太平館餐廳

由細到大，如果老竇阿媽出去佐敦都喜歡來太平館懷舊一番。好喜歡吃佢哋嘅餐包，在熱焗爐攞出嚟的時候，鬆軟好味。今次因為冇叫套餐，所以餐包就要另叫$10 －個。跟住再叫了我們好喜歡的烚牛脷，厚厚的牛脷，十分濕潤和嫩滑。招牌菜梗係要食燒乳鴿，十分鬆脆，點佢哋嘅自家製汁及檸檬，十分夾。雖然已經十分飽，但係都好掛住瑞士汁牛河，都是必食之選。唔知係唔係食咗幾十年，所以有一種人情味，懷緬一下舊時的光景。…查看更多

好耐冇去太平館食飯點了份招牌菜... 瑞士雞翼餐 (HK$273)有齊晒想食嘅 … 海龍皇湯、岑味牛脷、瑞士雞翼岑味牛脷帶點厚度，煮得入味又夠腍每次都點的瑞士雞翼最鍾意個瑞士汁甜甜地最後嘆杯凍檸茶食個甜品 ... 懷舊啫喱咁就滿足哂 ~~ ** 以上分享是以我的口味、體質和情況作出分享及感受，一試 / 合用與否請自行決定…查看更多

數到瑞士汁的代表，不得不提太平館餐廳。今回再臨，可能就是記掛著這種味道的一種情意結吧。吃瑞士汁菜餚之前，先來一客蝦多士。麵包又大又厚，炸得勁香脆，蝦肉是遍佈麵包之上，緊緊裹著，而且蝦味強烈，撇除稍稍油膩之外，每一口皆是大滿足！作為瑞士汁控的頭炮乃雞翼是也。雞翼包括雞中翼與及翼尖，沒有雞搥的部份。最美味的莫過於雞皮，絕對要吮盡甜甜的瑞士汁！而雞肉亦滑，起碼沒有雪味。再來是瑞士汁牛河，先說賣相，一碟深色至極的牛河上有數條蛋絲，收到對比之效。主角牛肉嫩身易咬，兼且為數不少。快炒的河粉每條都充滿瑞士汁，和味到不得了。每道菜都沒有失準。…查看更多

太平館餐廳的瑞士雞翼和梳乎厘尤為出色，今次專登就係同朋友去食依2碟咁出名既菜式。瑞士汁雞翼是餐廳的招牌菜之一，聞起來香氣撲鼻。雞翼經過瑞士汁精心醃製，口感豐富。每一口都能感受到雞肉的鮮嫩和香料的完美融合。梳乎厘更是這間餐廳的特式，勁大個梳乎厘最適合同朋友/家人們分享。外觀輕盈蓬鬆，表面微微金黃，內裡則是柔軟滑順的質感。這道甜品的甜度適中，每一口都像是雲朵般的輕盈，瞬間融化在口中，讓人感受到幸福的滋味。…查看更多

一間老字號西餐廳懷舊的餐廳佈置銀髮侍應招呼午餐約一百元先來個紅湯/ 白湯配個暖暖的餐包仔👍🏻今日我叫了紅湯（即羅宋湯），主食叫紅酒燴牛柳意粉，餐飲便選了黑啡埋單105餐廳值得讚的地方是食客不用搭枱讓人食得舒服自在老伙記招呼不錯，以禮待客食物味道方面，中規中矩始終餐廳不是sell 味道是sell情懷，所以對食物不要抱太大期望我個人覺得我點的紅酒燴牛柳意粉味道可接受，但油了一點105 不是便宜的午飯價，想搵個舒服位用膳或想感受下老情懷都可以一試既😊…查看更多

今日我地嚟到位於佐敦嘅太平館餐廳，我哋叫咗《乳鴿餐》Set A 加一個甜品。*** 《乳鴿餐》Set A ***《燕窩雞茸湯》第一次聽和嚐的餐湯，加了燕窩絲的白湯，感覺很美容🥰《太平館燒乳鴿》太平館的燒乳鴿是招牌菜之一，以古法生炸方式泡製，帶有皺皺的薄脆，皮香肉嫩，沾上特色醬汁，更添美味🤤《焗葡國雞飯》葡國汁淡淡的，椰香味不太濃郁，雞件不夠新鮮和入味。*** 甜品 ***《太平館式焗疏乎厘》💕太平館式焗梳乎厘即是珍寶版嘅傳統法式梳乎厘，分量可供多人分享。一上桌，陣陣蛋香撲鼻，梳乎厘焗至黃金色，外型蓬鬆的，像一朵雲☁️ 嚐一口，蛋香入口即溶，正！…查看更多

踏入佐敦茂林街的太平館餐廳，彷彿穿越時光隧道，老式大門、懷舊地磚與皮製卡座交織出經典港式情懷。這家成日係電影出現的傳奇食肆，至今仍以扎實手藝吸引饕客慕名而來，午市時段座無虛席的景象便是最佳口碑證明。 所以今日下午茶時間黎食就易搵位D。 招牌「瑞士汁炒牛河」完美演繹中西合璧精髓，琥珀色醬汁裹著鑊氣十足的河粉，甜而不膩的秘製瑞士汁與嫩滑牛肉相得益彰，每條粉都吸飽醬香卻不軟爛，堪稱豉油皇炒河的華麗變奏版。「洋蔥豬扒飯」則展現老派西餐的講究，厚切豬扒經特別拍打工序，肉質鬆化不失嚼勁，澆上以洋蔥熬煮的濃稠醬汁，香濃洋蔥汁開胃的滋味與熱騰騰白飯堪稱絕配。 下午茶時段唔使等太耐便能品嚐到招牌菜。侍應生俐落的手寫單與親切的廣東話招呼聲，為這趟味覺之旅更添地道風情。希望長做長有，我就隨時都有口福。…查看更多

味道跟一般的冰室差不多 但價錢較高 餐廳服務態度惡劣 見到客人都扮見唔到 追甜品 等左半個鐘 問一問餐廳職員唔耐煩 之後先發現原來係比錯左我地既比另一枱 服務態度惡劣 差勁 絕不推薦！！…查看更多

今天下午剛剛在此店吃完乾炒牛河，夠熱，份量適中，不覺得十分好味，差劣的服務，沒有給及提及下午茶餐的餐牌，侍應們指說只有正價餐牌上的食物供應，也沒有午餐，不知所謂，其他太平館沒有這個問題，可能今天我推了個購物箱一起進入食肆，吃了二十幾年太平館，居然今天遇到這個情況，緊記及留意並小心這一間佐敦太平館，不值一提，不去也罷。…查看更多

懷舊格調餐廳-佐敦太平館餐廳今日懷舊一番去咗佐敦嘅太平館餐廳，入到去環境已經好懷舊被安排坐橙色凳嘅卡位。好耐之前已經食過佢出名嘅瑞士汁，今次叫咗個鐵板雜扒餐同埋招牌乳鴿。餐湯牛尾湯好濃，不過應該佢係洋蔥湯出名啲，下次試吓先。鐵板餐嚟到有儀式感，就係要舉餐巾同埋吱吱吱鐵板聲😆雜扒有齊豬扒牛扒雞鎚同埋牛脷，好欣賞佢個牛脷，夠晒林😋。乳鴿就真係唔識欣賞，因為食開大排檔嗰啲😉，佢呢度隻乳鴿係比較大隻，所以嚟到我哋見到有少少血，有啲位未熟。反而乳鴿包咗個瑞士汁入面嗰舊內臟好好食，吸晒啲汁😋😋。因為是日食得太飽，食唔落佢個名物Jumbo梳乎厘了…查看更多

中午時段,本來想去逸東軒, 全full😱唯有去第度啦.. 行咗幾步,發現咗太平館,好耐無食啦,諗住碰下運氣睇下有冇位啦, 有大把位☺️經理畀咗個卡位我, 我揀咗食瑞士雞翼配意粉,另外一個鮮茄焗豬扒飯. 午餐包餐湯餐包同埋餐飲. 餐湯有羅宋湯同埋粟米忌廉湯畀你揀. 我哋都係揀咗羅宋湯. 餐飲嗌咗咖啡同埋熱檸水. 餐湯餐包都係正常發揮啦. 焗豬扒飯好快就上, 個汁嘅顏色都有啲嚇人😰深啡色嘅😓豬扒係炸過嘅,配炒飯底. 唔好食😥如呢個瑞士汁雞翼意粉呢等咗30分鐘先出, 瑞士雞翼係好食嘅有四隻, 好滑👍個意粉都唔錯,唔係話淥到淋晒咁☺️咖啡都算喺呢啲餐廳嚟講唔錯. 唔使250蚊都收貨嘅.…查看更多

今天跟我姐和姐一個朋友去佐敦太平館吃飯，先叫了一碟摩囉雞，一碟瑞士炒牛河，摩囉雞先到，我姐發覺碟飯汁很少，我姐之前常吃，所以發覺有所不同，所以叫侍仔說可否打點汁，對方回答是這樣的，不可以加汁，我說碟飯跟本睇唔到有任何汁，侍仔回答如果你一定要加，咁就加錢，我說有冇搞錯，以前食都不是這樣，最後侍仔收回入廚房，再出黎時碟飯已加合理汁量，本以為事到這樣就算數，怎知到瑞士炒河上枱，炒河變湯河（見圖），瑞士汁有半碟咁多，分明系廚房報復，因為之前碟飯話汁少，所以現在就加半碟瑞士汁，我馬上大吵大鬧，咁既收費，咁既服務，咁既食物質素？？？跟本就甜到食唔落口。可能見我這樣吵，最後同意換過碟干 炒牛河，老實講雖然正常，但味道不覺特別好食，埋單300幾蚊，兩碟沒叫任何飲品，還要受氣，以後請都咪叫我再去，超級差評…查看更多

之前食過尖沙咀分店今次食埋佐敦呢間都係一貫咁出色我地食左1.瑞士汁牛河太平館既瑞士汁真係好正牛肉又多又滑2.瑞士汁雞翼雞翼大大隻煮到好入味3.岑味牛脷飯個牛脷真係勁淋又軟熟4.梳乎厘勁大個 蛋香味又重5.乳鴿乳鴿就較為一般…查看更多

🐯感受港式經典，又點可以錯過呢間餐廳？🐭 ⭐️按「更多」睇詳細食評😋懶惰二人組同大家一齊去食下經典既餐廳啦! 今次我地黎到佐敦既「＃太平館餐廳 」！今次我哋叫咗一個$265套餐-《瑞士雞翼餐 Set C 》。套餐已連餐湯或者沙律，有超級經典既瑞士雞翼三隻﹑一份牛脷飯﹑一杯飲品同埋一個甜品。我哋亦另外單點了焗蟹蓋 ($170)。《海龍皇湯 Sea Food Soup 》湯質地十分濃稠，而且味超濃郁🍤🦐。鹹香得來有少少酸酸地嘅味道，都幾開胃。而且都幾大碗喎，兩個人share都可以分到每人一小碗。跟餐湯配既餐包鬆軟，搽上牛油好好食😋《太平館瑞士雞翼（3隻）TPK Style Chicken Wings in Swiss Sauce (3 pcs)》經典嘅 #瑞士汁雞翼 又點可以唔食呢？瑞士汁嘅典故我哋唔喺度多講，有興趣嘅朋友自己去科普一下或者去佢哋餐廳睇吓佢嘅餐牌介紹啦🤣！味道真係比較Sweet Sweet！甚至係甜到我哋覺得有少少苦味？可能係啲豉油焦糖化咗。不過見到成隻雞翼都黑黑的，你可以想像到，係煮到有幾腍同埋入味！《岑味牛脷飯 Salmis Ox-tongue with Rice》唔知點解見到個汁裏面嗰幾塊蘑菇，就已經覺得好好食😂即刻勾起細個食鐵板餐加燒汁嘅感覺！味道算係比較香濃。牛脷煮到十分腍，雖然佢有一定厚度，但係切痴落去都唔硬，而係一切即開！飯有炒香但味道比較淡，不過配埋啲醬汁就啱啱好！《焗蟹蓋》 $170呢個都係經典菜式，將蟹肉同蛋漿等材料拌在一起，再釀回蟹蓋焗。唔好睇佢上枱細細個蟹蓋，但都焗到金黃色。每匙都係一絲絲既蟹肉，同其他店舖嘅焗蟹蓋相比，比較乾身，不過味道亦都唔錯！就算放耐咗，食落去都幾好味。😋甜品可以選雪糕﹑椰汁奶凍或 啫喱。我地就要左一球雪糕~係雲呢拿味。細細球咁作為今餐既結尾。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物比較濃味，而且稍為貴咗少少啦！不過今時今日既香港，真經典真係賣少見少，又係果句，食情懷啦！🐭：我好最愛係佢門口既lace門簾，好有feel!💚環境就係復古嘅港式餐廳，喺裏面你絕對可以搵返老香港嘅情懷。啡橙米色tone牆紙，壁燈，相框等。一切都停留喺香港最美好嘅時。💛服務方面，職員好，十分殷勤，亦都會同食客互動，叫一份餐 主動拎個碗仔俾我地分湯常。 Rating： 懶惰鼠😻😻😻+0.5懶惰虎 🤩🤩🤩+0.5📍太平館餐廳 佐敦茂林街19-21號地舖💰人均消費：$240⏰營業時間：11:00am-00:00am #懶惰在香港 #lazifooday #香港懷舊餐廳 #太平館餐廳 #佐敦餐廳 #佐敦美食 #hkfoodie #hkfood #hkrestaurant #hkfoodblogger #hongkongfoodie #尖沙咀咖啡店  #jordonrestaurant  #hkcafe #香港好去處  #香港打卡 #打卡餐廳 #留港消費…查看更多

呢個舊式茶餐廳嘅環境好舒服，同之前嚟嘅感覺一模一樣冇變過，難得香港冇變質嘅服務:) Menu同對上一次嚟一樣樣我都係嗌滷水雞翼滷水肝腎 100零幾蚊好似 份量好似好過上次，但係都唔算多，香港啲嘢係貴啲不過好好味如果係嗌下午茶餐就好似多個薯仔不過就70點蚊兩隻獨立廁所男女廁分開，上咗年紀嘅侍應都好好禮貌同埋好親切紅茶好好味 不斷加加下午茶時間有卡位坐舒適滷水雞翼唔算太大隻，有埋雞翼尖 原來散叫得西蘭花冇薯仔如果價錢實惠啲更好…查看更多