太陽香格里拉餐廳 (已結業)

因為間野都幾近我屋企, 成日行過都見到好少人食, 一路都驚le間野會執丫, 想o係佢執前食一次但都係冇入過去.... 睇下openrice 原來le間野有雜誌介紹過...有次終於去左le間野食. 第一次食3個人哎左黃薑飯, 腰果濃汁滑羊, 芝士薄餅同咖哩雞..黃薑飯比較硬, 唔係好岩我口味不過用腰果濃汁滑羊同咖哩雞lo 飯~正!! 個滑羊真係唔錯..我唔係好食得辣, 所以係咁lo d 汁 一路飲大量清水....芝士薄餅冇芝士味..普普通通, total 食左$14x...第二次食係因為好似都成8點幾仲未食野又未煮飯..2個人快快手衝去間鋪哎野食...今次等左一陣...好肚餓好肚餓, 叫左白飯, 蔥薄餅同青瓜酸乳酪.問個waiter 咩唔辣喇.. 佢話係 腰果濃汁滑羊 最mild...結果都係哎腰果濃汁滑羊食..今次滑羊冇咁滑, 但白飯軟過黃薑飯好多青瓜酸乳酪試左幾口就放低喇..平時我都有食開乳酪ga..但都覺得青瓜酸乳酪好奇怪..le次食左 ~$100我覺得幾抵食..同埋le間野俾我ge感覺好親切...

這裡的地方雖然不大, 但勝在服務好. 我同老公只點了兩個餸及兩杯飲品, 但個老細都好nice, 全程笑容滿面, 又同我地講 'happy new year", 氣氛相當好!由於我地是素食者, 但難得佢地個menu裡面都有頗多素食的選擇食物味道唔錯啦. 我點了杯香蕉乳酪, 裡面真係有好濃的香蕉味, 係好新鮮的.我覺得嗰度好在可以叫外賣, 而且在元朗區的送貨是免費的, 咁, 就算平日放工返屋企唔想煮飯都可以打個電話去叫外賣啦

我印象中呢間餐廳自雜誌介紹後每日o既晚上,總會有一堆人在等位~不過我上個星期日o既晚上去,竟然冇人等位之餘,入面得1枱客~由於我帶狗o既關係,我同男友就坐左o係室外唯一o既一張枱~正如之前o既網友所講,o個2個女侍應係經常雲遊太空o既....好在都仲識比水同送餐前小食比我地(我地幾驚坐o係出面佢地會睇我地唔到,唔招呼我地ar)點菜之前,用手機上openrice 睇下其他人有冇介紹咩好食...之前位網友話推介腰果濃汁滑羊,好,我地就試下,果然好好食,d 羊肉滑到好似雞肉咁,又唔蘇,又唔痴牙~不過唔明點解叫腰果汁,除左真係食到d 果仁粒之外,都係咖哩味之ma,冇腰果味ar,同埋份量真係好少,唔多夠喉(得6至8舊羊肉)仲有食左咖哩蟹,$85 的價錢真係很抵,d 蟹炸左先煮,一咬d殼就碎,不過略嫌隻蟹冇乜肉食~食食下,老闆兼大廚走左出o黎同我地傾計,可惜我地2個o既英文都係有限公司,吹左2句,佢就番入鋪喇,間中個女侍應都會出o黎同我地傾下計,問下我地d o岩唔o岩食,撩下我隻狗玩咁(不過都有d 雞同鴨講)最後埋單$190,我地比左$200,預佢會找番$5,$2,$2,$1呢個散紙組合比我地啦.

呢個食評遲左成個月先寫因為我完全唔記得左啦！嘻嘻！時間：8月初8點左右呢一日同女朋友健康地行屏山文物徑，當日仲比我地見到選唔到立法會議員既周梁淑怡同TVB既新聞記者，不過中午果餐路過荃灣嘉樂冰廳由於實在太多人搞到“過門而不入”，被逼去左去隔離間垃圾我就仲記憶猶新！所以夜晚呢餐點都要對得住自己個五臟廟先得！去到即刻排隊，同個印巴籍女侍應講幾多位，但門口就企滿人，都唔知點排隊（突然想起小弟一個澳門朋友見到好多人係度排隊等巴士就話我地香港人最中意排隊，我就話佢聽係香港人怕蝕底，寧願有隊排公平d，first come first serve, 不過有得偷步其實香港人一樣唔介意....）, 我問個女侍應有無飛仔攞等叫位，又話無，算.......老實講餐廳真係好細，而且一張台起碼要食1個鐘，不過唔關客人事，係廚房出菜慢（因為好似得一個廚師，老細同廚師都係佢！）。等等下，等到9點鐘終於有位坐，腳都“bai”! 二話不說點餐，叫左（可能有d英文串法會有少少錯):1. Tandori Chicken - 燒得非常入味，炸炸聲鐵板上，但拎過來的時候女侍應唔小心跌左舊，不過就即刻叫廚房補返一舊，抵讚！2.

幾乎所有的菜式都好味, 雖然沒有全部吃過, 但我對大廚甚有信心, 那是因為在剛開舖時還沒有很多客人, 到現在幾乎每晚都爆滿, 但食物水準都依然能夠保持, 這是非常難得。 店舖很小, 有心來吃的就要早點來, 不要介意冷氣不凍, 也不要介意印藉侍應動作慢, 她們已經改善了很多, 有時如果她們有空, 也可以與她們交談幾句, 你會發現其實她們很nice, 包括老闆, 他也是一個很健談的人。

我和朋友二人晚上去了那兒吃東西,其實去之前,也看了些食評,當中提到服務一般和慢,今次親身感受,發現他們的服務也ok,雖然看到有一桌叫了套餐要提他們上菜,但她們也是有禮貌的。這晚,我們試了咖喱羊、咖喱雞、炸洋蔥圈、炸雜菜雲吞、印度薄餅、香蕉乳酪、芒果乳酪,咖哩味道不錯,配飯吃甚佳;炸洋蔥圈較油膩,但我朋友很喜歡;我最喜歡的是炸雜菜雲吞和香蕉乳酪;而印度薄餅淨食也十分美味。有機會的話,也希望能試試其他食物。

實在大失所望！以為雜誌介紹，即管去試吓啦！點了套餐，足足等了1個鐘，オ有第1道菜:蕃茄湯！味道還可以，略嫌太重蒜蓉味！再等了30分鐘，有第2道菜了，茄喱雞和烤餅。幸好烤餅是熱烘烘的，不過茄喱就夠濃味了。再等多30分鐘(即是一共２個鐘了)，終於忍不住，我們告訴那印藉侍應生，我們決定不再等了，要不立即上菜，要不埋单了。怎知她說埋单要埋全數，不能衹計算已吃的。(套餐共有大概6,7道菜吧)當時其他客人亦同時等到鼓噪，終於大家都埋单走了。平日都如此，週末如何呢？不敢想像！決不再去！

某雜誌介紹此餐廳菜色, 跑去一試.結果食物真的不錯, 如雜誌介紹的咖哩蟹真的一流, 其他也不錯.但服務的兩位外籍少女, 完全不懂控制人流, 不懂安排自己工作次序, 不知自己該做什麼.如果再去選平日可能比較好.

在雜誌看到有關此餐廳的介紹，於是慕名前往一試。餐廳有３張６人枱及２張２－３人枱，座位相當迫。到達的時候剛好還有位，我和夫君各點了一個ｓｅｔ。等了３０分鐘連餐湯都未到，水都無一杯，只見兩個遊魂外籍女侍應到處飄，不知想點咁。隔離枱叫了一ｊａｒ啤酒，催幾次都唔斟，睇到火滾。我同夫君講唔知他們的食物是否能保這一切的不足呢？答案是：不能。Ｄ野食稱唔上出色，以這樣的價錢，在元朗有更好的選擇。試新野是要冒險，總的來說一個字──慢。