太平館餐廳

营业中

休息中

一直都以來都昰太平館的粉丝，奈何，今天竟然有極不快的經歷。今天是老公的生日，於是昨日上午分别致電佐敦店及尖沙咀店訂位，兩店均表示訂位已滿，但可於今天walk in等位，於是今天特意一家三口於六時前到達佐敦店進入餐廳'攞位'，當時大部份枱均未有客人，於是向侍應表明來意，但他們說已满，walk in 要問經理，一㑹，一名黑衣人出现說walk in 都無位，我說昨日致電叫我walk in,他才很不願原下給我一張寫了3字的紙，我問他要等多少張枱，他說5-6張，於是我們往門口等至6：30pm, 眼見手持1及2號的都放棄離開，但又有被呼X生的則即時可入坐，於是入內查詢尚要等多少張枱，他居然說重有8-9張枱，哈即時氣上心頭，這個是什麼道理，是否只有Sammy 安仔或岳少這些名人或熟客才招呼？如果真的已滿應於電話訂坐時已說明，不應在我到達後敷衍地說5-6張枱，半小時後又說8-9張，令人覺得被戲弄，這否一間百年老店對客人應有的態度？

尋日(10-1-2012 Tue)終於拉到爸爸同我同男友o黎太平館食飯,為o既係馳名乾炒牛河,瑞士雞翼同梳乎厘.我book o左枱,佢o地先到,我就放o左工趕過o黎.咁男友就先點$368.00o既招牌二人套餐同$108.00o既梳乎厘.招牌二人套餐揀o左海龍皇湯.同上次09年10月31日食o既一樣,龍蝦味好濃,但鮮蝦肉冇之前咁多,而且冇o左魚塊,L不過爸爸話鹹,我糾正返佢唔係鹹.味道: 4.8分餐包亦同上次一樣,冇唔同.味道: 4分乾炒牛河唔大碟,每條河粉都好深色,食吓先,大大件牛肉好軟熟,好入味,食到河粉有豉油o既鹹味.諗返起以前細細個食o既乾炒牛河,牛肉唔會咁軟熟,河粉都唔會上晒色,亦唔係好夠味.味道: 4分煙肉炒雜菜雖然話有煙肉炒,但一啲都唔惹味,只食到雜菜o既原味.味道: 2.7分同瑞士雞翼(6隻),但因禽流感冇活雞供應,而太平館堅持唔用雪藏雞翼,所以冇得食,只可以食燒乳鴿1隻.我同男友食上截,迫爸爸食晒下半隻,鴿胸有好多肉,呢個唔算好入味.味道: 3.5分男友覺得可以加多一樣,佢就揀o左又係馳名,$135.00o既砵酒燴鮮牛尾呢個同樣唔大碟,牛尾好腍有牛o既羶味,男友讚好食.

今日係媽咪生日, 去左老牌餐廳太平館食飯慶祝, 點左個2人套餐($368)價錢係呢度算抵:-海皇湯! (OK 好飲)乳鴿 (原先想要瑞士雞翼, 點知禽流感無得食, 有d失望!!), 唔鞋都好食.炒雜菜 (唔得! 個人口味問題, 洋蔥味太重)瑞士汁牛肉炒河 (抵讚! 可以轉肉片, 照顧到唔食牛肉既人, 食晒碟底都無油)跟餐牛油西餅甜品 (食一啖放棄...好似隔夜咁)食完其實已經好飽, 但都叧外再order其招牌甜品梳乎里真係好大個, 好努力食晒佢, 好在唔係太甜.整體都滿意, 非常飽, 值得一讃waiter伯伯(佢話已經70幾歲)服務好好

港式「豉油西餐廳」經典名菜砵酒炆連皮牛尾替大家打打氣，上世紀初崇洋的潮流下興起「西菜中吃」，當中以百五年歷史的太平館名氣最響，熱賣瑞士雞翼只屬大路貨，老饕來必吃獨家的砵酒燴有皮鮮牛尾，重點是牛皮膠質豐腴味道濃郁甜美，至今仍是鎮店名物！

約了一班朋友, 要來試試這間老店~訂了位, 所以不用等位子一進餐廳, 裝潢都是充滿懷舊氣息可是一打開餐牌 價格真的有點嚇人呢 每一碟都過一百蚊!! 真的有點誇張炒牛河:: 小小的一碟 味道是不錯葡國雞飯:: 雞件不多 薯仔數件 醬汁就不錯炒什菜:: 很普通的一碟炒菜 =___=瑞士雞翼:: 濃濃的瑞士汁 賣相很吸引 每一隻雞全翼都肥肥胖胖的 很入味 是不錯啦瑞士乳鴿:: 小小的一兩隻乳鴿 第一次吃還是覺得炸的好像比較好吃@3@飯後點了一份梳乎里:: 大大的一份比我的頭還要大 真誇張!! 下面有綿綿的蛋糕上面是入口即溶的蛋白泡泡~ 不太甜!! 好!!*** 只是每一樣東西 份量不多 價格卻過百 真的是一生人試一次就夠了 不太值得再去回味***

这次是我第一次带妈妈出国旅遊，而这间就是我们到香港的第一餐。我们点了干炒牛河，瑞士鸡翼和梳乎厘，妈妈话：牛河不会太干，牛肉新鲜又够嫩，瑞士鸡翼更是眼醃的好味。妈妈吃到赞不绝口！！！我听到后更开心，因为妈妈吃得开心。虽然对两个人来讲，这餐的确大份但是我们都吃得完而不腻。

幸好晚飯時候等位時間不算很久, 我們等二十分鐘便能進店很特別的質感, 有點燕窩在湯頂部, 不錯的配撘, 忌廉湯味道不會太濃而搶了燕窩的風頭, 有點驚喜!真的是整頓飯最美味的主角, 碟上有些馳名瑞士汁, 乳鴿炸得剛剛好, 外皮香脆, 肉夠水分不會太乾, 必試!很新奇呢.... 瑞士汁的確是美味, 但可能未必最配乾炒牛河, 河粉方面, 有點兒不夠香及爽, 牛肉很咸但肉質還可以, 似乎有機會要試原味乾炒牛河!焗飯一般, 飯不香, 汁太濃太咸, 豬扒無味且有雪藏味, 真是驚訝有這出品!雞翼是超入味的, 很有點兒太咸, 雞翼不太大隻或多肉, 都是有點兒失望很大個的甜品, 令人非常飽, 味道沒特別, 沒問題, 沒彈沒讚!很彈的啫唎, 至少是很多魚膠粉而成的, 味道ok. 服務一般, 上菜次序亂, 甜品竟比熱食快來, 同樣情況在其他客人身上一樣發生, 沒吃完的又被收了, 整體都是失望

個心成日想嚟, 但往往諗食乜都唔會諗起佢, 對上一次嚟起碼是6 or 7 年前了。今日終於選擇咗呢道。6:30 打去book, 佢話自己嚟等啦, 個心—沈。到達目的地, 推開門, 兩位唔該，答案係「呢邊卡位」...發達啦!叫了干炒牛河, 唔選瑞士汁因為覺得甜味同牛河唔夾。好深色但唔太咸又唔多油, ok la, 但唔計呢個品牌, 好多地方可以炒得更好。再叫我嘅至愛牛舌。今次選擇白sharp咸牛舌, 超厚身...i love it。不過唔係人人鍾意, 因為白sharp響味覺上有D單調。加一杯 芒果飲品(唔記得全名係乜), 嘩!好難飲, 仲好似要三十幾蚊杯 最後當然要叫梳乎厘啦(兩個人share—個的確太誇張) , 上檯時我開心到不得了, 好似小朋友得到一份禮物咁, 佢個外型的確氹得下人。可惜, 往往開心過後總有D嘢發生....—食落去「無味嘅」, 食多幾啖, 一樣嘅, 仲有因為大嘅關係, 入面太多氣, 啖啖食落肚都係得啖氣咁囉 不明白為何一間應該有水準嘅歺廳會變成咁樣, 要懷舊又有水準的應該還有好多, 太平館....再見!

一個人的午餐﹗幸好還不是太多人，被安排在門口附近的一張二人枱﹗一個人上館子，選擇食物有點限制，一人份量……總不能點一客瑞士雞亦呢﹗如選擇牛河嗎？又很像到茶餐廳或酒樓的碟頭飯……還是叫一份午餐吧，就咸牛脷飯啦﹗先來一個羅宋湯，不如說是羅宋齋湯吧，茄汁椰菜湯亦可，完全沒有肉味，太重的蓄茄味，放入口後，還有點「鞋」的感覺；我自己不太欣賞。到了主菜，咸牛脷飯，飯還飯上，牛脷另分開上，還有那離亂無章的雜豆和咸牛脷的湯？汁？牛脷是主菜，很淋，沒痴牙，但我略嫌咸了少少，不知是否浸得太久的關係？一個人午餐就是這樣了，沒太大的「胃」置處理太多的食物，下次再邀多幾位老友一起試試它們的知名食物吧﹗

舊時的港式西餐廳為數不多，又有多少間還可抵擋時代的巨輪而生存下來，好讓這等寶貴的美食相傳下去?!是日忽然嘴癢故搞了個小聚，正當苦思地點之際，彈指之間"太平館"出現在選單前，"瑞士汁、雞翼"等字眼更閃過腦海，這當然毫不豫疑地拔足前往。地方不難找，只需稍作等後已可安排到座位。食店格局蠻懷舊，一本厚大的餐單上，除了那形形種種的菜色外，還有幾頁數說著食店的歷史。亦因今日只是3人小聚，落單也以套餐為主。瑞士雞翼：四隻肥大的翼尖連雞中翼，用上瑞士汁來煮出的雞翼味道香甜而不膩，是剛剛好的甜。雞翼中尤以皮及翼尖最為入味，皮滑之餘更有些許的彈性質感，肉質亦帶軟嫩，整隻雞翼吃下更是相當的討喜。當然最後也只剩下骨頭數條以表對它的喜好。瑞士汁炒牛河：平日的乾炒牛河可說是常吃得多，配上瑞士汁的炒牛河確是頭一次接觸，故不作它選馬上點了這碟菜色。甫一送上，只見那河粉的面頭已被牛肉,豆角及瑞士汁舖蓋滿了。埋藏在下的是那一大堆窄身的河粉，滑溜河粉伴隨著瑞士汁吸吮入口，河粉沒有過分的油膩感之餘，更有著那甜甜的味道。豆角用上了我最喜歡的，幼身且偏硬質感，咬下更富爽口。一片片大塊牛肉，炒得有夠嫩滑的。這款菜色確討我歡喜。燒乳

是日想約各位好同事們去試聞名已久的瑞士雞翼~~因大堆人, 所以之前都訂了位, 我們選擇了佐敦的舊片~~~~應該傳統十足吧!!!店不是太大, 但環境都算幾優雅, 真係幾有舊式風格, 裝修都有點懷舊味, 加上侍應們也是叔叔, 感覺真的幾懷舊的...打開餐牌, 其實要點想食的野第一頁已經全是了~~~~我們六位叫了幾隻東東...瑞士汁乾炒牛河, 個汁真係幾好味, d河粉又彈牙而牛肉都幾嫩, 不過份量唔算多...咖喱汁雞飯~~~~~感覺似葡汁多一點~個葡汁都幾好味, 好似有點椰香同咖喱感覺~~~但葡汁較重...雞就切得比較大件...這一碟真的很不化算, 炒雜菜但勁細碟已經是五十幾元, 唔太抵...嘩~~~~主打呀!!! 真的好味, 好入味, 雞翼幾大隻, d汁好多好juicy o, 雞也很嫩口~~~~~~果然係招牌菜, 而且有8隻的一碟...乳鴿~~~汁分開上, 這個一般, 不過汁就絕對好味, 哈哈!!要預先半小時order的大過個頭的梳乎厘, 之前朋友話好似食了一陣風入口咁, 結果上table, 真的很大,還要很小心的旭一旭佢就震一震咁, 好得意!! 齊齊由頂部開始掘呀掘~~~~真係cream

話說我最愛嘅偶像牛脷文同佢男友豬脾安去太平館拍拖撐枱腳嘆豬髀餐之後，我就想嚟試下呢間太平館餐廳，我打去訂位時，仲樣衰衰咁問人可唔可以坐佢哋坐過嗰張枱，真係講出嚟都好難為情呀 不過佢地唔so我...........我哋好變態呀，為咗盡量試佢出名嘅野，叫咗差不多4人份量，最後緊係要打包拎走啦 太平館係出名囉，不過我哋又覺得佢啲食物冇特別，而且又喎，冇咩興趣再幫襯了~

之前一路都想試下瑞士汁西餐, 約下約下就約了一班好同事們去飯局了, 先感謝米路一早就訂左位, 因為walk in的話, 我相信都有排等. 我早左少少到, 自己一個人入去坐住先, 在一個好懷舊的環境, 暗暗的燈光, 一班有番咁上下經驗的侍應先生, 這就是傳統的豉油西餐的餐廳了. 等了一陣我地都人齊啦, 睇餐牌去, 其實都無咩好睇, 第一版就是太平館的招牌菜, 我地都話第一版都差不多可以點了一桌子菜了.瑞士雞翼, 一碟有八隻, 甜甜的瑞士汁依附在雞翼上, 不是外皮, 連入面的肉也有瑞士汁的香味及甜味, 連平常不太食雞奕尖的我, 也在咬咬咬, 食埋奕尖的醬汁味道, 好味啊!!!! 肉也滑, 但沒有淋到入口即化, 還有點咬口的.瑞士汁乳鴿, 叫左兩隻, 但都夠每人一舊, 最特別是瑞士汁是另上的, 而汁入面有數件鴿的內臟. 不過我覺得乳肉乾身左少少, 還可以啦. 個人鐘意龍華的炸鴿多一點.瑞士汁炒牛河, 河粉條條分明, 不會碎濕濕, 入口是夾的, 果然河份也是招牌, 牛肉沒有雪味, 不過也沒有牛味, 不過主要是食個汁啦. 所以牛肉我唔太介意佢只是普通貨色. 同埋這個是濕炒, 唔知正常

呢個所謂有 150 年歷史的老字號西餐廳到了現在真係虛有其表, 苟延殘喘...我諗佢哋只係死剩照牌瑞士汁雞翼, 同瑞士汁乾炒牛河! 當晚叫咗兩個 Set Dinner, 成 $100+ 以上一個. 首先, 一間所謂傳統西餐廳出個餐飽都係俾舊包裝牛油, 個餐包當然同普通茶餐廳一樣。 之後再來個羅宋餐湯, 內裡只有大舊切嘅蘿蔔條 (好明顯個廚房根本無心求其亂切), 幾片椰菜, 連肉都無粒! 個湯嘅味道就更加是出乎意料之外, 因為仲屎過一間普通茶餐廳, 只係得個濃字!講到正餐, 我阿媽個紅酒燴三併牛 (牛尾, 牛脷, 肉眼牛柳, 每樣兩件) 簡直係茶餐廳水準...個燴汁毫無味道, 只係一潭鷹栗粉水。 兩舊牛尾仲瘦過碌大蕉, 而個兩件所謂肉眼扒仲薄過茶餐廳啲鐡板餐。 我個焗田螺豬扒意粉又係毫無味道...所以, 我好肯定, 如果你喺太平館唔叫有瑞士汁嘅嘢就一定會賴嘢!個餐後甜品就更加出奇, 因為舊蛋糕仔都應該擺咗一段日子, 乾炆炆, 估唔到咁都可以攞出嚟俾客食!個班上咗年紀嘅伙計服務態度差都無輪, 真係貼錢買難受!最後評語係六個字, "價錢貴, 出品曳! "

1860年創立的太平館餐廳可算是香港的著名食府, 老一輩的聽到這個名字都會笑。踏進店內, 見到一眾上了年紀的侍應正匆匆的為客人點菜, 傳菜, 看起來甚少的小餐館, 裏面的風光的確吸引, 客人能夠跟伙計暢談一番, 尤其是當梳乎厘送上時, 幾乎全場歡乎, 伙計們也笑著把熱騰騰的梳乎厘送到客人面前, 場內甚為溫馨, 亦讓人感受到其特色之處。先說回菜式吧, 是日點了一個2人套餐, 燒鴿及梳乎厘2人套餐 $348餐包這個餐包就像石頭, 拿上手中總覺得硬硬的, 內裡卻是軟軟的, 不像是其他西餐廳一樣, 內外都是同一口感, 脆的表面是一定的乾, 配上湯後卻是另一番景象, 脆得過份的表面變得很合理。海龍皇湯落料甚足, 有魷魚, 蝦, 花膠, 鮑魚等海鮮, 味道亦足, 尤其是湯的味道, 濃湯中帶點鮮甜, 值得一再品嘗。煙肉炒雜菜看似平平無其, 卻比想象中好, 可能對炒雜菜並無期望吧! 煙肉的鹹味充分散發到菜中, 洋荵雖然是爽脆的, 卻很清甜。瑞士雞翼之前眾多食評亦提及此雞翼的美妙之處, 瑞士汁並沒有其他地方的黏, 瑞士汁在雞翼裏的感覺, 使人一試難忘。燒豬脾飯我對這個飯的確沒有甚麼好感, 整碟菜跟飯只是