奇趣餅家

营业中

休息中

當個個都讚蛋撻時候, 那餅郤在燈火闌柵處!佢雞仔餅同樣好食, 一入口先感受餅皮種香口, 一咬落去再感受內餡種煙韌, 無論一啖食晒, 抑或分兩啖食, 餅皮同內餡產生水乳交融之互動, 絕非其他凡夫俗子可比擬. 仲有就係甜度適中, 新鮮出爐, 暖暖口咁食, perfect!

今日同朋友行開呢頭,見到燒餅又忍唔住買, 正值下午,d 燒餅熱辣辣!好味...!!另外有個朋友見到d蛋撻子想食,5蚊4個,一人一個.雖然唔係新鮮出爐,但個皮幾脆,細細個幾好食,唔錯...!!

不知是否勁辣仙丹發作，胃口給打垮了．．．十字街頭迷惑中，踱步至此；買了一件豆沙燒餅倒塞那陣陣腥味，依然愛這種煙煙韌韌、溫溫暖暖、甜甜豆沙味，令這個失落獨行俠添了點色彩。

前言：家中上下老幼，繼續那「尋找美味椰撻的故事」。今趟由老爸出手。昨天下午，他大爺到花園街購買水果，亦不忘跑去「奇趣餅家」買幾枚椰撻作下午茶點心，順便觀摩比較各家椰撻的質素。食物和評語：迷你撻，八枚才賣十塊錢，可選椰撻或蛋撻，售價算便宜。買十枚的話，店家會把撻放入一個充滿懷舊氣息的小紙盒，別有風味。撻底是微甜曲奇撻底，合我心意。那撻底，即日食倒是鬆化脆口，隔日便不鬆脆，但仍可接受。蛋撻餡料味道一般。隔日就相當硬，撻餡亦縮水。椰撻餡料不俗，吃到椰蓉質感，撻頂可是「立體兼開口」，賣相和食味都不俗，可以試試！比較之下，椰撻較蛋撻好一點！家裡各人，一致通過，投此店的椰撻一票！另外，老爸說：店員親切熱情，當天店外擠滿顧客，他才買十塊錢食物，店員「多謝前，多謝後」，令他買得相當開心！

今朝黎呢度買旦撻仔$5/4 個及燒餅$3請同事食,旦撻仔同燒餅依然都係咁好食呀!

佢既旦撻仔(撻皮超鬆化)$5/4個同燒餅(煙韌而不過甜)$2最好食,蛋散亦不錯!值得一試!

佢既老婆餅皮很趣,不太甜,合核酥亦很趣很香,但我覺得佢既燒餅太甜及有點啃頸,不太吸引

今日唱完k,肚子有d餓,行開太子,於是便去試聞名已久的奇趣餅家"豆沙燒餅"首先家舖頭好多人呀,估唔到1家中式餅家可以有咁多人幫襯,咁當然係好味先會有咁多人幫襯la佢d豆沙燒餅好新鮮,又熱,可能人流多既關係la.個燒餅d豆沙唔係太多,所以都唔係好甜,啱晒我既口味,個餅皮冇我想象咁煙"un",但係都ok.不過食完1個已經好飽lu.下次試下d牛耳餅同合桃酥先

昨天下午閒逛,路經花園街,心思思想食燒餅,打算買一個。$1.5 一個,阿叔話$5 三個,無所謂便買了三個。我要了無餡的,無咁漏,又不油膩。拿上手熱呼呼,放在一袋也不會黏住。食落去煙靱,清甜,忍不住一口氣吃了兩個。另外我見很多人買蛋撻及合桃酥。我最愛卻是光酥餅及雞仔餅。可惜怕肥已很久無食了...

豆沙燒餅真的一流，新鮮熱辣，無法抵擋!但相對地，炒米餅就非常麻麻地，太硬。

呢間鋪既豆沙燒餅又熱又好味, 每次行過一定會買o黎食。

行開呢頭, 都會心思思買呢兩樣餅食, 不過次次都好難先迫到去門口. 今個星期六就揀燒餅食, 暖暖地, 韌韌好好食, 不過我個人特別喜歡淡d, 少d豆沙仲好. 下次再食光酥餅, 外脆內軟, 唔...... yummy 留番下次....

星期六同老公向太子食完飯，又食完雪糕之後，突然好想去奇趣買燒餅食。雖然好飽，但都好想買黎晏０的食。因為話說上次買過放左個多小時，都仲係暖暖既。去到時，勁多人，有人買新年食品，有人買新鮮出爐既mini椰撻。我地見到佢既樣好吸引，所以就買左兩個mini椰撻，兩個mini蛋撻（五蚊四件）。個椰撻熱辣辣，好香椰子味，好正。反而蛋撻就okay喇，因為唔係好熱。食完好滿足！好飽！

今日去開旺角番屋企前經過買左我至愛既合桃酥同光酥餅平時我唔鍾意食光酥餅架係呢間既我至會食唔知點解有人話深水土步間吳茂記濕d正d但我食完始終認為呢度係最好光酥餅係乾身先係光酥餅o家嘛所謂食得鹹魚抵得渴食得光酥餅預左係乾身架啦預左要飲水架啦係咪?4蚊兩大個比平時唔知咩牌子又唔好食既係貴少少但物有所值行過一定買新鮮整今冕最後成為左我既晚餐p.s. 記得以前我見過鬼佬專登黎買合桃酥只係痴左一啖食已經俾人食晒仍然係咁脆但唔會油淋淋好鬆化但唔知點解今次個餅心有d濕同埋冇咁脆不過咁大個餅無法架啦10 蚊四個但老闆好好要一個佢都只係收番2.5質素好但街巿價必食推介p.s.近新年,佢而家都有出賀年食品例如油角不過可能吸收左上年經驗仍然有合桃酥賣但呢樣可能因為係鎮店之寶之一經常賣埋食唔食到佢睇你有冇緣喇

最愛吃熱騰騰的豆沙燒餅^^, 不過一件已經可以很飽, 想試其他款式, 要外賣了~!如果不怕胖, 雞仔餅也值得一試~!