天鴻燒鵝飯店

营业中

休息中

在"田中"的四十五分鐘迷幻旅程之後,下一站,就是到天鴻吃燒鵝髀.說是上一站難吃到要媾鵝,其實是一早心中有數.晚上的天鴻,門外亦有等外賣的食客,內裏堂食者就不多.同區內的日本料理,一到晚上如賓虛的場面,完全兩極化.友人沒有胃口,只能看著我吃燒鵝髀切件上,再加個扣底的飯.價錢不便宜,要成$62.但此燒鵝髀新鮮出爐,依然熱辣辣,鵝皮香脆薄如紙,"卡"一聲清脆利落,肉質豐厚嫩滑,兼帶有肉香.而且皮與肉之間更付送肥膏,感覺更為豐朕.看報導說此店的鵝是與鏞記出自同一系,大家做法就不同,鏞記屬"軟皮"系,鵝皮較為淋身,天鴻則燒得較為香脆.人人也說"皮脆肉嫩",天鴻做得到以上兩樣,其實這是燒鵝的基本要求.慨嘆現今大多地方,連以上兩種條件也做不到,作為飲食天堂的香港,不能不搖頭嘆息.

腸胃似乎對內地食油敏感，本週一頓油膩外賣後，一直微微絞痛不太舒服。適逢媽咪旅行未歸，晚餐就在元朗搞掂，幸而也有龍陪伴。　時間尚早，2人終於成功首嗜這間有名燒鵝店。名氣可以人龍度及價位見稱，小店七點開始就會出現人龍，八時許就會沽清食物；而燒鵝價位是$258隻，比同區燒味店都要貴。胃口不佳的couple分享了燒鵝油雞飯，難得好人的阿姐未有黑面，又會窩心奉上小碗筷子等。約5分鐘時間，塞得滿滿的燒鵝油雞飯($32)上場了，燒鵝與油雞各至少有十件，份量十分慷慨。燒鵝皮香肉嫩、味帶鮮甜，的確沒失禮店方；油雞就較乾身無甚特別。而白飯亦軟硬適中，加上不太油的薑蔥也是好吃。　可能狀態影響心情，但覺天鴻是水準不差可未值長龍等待，而且個人認為元朗的齒留香味道比它更吸引。不過始終所試不多，找天胃口轉好後要試多幾款燒味、小菜，才可作定奪。

特別事故要往屯門走一趟，所以事後便往選擇較多元朗食飯，行行重行行間見到天鴻兩字閃閃吓，咁就入咗呢間細小嘅店舖。燒鵝例牌﹝要下庄﹞跟碟油菜和冰凍啤酒，燒鵝真係做到皮脆肉嫩，一手拿起鵝肶往口送...痛快，皮下脂肪不多肉味又夠....好！

前日(9-5-2009 Sat)同男友離開外婆家諗食咩?佢話o係屯門市中心搵,我答o係商場內o既都只係o個啲咩集團式食店,冇特別,於是諗起前年同女友人R o係元朗呢間燒味店, http://www.openrice.com/restaurant/reviews.htm?shopid=8771&page=3.男友答應,就特登坐西鐵入o黎.o黎到,都只係就o黎7:00pm,出邊已有人排隊買外賣,出邊有一,兩枱客,入面仍未有,男友揀坐入面,今次我點都要試出名o既燒鵝髀o架喇,所以心急地問亞姐有冇燒鵝髀?亞姐答有.嗯好好我要燒鵝髀瀨,切開.男友睇到鵝胸雙拼飯係$42.00,就叫鵝胸燒肉飯,我叫多一個$12.00o既油菜,要菜心.亞姐仍會問要豉油家蠔油,我答豉油.然後睇返單,原來我o既鵝髀瀨要成$62.00,真係貴.之後男友又要多個$10.00o既青檸七喜.好快,o野食到o黎,好彩啲燒味會分開上,重有椰菜墊底,幾好喎.而鵝髀真係好大隻.影完相就食喇,我先試燒肉,燒肉皮唔太脆,半肥瘦,略鹹.而鵝髀o既皮冇想像中咁脆,點會咁o架?有啲失望,而肉係正常軟,唔太肥,OK.咁又試吓男友o既鵝胸,呢個o既皮

Hi, Im alice . all the way from Malaysia to hong kong. two of us take a journey come here to take the 燒鵝 and char siew. on 01.05.09. Price mad: soup. good leSo tasty . thank you open rice members give us the information so that we can find a good taste food. Love hong kong, will come back again

天鴻燒鵝，係openrice名氣頗大，睇食評好似幾唔錯咁。想試好耐。今日終於買左盒燒鵝飯返屋企食。由買完到返屋企車程約30分鐘。返到屋企，影返張相先。打開睇睇:份量--燒味飯盒來講，份量偏大，飯好多，女仔或細食者，未必食得晒，鵝肉份量都唔小。今次部位是上裝位，有胸肉+上脾肉。味道--摸下個袋，除左筷子同匙，冇醬ge，先扣幾分。白飯不過不失，燒鵝不太滑，有點”偕”口。價錢-- $33對於首次食天鴻燒鵝的感覺，就是不覺得那麼好食，可能在我食過的燒鵝之中，還是被比下去。但還是幫她找找藉口，可能是個飯盒焗左有30分鐘以上的原因吧。下次會去試下堂食和一定要試脾位。

叫了半隻燒鵝 , 賣相好好.望見燒鵝皮嗰層光澤，已經好想食啦。雖然出爐已久，但好些皮仍然微脆。因為鵝身只是微暖.啖啖肉，又唔太肥膩，肉質又夠實淨，good.不過可能我地已經太夜啦 , 冇晒燒肉啦 , 老闆話2個鐘就出爐一次 .

星期六, 下午一點半來到天鴻見到, 燒鵝賣剩半隻, 而燒鴨剛剛拎左一隻新鮮的出來, 就轉呔叫燒鴨了但上到台, 原來唔係剛才新出個隻, (因為係凍的)算啦, 反正都唔可能指定的有半隻鴨脾+半份鴨胸細味之下, 其實燒鴨都醃得有味道, 只係鴨無鵝甘大, 肉身單薄點但燒鴨飯只係 $23 (燒鵝飯 $31)相差30%, 足夠抵銷了例湯細的 $3, 今日碗係節瓜紅蘿卜湯, 真係唔錯的下次想食新鮮出爐的燒鵝燒鴨, 都係十二點好來到了

最後來到天鴻燒鵝飯店,來得已經很晚,只得切雞和燒鴨而且,其他都沽清了!未能一試燒鵝肶有點失望,但是燒鴨素質都很好很高兩個人已經食了七八成飽,再來只叫了一份,二人共享!叫了免切原隻燒鴨肶的飯,先咬了一口最精華的燒鴨皮,鴨的白色油脂四射,皮脆肉嫩,一口鴨肉一口飯,把鴨的油脂融入飯中,濃郁的鴨油香味,令人難忘!女生的我都已忘記了儀態,大口大口的咬,都顧不了儀態了!想著要把那個味道好好記住,下次要再來一試燒鵝肶!

weekend off 到元朗一遊, 未到前已和友人決心去食之前去到食不到的燒鵝比!! 終於我們一早起身入去...未訓醒的狀態的我幸得友人輕易地找到這店~ 可能太早, 人家還在準備中...不過, 我們今次肯定有燒鵝比食!!閑逛了一會回到小店, 想了不久就點了燒鵝比反/瀨~ 雖老闆說未有叉燒, 但未損期待吃燒鵝比的心情當燒鵝比serve出來時, 勁熱勁香~ 我咁大個女都未見過/食過咁熱的燒鵝比! 友人說可能之前我食的未必是燒鵝比, 可能是duck比也不定. 影完一輪相...就急不及待想吃...then店員即給我們紙來拿燒鵝比食~ 真体貼哩... 燒鵝比的熱力和香氣四溢~ 令平時不停談笑的我和友人都只顧吃吃吃, 只在吃飯/瀨時表示好好味的表情!! 每次我們無言的時候都是食到好野時頭啖燒鵝比, 真的很envy住元朗的人, 尤其是在附近做野的...lunch可以食咁好味的燒味... 諗起又想食架哩##

二月十五日﹙日﹚元朗一向以食聞名，老字號餅家的老婆餅；全港的拳頭壽司以及食神主理的農村菜大酒樓……等均馳名全港。其中又新街一條後巷的一角，就有這間大獲好評的燒鵝飯店。自從踏出城巿工作後，很少時間留在屯門元朗一帶覓食，對上一次到訪已經是至少三年前的事。今天難得清閒又不想走到老遠，就過來與燒鵝有個約會吧。星期天的中午，以為會人頭湧湧，怎料還可以有數個座位任君選擇。二話不說要了個燒鵝髀飯，主要是吃燒鵝，加上不太餓，飯一點便夠，要了少飯。店員事先確認「燒鵝髀飯$62一碗，有沒有問題？」……一場來到，當然是沒問題。只見師傅手勢熟練，拿起大刀，手起刀落便把鵝髀碎開一段段，然後鋪在飯面上，這刻滿心期待。鵝髀有一隻碗般大，看到那些凝固在皮與肉之間白色的脂肪﹗﹗縱使肥膩也顧不了，先吃中間一件，皮脆是必然的事；皮下肉質燒得柔嫩，脂肪豐富而且充滿鵝油香味，火候掌握得剛剛好，鵝味道豐富。鵝汁鵝油流到飯上，伴飯一起吃十分相襯，不消一會便把飯底完全清了。雖然60多元一碗燒味飯有點兒貴，但當享受著滿足高質素的燒鵝髀時，也忘記了這個價錢了。店家稱燒鵝每天從飼養場中直接新鮮入貨，在廚房即日燒製不斷出爐，所以賣完又有賣完

好食得沒話可說, 食到人家都認得我了店裡的人很friendly, 那天我要求少飯過了不久還走來問我飯會不會太少~哈哈~ 這個米飯的分量對我來說蠻多啊說回燒鵝, 好多時人家都說燒鵝一放涼了皮就不脆口但這家的即使放涼了, 皮放入口中還很鬆化, 讚！薰蹄又是我喜歡的食物之一, 這裡的不會皮肉分離入口涼涼的~ 如果是夏天吃的話就爽了

聖誕日, 被友人邀請到他家耍樂. 大家攻打四方城前, 先來醫醫肚. 第一次到來, 真來有眼不識泰山. 此店乃元朗名物. 不少人專誠到來朝聖.本想叫燒鵝脾飯, 但立見 $68元, 有點嚇壞了, 這麼貴嗎? 只是一小小燒臘店而已. 反正我對脾不是十分鍾情, 算吧! 要叉燒燒鵝飯吧! 一大湯碗, 裝了滿滿的送, 未食己感極大滿足. 先試一件燒鵝, 皮的確燒得幾脆喎! 而皮下沒有任何脂肪, 讓我把一片一片的皮, 全部幹掉. 好可惡呀! 鵝肉一點羶味也沒有. 多肉汁, 蘸上甜酸醬, yummy yummy! 叉燒, 半肥瘦, 蜜味非常. 再加上那甜甜的豉油和軟綿綿的香飯, 我竟把整個飯在十五分鐘內完整的幹掉. Oh, 多久沒吃完整整的一碟飯, 還那麼極速! 店員服務親切, 要多加其他醬料, 絶無黑面. 吃過一餐好的, 要開始進入戰場了!

心思思又嚟食燒鵝脾, 今日嚟到雖然係1點幾, 但裡面已坐爆, 出面已有幾張枱燒鵝脾瀨粉 -鵝脾分開上, 皮脆肉嫩, 伴碟的椰菜又甜, 瀨粉都幾好(HKD58)燒鴨燒肉飯 - 燒肉皮脆, 半肥瘦...ok呀加HKD3要了杯凍啡我哋一路食, d人一路嚟, 到咗2pm已经無燒鵝/鴨買, 只剩下油雞&义燒jar.....下次想食就記住要早d喇

見有咁多好嘅食評, 都好想試吓天鴻嘅燒鵝係唔係真係咁好味? 因為去咗New York Cafe 食咗lunch關係, 好飽所以係天鴻買燒鵝下裝, 不過返到屋企有啲後悔, 因為除咗個脾,下裝無咩肉食, 而且仲好肥吓, 味道只是一般, 不是特別好味, 並沒有一試難忘的感覺我諗堂食會好味啲, 又或者下次試吓買燒鵝飯, 可能會覺得平啲又好味啲, 至少一盒燒鵝下裝可以買到兩盒半燒鵝飯, 就算如果唔好食都起碼填得飽個肚先, 係唔係?!