奇趣餅家

营业中

休息中

今日睇完戲肚仔餓買左一個合桃穌上車食一口咬落去仍然鬆化唔油鬆得黎又唔會一咬就爛晒咁好正呀!係我食過咁多間既合桃穌之中最好既一間講真以$2.5呢個價錢真係物超所值平時一間普通既麵包舖都要啦所以食過呢間之後真係唔想食其他o個d呀不過老實講呢間d合桃穌質素真係唔多穩定架同埋有好多時都會賣晒架好彩好似我今日咁咪買到熱辣辣既囉

每次行花園街都一定幫襯, 好耐未黎過, 所以一次過買哂兩樣必買既野食.豆沙燒餅, 水準下降, 個皮好厚食完好漏.合桃蘇, 甜得滯, 因為以前佢真係整得好鬆化, 所以依家稍為退步左少少就有d失望. 但味道仍然唔錯.

次次去買野都要同人爭, 好似唔洗錢!一打蛋撻可以隨意選+椰撻, 我今日BUY 了一打! 細細果一口咬晒好正! 不過衰在佢地收得早!七點已停晒蛋撻賣了!

豆沙燒餅: 買果時重好熱，我好鐘意層皮，口感好正...蛋撻: 個人好怕豬油味，所以食左半個就停口嘍...

每次行過, 都見好多人買豆沙燒餅, 一路行一路食, 小妹亦不例外, 一買上手通常都係熱熱地, 咬落口煙煙un un, 不太甜又太油膩, 好味好正, 而呢度的棋子餅, 椰撻都整得唔錯的, 可以一試

好煙"un", d豆沙好味,唔太甜or淡,厚度適中,新鮮熱辣,都食得過o既~

同個日本朋友行旺角，點都要去女人街同呢度觀摩一下，同埋睇下國內同胞自遊行的威力。行過呢度的時候剛好阿叔拿著一個大竹簍，上面平排著一個個的豆沙及奶皇燒餅，對外國人來係幾蔚為奇觀的。咁熱辣辣不能不買番幾個，一路行一路食。其實食燒餅最佳時間係等其放涼多少，不會互相黏住就比較好，好似今日一人一個都好鬼熱，而餅皮極煙韌，豆沙餡淡淡的不甜，作點綴就剛剛好，吃得日本妹讚不絕口；另外佢亦貪得意買了公仔餅及鮑魚酥，話似佢地的魚仔餅咁話，不過老實講佢地做的豆沙魚仔餅當然好食好多，而價錢亦貴好多。燒餅10蚊3個，好平哩！

雞仔餅、合桃酥同燒餅(無餡)都係我o既至愛！！^o^夥計好好人，你想試食佢絕對唔會俾口你睇o架(燒餅除外)！

黎開旺角我都一定黎呢度買d野食必買既有合桃酥,十分鬆化,又平, 只係2.5食過之後都唔會幫襯第二間仲有就係光酥餅,o犘囉酥,不過講真do犘囉酥已經冇以前咁好食lu再無以前咁脆皮不過個人口味,如果可以少d涵多d皮會更perfect另外個椰鐽熱辣辣新出爐時真係好正好正十分令人回味架個燒餅我就覺得熱時都好好食仲有不得不提係佢個蛋散又係好好食,好脆不過10蚊先得少少就有d貴喇每人只不過係10蚊以內既消費點大食都會好飽

小蛋撻$5 /4 pcs 仲可以選椰撻...佢地撻唔太油!不過唔明,點解果包乾蘇餅即買即到期既? 唔通一定要人即日食晒嗎?不過幾正!

棋子餅- 見個樣真係好靚ga, 點知食落好硬呀! 裡面唔知係d咩黎, 一d味都冇...有冇人可以話我知呢?椰撻- 迷你的, 上面脆脆地, 裡面超鬆化, 正呀!

今日去樣樣買d食~見倒米通一大包$8, 係真空包裝的, 但即日返屋企食都唔脆的, 花生唔多, 幾失望香蕉糕$2 - 係我人生第二次食, 對上一次巳係十多年前既事lu, 所以我都唔記得係咩味了, 今次食返我覺得冇咩香蕉味, 個口感ok~唔錯燒餅- 淨燒餅, $10六個都幾抵食, 好煙"un", 既然紅豆味都冇咩料, 要件3一個不如食冇料好過~

$10有成4大個! 真係好平! 我係第一次食ga ja,嘩!真係好正好鬆化呀!^^我以後都唔食奇華喇!, 哈哈! 奇華咁貴...我窮ma...^^另外要左個$2一個迷你蛋撻...yi~好似冇以前既咁好食既...個底一d都唔香, 我記得以前好香牛油味的

今日終於都有機會試下佢地既豆沙燒餅, 真係好煙"un"呀~我好鍾意~個餡好少ja, 好失望呀, 又唔甜, 食冇餡好過!

應該係苦臉呀~