夫妻沸片-台式麻辣火鍋 (已結業)

成日行開旺角呢頭，不過就從來未食過，知佢都開左一段時間，今日襯放假就黎食下。下午時間有套餐，可以叫火鍋或者午市飯麵套餐，我同朋友選擇左火鍋，仲追加左配料添！醬料區都好齊備，一般平時用到嘅呢到都有，仲好乾淨！美國肥牛一人火鍋，跟夫妻麻辣湯。每個鍋都包左唔同蔬菜。湯底好快滾起，個鍋好傳熱，要小心燙傷呀！牛肉另上一碟，望落唔會好肥，厚薄適中，仲好有牛味！湯底就比較辣，索埋湯底好惹味！西班牙黑毛豬一人火鍋，跟香濃雞湯。黑毛豬好靚樣下，食落唔會韌。追加左松露香菇肉丸同麻辣鴨血。套餐會跟埋一碗滷肉飯，同台灣食到嘅好似！烏龍奶茶同鐵觀音奶茶，少甜少冰，正！