太平館餐廳

营业中

休息中

尋晚去食, arm arm無冷氣, 好熱. 8:30去到, 要等到9:00先入到去, 不過應該快左架啦, 因為無冷氣, d人唔會坐禁耐除左個manager之外, 其他waiter無泥神氣, 好似僵屍禁, 太平館唔請佢地, 佢地都應該揾唔到第間請佢. 笑容就無架啦! 唔"丙"你唔黑面都算啦!無叫套餐, 散叫1) 瑞士汁雞翼2) 燒乳鴨3) 豬肶飯4) 瑞士汁牛河5) 烚鹹牛舌6) 梳乎里1) 瑞士汁雞翼- 太太太貴了, 好食, 不過好似唔值呢個價喎! 118蚊等半打, 其實出去買支瑞士汁煮都差唔多, 只要加多一點點糖, 讓汁偏甜一點便可2) 燒乳鴨- 麻麻地! 普通貨仔, 好多酒樓都做到呢個質素3) 豬肶飯- 不好吃! 全晚最唔掂, 又"鞋" 又同雞翼個汁差唔多味, 不叫也罷4) 瑞士汁牛河- 好吃! 但有點過鹹及過油, 不過ok!5) 烚鹹牛舌- 全晚我認為最好的一碟, 我本身好鐘意食牛舌, 好好味6) 梳乎里- 都好好味! 一個夠四至六個人分, $89一個架, 不過男朋友話梳乎里好難做total: $570總括一句, 未去過食一生人點都去試一次, 最好四人以上去, 可

high class restaurant?!!!!Over priced food...it is like, um...a bad copy of a LV bag. The service? what service...well, unless you've been going there since the 50s, and still thinks in terms of the 50s; and the waiters know you by your grandma's name. Be prepared to be shoved around to make room for the waiters to trot by with their attitude.

這裡既瑞士雞翼和梳乎厘出名﹐但我鍾情既反以係56元一碟既窩蛋免治牛肉飯。賣相平平﹐但味道特別﹐只此一家。份量超大﹐夠o西兩個人食﹐但你夠膽兩個人只叫一碟飯嗎﹖

去太平館為懷舊？當然不，由細食到大，雖然有感情分，但最主要都係Ｄ野好食，唔好食人地都做唔到咁多年啦。每個人的口味不同，像我小時候至愛太平館的燒乳鴿，大個忽然轉口味中意食雞翼。雞翼其實幾貴，但偏偏全香港都冇一個地方做到佢咁出色，根本無法比較，獨一無二。雖然乾炒牛河，豬肶飯，或者梳乎厘都極正，但去到太平館唔食雞翼唔安樂。下午茶最好，人少少。份量不太heavy，價錢便宜。唯獨一樣，飲品同甜品真係不敢恭維，二十年如一日。嘻嘻～

11月25號星期六到銅鑼灣太平館晚餐，真係！好好味呀。咁耐無去食野，質素一樣咁正。而家多左很多套餐；煙?魚套餐，煙?魚加入大蝦沙律雖然?魚小小夠新鮮但用瑞士汁整非常正餐湯可改牛尾湯夠味夠濃瑞士雞翼唔洗講都正不果無order改燒乳鴿嘩！夠味鴿脾多汁嫩滑但瑞士汁干炒牛河唔order唔得一定要食最正必食都係個梳乎厘成個頭咁大近日雞蛋有蘇丹紅佢地用泰國雞蛋做唔洗驚.... 記住一到就要即食唔好等佢凍D 一凍就有怪味食野每人口味都唔同但有時係食一份人情味一份情懷就像D傻瓜鍾意天星碼頭個鐘樓一樣有時真係無得解。

太平館既瑞士雞翼真係街知巷聞，去到當然要食瑞士雞翼、乾炒牛河(有/沒瑞士汁)，另外套餐就叫左葡汁四寶飯、燒乳鴿。瑞士雞翼既瑞士汁甜甜地，都算好食。反而瑞士汁加係乾炒牛河既時候就太油，唔夾，用老抽炒既牛河好味d!乳鴿肉地太硬，都係沙田乳鴿好味d。葡汁四寶只係一般茶餐廳水準，賣成$115/set，真係太貴喇。甜品本來有雪糕蛋糕(冇叫梳夫厘!!)，但係最變左花奶啫喱(仲要好稀)，唔抵!舖頭裝修幾有懷舊風，部長伯伯咁老都仲好落力，好野!

讀書時到茶記食lunch，餓鬼們指定動作是常餐的橙汁雞翼牛扒，差不多是即叫即上；等得的就叫炒粉麵，習齊order後大鑊炒起足夠分十分八分，就算鑊氣唔夠都叫做made to order，好過一早整定的橙汁料理。想食就食，叫了瑞士汁炒牛河，$46以Tea的價位來計，唔平。即叫即炒，大碟上，薄而軟滑的河粉，不俗，喜歡稻庭烏冬的朋友相信會欣賞此品，個人而言，較欣賞粗身的河粉。味道適中的瑞士汁配鮮牛肉，同一般茶記的「疏打牛」比，是兩碼子的事，蘸點酸辣十足的辣椒醬同吃，出酸、甜、辣味混在一起，吃得大呼過癮。太平館收這個價錢，交的是「質素」，當然若吃不出箇中分別，乾脆掏廿個大洋到附近茶記吧，省得個錢吃多餐。

聽人地講太平館個梳乎厘聽得多，可是沒有試過，今次終於找到人陪我入去嚐嚐了！我們之前已經吃過晚餐，所以這次純粹專誠入去試梳乎厘。上台時見到個龐然大物，面頭是脹起的金黃色表皮，下面是濕濕的固體泡沫，朋友說好像是用透明玻璃大碗盛著的紙包蛋糕。我們面對這種一堆頭的場面，都有點無知所措。用匙羹畢起，那層表皮不是我們以為的脆，而是有一點韌度，下面的海綿狀泡沫，濕濕的，不太甜，味道一般，但份量太多，所以也有點膩。朋友一點都不喜歡，說是中式的梳乎厘，怪怪的。我就覺得這裡的梳乎厘像極了中學HE堂焗出來的蛋糕，又或者是媽媽的焗給小朋友吃的蛋糕一樣，沒甚麼精緻的賣相，但是很有溫馨的感覺。

上星期四晚去, 個朋友生日好想試下呢間野, 之前睇左食評都知服務不太好, 因要買定birthday cake 一齊食想到咁既服務都千萬唔好係佢到食cake 啦, 點知去到叫個長長地頭髮個阿叔同我keep個cake 係雪櫃啦, 佢竟然望一望就問'咩黎架???'我話蛋糕囉. 佢話你自己問水吧啦..我呆左, 真係咁既service...至於食物就真係失望極了, 個隻所謂既乳鴨難食到, 大排檔好食過佢好啦.不如唔好叫乳鴨叫燒老鴨啦.到走時個水吧自動比番個cake 我地話你番來宵夜呀???阿叔叔我地又點敢係到食呀. 即走頭啦.

我好細就去太平館,最記得TST果間細個時成日睇魚.但大左就最常去CWB呢間. 我最鍾意係個煙創魚同牛河.牛尾湯都好好味. 不過,有次試個鵨片飯,吾可以話吾好食,但感覺好似不外如是,不值得比貴D吃蝶頭飯.所以,去果度最好order D 出名的.

我最喜歡乾炒牛河，牛肉稔滑，有肉味；有段時間它放入了青豆角，吃起來有點格格不入，今晚則用了菜心，感覺好得多。煙倉魚也是這兒的招牌菜，香香甜甜的，魚質好像比從前的稍實，但味道仍保持一貫的水準；現在這個製法的煙倉魚很難在別的地方找得到，雖然是貴了一點點，實在值得一試。便宜一點的可以叫set，約$140，有湯和茶或咖啡。燒乳鴿差不多是必點的，今晚的一只燒得不錯，鴿脾部份多汁嫩滑，胸肉則稍乾，但在禽流感的陰影下，都是煮熟點好。整體來說，算是吃得很滿意。

整年沒有去了，今天突然想起就去食lunch。由于時間尚早，不用等位。點了燒豬脾飯- 鼓油較以前淡。海龍王湯- 味道比以前差。瑞士汁牛河及瑞士雞翼- ok，保持水準。

WTO過後,老銅灣仔有如重光紀念日,平日人流,比平常假日更盛.眾遊人好像放監一樣,只是無銀樂隊吹雞,或者街頭表演,花車巡遊.etc...如果唔係收工前,收到個不良於行的靚女急call,有點事要落老銅不可.否則當日流程例牌菜,收工一個箭步飛去巴士站番屋企."重光"後的老銅,猶如地獄一樣,Sogo這個地標,入到去簡直窒息,命運就是如此.偏偏就係要去Sogo.甩身果後,時間尚早,七點正的泉章居,二人位要排六七輪,友人反日,連日本菜都反埋.去到白沙道,見到太平館未有人龍,本住好一餐,唔好又一餐的心情入左去.友人雙腳開始唔見洗,睇怕想去Cova浪漫一番,也有心無力.去到太平館,例牌幾味出名就點果幾味,實在無時間同個餐牌玩東西.瑞士牛河,叫到先兜,唔叫無得兜.點都係兜過,好吃得多.好吃在,夠入味,牛肉,其實只係茶記梳打粉級數,瑞士汁,只係尋常甜豉油,有咩理由令人趨之若鷺?燒乳鴿,個皮燒得金黃香脆,入面就無味兼鞋拾拾.金玉其外,敗絮其中.友人個肉絲炒麵,反而係三味之中,最好吃的一個.我覺得..錯有錯著,之前講過,好一餐,唔好又一餐,兩個人二百四埋單,都唔算好肉赤.算吧.

我最近食過一次係銅鑼灣..同d friend去..食左個set.佢最出名應該係雞翼.但我又覺得個汁無咩驚喜@@..唔知係咪唔岩我d個年代既年輕人食..反而我覺得個牛河整得幾好..不錯..但佢唔得都可以係佢個甜品=.=..有d..不知所謂...

來試一試其出名「瑞士雞翼」，無乜特別。女友叫了焗大蝦飯，OK唔錯。不過想講係班夥計好嘈，而且係講粗口。後來客多佢地至收聲。不過客多時輪到D客好嘈！如果想靜D食飯，都係唔好來呢處。