天然豚骨拉麵專門店一蘭

营业中

休息中

點左一碗小辣既拉面+半熟蛋,多油+多蔥,湯好幾香,不過食得出有味精,拉面煮既時間岩岩好,有質感彈牙唔會林!半熟蛋唔特別,可以唔加!計埋成百蚊一碗好貴!質素好過味精拉麵,但又唔值得俾不幾蚊甘,如果呂駛等位先會考慮食

自第一間一蘭開左之後, 一直都好想搵機會食一次。但奈何等候人數多,而且好少過港島, 一直都無願一試。咁岩今日約左朋友去書展, 佢又未食過, 就決定係熱潮過後一於試一試!職員安排我地係入面排隊, 目測當時有20-30人, 一路等一路填食乜, 好快只係等左20分鐘說已經坐低等食!由於第一次食, 所以濃度同油膩度都跟左佢SUGGEST既普通, 要左1/2香蒜同祕製醬汁, 而面就簡左我鐘意既硬, 另外就加左隻半熟蛋。落左ORDER之後好快就黎到, 因為太鐘意食半熟蛋, 一黎到見到隻蛋就忍唔住食左先,入面流心既,正!然後飲左一啖湯試一試, 豬骨味幾濃幾香, 同埋d面一齊食, 面質硬度亦岩岩好, 而sliced pork就肥瘦適中好快就食晒成個面, 其實個量對我黎講岩岩好(男仔食一定唔夠), 想飲埋d湯飽d, 但個湯就咁飲略咸, 真係飲唔到落底..overall黎講算唔錯, 但埋單$103, 個拉面要$89, 覺得有少少over-priced。

女人有時會突然想食某樣野今日想突然食拉麵就衝去一蘭熱潮已過所以等左一陣就有位自閉位當然唔舒服但由佢啦都係為左碗拉麵落左單等成二十分鐘先有麵食差少少等到訓左😂拉麵質素依然不錯(對比香港其他拉麵店)湯底濃稠!香味十足!正!麵條彈牙！但係义燒十分失色乾到完全無肉汁味道太清淡……總括黎講尚算不錯，但質素比開業下降了睇㴝想一蘭拉麵熱潮keep住管理層係時候要想下方法

聽講自從銅鑼灣開多間舖和熱潮過後，排隊的時間比之前縮短了許多，甚至有人話唔使排隊添。星期日差不多1點見有少少人龍，等了大概20分鐘入座﹝10分鐘在室外，10分鐘在室內﹞，等位期間已派紙點拉麵，可以配合個人口味分別選擇麵條的軟硬度、香油、辣醬及青蔥等等配搭，安排算有秩序不混亂。一入座放下order紙3分鐘左右拉麵已到，熱騰騰既湯底，合格！麵條我點了普通，個人口味而言，軟硬度適中，對辨。但係塊义燒就強差人意了，太薄唔似义燒還有些少豬膻味，差！食完後友人叫我一定要去看看個洗手間話好靚和個座廁好先進，看完後總結：食物和洗手間都係「不外如事」！

約左朋友去一蘭, 排隊就預左, 仲要齊人先可以入去. 有D麻煩咁去到梗系叫個叉燒拉面. 湯底無想像的咁正, 面就還幾好, 叉燒鞋鞋地. 價錢又貴.都系食個名氣, 滿足左自己的虛榮感, 可以同人講有食過一蘭咁囉, 無咩等別, 無必去食.

一間鋪頭勤力開得夜總有幾分優勢既，又岩哂我地呢啲成日OT既打工仔。十一點幾係銅鑼灣，就來碗拉麵啦(如果一蘭做埋烏冬就好喇><)！坐入自修室就叫左豬骨濃湯多蔥，正常硬度既麵，叉燒走唔甩！一黎到見到好大碗湯好開心，咁樣啲麵先無咁易變成一餅。聞落去好香豬骨味，先呷一口濃湯，濃而不咸，非常鮮甜。細麵彈牙，煮得岩岩好，小姐又唔鍾意太淋既麵質，食得索索聲一樂也！叉燒油脂平均，雖然薄薄，但起碼唔會好似有啲拉麵舖好厚好難咬，油脂即溶係口入面，好香好正。加埋日啤asaki ，圓滿！

I've heard lots of people talking about this store so I decided to go and try their ramen. When I arrived at the Causeway Bay store, I was not allowed to wait inside because my whole party wasn't here yet. It was so hot that day but the server still wouldn't let me enter the indoor waiting area at the store even though there's no line. Mechanics of the store:You will be seated at a 1-person booth with dividers on your left end right. Then you will get an order sheet to pick the richness of the s

開左都一段時間, 一直都想試, 不過一直都好怕排隊, 今次係咁岩係附近見5點幾應該未有人排既, 就帶左個連拉麵都未食過的外國朋友黎一嘗呢個 “自私食”既特別地方。點解叫佢 “自私食”? 因為你一個人一格都幾難同朋友傾到計。不過係日本都係咁既, 食拉麵佢地好似倒水咁一陣間就鯨吞哂放抵500yen, 講咩傾計…佢地食完又即閃。上次豚王既失望我都有成年冇食過拉麵, 入到去, 真係唔太多人, 見到佢塊板有好多吉位, 不過諗, 應該點既時候有工作人員帶我地搵位坐, 如果唔係都真係唔知點坐~ 呵呵!感覺空間足夠, 衫可以掛係後面。側邊坐既都係日本人~再黎就要填紙喇~ 朋友問我…究竟係點填…我… 我… 就拎左檯面 “for first timers”, 比佢睇, 好在有中同英~ 唔駛我由頭翻譯。我就簡左: 濃湯 + 濃油膩 + 1份香蒜 + 青蔥 + 有叉燒 + ½ 秘製醬汁+ 硬麵。再追加左隻玉子Why? 因為拉麵既湯底好決定一切, 而香蒜個一種既 “野”味加多d層次, 不過…蔥啦wo, 我其實想走架, 不過…又想佢鮮d, ½ 秘製醬汁係因為有人講過好辣, 唔想佢我碗拉麵變左辣米線。 再者我食野太

又來到我男朋友最愛的一蘭，記得很久之前在日本吃過之後，每次再去日本都一定會再光顧，現在香港都有一蘭實在方便太多了!湯底濃稠醇厚，每一口都能嘗到豬骨香味，而麵條入口彈牙，有蛋香，與湯底很配合，跟跟日本一樣水準，怪不得令不少人都趨之若鶩。但一碗份量有點小，所以我每次都會加多一個麵底!!

撇除他們有名的"考試式"/"自閉式"座位分配"噱頭"不說，這餐廳還是超正！當然環境還是比較適合自己一個前往品嚐😂 服務員都會對著客人說日文～會不會聽其實也沒所謂～因為個人覺得只是一個氣氛，其外大部分都是self service～！自助無限量過濾水～真的要人手幫可按鈴～!要說到拉麵😍😍真的很好吃！！我試過很多間"出名"的拉麵店～～但感覺都不夠"地道",都好像差點什麼。。。可能有D真係fusion/trendy過頭？一蘭的湯底真的讓人想吃完再吃～!"叉燒"的肉質可能沒有太「精彩」，但湯底和麵都非常正！是我目前在港的top3選擇！I kept looking for a good ramen place in hk... And omg~~ this is one of my favorite! Originate from Japan(of course)~ Now 2 locations in HK, but I believe the 1st one has better quality control? The "single booth" is a little gimmicky~

見識少的我未試過日本的一蘭拉麵, 香港店開了很耐之後才第一次到入到去先知原來只係得一碗麵order, 別無他選, 如果想食海鮮麵, 餃子, 烏冬就無謂去了, 因為你會好失望一碗麵約一百蚊, 視乎你加唔加溫泉雞蛋, 紫菜之類, 可能我揀少油, 淡味, 所以一食之下味道比較單調, 我都唔敢話佢湯底唔好, 麵條有點彈性, 只係唔覺很突出, 所以令之我覺得只會食一次, 叫做人生多個見識就算如要排隊就更加唔好預我, 謝謝

銅鑼灣行街， 一直都知道一欄好出名嫁架， 不過聽聞以前要排一個鐘， 而我今日去， 只雖要等10分鐘， 就得。 可能太熱啦， 都有可能係有分店開既關係 大大減少左輪後時間。一入到去感覺都幾日式， 同已知既1樣啦， 就係分開左右各1排， 一格格， 除左落單，就係對住張草蓆 如果一個人去食， 簡單係麻甩佬天堂， 可以絕有對自閉空間感。同友人去，竊竊私語都可以既。我就叫左一碗普通硬度，2倍醬汁既豚肉拉麵， 加蛋。一黎到個賣相唔錯， 先試下個湯底， 好奇別， 好creamy, 同其他店既有好明顯既分別， 正！！個麵底就條條分明， 咬感， 浸耐左都唔會太冧，又唔會捲埋一注， 仲吸左好多湯底，good不過要加底先夠食！ 雖然好多人都彈個叉燒太薄其實呆個厚度吸到比例上較多既汁， 幾好， 只係得2塊， 唔夠食。

剛從日本大阪回來，食過那裡的一蘭覺得好好味。於是回港不足一星期，再去銅鑼灣一蘭再續未了緣。因為平日上午關係，不需要等候就能入座。入面裝修同日本大致一樣，自修室格局。我諗其他人都知道所以不作詳細描寫。講重點，碗麵！拉麵我個人覺得湯底最重要。所有選擇我都選了普通。我第一時間飲佢啖湯。因為喺日本食完不足一星期，所以美道還記憶猶新。湯底好明顯同日本的不同，偏鹹同無日本的咁香豬骨味，湯底還比日本的更油膩。秘製醬汁感覺有少少辣。麵質我選硬身，和日本沒太大分別。溫泉蛋依然流心，味道還算可以。叉燒依然是一大塊薄片（其實我覺得一蘭塊叉燒好普通）。在日本，我會把湯喝完。但香港的太油膩了，我還是放棄。一碗麵＄89，蛋＄12，無加一。如果可以的話，還是留待下次去日本再食。加多一張日本大阪一蘭嘅相.... 湯底啲顏色都有分別。

識食一蘭，一定係下晝3,4點既非繁忙時間先黎食！3,4點去到，只有唔多過10個人係店入面排隊，等左大約5分鐘，就入得去了。湯一定要揀濃味，咁先食到豬骨湯既精華。油膩度當然揀無，面既硬度我就揀左硬，因為我覺得咁先有口感。食拉麵前一定要飲一啖湯，湯底香甜濃厚，係我食過咁多拉麵之中最好既一個湯底。叉燒方面，吸盡豬骨湯既精華，每咬一啖都有湯汁滲出黎，而且肥瘦適中，兩塊都切得好薄，令人有一種唔膩既感覺。食完碗咁濃既拉麵，唔多唔少都會口乾，呢個時候應該飲番杯冰涼既清水。無需叫人，因為木台既隔離有得自己斟，真係方便。凍水飲落透心涼，正好為浸淫係豬骨湯既我地降一降餘溫。

識食一蘭，一定係下晝3,4點既非繁忙時間先黎食！3,4點去到，只有唔多過10個人係店入面排隊，等左大約5分鐘，就入得去了。湯一定要揀濃味，咁先食到豬骨湯既精華。油膩度當然揀無，面既硬度我就揀左硬，因為我覺得咁先有口感。食拉麵前一定要飲一啖湯，湯底香甜濃厚，係我食過咁多拉麵之中最好既一個湯底。叉燒方面，吸盡豬骨湯既精華，每咬一啖都有湯汁滲出黎，而且肥瘦適中，兩塊都切得好薄，令人有一種唔膩既感覺。食完碗咁濃既拉麵，唔多唔少都會口乾，呢個時候應該飲番杯冰涼既清水。無需叫人，因為木台既隔離有得自己斟，真係方便。凍水飲落透心涼，正好為浸淫係豬骨湯既我地降一降餘溫。