食左一件燒餅，而燒餅本身有厚度同軟身，燒餅皮上亦有烤過嘅芝麻，故燒餅亦有一絲絲嘅芝麻香味，食落口除咗好香口嘅芝麻濃香，再咬深點燒餅皮夾雜紅豆蓉嘅清甜卻中和左芝麻嘅濃味，相得益彰，難怪成為此舖大熱！嚤囉酥：好老實聽就聽得多食就未食過，外層咬落似光酥餅味道，內層餡料都是清清甜甜的味道。下次希望可以試埋香蕉糕同牛耳等等食物👍

之前一間bookmark左好耐但無一直未揾到機會試既餅店，今日終於試到。🐒牛耳仔🐒$60*斤呢D舊式餅店真係買少見少，而呢間既牛耳仔真係好高質。之前都有試過雞仔餅大王既南乳牛耳同普通牛耳，都完全比唔上呢間。呢間既牛耳一入口淡，慢慢先會有咸味出，唔會好油膩，平時食兩塊就要配杯茶，反而呢個可以一塊接一塊，唔覺唔覺就會冇哂成包。評分：🌕🌕🌕🌕🌗4.5/5好味：🌕🌕🌕🌕🌕5/5性價比：🌕🌕🌕🌕4/5

每次經過呢間老餅家都會見到門口企咗一大堆人等買嘢食，於是買咗黎試吓。見好多人話呢度既紅豆燒餅好出名好好食，但因為本人唔食紅豆，所以買咗凈燒餅，老婆餅同蛋撻仔。老婆餅同燒餅$4-5一件，蛋撻仔每個$2。老婆餅內餡係有芝麻既，餡比較硬，一般。燒餅都係正正常常，三款當中最好食係蛋撻仔。個人本身唔鐘意曲奇皮，好怕有啲好槳口。呢度既皮比較厚，好鬆脆，但鹹咗少少。欣賞呢度即使係迷你size都可以單個買，下次經過想食既話都會再買。但另外兩款就唔會再揀lu~同一啲舊屋邨既餅店賣既質素同價錢差唔多，不過依家會賣唐餅既舊餅家愈來愈少，質素高既更加所凈無幾。行過想回味一下傳統味道都冇妨，始終幾蚊雞係今時今日既香港都好難買到咩嘢食，質素算是可接受啦。

早排見到有媒體介紹佢哋嘅嚒囉酥, 今日去開旺角就買咗個嚟試吓啦 🍪 去到都幾多人排緊隊, 但條人龍好快就清咗鋪頭有好多傳統糕點比客人選擇, 包括鹹甜老婆餅, 燒餅, 香蕉糕, 雞仔餅, 光酥餅, 合桃酥, 雞蛋餅等等 🍰🍩🍮🔻 嚒囉酥 ($6) 大細同鹹蛋酥皮蛋酥差唔多, 外皮食落似光酥餅 餡料飽滿但偏甜, 質感似老婆餅餡, 有少少濕濕哋同黏口 介紹話餡料係用椰絲做, 不過食落就無乜椰絲味, 得甜味如果好肚餓可以食佢, 因為佢超級頂肚不過唔鍾意食甜嘢嘅人就未必接受到 好似我都算食得甜, 食咗半個已經覺得好漏同好飽..

今天經過花園街, 心血來潮, 想吃豆沙燒餅. 其實這店是老字號, 很多人也不會陌生, 我從小（只要去開旺角那邊）, 都會買來吃. 只是平時經過已湧滿了光顧的人, 不想迫, 路過便是.$20/ 5塊 豆沙燒餅, 幾十年來的賣相和味道也保留下來, 簡值一模一樣 這味道叫做傳統！餅皮薄而軟熟, 幾煙韌的, 食起來有點似食 pizza 拉出來的芝士般. 內裡的豆沙甜度適中, 分佈均勻. 而餅的兩面好似煎過的, 還黏着白芝麻. 所以一啖可吃出不同層次的口感, 又有芝麻香, 好滿足呢！好的東西是值得保留的.

🍅豆沙燒餅：約$20/5呢間嘅燒餅薄薄地，皮微甜，好軟糯，啱啱買時微暖，甚至有d煙韌，口感好好。餡方面，量唔多(畢竟塊餅唔厚，皮薄餡都薄)，但係就分佈得好均勻，幾乎每啖都有。豆沙甜度稍高，但係因為分量不多嘅關係，反而不覺甜膩。整體而言，口感好好，啖啖都有豆沙，甜而不膩，食完好滿足。🍅香蕉糕 約$20/6講真香蕉糕到到差唔多，最多係軟硬度同甜度不同鐘意邊款見仁見智。呢間香蕉糕就偏硬，不黏膩，表面有好多熟糯米粉，因此唔會癡到一舊舊。咬開一望，可以明顯清楚見到加左好多砂糖，入面一粒粒，唔會好似一舊粉團咁。香蕉糕甜度都係偏高噶啦，呢間嘅都唔例外，細細啖慢慢食會有香甜香蕉味，但係食得多/大啖食就會覺得甜膩。整體而言，呢個價錢尚算合理，味道正常。有得揀我會選擇去附近正隆行買$10/4果d，大條好多。🍅皮蛋酥 約$18/2呢個皮蛋酥真係超重手，有我手掌咁大。外皮比較薄，底部酥脆，值得一讚。入面係蓮蓉，包住約四分一個皮蛋，料好足。蓮蓉就自然係甜d噶啦，但係皮蛋嘅鹼水(類似咁嘅野?)味就正好中和翻。味道正常，贏係分量上。

Made in Hong Kong一定要支持下, 唔係好多小店可捱倒貴租，社會事件同疫情，好彩呢間係例外，每次行過都多人，不過店員都好有效率，唔使點等，舖位細細，但選擇都唔少，有合桃酥，牛耳仔，瑪仔，光酥餅等等，大部份傳統小食都有。買咗燒餅5蚊，望落去已新鮮，不過唔係啱啱出爐所以係凍嘅，攞上手軟身，食落囗煙韌，面有啲芝麻，所以好香，皮比我預期厚，有啲失望，紅豆唔會太甜，都幾好味

今日途經太子， 走過去奇趣餅家買d餅， 雖然市道唔太好， 但餅店都好多街坊幫襯， 見到大家都圍住店員， 我又買埋一份。我買左signature 既豆沙燒餅同雞仔餅。豆沙燒餅上面有d芝麻， 食落有少少香味， 個糯米皮唔厚適中，豆沙甜度都適中。簡單但好味。雞仔餅我放左入水波爐加熱20秒， 拎出黎係熱辣辣， 個皮係鬆軟內餡有南乳香而且唔太甜， 煙煙軔軔，好好食。上面2種唐餅都簡單而好食， 係童年既回憶， 下次我會再試其他既唐餅。

那一小塊雞仔餅，每嚿都充滿一口肥到爆既肥肉， 完全沒有雞仔餅應有既口感，而且油益味充斥整個口腔，一丁點南乳的香味也沒有，兼且賣成$60一小袋 。既然冇心做，倒不如執咗佢算啦！

每次嚟花園街都必定去奇趣買光酥餅、牛耳朵、棋子餅、香蕉糕、雞仔餅、摩羅酥....小公主最愛細細粒光酥餅、牛耳朵..今次要介紹 #豆沙燒餅$5/個 $20/5個由細細個媽媽就帶Vienn嚟食，到生咗小公主就帶佢嚟食，小公主將來帶佢寶貝嚟食..淨係呢份 #回憶已經無價！〰️今次覺得個size好似細咗少少，唔知係咪錯覺🤣梗係要即買即食，暖笠笠，食落口軟軟糯糯〰️一口咬落去就食到豆沙蓉🥰重點係成個都滿滿豆沙食到尾〰️燒餅上有白芝麻，芬香撲鼻〰️好難唔一次過食哂5個😆閏蜜Mina話返屋企同氣炸鍋再整熱都食唔停口！大家經開花園街都不妨一試「兒時回憶的味道」❤️味道：🌕🌕🌕🌕🌘服務：🌕🌕🌕🌕🌕📍 奇趣餅家 (旺角)旺角花園街135號地下

去花墟路過專程行去買燒餅。試過豆沙同冇餡但都係冇餡最有糯米香。上一次幫趁都幾年前，今次再食覺得過軟同粉粉哋，但趁熱食都係加分。反而冇諗到兩位店員的態度咁差。他們店前總有一堆人，係唔會知邊個order緊邊個找緊錢。咁啱個女店員見到我，我又企得遠咪嗌要咩囉。點知佢發脾氣話聽唔到我講咩，然後個男店員就好悔氣附和，話行前啲講唔得係都要嗌至開心。其實舖頭咁多年都冇辦法叫客排隊，大家都好似搶答咁嗌，而家返過嚟怪客。我是不會再去了。