太平館餐廳

营业中

休息中

20051007 8pm跟男友晚飯2人前, 晚飯前跟好友通了一個電話, 得知一個頗shock o既消息, 心情相當麻麻. 男友想tum 返我, 同我去太平館食飯. 另一原因係驚去第度食, 萬一食到o的唔好食o既o野我個面口會更黑. 太平館始終質素有保証.好多人, 等o左10 分鐘先有位.要o左個2人set, * 餐包+ 餐海龍皇湯, 跟我的心情一樣, 很跌watt. 太鹹了個湯, 茄膏下的太多, 龍蝦味盪然無全.* 瑞汁雞翼x 6隻, 都係咁啦.* 瑞汁炒牛河, 干炒牛河較熱氣, 食瑞汁都好o既. 好香但太大碟了.* 凍奶茶* 熱咖啡是夜人多, 無平時咁舒服, 同埋冷氣開得超大.埋單連加一只$270. 不知怎的我覺得太平館好像越來越便宜.p.s. 鄰桌在吃和花雀, 噢, 秋天真的來了.

去得太平館預左的伙記係好有性格, 不過今日真係好激氣!!! 同朋友係中環唔想上soho亂搵, 就去有保證既太平館. 入到去有兩個頗有資格既經理伙記, 唔多願理啋, 問左我地兩個冇訂檯, 都唔係好願招呼, 之後懶懶閒話上樓上25號檯, (心諗, 好!我忍你!) 上到去, 有個都算後生既四眼男人睇住佢由好好笑容到望完我同朋友之後即刻變面,問完又係冇訂檯, 仲黑住口面, 話邊個俾你地上黎, 我開口話樓下叫我地上...都未講完, 佢就走左去, 之後遠遠好似有個伙記手指指喝我地, 你地坐個度. 我忍到個一刻真係頂唔順調頭走, 算我EQ低, 我唔明我去俾錢點解要去受氣!!!之後飛的去番CWB既太平館, 雖然伙記都係好有性格, 但係感覺上好好多!我地兩個人叫左一個二人餐:海皇湯/ 瑞士汁雞翼/ 瑞士汁牛河/ 芒果布甸/ 餐飲, 另外再加左一個焗蟹蓋同梳乎里食物品質同往常一樣, 保持水準, 係牛河個汁太多, 味道太重...埋單食左$510. 可以接受

嘩! 上個星期四晚去試好多人推介的souffle, 勁妤味!!過然好掂!! 夠大之餘仲唔係太甜同胞肚。最啱女仔食,不過一定要兩個人分!!大家一定要試!!

第一次同my parents 黎... 今次同我d 朋友黎... 兩次叫既野都差唔多一樣. 今日叫左瑞士雞翼meal, 乳鴿meal (連埋個萄汁雞), 梳fu厘, 本來以為五個人食一定唔夠食... 點知我地食唔晒... 上次黎0個陣我見到兩個女仔share 一個梳fu厘, 0個陣真係嚇親, 大得離譜, 今次我地五個人食都食唔晒, 但係就真係好好味, 好特別, 好就好在佢唔係話太甜, 0岩0岩好. 個瑞士wing 同埋萄汁雞飯都好好, 可能我自己鍾意萄汁既關係, 所以食得特別開胃. 但係佢個汁就靚, d 雞就唔係好入味. 個瑞士wing 都幾好, 佢d wings 不嬲都好鮮同埋個招牌瑞士汁當然ok. 反而個乳鴿就差d, 好普通. 太平館d 野食一次半次就幾好, 但係食多幾次就覺得好普通, 想起銅鑼灣坐得舒服d 咪黎哩度, 整體都唔差既. 價錢就唔係話貴, 但一定唔底.

20050712 10pm與好友apple 晚飯, 夜收工所以夜o左先食飯. 昨日暴曬於荒野, 曬傷了. 好友apple 得知即順手送來after sun jelly 予我, 真係無得頂呀~ ^o^2人share吃-* 干炒牛河- 我始終都認為呢度干炒牛河係好食過瑞汁牛河的. 今日呢個好多牛肉, 多到夾親都係牛肉!* 廚師沙律- 都等o左好耐食o左一半個牛河先上, 蛋沙律汁預先溝好, 料勁足, 有鹹牛月利, 雞肉, 火腿, 蛋, etc.. 大量菜, 同大蝦沙律又好唔同, 我都幾鐘意呢個汁. 以$90 呢個價錢來講算好抵食.另送餐包仔一個. 同埋見到田北......辰囉~埋單連加一只需$190.

星期一晚同朋友去食，我最記得細細個陣阿爸阿媽成日帶我哋嚟食乳鴿。。。好正，不過好耐冇去。。。二個人，叫咗一個乳鴿餐，一百七十八蚊，都幾貴，有燕窩雞容湯一客、一隻乳鴿、一焗海鮮飯、一杯飲品。再叫咗個葡汁焗四蔬。。。最特別係乳鴿，個汁超正！湯也不錯。其他不吃也罷。。。至於服務。。。唉，老店也是這樣的。但，那位老伯伯很好人，我吔食完乳鴿，即刻拿檸檬茶比我哋洗手呢！

從來都未食過太平館，因為出名的關係去一試。二人套餐已經包晒應該試的菜食，海龍皇湯、餐包、雞翼、牛河、甜品（菠籮唶喱）、咖啡或茶$238+10%。雞翼同炒牛河係好食，這個餐兩個人食完其實都好夠飽。但聽見隔離檯坐底乜都未叫就先叫疏乎厘，似乎唔試唔得。所以飽都叫，侍應寸寸地甘話：要等30分鐘架窩~ 我地咪答：等囉~結果30分鐘後見佢拎一大盆出黎，嚇一跳，因為心目中以為係一杯杯的，大家試少少甘。最終食淨五分一倒啦~服務方面，見佢係舊式經營，所以都冇乜期望。

好耐未去過太平館竟然星期五晚7點幾有位想食牛肉,所以叫牛柳餐不太好吃,好韌下次都係叫番瑞士雞翼或乳鴿好的

上星期同太太去食飯,一心諗住去試下梳乎厘,個日叫左瑞士雞翼,雙套餐及招牌梳乎厘,前兩款都好食,不過個梳乎厘就不知所謂,外面好, 裡面仲係凍有五成係泡好似唔熟,同個部長講,點知個部長"K.K. Kong",態度極其惡劣,仲話我們唔識野比面色我地睇,話所有梳乎厘係咁樣,如果要熟就另外通知,如果係要另外通知,落單時出句聲,大佬,我睇左食評先去食點知仲要比人話傻仔,食到一肚氣,個梳乎厘係用焗爐整唔係雪櫃雪,又凍又有泡,叫人點食? 唔通佢當個雪櫃係焗爐呀?個餐都幾貴,價錢貴都無問題,去得食就預左,但服務九流就預計唔到,真係一級收費九流服務,淨係個所謂"招牌"梳厘都成88蚊,以後都唔去食。另外有個好老的侍應伯伯,好好笑容,如果個個侍應都好似佢咁樣就日日去食都無問題。

同家人來這裡吃晚飯。很久沒來，好想念佢嘅食物。餐包- 好軟熟，點牛油好好味。海龍皇湯- 好濃郁，正！乳鴿- 佢嘅招牌汁好好味，乳鴿都好香口。葡國雞飯- 依個就麻麻地，個汁實在太肥太多油了！焗豬排飯- 一般啦，豬排係炸過先至焗，係熱辣辣，不過都幾熱氣，亦有點漏。扒石班- 都幾好味，不過冇乜伴菜，連薯條都冇，只有幾塊薯片，唔係幾抵食。其實來這裡感情分搭夠，食物其實只屬一般，而且偏向肥膩，價錢亦偏貴。所以不能時常來的。

瑞士雞翼= 好多隻,但不覺得特別好味,而且食到無晒儀態!意粉= 好唔掂(似翠華,又唔熱又無味!)甜品= ma ma 地好--> (1) 餐湯味濃(2) 我個friend食得快我好多,個waiter攞走我朋友隻碟時,叫我唔洗急,慢慢食,等埋我食完先再上菜!

原來除了瑞士雞翼同梳乎厘外，她的烚鹹牛也是名菜之一，好似只可以散叫，$78，有三至四塊厚片，好好味好特別。以後可有多一個選擇了。

I have lunch at Tai Ping Koon in Causeway Bay,the environment is wonderful!so romantic!the chicken wings is good, porkchop is great too!I like the iced lemon tea,although the price is a bit expensive, but it 's worth eatingI must go there again next time.thank you

以往多數係去佐敦太平館店～所以都係第一次幫襯呢度。閒日o既夜晚，都差不多9點咁滯；點知一推開門，嘩！原來裡面仲企滿等緊位o既人。因為舖位幾細，加上有熟客打尖，我地都等o左差不多半粒鐘至有位座(差不多係隔籬峰壽司等位o既時間啊！)。食物方面，依舊係幾貴(尤其比起天樂)；我地叫o左個2人套餐，$228，有海龍皇湯兩個，瑞士雞翼，瑞士汁炒牛河，甜品兩客。海龍皇湯份量唔多，不過都幾濃幾香，唔錯o播！瑞士雞翼有6隻，瑞士汁當然亦係精髓所在，又甜又香，雞翼皮脆肉鮮，水準之作。瑞士汁炒牛河味道一般，但份量都唔少。甜品原本係兩件唔知乜cake～我地問侍應伯伯可唔可以加錢轉焗梳乎厘；佢答梳乎厘係唔係都要俾正價，你鍾意加o米加lor～真有性格。其實食瑞士雞翼呢度似乎比天樂優勝，至於炒牛河就兩間差不多。不過以價錢計兩邊都真係差幾遠～以當晚同樣食物天樂$150已有交易；所以我地呢D草根皆層，下次都係寧願幫襯天樂lor！

Tea set $38, 選擇o左瑞士汁炒牛河同燴牛利意粉, 仲有即磨咖啡, 好抵呀~~ 雖然味道唔錯, 但係真係好多好多油..... (抵食分o個4分係俾high tea咋, 晚餐我覺得好唔抵o架~)