影片
更多
2009-09-08
40 浏览
早在上星期就已經在openrice睇到呢間燒鵝飯店的了仲專登由屯門搭車去元朗諗住一試點知去到元朗又搵極都搵唔到呢間野所以結果上星期都係食唔到今個星期我決定一定要搵到呢間野一試於是抄低晒地址電話先出門口去到後發覺店內已坐滿晒人了幸好門外有位可以在坐我同我朋友一坐低就即刻商量食乜我決定一定要試試原隻燒鵝脾但又心郁郁想試埋原隻切雞脾喎結果就叫左個原隻燒鵝脾拼原隻切雞脾瀨粉（飯、瀨粉、米粉、米線同價）而我朋友就叫左個原隻油雞脾拼燒鵝瀨粉以上所有脾都叫左免切及另上落單果個職員真係超好禮貌＆超好人我同我朋友邊諗邊叫野佢都全程好好笑容淨係呢個笑容都已經令我覺得好舒服等左一陣就已經有得食啦三隻脾都大大隻我朋友果份燒鵝餸都唔少而且舊舊餸都啖啖肉架我先係食隻燒鵝脾先用油紙包住個鵝脾頭就拎住成隻食一咬落去就感覺到咩叫做皮脆肉嫩果種口感真係難以形容食完隻鵝脾就梗係食埋隻切雞脾啦隻切雞脾又滑又香又好味一般平價燒臘鋪絕對唔會有呢種水準我無誇張架（真係超好味的）結果我當然係連續食晒兩隻脾咁碗瀨粉點算呀咩餸都食晒啦喎唔駛驚碗瀨粉就咁食都好好味Ｄ湯好香兼唔會太咸我食完兩隻脾Ｄ瀨粉都仲係熱的（但又唔燙口的）結果我當然係連
仲專登由屯門搭車去元朗諗住一試
點知去到元朗又搵極都搵唔到呢間野
所以結果上星期都係食唔到
今個星期我決定一定要搵到呢間野一試
於是抄低晒地址電話先出門口
去到後發覺店內已坐滿晒人了
幸好門外有位可以在坐
我同我朋友一坐低就即刻商量食乜
我決定一定要試試原隻燒鵝脾
但又心郁郁想試埋原隻切雞脾喎
結果就叫左個原隻燒鵝脾拼原隻切雞脾瀨粉（飯、瀨粉、米粉、米線同價）
而我朋友就叫左個原隻油雞脾拼燒鵝瀨粉
以上所有脾都叫左免切及另上
落單果個職員真係超好禮貌＆超好人
我同我朋友邊諗邊叫野
佢都全程好好笑容
淨係呢個笑容都已經令我覺得好舒服
等左一陣就已經有得食啦
三隻脾都大大隻
我朋友果份燒鵝餸都唔少
而且舊舊餸都啖啖肉架
我先係食隻燒鵝脾先
用油紙包住個鵝脾頭就拎住成隻食
一咬落去就感覺到咩叫做皮脆肉嫩
果種口感真係難以形容
食完隻鵝脾就梗係食埋隻切雞脾啦
隻切雞脾又滑又香又好味
一般平價燒臘鋪絕對唔會有呢種水準
我無誇張架（真係超好味的）
結果我當然係連續食晒兩隻脾
咁碗瀨粉點算呀
咩餸都食晒啦喎
唔駛驚
碗瀨粉就咁食都好好味
Ｄ湯好香兼唔會太咸
我食完兩隻脾Ｄ瀨粉都仲係熱的（但又唔燙口的）
結果我當然係連碗瀨粉都食晒啦
我仲試左我朋友果隻油雞脾
都好滑好香好好味
呢一餐真係物超所值
淨食野係咪覺得好似 Dry 左少少
唔駛驚
加$3就可以有野飲啦
我同我朋友都叫左凍檸茶少甜
呢餐真係超滿足呀
我果碗原隻燒鵝脾拼原隻切雞脾瀨粉 = $80
我朋友果碗原隻油雞脾拼燒鵝瀨粉 = $42
兩杯凍檸茶少甜 = $6
合共係 = $128
抵食！！！！
张贴