天然豚骨拉麵專門店一蘭

营业中

休息中

經過銅鑼灣，發現一蘭終於唔使排隊，於是即刻試下傳聞中嘅拉麵。環境好鬼鼠，每個人單獨一小格座位。揀左普通濃度嘅湯底，軟面。個湯底味道甘醇，真系回味無窮。可惜叉燒得薄薄地兩件。面就一般，分量太少。估計硬嘅面會好食D。最大問題系無熱水供應，常溫水都好凍~

記得我第一次食「一蘭」係2004年自己係日本食嘅，當年還會食拉麵嘅我，真係覺得好好食，通常第一次食的味道係特別印象深刻。其實04年後我都去過好幾次日本，不過果時自己對食的喜惡已經有大大轉變，所以就一直冇再食第２次，估唔到第２次食已經係10年後的香港食。短短五分鐘，一碗拉麵由服務生呈上，真係感覺好日本，就算碗拉麵好唔好食都覺得係日本。我的拉麵為：湯濃度﹣淡；油膩度﹣無；香蒜﹣1/2份；蔥﹣白蔥；叉燒﹣有；秘製醬汁﹣普通；麵的硬度﹣硬；追加﹣黑木耳Total: $99滾熱的豚骨湯底濃而不濁，我揀唔油膩係啱嘅；叉燒薄薄又軟又嫩好食；麵條煙韌彈牙硬度夠；可以配料份量極之少，就算追加的黑木耳也只有一少堆，麵條也偏少；秘製辣醬不辣味道一般。短短17分鐘食完，我已經食得好慢好慢，想慢慢享受，可是食後係有Ｄ失望嘅，還是覺得日本好食Ｄ。 

日本聞名的一蘭拉麵降臨香港之時，曾牽起一度熱潮。於大阪的分店總是人來人往，有幸於香港開分店時，當然亦­讓香港人瘋狂。有人慕名而來，有人因為日本而來，有人因為它的拉麵而來，而我，最愛的，是它把店內分為一格­一格的特色。每個人都是獨立的，坐在自己的位置上，享用自己的拉麵。孤獨，但不寂寞的午餐。難得不用和身邊人聊天，也不­用跟陌生人搭檯，自己一個，清靜地望著前方的木板，專心地享受著面前的這一碗拉麵，於繁忙嘈雜的城市裡，找­回一點屬於自己的平靜。香港人生活腳步急速，午飯時間只有一小時，於辦公室裡硬要跟同事閒聊已經夠累，午飯­時間只想停下來，好好把心靈清空一番，享受聆聽自己內心的時間。這一碗拉麵，可以任由自己選擇配搭。喜歡淡味的咸味的，喜歡清淡的喜歡辣味的，拉麵的硬度和配料，全部任君­選擇。簡單的一碗拉麵，是廚師用心烹調出來的美味，讓人有回味的感覺。食物，不只是讓人飽肚而已，還能夠慰­勞疲累的身體。離開餐廳的時候，口中不但留有湯料的香味，還有重新出發的力量。

下班了，已是晚上十一時半，⋯即想起深夜中的拉麵「一蘭拉麵」- 年中無休二十四小時都能滿足喜歡拉麵食客。走運了，不需排隊已能入座，左右木板隔格正面竹簾的獨立座位，是一蘭的特色 (半度私隱，木板只隱藏你的食相，背脊完全曝光)。急不及待在落單用紙上填寫喜愛味道。湯的濃度、油膩度、麵的硬度、秘製醬汁都是普通，想要最中庸的口味，按鍵並遞交。 一會了，拉麵從前面送上沒有多餘對答，接著便放下簾讓客人專心品嘗。左邊是蔥花，右邊是叉燒，中間的秘製醬汁在拉麵上，就是正宗賣相。開動了，一口帶有香濃豚骨味的熱湯，不太濃不油。麵條煙韌彈牙不硬，恰到好處。叉燒肉質鬆軟，只是比較薄，只得兩塊太少。麵條的分量比香港其他日本麵店少，所以吃一半便要下單加麵，都是普通硬度。吃完加麵到，即加入湯中一嘗，但比之前的較硬，有點失望！只要十多分鐘便飽吃一頓，真是快、靚、正！吃後沒有口渴感，果然名不虛傳，「一蘭」天然豚骨拉麵。 建議食客，若多人同行都給侍應報上只是一位吧！這樣便無需浪費輪候時間，給你們併座。說到底「一蘭」，不就是要享受獨自品嘗麵時光嗎？

聞名不如見面的一蘭，一開個陣時真係都幾跨張，零晨２、３點去食仲要排長龍。之前有排過，但係排左一陣就放棄左lu。但係前幾日去唔使等好耐啦，大約６、７分鐘就入座得。終於可以黎朝聖一下比較一下，咁又係同日本一様，只有單一拉麵，湯底都是清甜的，麵都係咁彈牙。佢地都係會因應我地所剔的選擇去整碗屬於我地既拉麵，我同個朋友有ｄ唔同既選擇，就會好食得出佢地係會因應你所選擇而烹調。整碗麵需時５分鐘左右啦，就會送上去比你，裡面的座位都好特別，自己一個卡位坐，送完碗麵到你面前。佢地都好有禮貌，可能係日本鋪頭掛。我一開始聞到碗拉麵既時，就即刻想試下湯底，濃濃既湯真係唔錯，湯底好濃郁，有少少油。有辣既一蘭拉麵，相比唔辣既好食，亦都無咁膩，湯係超正，超濃，飲完都未覺得油膩。吃到最尾的時候，都已經將碗湯飲淨少少，味道都算係香港幾不錯既拉麵，再加埋糖心蛋，正！

公司同事們雖全為七旬長者，但其工作熱誠卻未有減退，往往到咗收工時候仍堅守崗位，勤奮工作；當中最年輕嗰位會計小姐因單身兼獨居，每天傍晚時分更例必於寫字樓進食晚餐後才關門離去。會計小姐愛睇電視劇，無奈家中電視機壞咗，又唔想出錢買部新機，近排就學曉上網煲劇，夜晚就索性留喺公司，眼訓先返屋企 。XO仔深得會計小姐歡心，除咗不時有故仔聽，有好野食之外，公司大小事務都有佢照住，真係慳返唔少功夫，所以自己有好野都會預埋佢嗰份，就好似今次收到Openrice送贈o既兩張「單身男女2」戲飛咁，小肥第一時間就約埋佢一齊去睇 。去睇戲前當然係要先醫肚啦，難得會計小姐有興趣食拉麵，小肥就提議收工早少少行去全港最人氣o既拉麵專門店「一蘭」，睇吓條隊長唔長。真係好意外，店舖門外一個人都冇，原來拉麵店擴充咗，而且時間尚早，哥仔話嗰個鐘數搵位並不太難   。貴為日本名店之一o既「一蘭」無論係紅色o既招牌及門面、以木為主o既裝修、獨立座位o既間隔，都極具日本風采。拉麵店選用咗鎖定位置o既圓櫈仔，冇椅背又不能調整高度，年紀大啲又或者係身形龐大o既顧客就未必會坐得舒服，小肥不得不為此扣減一分環境分 。餐廳除咗地方

選擇了普通的麵，拉麵口感幾好；湯底選擇了普通加2陪辛辣，辣度還可以接受，不算太辣，湯底也幾好喝，菜單就只有一款拉麵湯底，不用費心思去選擇。但是一碗拉麵收費$89，份量卻不多，大部分人都要選擇$19加多一個麵底才能飽，那個甜品杏仁豆腐麻麻地，還要$29，不值得點。

一蘭初登陸香港時，我已嚐過2次，因為座位有限，都要等45分鐘至1小時。早前擴擴充了增至約八十幾座位，是晚只有一人晚餐，去食拉麵最好不過。一個人等只需要5分鐘時間就入去，每檯擺放一張點菜紙，填好後就可按制落單。拉麵只有一款，但可選適合自己味道，如湯濃度、麵硬度、辣度等。我也另加半熟鹽煮蛋$12。麵來了先嚐湯底，沒有濃郁豬骨湯底那種黏口的感覺，比上次差了。秘製辣醬不辣，選（普通）較好。然後到麵也是差不多，份量也很少，建議加麵。當一夾起叉燒，比之前是細塊了許多，這碗只有2小塊。喜歡食溏心蛋的朋友一定要試試，夠滑夠流心有蛋味。

自己一個人食Lunch最好去一蘭，自己一個位食野唔怕尷尬等位時大部分人都係2個人或者一班人，只得我係一個人但因為一個人所以特別快有位十分鐘到啦就可以入去喇，成功擊敗前面2~30人~哈哈點完餐等麵到~個拉麵真係好好食，好有日本風味個湯底好濃好香~但食完真係好口渴，$89蚊一碗黎講份量少 女仔食一碗會有飽肚感，男仔會唔夠食，一定要加料但加料分分鐘要百幾蚊

In Hong Kong, Ichiran Ramen is a must! Besides having several stores all around in Japan, this is Ichiran's first international branch in Hong Kong, Causeway Bay. Have tried the one in Tokyo and Ichiran hands down, the best tonkotsu ramen I had till date. Exact seating concept as the ones in Japan. The only difference between Ichiran in Hong Kong and Japan is the ordering process through vending machine. In Japan, you order and pay through the vending machine while you eat first and pay later in

日本狂迷既老公又怎會放過去「一蘭」呢？係日本去「一蘭」都要排隊，係香港都不例外。當你大肚時，其實真係唔太願企定定等，因個肚真係好重，不過一場黎到，即管試下香港「一蘭」值唔值得等啦。一如在日本一樣，先係點菜紙上揀好自己想要的一切，位置每人一格。好快「拉麵」就送到，沒有特別選擇，全場都是同一款麵款，分別只在乎你揀的其他配料與濃度。我一向選硬麵，加了點微辣，加了溏心蛋，雖然我不好肉類，但叉燒未免太薄弱吧，湯底亦不覺有什麼吸引特別之處，這碗麵男生一定不夠飽。說實在，我只覺得普通，我排了差不多一小時才有位，坦白說，我覺得不值得，整碗麵只是普普通通不過不失吧，起碼沒當年我去中環豚王的「好味大反應」。

香港人最鍾意排隊, 但我懶, 拖到宜家先食, 一蘭係隔離開左分店疏導人流, 但不免都要排20分鍾, OK啦算快!!我揀左 濃味, 青蔥, 2倍辣, 叉燒, 硬既拉面, 再加左隻糖心蛋.第一次黎比服務員既態度嚇親, 好好既服務態度, 90度鞠躬, 標準既日語!!!!十個讚!!落左ORDER後約5分鍾到, 都好快!對於一個濃味人黎講, 個湯比起豚王, 別天神, 魂黎講, 一蘭算係無咁"利"個湯好飲, 停唔到口!!叉燒唔推介, 又簿, 而且得2塊==無肥膏, 似普通豚肉糖心蛋, 唔推介, 入面係糖心,可惜食唔到甜 食唔到蛋味, 只能說"咬左流心既蛋"食完一個面, 仲有D湯, 個肚仲有位WOR!!! 叫左半個面先!!HKD 15!加面會播佢地既音樂, 有趣!淨面到, 比起連湯上既面, 淨面會硬D, 但正常, 因為D湯會浸林D面!好快食完飲埋D湯, 我真係傻左XD鬼叫D湯唔"利"咩!!美滿地完結!!比錢時TIPS都比多D XD2倍唔係好辣但唔會COVER左湯原本既味! 下次試下再辣D!!

終於可以一嘗一蘭拉麵了在門外驚見竟然冇人排隊, 仲唔拿臨過去攞位咩.入到去, 其實真係幾好笑, 因為好似自修室格局, 一人一個自閉位咁食麵, 每格位, 都有齊所需用品, 可以隨便自勘水首次光顧, 又會有指南教你點餐及食麵步驟每位客人可因應個人口味揀選你碗麵不過餸就只有一款肉, 亦只可以揀"要"定"唔要"落單後, 見到有款豆腐,一套兩杯, 係食麵前同食麵後品嘗好似幾得意, 又叫左一份試下.其實兩杯豆腐係一樣, 只係食麵後食既果一杯, 就會落埋黑糖醬食味道其實好有豆味, 口感唔似平時食既豆腐咁林身, 反而似苟蒻, 有點煙UN.麵黎LU, 侍應上左碗麵後, 會幫我落左面前既簾, 等客人食麵唔駛俾人見到咁尷尬.今次我點左2份辣, 因為第一次食既原故, 唔敢叫太辣~~入面有兩塊超薄既豚肉, 其實都幾少....至於拉麵份量, 我都係略嫌少左D...(可能我大食)不過呢碗拉麵既質素, 坦白講又真係幾高,論湯底, 清得黎又夠濃味, 唔會好油論麵質, 食落幼細又彈牙,豚肉呢, 可能因為切得薄, 食落有少少鞋既辣度黎講, 2份辣, 我諗我應該都可以食到再加辣~最後就係試埋個麵後甜品, 加入黑糖醬後, 感覺

半夜三更,浦完,肚餓了,一人消夜,去到不用排隊的一蘭.當然點了拉麵.還加了雞蛋,老實說,沒有吃過日本的,但幼的麵於我而言很特別,很彈牙,可惜湯底味精極濃,由於飲完酒,我把湯底全部喝掉,而差燒份量少,只有兩片,整体質素只是一般而已.

之前係日本食過, 掛住個拉麵, 所以早上特別走黎食叫左----拉麵$89 (本人選:"正常"拉麵硬度,濃度同油膩度, 青蔥, 叉燒, 微辣)豆腐兩食$29/2 (豆腐一套有2份, 建議食法: 一份係食拉麵前食, 用黎清味蕾. 另一份係食拉麵後食, 當甜品)----香港限定食後感:拉麵-----------------豬骨湯底香濃夠味, 加微辣, 更可增加風味幼麵彈牙薄叉燒兩片，味道唔鞋, 口感好豆腐兩食----------豆腐咪係豆腐味囉..., 係生豆腐味, 加左黑糖汁重怪總結:只需食拉麵