太平館餐廳

营业中

休息中

(6/11/05)男友又想再吃瑞士汁牛河,咪又再來o羅。但今次唔要餐喇。這日的牛河同上次差唔多,都係咁好味,咁多牛肉。唔同嘅係上次有豆角,今次是菜心,仲好啦。另外叫個"輕食",西班牙奄列,來到....嘩!嚇親,真係好大份,起碼有4-5隻蛋的份量,裡面是茄汁,雜菜豆,煙肉,磨菇。味道普普通通,而蛋煎得過火一點,"鞋"啊。食左兩樣o野,份量可比美二人餐o羅。賣單張單據,可到中環分店有優惠,可惜"形住"尖沙咀哩間有feel D。

今次7個人叫左大蝦沙律餐,乳鴒餐,干炒牛河,瑞士雞翼,葡汁雞飯,梳乎里1)大蝦沙律的大蝦真係好大隻,不過得好少沙律...2)乳鴒我無食過, 但賣相唔錯既3)干炒牛河幾滑但唔算好有鍋氣4)瑞士雞翼真係好普通,唔值依個價,o係出面食過又平又好食既雞翼都好過食度...5)葡汁雞飯係極度普通既汁,仲好少件雞...6)梳乎里真係好大個,好香蛋味,入口即變成泡,成晚最好味係依個,不過太大個,最好多d人至好叫

話說有人話呢度既雞翼同干炒牛河好好味，於是我地無無聊聊就去試下啦，上到去服務還可以啦，但係環境的確唔錯，叫左一個二人套餐，個湯不俗呀，幾好味，雞翼就一般啦，仲意為有咩咁好味，其實好普通，最後個干炒牛河，地，簡直失望，之後個cake細到，好似無食過而且道一般~~~~~~~~總括黎講，味道其實唔係太過出眾，但收既價錢就係絕對唔值囉~~~

本來星期六約了朋友食飯, 雖不知來個尾call搞到要cancel dinner.翌日和朋友再來食飯, 打算到秀吃韓菜, 但位少等得耐, 天氣又熱, 那唯有找其他地方吃,選擇了此店.環境幾那個港式餐廳格局, 燈陰暗暗的, 座位也有八成滿.是日沒有大吃大喝, 要了個套餐和一味菜便是.先來餐飽, 都算幾大隻, 擺了一陣仍有餘熱, 交到了貨.接著是那乳鴿, 肉也算嫩同唔咸, 幾好味, 翼尖也燒得脆; 除一鴿一併上的一碟汁還有內臟, 味道還可以.出名的瑞士汁雞翼, 我覺得平平無奇, 分分鐘媽打既豉油雞翼會好味過佢.不過好明顯佢d雞翼好腍, 但係我覺得有返多d d 質感會好d d;個沙律冇食, 不作詳評.侍應普遍招呼不錯, 有"交帶". 埋單$255, 都算ok 既, 可以一試, 但食物不是太突出.後記:金巴利街不少吃韓菜既店子, 又有一些賣韓國食品既舖. 平時少行真沒有留意.

(25/9/05)哩間老字號o野, 終於來試左喇! 男友成日話想回味個龍蝦湯。地方好舒適, 一灌舊式餐廳多卡位。二人set已有晒招牌菜, 一定係order佢架啦。但個湯是海皇湯。男友話湯雖有龍蝦味, 但無以前咁濃, 係多左D蝦、魷魚、帶子。仲有個湯配個熱的甜餐包。六隻瑞士雞翼, 好入味, 我唔食雞翼尖今次都食埋。瑞士汁炒牛河, 牛肉"o拿"過, 仍有牛肉味, 至於D河粉, 同豉油炒的乾炒牛河比, 係有D唔同嘅, 起碼瑞士汁黑D吖。因為以上的食物太油膩, 大家都飲檸茶, 解一解。甜品好彩今晚是小蛋糕(之前看過食評, 多數係芒果啫喱, 太普通吧)。來到是一件好的骰的「西餅」面一pet奶油, 朱古力蛋糕, 都ok!諗住老伙計, service應該好怠慢, 或者哩晚唔係多人, 所以又唔覺有咩問題噃。

以前一路都想試下瑞士雞亦。終於可以食啦。。但係。。。。原來只係甜豉油雞亦。。。唉。。。。。太失望啦。。瑞士汁炒牛河。。。。唉。。。。太失望啦。。百幾蚊食甜豉油雞亦。。。。比我老豆知。。。。實鬧我豬呀

不久之前才評過，今日咁o岩又去食完下午茶，發現食物同晚市一樣，但價錢抵好多。瑞士雞翼x 3 (配意粉或一小片"火合"薯)+ 餐飲：$48 瑞士汁炒牛河+ 餐飲：ok，晚市水準$48平好多喎，呢d鐘數無乜人，夠晒靜!

一行８人在長今結局果晚一齊出街食, 以為會無乜人, 好彩book左位, 爆呀! 仲有食客等呀! 老字號瑞士雞翼餐- 瑞士汁好夠味,好黑,係特黑!好似d陳年汁一樣! 但甜味夠,比起李x記瑞士雞翼汁甜, $130/set, 有6隻雞翼. 另外疏乎厘$88/個, 好大個,有2個成人既面咁大!! 有d漏! 記住要多d人share. 另一樣impress就係充滿60/70年代裝修同埋餐具, 有feel! 果晚仲見到首席指揮葉穎詩小姐同佢d屋企人添!老字號即係老字號...長今都唔夠你fight...

你們的出品很好，令我家人很開心！！！！！他們說下次來香港一定要吃這個叫梳夫厘的甜品！！！！！！廣州的店也是同一個老板的嗎？？？？？

本人發覺一樣野.就係下午茶餐梳乎厘特別靚,而晚上去食梳乎厘就等好耐而且唔又靚.......不過瑞汁牛河就好好味.都幾鐘意

乳鴨﹕燒得不錯，而且很入味。焗牛舌意粉﹕味道調得不錯，多汁（但不過份），好有"港式西餐"style。焗葡國雞飯﹕普普通通，但不夠香。梳乎里﹕比上次好好多（上次在銅鑼灣分店食，皮內全是流質，焗/"發"得不夠），而且不太甜。服務﹕此店的伙計好似比其他分店的好，較主動。

尖沙咀呢間我成日都有幫襯, 環境幾舒服~反而銅鑼灣0個間少去, 覺得好局促~呢度0既咖哩牛腩飯, 係我bf0 既至愛~佢用0既係上等筋腩, 再加上濃濃0既咖哩汁, 真係幾好食~ 不過要睇你好唔好彩, 有時佢未必炆得夠入味............有時就炆得好好食~乾粉牛河都幾好食, 瑞士雞亦就味道okay,因為我好鍾意食雞亦, 就算出面都整到呢隻味道,我都覺得, 太平館0既瑞士雞亦食得過,雖然係差唔多100蚊一牒, 不過一牒有好多隻0架~~其次佢0既葡國雞焗飯, 係原半隻雞咁焗俾你,呢個都okay~雞王飯亦係不錯0既選擇~

The food generally is good but it is overpriced. Swiss chicken wing isn't so special. "Dry Fry Beef Noodle" is pretty good but it doesn't worth $60 for sure.p.s. they don't have non-smoking section here so the whole restaurant is pretty "smokey"

禾花雀味道過得去,牛河同雞翼就幾好味,但冇乜特別,普通茶餐廳都可以做到九成似,梳乎厘真係幾抵食, 好鬼大個,其他食家話服務態度好差,我就覺得中規中矩,總括黎講食物略為普通,價錢略貴!

見有下午茶餐，$38連飲品都幾吸引便入去試，要了一個鹹牛湯意粉，上時一看，得二細塊牛，雜豆，意粉又少，我咁細食都覺得唔夠，唔怪得之咁平啦，味道方面，牛唔知點解浸湯都咁鹹，OH NO！