影片
以上资料只供参考，请与餐厅确认详情
食记 (24)
都话最近好钟意食咖哩嫁啦，于是系五一劳动节又揾埋家姐陪我去食印度咖哩我地叫左一个SPECIAL LUNCH同两款散叫既野食。落完单冇耐佢就上左个胡椒薄脆，跟个酸酸地辣辣地既黄色酱。个薄脆胡椒味都OK，微辣。反而个酱更辣，不过就偏咸既。家姐叫左个咖哩鸡既SET LUNCH，入面包左汤、咖哩鸡、饭或NAAN、炒菜一碟同埋野饮一杯。个汤系扁豆汤。个汤饮落有D薯仔味(？)，入面有D一粒粒既野，唔知系咪就系扁豆呢？不过对我黎讲个汤个味好似怪怪地咁，可能饮唔惯挂，我就觉得麻麻地。之后就到主角咖哩鸡啦。入面都有4-5旧鸡同一旧薯仔。只要个鸡雪味唔重同旧薯仔够淋就冇咩大问题，最主要都系个咖哩汁！我觉得个咖哩汁辣度唔系好够，而且有种愈食愈咸既感觉但系我家姐又冇话觉得咸，而且愈食愈辣添！(所以话，口味呢样野真系因人而异)由于我地散叫左一个薯仔薄饼，所以我家姐就决定呢个餐到叫个白饭黎送咖哩。个饭一上到黎，我同家姐都呆左因为个份量真系好多！(但系我明明已经叫左少饭，但份量依然多得惊人！所以我同家姐都认为佢系唔记得左)饭系印度长米，只要佢系热同够粒粒分明就OK。(如果唔系既话捞埋咖哩就变烂饭，好难食)之后个炒菜系炒菜心，冇咩特别，系多油左少少。每餐都有菜落肚，饮食均衡(虽然觉得炒菜心同印度或者尼泊尔好似拉唔上关系)跟餐饮品我地叫左一杯纯乳酪(竟然唔驶加钱，赞！)杯纯乳酪酸酸地冻冻地，用黎解辣一流！可惜我觉得个日叫既野唔够辣，浪费左杯野饮讲完SET LUNCH，就到散叫既两样野。因为我想食既野系SET LUNCH入面系冇包到既，所以先造就左我散叫呢两样食物。我想食既系薯仔薄饼！(我的确好钟意食淀粉质！)之后外加一个辣炒杂菜。(个时谂住食多D菜冇坏既，同埋唔知原来SET LUNCH包左个炒菜)先讲个薯仔薄饼。佢的确系一个薄饼@@！因为佢唔同平时食开既NAAN咁烟烟韧韧、软软地，反而个面系脆身既，入面又有D似面包既口感。虽然话系薯仔薄饼，但其实我唔系太食到入面既薯仔馅同香料味。老实讲我系有D失望既。唯有将佢当系一个普通既面包点咖哩鸡既咖哩一齐食！跟住到个辣炒杂菜。我原本睇幅图以为会系用干咖哩黎炒，好似平时食既烩薯椰菜花咁，我仲特登叫佢加辣添！点知一上枱既时候即刻打左个突，因为佢个样同清炒冇分别。我以为落错ORDER，仲特登问返个侍应，佢话我个个真系辣炒杂菜黎。虽然同原先谂既有D唔同，但只系我自己既问题，黎到都唯有照食。但系我食呢个杂菜既时候，其实唔系太食到佢既辣。佢既辣亦都只系指系炒既时候加几粒辣椒。对我黎讲，我觉得佢叫清炒杂菜好似仲合适。而且呢个散叫既菜系收正价$58，但系出到黎既份量我觉得系偏少，似平时食开三十几蚊既份量到。若果佢辣返DD同多返DD咁就好啦。唔知佢D食物系太咸定点呢，个日晏就食完之后成日都觉得好口干，好想揾水饮呢...总括黎讲，我觉得佢个到既食物味道一般，唔算话特别好食，而且食完之后喉咙又有D唔舒服。但系若果突然想食印度野，想止一止口瘾，近近地都会揾佢既。不过就只会系食晏既时候去啰，因为抵食好多。
继续阅读
记得之前剪了这张餐厅的coupon，加上我为食，所以与家人去食羊肉不腻，而且食物上桌时够热=]很多食物都有特色(烤饼、curry等)还有服装员态度很好，以笑容待人$300有找都够一家四口食得饱，值得一试再试。
继续阅读
我本身是很喜欢吃中东,印度,尼泊尔菜的。在元朗，这种餐厅不多，特地上来openrice找，除了吃过多次的蓬莱咖哩屋以外，剩下不多，找到这家，而这家店的地理位置真的算偏僻了，因为我在这里住了那么多年都不知道这里有家餐厅。是日特地和朋友来吃午餐，抵达的时候正好是中午12:00，店外告示牌明明写著营业时间是11:30开始，但显然店员才刚上班，正在里面把桌椅放好准备营业，当我们推门欲内进时，店员告诉我们要等10-15分钟，我们只好在外面等最后大约等了5分钟就可以进去店内只有一名店员，他连灯也没有开给我们，他是印巴藉的，跟我们以英语沟通，但他的英文很差常听不明白我们说什么，不过态度良好他起初给我们一叠餐牌，但当中没有set lunch餐牌，我主动问他，他才拿给我。首先我们点了杂菜沙律我肯定这是店员自制的，因为点菜后他便进去厨房很久，出来时便端上这沙律，然后再在离我们不远的地方倒饮品给我们。这个沙律真的好好好难吃!里面有很多菜和青瓜，但完全不冷，而是正常的温度，这也算了杂菜除混和了沙律酱以外，还加了大量砂糖，好难吃!!!!我和朋友试过把菜放进水里面，立刻便飘出了惊人的砂糖，于是我们都没有吃这沙律，我敢说这是我吃过最难吃的沙律!(其实要把沙律做得难吃真是很难，而他们做到了)我和朋友点了相同的lunch set－Lamb Curry with Naan and Choi Sum其实我们想点两set，但店员听不懂，以为我们只要一set。我朋友点了iced lemon tea，他却给了lemon coke.....不过算了。餐牌上说咖哩可以选小中大辣，我告诉店员我想要medium spicy(我什至指著餐牌上的字)，他也还是不懂先说羊肉咖哩，因为店员起初以为我们只点一份，所以只给了一份食物温度只是微暖(Naan也是)羊肉煮得很腍，用叉叉著也会立刻把肉一分为二，完全没有口感放进口更是立刻烂掉而咖哩就混合了羊膻味以及一阵很酸的味道，好像变坏了似的，也完全没有辣味我想这咖哩应该是前一天卖剩的，完全不新鲜!后来我们告诉店员我们是要两set，再等一会他再端上另一盘咖哩和Naan，这次只是煮得较热，味道还是一样。餐牌上明明说套餐会配菜心，但最后端上的竟是炒芥菜，而且只给了我们一份，不知道到底是二合为一，抑或忘了给两份芥菜很苦，比家里炒的苦得多他们好像加了"孜然"香料，一吃就知道，如果不是那么苦，也蛮香口的起初我真的很期待来这里吃饭，因为好评不少，而且好像很有特色，但最后真的教我十分失望，我对食物要求本不算高，但这是我第一次给劣评是我倒楣吗？刚开门营业所以厨师还未上班？？
继续阅读
唔知系唔系因为店舖既位置问题呢,黎间餐厅好似成日都好小人黎咁,因为呀哥爱好咖哩而且算系熟客既关系,所以我都有幸可以成日黎呢度食野(学生仔冇咩$,成日都要呀哥请食饭haha)真系好中意好中意黎间餐厅,两个老板对客人都好nice,而且价钱唔贵!另外,非常欣赏佢地菜色既多变,同一个菜色成日都会有唔同既整法,所以每次都会有耳目一新既感觉!前菜必叫Shangri-la Special ,呢道由印度咖哩角配上酸甜酱汁同梅汁既菜色,食落去酸酸甜甜咁,好开胃,每次食既时候都会同呀哥争食。而最特别既地方在于酱汁将咖哩角既辣味中和,个印度咖哩角本身颇辣(对于我黎D唔食辣既人黎讲),但加埋个汁就完全中和左佢个辣味,个汁加埋咖哩角一齐食,酸味加上辣味,冻既汁加上热既咖哩角,一定会一试爱上!所就算同呀哥系午市黎都好,都一定会食佢嫁~~每次食晚餐,佢地都会送Papadam俾顾客当餐前小食,点埋个绿色酱汁,为晚餐揭开序幕!!饮品方面,最中意饮cinnamon lassi,不嬲唔多中意cinnamon呢种香料,硬系觉得呢只香料阵味怪怪的,但配上lassi,反而好夹,成杯野饮入口好香! lassi系老板亲自调制嫁~~完全值得一试!怕咖哩油腻既可以叫Black tea,呢杯野苦苦地,但就非常之解到食完咖哩之后油腻感。至于苹果汁就唔建议叫,因为饮落去好似果汁先生既苹果汁,而且价钱较贵。主菜方面,推介spinach and cheese,个芝士烟烟韧韧咁,好有口感,而且个菠菜汁好好味,食完芝士之后留返d汁点Nan!nan方面,Plain Nan同Aloo Paratha都系好选择黎,有一款入边有红色椰丝既甜Nan我就唔太好啦~另一样就系Briyani,briyani系香料饭黎既,就咁睇会觉得佢系炒饭,但其实系焗饭黎嫁,成个饭冇普通焗饭咁干身,湿湿地,但粒粒分明,个饭闻落充满乳酪香味,但食落就会知道,除左有淡淡既乳酪味之外仲有其他香料既味道,听讲briyani入边有30种香料,黎个饭比起餐厅入边其他饭贵成倍~~40几蚊~~但又真系一分钱一分货既!!仲有Chiple Bhendi,即系炒秋葵都好好味,好香蒜头味,秋葵口感黏黏地,几特别!最后甜品方面我诚意推介冻既Khir尼泊尔香草布甸,入边有提子干,橙色既椰丝,笔到入底果时惊喜地发现......竟然有饭?口感好特别~椰丝+饭+提子干+糊状既椰浆,将饭当甜品真系第一次,好特别,但又真系好好味,有人话食甜品系第二个胃果然无错!就算果时食到几饱都好都照样将成个甜品食晒!!!每次去黎度食都会好满足,但餐厅既空调系统同抽风系统都有待改善,每次去完食野之后个身总会有阵油烟味!
继续阅读
未参与写食评前已光顾此尼泊尔小店，位置唔系大街，近三年开始去，每年内部餐枱椅都唔同，初时见过用普通折式餐枱，后来加枱布及放朶花，有情女feel ，我重记得当时满坐，门外加张折抬，一对情人一路吃小食，一路饮红酒。今次(日)晚八点半到，见门外挂着个营业排，店内竟冇客，如果我第一次来，相信未必会入去，我问下位外藉服务员，姖用英文话D客刚离开。尼泊尔啤酒 ($16)味道同青岛差唔多 ok lar, 个酒樽同酒杯几靓.薄饼(免费)送上两大片脆口的薄饼及香料酱汁，同口部做下热身运动.尼泊尔烤羊肉串 40四串尼泊尔小食，滴D柠檬汁后几野味，不过肉质唔够嫩.尼泊尔咖哩牛腩 55呢个菜有点失望，因牛腩份量不足，唔够软身，咖哩汁多，似玩寻宝戏，故原来大快活嘅咖喱牛腩饭都唔错，重有几件薯仔送.波菜炒豆 18可能系价钱平关系，波菜及豆份量小 ，味道偏淡，用作配饭较佳，但我亦唔想每道菜味浓，会好囗渴.烤麦饼($10)，烤饼($12)味道上我觉得两款饼好相似，卖相上一款切开四件，较薄身，另一款一大件过，较厚身及松软，好在两款饼够香够热，以前饼上有点油，今次较干身，各有特色 .两款用来点咖喱汁最适合不过.尼泊尔炒饭 ($20)终于出现金属碟，较有尼泊尔风味，虽然只用菜及什豆妙，但味道比西炒饭更香，而且大大碟 .注：1. 有部细电视播当地歌舞片 2. 无加一3. 当日无试推介及印度菜式4. 用英语点菜
继续阅读