太平館餐廳

营业中

休息中

第一次食太平館，服務很好， 也很有禮貌，食物除左瑞士雞翼同梳乎厘，其他食物味都就一般，葡國雞飯完全唔得，乳鴿都可以。下次再去都係會再食瑞士雞翼同梳乎厘，其實野食就再諗諗。

今日星期六我哋嚟咗久違了嘅太平館食午餐。中午1:10到達全場爆滿。叫左兩個午餐「羅宋湯+餐包 」湯甜酸味適中唔會杰撻撻。麵包又熱辣辣。「瑞士汁炒牛河 」多汁味濃。夠熱。多牛肉又入味。食過好多間，呢度真係最好食👍🏻份量一個女仔食會多咗少少。但真係好好味😋所以最後都清晒。「紅酒澮牛脷配炒飯」牛脷厚切軟硬適中。可惜配送炒飯炒得唔夠乾身。服務態度殷勤。食完啲嘢佢好快就會清左張枱。感覺好好。整體好滿意好滿足😃

起源於1860年呢間歷史餐廳,見今日行經去睇驗吓,食個下午茶懷舊吓感覺似去番粵語片年代咁,餐廳播住悠閒音樂,令人放鬆。太平館干炒牛河干炒牛河粉量唔算多,可能係下午茶關係吧。但炒得出色,每條河粉沾滿了甜醬油的味道,上面放上黃色蛋絲,牛肉夠腍,河粉亦夠爽,而且吃下去又唔覺得油膩,幼滑非常,也炒得出鑊氣,果然係招牌菜式咖哩牛腩飯咖哩牛腩口味偏重又有啲辣,但牛腩同咖哩煮得好入味,加埋薯仔撈飯夠開胃。下次嚟要試下梳乎厘先

走進香港老牌餐廳——太平館环境：有七、八十年代的風格，而且保養做得很好，卡座位前後都有一塊膠板阻隔，感覺很有私隱和安全，我很喜歡餐廳的環境，充滿懷舊的風格。服务：服務只點單、送菜、收拾餐具都很快，但會不停游說你叫多幾個菜，又說有最低消費，好像我們沒有叫任何食物，感覺有點差。「梳乎厘」⭐️⭐️⭐️⭐️⭐️這真是超乎想像的美味，服務員捧上來時已經聞到一陣陣的蛋香，分量超巨型，差不多好像一個頭那麼大，四個人分食剛剛好。表層焗得帶少少焦香，內部非常綿密，使人垂涎三尺。「瑞士鸡翼」⭐️⭐️⭐️⭐️瑞士汁一流，我覺得用這個汁是無論煮任何的菜品都會非常美味。所以雞翼用這個醬汁熬製，雞肉完全吸收了醬汁，充滿了肉汁。但性價比低。「干炒牛河」⭐️⭐️⭐️⭐️⭐️這是我吃過最好味的乾炒牛河。每條河粉平均沾滿了醬汁，牛肉細嫩，但份量不多，性比價一般。「烧猪脾饭」⭐️⭐️⭐️⭐️燒豬髀是用瑞士汁烹調，豬肉經過燒烤，有焦香味，在切一塊塊，沾滿瑞士汁，用來撈飯是一流的。

常說創業難守業更難，真是每個行業都可以應用到，飲食業競爭激烈，更是汰弱留強。很多年前食過一次，多年後再來，味道卻比多年前遜色了。還記得以前來食飯要排長龍，現在可能因為疫情，我們7點到，只有一枱客人。因為我跟某人想試雞翼又想試梳乎厘，所以叫了一個餐，有餐湯、焗豬扒飯、瑞士雞翼，另外再叫了一個梳乎厘。瑞士雞翼是招牌菜，卻有點失望。每隻雞翼都好大隻，但只是外皮有瑞士汁味，中間的肉卻淡淡的，無味。相對瑞士雞翼，反而焗豬扒飯更勝一籌，飯粒粒分明，豬扒肉嫰，夠入味。另一個招牌菜，便是梳乎里，上枱的時候，大大個好有氣勢，而且我們先讓相食食完，也沒有縮水。不過入口時，口感跟味道卻有點失望，略嫌太濕，不夠軟綿。「太平館」曾是人人爭著去的，希望經營者可以多放心機，守業之餘，還讓這個經典重拾當年的光彩。

今天有人話去太平館食LUNCH，好呀，我終於可以有機會去，一直覺得呢度係名人、有錢人去多嘅餐廳，今天摱車邊，哈哈.....在餐廳樓下，沿樓梯上，感覺有點似花園餐廳，但當然係高級版啦，好有懷舊FEEL，令我想起以前CBY紅屋....坐下點菜，拔兄話一定要試焗梳乎厘(因為我未食過)，再加一個午餐SHARE，個午餐牌都好多款選擇，我揀左瑞士汁雞翼拼白汁蝦仁意粉....先來羅宋湯，好夠味又足料，好味，瑞士雞翼都夠腍，但拔兄話應該仲可以入味D，白汁蝦仁意粉都好味.....食完個午餐，焗梳乎厘就到 (記得早D預時間 ORDER，因為製作需時) ，真係膨脹到好似頭咁大，影完相已經開始收縮，所以要快手影完就要食.....我第一啖咬係吾甜，有點似食燒棉花糖，少少煙靭感覺，其實佢係蛋白嚟，因為2人分咁大個，有D飽滯感覺了....第1次體驗冇咩感覺，下次要再試真D 可能係疫情關係，我地11點半到，佢地啱啱開吾駛等位，不過不久就慢慢多左客入座，好多都吾係年輕一輩，MAYBE都係熟客啦吧！服務都OK，希望下次可以再來....

跟友人吃盡香港，惟有港式野甚少食到。今次有機會，當然黎香港老牌餐廳一嚐老香港風味。環境不俗，侍應都是些上了年紀的叔叔，裝扮正式，服務不錯。餐包普通，值得一讚是包夠熱。餐湯美味足料，食到有蝦、帶子、蟹、龍蝦肉等，好夠鮮味！不過咸左少少，都影響不到我飲哂整碗湯。點了二人套餐有一碟菜，味道普通。燒豬脾肉飯，入味好吃，肉質不老，個汁撈飯食非常美味。瑞士汁雞翼真不愧為招牌菜，入味好吃，雞翼滑嫩，光是啜雞翼尖已經十分滿足！最後以雪糕甜品作結，嚐不出甚麼味道，但奶味頗重，不錯吃！

幾年之前就很想來太平館吃飯！因為看到疏乎厘實在太誘人了！不過一直沒有機會來，今次終於有機會來！晚餐時間人不是很多，就是老式西餐廳的FEEL，個人覺得點兩人的套餐性價比還挺高的，不過有點吃不下！餐廳很安靜，侍應都是伯伯，蠻有氣氛。 湯還不錯，味道很鮮，濕炒牛河有d膩，兩個人也沒吃完，炒雜菜還不錯，綠色很健康～ 疏乎厘吃完再下單就好，大概30分鐘上來，蓬蓬的，讓人看起來很想吃，不過吃多了很膩，蛋白的味道處理得不太好，有點腥，來打卡之後也就罷了

記得年輕拍拖時，經常都會去佐敦或者尖沙咀太平館食晚餐，貪佢夠情調有好浪漫嘅感覺，好彩同太座拍拖都有嚟過!最鍾意食佢地個燒豬脾飯同瑞士雞翼，當然唔少得個梳乎里!比卡豬出生1000日，同愛生事家庭去懷舊吓，我點咗個瑞士雞翼餐，呢個餐除咗雞翼之外有個岑味牛脷，岑味應該係法文Salmi譯音而來，應該指用大量洋蔥蒜頭牛油加上雞肝煮成嘅醬汁，牛脷係我其中一樣“賣飛佛”，呢度厚切得嚟冇騷味，一流!瑞士雞翼就唔使多介紹喇；佢地點咗干炒牛河，好食到要再安哥!乳鴿我覺得普普通通，反而芝士焗雙花就好特別!最後永遠要食埋梳乎里，覺得咁先係嚟過太平館!

老牌餐廳真係老牌餐廳 太平管你去到真係唔會失望， 我對上一次嚟都已經係六七年前嘅事， 因為我成日都覺得🤣去得太平館一定要食梳乎厘， 但係佢咁大個一定要齊人先可以去， 今次我哋一行8人， 當然食得好滋味啦 今次我要極力推介 太平館乾炒牛河 絕對同街邊貨 係有分別㗎 條條河粉分明， 絕對無黐埋一嚿 牛肉新鮮 唔黐牙， 瑞士汁雞翼， 味道適中唔會太鹹雞翼夠淋夠滑 最終最終我哋叫咗三碟 當然唔少得就係好好味嘅梳乎厘啦， 梳乎厘嘅精髓就係冇蛋嘅腥味超軟滑，同埋買相超正， 如果大家會去記得叫啦

Seen this place on many tv shows and wanted to try it out. So choose our wedding anniversary to go there. Upon arrival, the resturant was about half full with guests. Staff were friendly and took us to our seat. We were there to try out their signature dishes, the soufflé and Swiss sauce chicken wings, so that’s what we ordered. We also order a vanilla milk shake because I hadn’t had one for years. Food took a while to arrive, but we were told that when placing the order. About 15mins and the so

好耐之前已經想食佢哋個招牌梳乎厘，但太大個心諗起碼4個人先食得晒，今晚心血來潮，迫老公過黎撐檯腳，睇下見唔見到Sammi 同安仔先睇到餐牌價錢一啲都唔平，老公一邊睇一邊職業病發作，話毛利超高我地點左瑞士雞翼、瑞士汁炒河、凍檸檬茶和梳乎厘。瑞士雞翼唔夠入味，只有外皮有甜味，很一般。瑞士汁炒河比瑞士雞翼的汁還要差，可能唔係干炒的關係，啲河粉完全無味，好在佢有幾條菜心加返啲分。梳乎厘外皮香脆好甜，內部濕塔塔的就不好食了，這個只適合打咭用，想試的一次就夠。雖然食物質素一般，但值得一讚係侍應服務好好，好有禮貌，會好留意你用餐進度，提示幾時落梳乎厘的單，上梳乎厘時唔會就咁放在旁邊，會執個靚位放在中間給客人影相，唔怪得咁多上左年紀的人黎幫襯，有時食餐飯侍應的服務都可以留住人心，外面新式餐廳真係要學下。

天下太平，誰不想？在今時今日的香港，戰事愈演愈劇，幾近每日無之，和平卻似遙不可及，不知何年何月，香港人才能得享太平，實在令人憤恨！雖然心情每天都被香港的局勢牽引，躁動不安，但飯始終還是要吃的，吃一頓好的，總會讓心靈得到療癒。這天與太太一起共晉晚餐的地方，就是這間歷史悠久的「太平館餐廳」。來到這間歷史悠久的「太平館餐廳」，吃的除了食物的味道，還有新餐廳難以比擬的獨特情調，走進這餐廳用餐，看著那陳設、照片、燈光，彷彿回到數十年前，麥理浩、衛奕信、彭定康等歷任港督治港的年代，繁榮、而且安定，令人不禁悠然神往，懷舊一番。沒吃套餐，只是散點了數款餐廳中的招牌菜式。「太平館瑞士雞翼」（$185/8隻） ：八隻肥大肉厚的雞翼，雖然未能夠從裡到外都充滿瑞士汁的美味，但嫩滑多汁的瑞士雞翼，仍是津津有味的招牌出品。「太平館瑞士汁炒牛河」（$129） ：兩夫妻都喜歡瑞士汁，所以也點了「太平館瑞士汁炒牛河」做主食。這用了瑞士汁炒製而成的河粉，除了牛冧肉外，還有少許蛋絲和青菜，河粉與牛肉沾上了濃稠香甜的瑞士汁，與一般的濕炒牛河截然兩樣，確是一道成功的特別版炒牛河。「太平館焗梳乎厘」（$148） ：這比人頭還要大

學生時代起太平館已然係我最愛的餐廳之一，但我多數都係食下午茶, 貪佢平D又大大份, 餐廳全部梳位化, 可以舒舒服服一邊同朋友仔吹水一邊嘆個TEA SET。$60幾蚊就享用到一頓不錯的下午茶餐, 份量其實當午餐都可以，套餐包一杯飲品，仲可以揀即磨咖啡添! 我次次都係食會牛脷意粉, 呢個餐好足料, 牛脷份量多又好入味, 肉質相當鮮嫩可口。連套餐的即磨咖啡芳香撲鼻, 絕對唔會因為是下午茶餐就將貨就價。服務員大多係上了年紀的叔叔, 每一位都非常有禮貌、殷勤, 對客人的要求都非常有耐性, 難怪咁多年來都KEEP住咁旺場!!

尖沙咀沒太多餐廳開門，經過見到太平館仍然有開，同埋仲有下午茶就選擇左呢間入到去叫左2個招牌既太平館瑞士雞翼1個配炒飯1個配薯菜等左20分鐘2個餐黎到之後真係有好大既驚喜配炒飯既好地地好正常配薯菜既竟然係將炒飯變左一舊薯仔🥔What?????乜原來薯菜係等於一舊薯仔加幾舊既菜就完左？但配炒飯個個都係有菜係度甘大落差？問一問個侍應佢同我講 下午茶係甘少架啦 薯菜係甘架我一面黑人問號我對薯菜既理解同餐廳既理解甘大出入？提醒下大家下次吾好揀薯菜既野