天鴻燒鵝飯店

营业中

休息中

21-02-08 Thur Dinner點選了一個燒鵝飯$30五花茶$6燒鵝甘香而不膩的原因, 在牆上的雜誌介紹可以看到:'師傅切鵝時會片走多餘的脂肪, 只留下少許......'鵝皮真的非常香脆, 在口內咀嚼時, 仔細一點聽可以聽到鵝皮被牙齒咬破的卜卜聲肉雖然不算很嫩滑, 但亦很易咬肉味濃郁, 牙齒之間留着鮮甜的肉汁想清熱者, 有五花茶即時解毒那份照顧周全的心意, 試問是否每一間燒味店也能做到?之後再有一次光顧那次沒有刻意選鵝脾, 但師傅卻給了鵝脾肉, 實在興奮因為鵝脾飯是好像貴十多元的!?

剛剛上完PE堂，個肚餓到咕咕聲，於是到學校附近搵食，聽同學講又新街有間燒味飯店好抵食喎! 跟住成班一齊去囖，我哋叫咗燒鴨飯和义燒飯食，點知碗飯一嚟到個個都嘩嘩聲﹕「碗飯有冇咁大碗呀?!又送埋杯嘢飲都只係$23，抵到爛啦!」食飽飯，飲埋杯嘢就走啦。估唔到呢間嘢抵食得嚟又幾好食!

十五年前臨別香港的一晚，叔父為我們設的餞行飯。在旺角桃園燒鵝飯店，雖然吃的只是平凡的菜‧但最深刻的是當晚的人情味和那只燒鵝香脆肉滑，到現在那味道仍留在腦海中。今次返嚟香港公幹諗住再去,點知間舖頭結業,好down呀!跟住上網搵吓有冇第二間好食嘅燒鵝一解思鵝之苦,試咗幾間都覺得味道凈d,有小小心灰,諗住試埋呢間算數,因為差不多要走啦,唔試過真係唔相信呀!原來仲有一食回味的燒鵝嫁thank god!我終於搵到啦!比起以前在桃園食d仲好味,我已經訂咗一隻預備偷偷地囉返去請屋企人食,等佢同我一齊回味吓。下次返嚟一定要帶佢親身去試吓,希望仲响道啦。

行完山,辛苦成日，想叫D好嘢食,補番吓.一行五人, 到元朗找好嘢食, 記得有個朋友, 常掛在口邊, 元朗又新街有間食燒鵝的小店叫天鴻,值得去試一試.在一條不起眼的橫街終於找到這間店.舖面不算大, 有六七張枱，　但已坐滿人,門外仲有人排隊買外賣, 我地二話不說坐低左張門外一張大圓枱,先點燒鵝半隻.嘩!熱騰騰的燒鵝,皮脆,鵝肉嫩,肉汁鮮甜,配梅子醬,一食難忘, 不消十分鐘,已經全部清哂,半隻不夠,再叫半隻, 一樣全清, 最後我地沒有叫小炒, 試埋佢地新鮮掌翼,味道也不錯．自從那次以後，定時定後都心思思想再去食天鴻燒鵝，一有機會，都會買隻給家人分享，專程帶朋友去食，同阿Ｂ睇完日落又去食，假期摘完士多啤梨再食，食燒鵝都可以食上癮！！！

今年清明節遠在英國的大姨及表弟妹初次回來香拜祖父母！回想佢地移民的時候表弟妹只有兩三歲！如今再見已是廿多年了！他們也像了個鬼仔‧鬼妹似的！唯一沒變的就是他們都很愛吃中國菜！早上十點多我們就到天鴻買燒鵝及乳豬上山去祭祖，之後就地將燒鵝斬來吃，但因為人多每人只分了一小件‧表妹吃過燒鵝後讚不絕口就連我的一份也不放過！還懇求我帶她去食個痛快。是晚一行十人浩蕩的到天鴻。點了燒鵝一只，咕嚕肉召鹽九肚魚，召鹽鴨下巴‧泰式烏頭‧海蜇燻蹄‧五香牛腱、涼瓜炆掌翼、金菇粉絲肥牛、叉燒。燒鵝上依然仲熱辣辣香脆多汁燒鵝免切表弟妹各一隻！九肚魚外面炸得很脆內滑嘟嘟‧炆掌翼很淋又入味送啤酒一流！表弟們就像在沙漠中見到食水一樣，要把它一埽而光？不消一個鐘所有也剩無幾！認真犀利％飯後表弟話在英國唐人街也沒有吃過這有水準的中國菜及燒鵝!下次開party一定要幫佢空運2隻過去喎!佢仲有個好提議,就係嚮christmas食燒鵝唔食火雞啦!哈哈!

我公司有個同事係鵝痴，好鐘意食鵝，不同做法都試過，上個月佢話元朗有間舖仔d燒鵝非常好味，係燒鵝中o既吉品，比起o個d好大個名o既好好多，仲食上"引"，個個禮拜六渣車入元朗就係買隻燒鵝返屋企食，我地都覺得幾誇張(我同事住將軍澳)。昨天剛巧有位台灣客人說起想試香港的燒鵝，我通常會帶客人到中環老字號"容記"，因為肯定唔會有差池。但我同事話呢間叫天鴻o既仲好食過"容記"，一於帶個客去試下。真係舖仔得好交關，唔計坐外面門口，裡面坐滿唔超過15人，起初都不敢記予厚望，叫左半隻燒鵝試下得唔得先，都唔係好敢叫其他野住。d燒鵝真係好得，皮又香又脆，d肉好有鵝味，好嫩口，鵝胸一d都唔"鞋"，我個台灣客話連d骨都好好味，超讚!仲同老闆講要留兩隻後日帶返台灣俾家人朋友食。原來元朗除左老婆餅，仲有燒鵝做手信!

去過兩次了, 每次都有驚喜, 第一次叫了兩個蒸魚套餐加燒鵝例牌,菜及椒鹽九肚魚, 個九肚魚真的好吃, 炸得很脆, 連魚骨都吃掉了, 而鵝就淡了少少, 但皮很脆而且仲熱辣辣架! 第二次去想幫襯燒鵝肶, 點知老闆唔舒服, 無小菜, 只得最後一隻燒餓, 仲比人留哂啲肶, 只得番上裝同一份蒸魚套餐, 都好啦, 拿拿臨叫左, 遲啲都無埋, 諗著算啦, 當啲燒鵝上枱, 二話不說, 即刻夾黎試吓, 今次就啱味啦, 鵝胸仲好好肉, 個蒸魚都好得呀, 魚肉好滑, 加埋薑蔥好惹味呀! 一定會再去, 試下其他小菜! 好過食大排擋, 我對味精好敏感, 而佢地啲湯同菜都無味精, 有機會去試吓啦!亞姐真係好勤力, 你會覺得好似去度相熟舖頭食飯, 感覺好好!

mar 16, 08嚟 : 1) 燒鵝瀨-我同友人share了1碗-皮薄,無肥肥的膏油,肉腍同入味-瀨粉淥得有咬口,適中,個湯唔鹹,清清哋,無搶個主角鏡-不俗,有質素

星期日額娘牛一又想唔到食乜好弟弟叫上綱元朗有乜好介紹？小菜加燒鵝天鴻有咁多笑面於是試拉！打電話去訂位！負責人話先到先得不設訂座！是晚6：30先到探路位。看見門面亳不起眼原來坐位很少唯有坐門口！6：45齊人先點！但已看到門外有很多人在排隊斬料！於是急急點燒鵝一隻‧海哲燻蹄‧召鹽鴨下巴‧粉絲肥牛‧召鹽九肚魚‧汁炒芥蘭‧叉燒‧鹵水鵝掌。等了二十分鐘鵝燒上檯！嘩一陣陣香氣樸鼻速夾入口香脆味農’連平時嘴刁的額娘都讚不絕口、海哲入口爽脆燻蹄很入味又不鞋‧同出面食果好唔同好好味！正！鴨下巴好入味又不襋OK‧肥牛很滑又冇酥味又不肥‧九肚魚外面很脆裡面滑嘟嘟‧好似海膽咁掂！鵝掌很爽又不UN！叉燒半肥廋的小小很入味。整體食物有水準‧是晚十人吃過飽飽的‧都是700元有找！超值《％》單看舖位是偏了及舊！但在這地坊也有這麼多人幫親？我想必有其長處吧！希望店主繼續努力造出更多美味的食物給喜歡到處尋找美食寶藏的開飯綱友！如果鍾意食燒鵝的網友可以一試！可能尋找到意想不到的味覺！下次朋友聚會又多個選擇！

住天水圍，去元朗搵食。睇見咁多咁正面食評，決定叫埋舊同事一家一齊試吓：Seeing is believing, rite?招呼：真係一流。某Ｄ地方好過大酒店：personal and very friendly。完全唔壓迫。地方、環境：問可唔可以坐戶外，一口答應，爽快。收費：大牌檔式，唔收corkage。但我都識做，叫咗支藍妹：過河都俾人濕腳嘛。食物1. 燒鵝：唔使預訂，且六點左右已經有新鮮出爐，好多街坊外賣，一個接一個，師傅斬個唔停手。但賣一隻出一隻。上檯嗰半隻好瘦、好脆。有同檯朋友冇深井咁惹味，我就覺得各有風味，因深井燒鵝太肥腯腯。2. 椒鹽鴨舌：好特別，好惹味，要「損」哂成個鴨頭骨，好好味。3. 椒鹽豆腐：外表脆但裡面好似流奶咁，有大澳feel。其他小菜都好有水準。等感冒好番一定再去！

上星期五，難得有朋自遠方來(台灣)，跟我說想食食比較正宗的燒鵝，所以就帶他到天鴻來，前一天已經跟老闆預訂嚕半隻鵝（堂食不用下訂金），(本來想訂一隻的，不過老闆知道只有２個人而已，就說半隻已經很夠嚕)老闆特別交待，晚上大約７點１０分－２０分就有鵝出爐，最好就在那時過去吧，第２天我們７點１８分左右到，老闆認出我訂嚕半隻鵝，看到我就直說，有喇有喇，你們先坐好～晚上店裡還滿多人的，吃晚餐的人也很不少，當然一堆人都是來吃燒鵝的我們點嚕一個大的例湯，一個金菇牛肉粉絲鍋，等到燒鵝到嚕，才發現好大的一碟啊..@0@"還好老闆叫住我別點太多的菜　(本來想點２個小菜的)朋友在吃過燒鵝時大讚皮脆肉鮮，他在台灣吃到的，都是只吃脆皮，說肉都沒什麼味道，說著說著，沾著醬的吃個不停，而且也說放在燒鵝底的滷鵝翼跟鵝掌也很好吃，我們在盡力的清嚕那一大碟燒鵝時，就已經沒太多餘力去清那個粉絲鍋了，所以在最後還是吃剩嚕不過我跟我朋友都吃得十分心滿意足

尋日(15-11-2007 Thu)放工後入元朗搵女友人R攞o野,山長水遠o黎到,梗係借啲意搵o野食啦.今次我要試出名o既勝利牛丸,但R話no啦,收六點o架.吓?!咁…..食燒味飯啦,好耐冇食,佢都同意,開頭大家都冇idea,邊行邊搵,我直覺覺得o係街市附近會有,中途,佢猛然記起呢間,搵到喇.唔記得幾點,應該係7:35pm o掛,裡面full晒,出面都已經有4枱客,亞姐問我o地介唔介意坐出面,我o地答冇所謂,於是佢開張枱兼攞o左三張膠椅,好明顯一張係畀我o地放o野,真係好細心.我o地坐低o左,R後面張枱人客o既煙味飄過o黎,亞姐都問一問我o地駛唔駛搬去另一邊,佢答唔駛.R先o黎一支$6.00細o既涼茶(唔記得咩涼茶),佢想要熱但冇,只有凍,不過唔係好凍,o岩佢.然後我o地每人都係叫o左叉燒飯,R要全瘦,我要半肥瘦,其實我想要雙拼o架,但外面食o既,啲餸必定少好多,所以只叫一樣.然後我o地再叫$10.00o既油菜,R揀o左芥蘭,亞姐會問要蠔油定豉油,我o地要蠔油另上.都等o左幾耐,兩碗叉燒飯到來,嘩!才$20.00碗,原來好大碗o架,係用食湯麵o既碗裝o架,叉燒亦唔少,好抵食,但後悔囉,

今日同小穎心一齊食晚飯，唔知食乜好？咁行過又新街見到有間燒鵝店一睇燒鵝幾靚喎！小妹嚷要食鵝脾於是問價錢56蚊一隻鵝脾！哇都幾貴喎！諗對自己同小妹好豪一次啦！於是坐低‧大叫伙記兩隻鵝脾唔該‧伙記回應.112蚊有冇問題：好免切即到脾一到小妹大叫哇咁大隻，佢食唔哂喎我話慢慢食啦！一口咬樂去皮！好香脆肉好滑，不消15分鐘己剩下一支骨頭！小妹仍在同鵝脾博鬥‧但她說已很飽！好捱義氣啦照食！好飽幾乎行唔郁！物有所值下次叫多人一齊食先！

見有咁多人讚,今日終於試到,一盒燒鵝飯外賣要$29元,真係幾貴,可能我買的時候約六時,無乜新鮮出爐燒味,我個盒飯d鵝係涷,雖然頗多件,而層皮唔脆,但重有些少油香,但d肉好"un",真係好失望,根本就食唔到其他食評人所形容到咁好味道,真係名過其實? 還是我要求太高呢? 都會比多次機會佢,揀日下午有新鮮出爐鵝再去試過,力求找出真味道.

這裏的燒鵝真是有水準比深井好好多味道唔過重唔肥下次叫隻回家開飯