天然豚骨拉麵專門店一蘭

营业中

休息中

同男朋友系銅記睇完夜場之後，想醫肚，於是諗下食咩。男朋友話，未試過一蘭，加上自己都未食過，所以就去左。去到一蘭門口，唔洗等就入得。望到個格局裝潢，非常特別，一格一格禁，好似自修室，每格重有一塊簾，落左佢嘅話，真系可以話好似以前讀書年代溫書禁食拉麵，非常專心。但食野要唔要禁呢?我自己可能就唔系好適應……講番「食」嘅方面，拉麵款式只得一個選擇，但有得揀配菜、麵嘅硬度、湯嘅濃度、加唔加底、要唔要叉燒等。我就加叉燒、青蔥、秘醬，另再加錢要隻半熟鹽煮蛋同紫菜，麵硬度、油膩度同湯濃度就要普通。D麵好少，就禁食就無咩特別，但撈埋醬汁禁食就好唔同，少少辣，但似紅椒青椒果隻禁，應該系混埋不同其他材料做成，好好味。而個湯，又唔會比個醬搶味，飲落豬骨味仍然清楚。至於叉燒，就得寥寥幾片，重要好細塊，食左等於無食禁。服務質素，兩個:「一流」，侍應九十度躹躬，系香港邊到有，君悅酒店都唔會有。而且每個位都有好多介紹拉麵文化嘅單張，真系有唔同d。埋單百幾蚊，老實講有d貴，雖然「食」同服務方面真系好，但百幾蚊只系有個麵食，就有d唔值。一年食一次下就可以嘅，但多d就免啦。

香港有咁多拉麵舖 間間都標榜係正宗拉麵 今次終於有一機會一試一蘭拉麵 原來只有叉燒拉麵 配以自訂既湯濃度 油膩度 辛味 麵質等等比起其他鋪頭一款款拉麵 呢到更加配合到我既口味 我仲加左隻溏心蛋 甜甜的蛋黃香 一試難忙 將整碗拉麵兼湯食完飲完其實真條好鉋 我諗耍好肚餓先可以食加底

唔係難食, 但未至於真係好好食, 起碼我唔會再幫襯麵少同無特別(都係同出面D幾十蚊碗的無分別), 湯好鹹!!! 同味精湯感覺差唔多....只可以講, 最好食係佢D蔥  

自開店去過幾次之後就無再去一蘭食啦，去5同既拉面店食過類似既豬骨湯拉面，今日再次踏進一蘭，點左一碗小辣既拉面同半熟蛋，我覺得食拉面係食三樣野：叉燒，湯同面質，不過一蘭叉燒應該5係重點，因為幾細塊同味道普通，個湯我先將辣醬拎走，再自己逐d加番落去湯度飲，豬骨湯味道慢慢出哂黎，而且因為我揀多油，所以個湯幾香，至於個拉面煮得5錯，比起某幾間拉面店既面無咁粉，食落有質感，幾好食，最後呼籲大家5好加蛋，味道係有點怪。。。

今日岩岩去完金鐘，見應該唔多人，就走左入一蘭食，奇蹟呀，竟然唔洗等，零秒入座，一蘭其實都獨孤一味，就係拉面，不過今次無聊試左個豆腐甜品，原來係有分餐前同餐後，而差別只係差一包醬，餐前唔洗落醬可以清下個口，餐後就加醬食甜甜地，原來除左面外，一蘭d豆腐都唔差架

女生血拼時是不會覺得餓, 但財散後肚子就開始打鼓喇! 夜晚十點幾於CWB食什麼好呢? 突然就想起一蘭, 去日本時都會吃的呢, 雖知道香港開了, 不過聽聞好多人, 但聽同事說現在已經沒有之前那麼多人喇, 就去碰碰運氣吧! 來到門口, 沒有人龍, 看來有得食! 跟日本不同的是香港有人於門口問幾多位...於日本是看看這表還有沒有空位才自己進去及按飛仔買麵的! 門口的店員說有位, 並指引到有位的位置。入到去眾所周知是自修室般的, 自成一'格', 基本上跟日本一樣的, 連水呀筆呀等都一樣, 就好似用了隨意門到了日本的一蘭般的! 同樣都有勾勾給客人掛起包包。日本是先用自動售賣機先買, 拿著飛入去先再畫喜好, 香港就不用先買飛, 在喜好表上如下單般, 要加什麼就寫在這紙上, 表的左上角已寫明拉麵HK$89, 比日本貴喎...亦比同樣由日本引入的拉麵店貴...看來都是租金之過!喜好表的格式及及選擇跟日本的差不多, 只是變了中文, 喜好都填好了另加一隻半熟蛋 HK$12。 很快店員就於前面的窿窿遞上按我的喜好而製的拉麵, 隨即將前面的簾落下不打擾你品嚐...另外, 小妹都略懂日本語, 想講一講店員的日本

一蘭開業咁耐，見佢唔駛點排隊就同朋友一齊去試試到底所謂日本嘅正宗拉麵係點樣。一入到去啲座位係隔開嘅，想同朋友一邊食野一邊傾下計都有難度，真係覺得個設計好差好唔friendly。不過個麵又的確幾好食，有得自己揀湯底同麵既質地。一蘭嘅拉麵比起平時出街食嘅湯底更濃麵質更彈牙，的確好食，不過計埋成百蚊一碗真係貴左少少。試完應該都唔會點再黎食。

一蘭來到香港開業都一段日子了，人龍依然的長，雖然要在街上排隊，但店員會窩心的派上扇，總算降了些溫，難得入到店內，依然是要排隊，但同時就感受到濃厚的日子氣息，每位店員都說著日語的歡迎，多謝，又播著日語歌曲，彷彿穿越到了日本的店中。排隊的同時就會收到店員的點餐紙，其實也只有一款麵，但就可按個人喜好調整份量。好不容易坐下了，如自修室的單人位，每枱旁也有小勾可以勾著袋子，設計十分窩心!!終於到味道，第一口的確令人驚訝，口感不會太軟也不硬，很有彈性的麵條，湯也非常濃郁的豬骨味，十分好吃，但不知是吃得太慢，麵泡軟了的原顧，吃到一半又覺味道其實也一般?!但自覺，最不得不去的還是廁所，很日本!!

叫了拉麪加蛋。超過$100.(1) 麪的份量不多，算彈牙，但對女生來說已夠飽!(2) 溏心蛋凍的, disappointing!(3) 兩片薄叉燒, very disappointing!(4) 湯的味道非常好, 是這碗麫僅有的好處。絕對, 絕對性價比太低，不會再幫襯！

作為一個香港人,到現在才是第一次去食一蘭,真是有點收家.今天晚上路過此地,見不用排隊,我想也不想,便一個人走進去.原來只有一種選擇,就是叉燒拉麵,毫不猶豫,選了最濃的湯底.要加的東西,就只可加糖心蛋. 麵是用上幼麵,的而且確,是比較特別的拉麵,但湯底味精極濃, 叉燒又只是一般的貨色.反而我欣賞的就是糖心蛋,蛋黃真的做到溏心效果,是不錯的選擇.

一蘭一開時真係好跨張, 係朋友FB睇佢零晨3點去食仲要排長龍, 心諗要本少爺去排隊就算再好食, 本少爺都一定唔會去, 隔左咁耐, D香港人終於試夠啦, 就係本少爺出動去朝聖既時候, 今日下午六點半, 路經鑼記, 一個人見肚餓, 就行去一蘭個邊睇下, 好, 無人等, 咁我就入去食啦!!!入到去, 可能時間仲早, 都無咩人, 好快就安排左座位俾我, 但我想講, 依度超似自修室, 用板隔開一個又一個既坐位, 連椅背都無, 好似考試場咁, 心諗好似同身邊既人講, 你唔好偷睇我D答案呀, 我知呢個係日本拉面店既格局, 但係真係食完想坐多陣都唔會囉, 而且如果你同朋友黎, 感覺好似唔識感, 想傾句計都難, 仲要呢度只係得一款野食, 就係拉面, 頂多俾你揀下面既硬度, 湯既濃度咁, 都幾單調~~不過黎到我諗都係食面, 我揀既全部都係普通就試灑佢最正宗既一碗一蘭拉面, 湯底係好濃既豬骨湯底, 但唔太油, 奶白色, 面彈牙有嚼口, 成碗面其實好普通, 最重要係有一蘭既秘製醬汁, 令到成碗面好食灑, 一蘭既秘製醬汁有啲辣, 但係辣唔似我地平常吃既辣椒汁, 佢係以唐辛子為主要配合其他味料而成既辣醬, 辣味特

聞名不如見面的一蘭，一試之後……先讚下佢哋的質素相當唔錯，湯底有別於其他拉麵店麵質亦符合預期，而且佢哋的清水經過過濾，我都飲咗好幾杯讚完就到彈入到去見價錢，已經知道質素非泛泛之輩但是拉麵一到手，除了拉麵，就是有湯及叉燒(叉燒仲可以選擇唔要)其他拉麵的配料都需要加錢另碟奉上與其他的拉麵店相比，無疑比較失色而且每項配料，最少都要十蚊起跳對於基層人士來說，在一蘭食一次麵就要過百二蚊一份連配料最令我失望的，就是拉麵的份量嚴重不足，份量只有正常拉麵店的五成對嗜吃的人士來說，有需要加麵才能飽腹最後只係食個普通拉麵送叉燒算食咗一次，未必會有機會食第二次

無錯, 我意思係全店入面只得四個人, 計埋我, 因為我係1:45A.M.去到雖只得GUM少人, 但反而食得仲開心, 因為其實我係好怕同人迫, 如果想靜靜地食, 可能好似我GUM, 半夜來吧我覺得現在一蘭的湯無開始時GUM好食, 不過到現在都好掛住去食, 因為麵條 (軟), 係我GE最愛, 每次都會加一個麵底辣度要食五倍了, 而家要3倍都無感覺, 係唔係因為無以前GUM辣?點都好, 都會長期支持

個人不算大熱愛吃拉面，可能之前所謂的名店熱店都食到我反曬胃的關係，所以今天才來試此名店。由於第一次品嚐，故全選基本的配料及調味，相比其他日本面店（二瘋堂，西九龍內隱世面店），湯底冇咁鹹同油，面底軟硬都算適中，叉燒及其他配料都算配合，$89算物有所值。好吃但又不是要一吃再吃的地步，食過試過新鮮過虛榮過happy過就算了。

遲來的朝聖，其實之前嚟過幾次，但見到條隊真係排唔落，今次終於唔洗排隊可以食到啦😢一入到去就係自修室的裝修，想同人傾計都難 有辣既一蘭拉麵，相比唔辣既好食，亦都無甘膩湯係超正，超濃，味道都算係香港好好食既拉麵 全碗麵最好食係糖心蛋，10000000個推介