奇趣餅家

营业中

休息中

老字號小店，由讀書時期到現在出身社會大學，路過都會買燒餅或光酥餅。味道水準多年來皆能保持如初，確實值得支持。但昨日光顧時多了一個不熟悉的身影-年青四眼男，想必是第二把交椅繼承者吧。但短短數分鐘的接觸，已經令人有髮指的感覺。客人們花費支持你，你眼睛生在額頭上向下看，好像我們乞求你好心施捨賣給蟻民般。生意不是這樣做的！那怕只是十元八塊，積少可成多。觀乎最近的食評都在投訴這位男士，就知道出哂事啦待客之道你還真要重新學習呢！否則新舊客都被這敗家仔趕走哂，到時怨不了人啊豆沙燒餅（$20／5個）豆沙棉密不會過甜，糯米皮煙韌配上少許芝麻卻不感油膩。每次必買之一熱食的話非常捧可惜疫情關係還是帶回家才吃穩陣點老婆餅／棋子餅／合桃酥／嚤囉酥（$25／4件）合桃酥比想像中大個，脆口好食嚤囉酥的餡跟老婆餅的好像一樣，滿滿的餡而且外皮鬆化，讚以往只是中秋吃過豬籠餅，棋子餅其實都是同款的老婆餅外皮非常鬆脆！被驚豔到但內餡不太足夠，略為薄了些。形成皮厚餡薄的情況（吃完了才想起未拍照）寄語那位眼鏡男，希望你能好好守護老店，才能挽回客人的支持不要再對顧客呼呼喝喝，禮貌一點對你也有好處！如果你只是打工的話，老闆怎麼會把你

完全不明白顧客好聲好氣幫襯佢地，要俾店員無禮貌的回應，出左名，多左人識，便要以差劣的態度回報顧客？買佢地D嘢，就要受佢氣，顧客好似受審咁款，發生咩事？如果繼續下去，只會臭名遠播

呢一間由細食到大嘅餅店，買嘅嘢真係咁多年都冇變過，要裝修放假都係keep住細個果時嘅樣，真係好懷念以前🥺今日咁啱經過當然要買黎懷舊一下原味燒餅 $4新鮮出爐熱辣辣😍燒餅嘅質地好煙韌軟熟，上面有一啲芝麻調一調味，同埋最緊要佢唔係油淋淋咁，小小甜味。我覺得同以前一樣咁好食😋光酥餅 $13我記得以前$10包仲係大包啲嫁，家下細包左又貴咗😔好彩嘅係食落仲同以前食嘅一樣口感，軟硬度適中，唔會話好乾推薦？🟡🟡🟡🟡⚪️如果再經過一定會買，可以食返以前細個嘅味道🥲🎈 奇趣餅家地址: 旺角花園街135號地下

變質的傳統老餅店～～可惜。遺憾。好多人幫襯老餅店或其他老店，其實都是想拾回兒時及以往生活中的一點生活情懷及人情味。可能只是一廂情願了。因長輩一向喜歡食酥角，以往過年前都會去奇趣買角。近一兩年，我和長輩說，奇趣酥角無以前咁好食，不如不要山長路遠去買。我買啲更好食俾你地。明白長輩總有情意結。今年長輩行動不便，為續長輩情意結，我專程到老店買角。所見令我這後輩心中感到的不是對其中一店員的憤怒，而是有咎悔-對長輩咎悔。因看見店中的一名後生仔，不知是否後生的繼承人，呼渴買餅的老人，慢啲講要咩又大聲呼喝老人唔知自己買咩，快啲又話人咁早講做咩。老人聽唔清價又話，真替啲老人惨。不知自己長輩之前是否同樣被呼喝。原來老店的不是能拾回人情味，只係變成現實社會寫照。明白老餅店現在唔做都食幾世食唔晒，但都不要似勢狂惘，利用老人家的情意结來欺凌他們。老店前人辛苦經營品牌不是容易。 以上只是個人感受，不代表所有人睇法。

我買五個燒餅佢比三個我，又收我五個錢。我行到一半先發現，所以返轉頭同佢理論!我記得係個高既後生男人收錢嘅，佢仲好大聲咁話收你廿蚊，找x蚊，五個呀嘛!之後返去全部唔認，其他人就同個大聲男人一齊躲在入面，咁我就唯有報警。差人黎到佢地立刻退錢喎 !幾個月後我再經過，有個老伯又係同佢地嘈，話比咗一百蚊，又找少咗錢!以後都要小心D! 襯亂比錯比少找少錢!

最鍾意食佢哋嘅燒餅。煙靭軟熟。唔會太甜。如果啱啱新鮮做起最好食。去過其他舖頭買燒餅，都冇佢哋咁好食。雖然好多人話佢哋冇以前做得咁好，但我覺得都係比其他人做得好。不過去親都好多人，啲人都基本上唔會排隊。所以會有啲混亂。一定要大嗌講自己要啲乜嘢，先至可以買到。如果太守規矩，慢慢等嘅話，基本上會比好多人插隊，買唔到。燒餅$5 /1個， $20/5個。所以基本上每次都買五個。想冇咁肥都唔得。但又真係幾好食。次次都食得晒。不過要分開兩次食。每次最多食到三個已經好飽好飽。燒餅個皮好薄，好煙韌，唔會好油。軟林林。豆沙餡唔會好甜。啱啱好。

呢啲舖頭真係唔會再幫襯，上次我去到舖面買嘢，一個「比較」後生男店員好似勁急咁呼喝客人，我睇吓要買乜嘢佢係咁催，之後我買完轉身佢大聲講「啲人唔知自己做緊乜」我唔sure 佢話緊我，但我回應佢或者同佢鬧交簡直係浪費人生，點解要同呢啲人講嘢！我打開個袋發現其中一個燒餅有條頭髮！啲嘢又難食又唔衛生！真係一肚火！真係送俾我都唔食！呢啲舖頭執笠都冇人覺得可惜！評分其實係1分 都冇，但可惜冇得選擇！我點都要打夠200 字俾劣佢！

店內男性後生仔無人性，心理變態，經常當眾羞辱老人家。只老人家俾錢手腳慢，就叫其他人唔好排隊打佢尖。男店員唔單只要無禮貌，而且唔識做人基本互相尊重。門面稍為多幾個客，就發晒神經鬧人，對客人態度好似奴隸同仇人咁，唔知佢幾時會打人。因為家人鐘意食光酥餅，所以先去買，味道普通，算係乾身。香蕉糕太多糖，唔好食又唔健康。老婆餅最差，餡同摩囉酥一樣，完全錯晒味道。呢間鋪只係靠食老本，味道普通，齋靠名氣嚟去貨快，先保持到野食新鮮。遲早俾個後生敗埋間鋪。

呢幾日好想食合桃酥🙈 收工專登搭車過黎呢間老字號唐餅買嚟食滿足下自己😆黎到大約六點幾，原本想試佢既椰撻但已經賣晒嚕，最後買左一件合桃酥同一件咸切酥($6 each, $20有4件)合桃酥食落唔覺得好香，可能因為傳統老店係用豬油而唔係牛油整，我自己覺得口感硬左丁丁唔夠酥脆，整體可以但唔算出色～咸切酥雖然我見到佢好厚身預左佢唔會好似澳門果間出名手信店晃記一樣咁薄脆，但我諗住佢都會帶啲南乳鹹香味，食落原來係我一廂情願超失望。。。。佢既味道佢只係一舊淋左既蝴蝶酥而又無左蝴蝶酥既牛油香🙄我食左兩啖就掉左🤦雖然今次整體經驗唔算好，但呢啲老字號唐餅店買少見少真係要支持下💪下次會試下今次食唔到嘅椰撻，比較招牌嘅紅豆燒餅同雞仔餅，希望會令我對佢加分🙈🙈

傳統餅店真係愈嚟愈少, 做得好食就更加少!由細到大, 每次去旺角花園街行街都必定會去奇趣餅家買啲 "手信"!😅 不論幾點去, 平日定假日去, 都一定人頭湧湧😖 店家出品既, 無論光酥餅, 雞仔餅, 牛耳餅, 燒餅, 棋子餅, 豆沙燒餅, 香蕉糕.. .. 甚至只有節日先有既年糕, 月餅.. .. 通通都好吸引😄 每樣都新鮮喺舖內整, 新鮮熱辣辣, 又好香, 聞到都好想食😎除左味道之外, 呢一間老傳統餅家應該係食回憶, 兒時回憶既味道!🤓

幫襯買餅，自阿問客氣有禮，個個四眼男店員粗聲粗氣不特止，仲故意找少$扮晒嘢，問佢你未找錢，佢仲扮吾知，係我哋再一次話佢知你未找數，佢先施施然找錢，吾好意思都無講一句，好似我先唔啱咁。全港又吾係得你一間所謂傳統餅店，我就永不幫襯，如果大家仲想受氣幫襯佢要小心，都吾知係吾係特登！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

花園街出名嘅懷舊中式餅店，平日都人頭湧湧。左望右望，還是試返兒時回憶…無餡棋子餅。女店員眼明手快，叫顧客想要乜出聲啦！對住圍觀群眾神態淡定，應付自如。買了20蚊6個無餡棋子餅，預備離開…其間鋪內走出個後生仔，有位婆婆問價聽吾真，個後生仔好無禮貌大聲呼喝：20蚊！婆婆問做乜大聲…後生仔瞪眼又大聲講：大聲吾代表我無禮貌！我在場完全吾覺佢有基本禮貌！似趕客多d！婆婆只問了一次價，何須如此呼呼喝喝…？奇趣餅店的棋子餅食落一般，無“月餅皮”應有果陣餅香…加埋呢位後生仔嘅態度…失望！

食過旺角，深水埗幾間老字號的雞仔餅，各有特色，但個人覺得奇趣餅家的雞仔餅比較好味。有些店的雞仔餅是脆的，有點硬。有些是小粒小粒的，但做不到外脆內軟。奇趣餅家的雞仔餅不是外脆內軟的，可能不是即是食，但是整粒都是軟，反而幾喜歡。入面有好多肥膏，應該豬肥膏，好邪惡但好味。買半斤＄30已經好多粒，有排食。下次都係買這店的雞仔餅食，好有傳統的味道，又是全人手整，感覺粒粒不同樣食得特別開心有趣味。下次都買多半斤食

路過這間餅店就聞到很香的味道，想著像這種每天新鮮出爐的糕餅，絕對會比起預先做好的獨立包裝水平來得好。基本說得出的種類這裡也有賣，門面也聚集了很多等著買的人龍。據說，臨近新年的時間會全部變成賀年糕餅。嚤囉酥 ♥♥圓滾滾的賣樣很吸引，也好像比平常見到的要大顆一點。切開外層，非常的酥脆;內餡一點也不乾，很軟糯;當中的椰絲有點脆脆的口感，非常搭。可惜是跟我的口味不太合，吃了半個已經覺得太甜和膩。希望有一天能推出比較健宜的版本。

奇趣餅家應該好多人聽過 今次我係第一次食同買呢度款式好多有摩囉酥 合桃酥 雞仔餅 棋子餅 皮蛋酥 馬仔 光酥餅 雞蛋糕 真係多到數唔哂 我買左幾樣野食試一試皮蛋酥一買就忍唔住要即刻食 好開心 🥳 好香好鬆軟香滑 但可惜入面冇薑 有埋薑就真係完美喇馬仔 好似$30兩包 我唔太肯定 但一定唔貴既 一包有四件 仲要獨立包裝 好方便食 甜度夠香 最好食唔會太甜 😋 cp值高光酥餅🫓呢隻細細粒既光酥餅方便又好食 唔會太乾身 兩啖一粒咁 小朋友都好鐘意呀雞蛋糕🧁大大個既雞蛋糕 食落好香濃蛋味 一食就知係新鮮整出嚟 比起而家出面成日有既台式古早蛋糕 雞蛋糕真係有得fight