奇趣餅家

营业中

休息中

見到食評話佢d豆沙燒餅好味...行過就買左件黎試..$3一件..幾熱架...好新鮮!!!一啖咬落..嘩~~佢d皮勁厚lor...食到中間都只係得好少豆沙...失望...咬左幾啖都已經唔想食..放棄左佢~~建議大家去試下旺角金聲戲院樓下..有間鋪頭好多小食都係$5兩件..佢d豆沙燒餅上面有少少白芝麻..好好味架...皮薄好多..好過奇趣架!!!

唔好笑我,我咁大個女都未食過香蕉糕.我知道呢間o既香蕉糕好出名,今日同家姐一人買左一條.($2@)老實講,我地真係覺得好難食!不過我諗唔係呢間整得唔好,而係我地兩個唔鍾意食呢種口感同埋味道o既食物!食完個胃wer下wer下!好辛苦!早知買蛋撻啦...

最正哩個!係餅底的，細細個，o岩我size ^^

行開行埋都會係度買d包咬下口, 貪佢d包成日都熱辣辣, 又平又好食佢的燒餅好煙"un", 有無涵同豆沙兩款, 豆沙唔係好甜但料比好多, 豆沙愛好者必食, 但要熱食, 否則涷了會油d包就要食椰撻仔同雞尾包,好正, 但雞撻仔同波蘿包就麻麻地啦

香蕉糕加杯濃濃的綠茶, 一甜一苦, 正!<br />

行開旺角除了去水世界之外，好多時都會來呢度買下野。印象最深刻的是麵包大多是迷你size，舖面裝修極簡陋，而麵包價錢亦很便宜。腸仔包、菠蘿包、雞尾包、提子麥包等都係5蚊3件，3件包又可以選擇唔同款，幾經濟的。除麵包外，燒餅同香蕉糕味道都不錯，燒餅分奶皇及豆沙餡兩款，其中以豆沙餡較受歡迎；香蕉糕雖然只是落香蕉油而非真野，但由細食到大，始終食開有感情。不過一盤盤麵包放在沙麈滾滾的路邊又無野cover，衛生情況一般。

花園街除左津味勁辣魚蛋，我都不忘買番一兩件豆沙燒餅孝敬阿毛o架（有相為證，咪話我不孝）～適逢路經，買左皮蛋酥($6)同燒餅($3)，燒餅仲暖笠笠，咁凍天時拎黎暖下胃先！皮蛋酥個皮不大好，好實，只屬一般；燒餅皮薄餡正，豆沙唔係好甜，實屬推介。哩間中式餅舖都幾耐下，每逢新年都好多人黎買佢地o的煎堆、牛耳、笑口棗、脆麻花．．．哩o的都係我好鬼鍾意食。另佢o的雞仔餅同香蕉糕都不俗。若遇著新鮮出爐真係咪走雞呀！！！

呢度o既荳沙燒餅係我家姐至愛, 至於我媽咪就最鍾意佢o既合桃酥...我食過佢個大蛋糕,幾香蛋味...