天然豚骨拉麵專門店一蘭

营业中

休息中

傳說中既一蘭，博多豚骨拉麵，點了濃湯，湯底真係好濃，濃到有Ｄ咸，不過我都飲囇，之後好口渴，所以係咁飲水！拉麵好彈牙，我揀左適中，唔會太硬，另外加隻半熟鹽煮蛋，好味！

一蘭拉麵可以自由配搭自己既喜好，湯的濃度，油膩度，香蒜，蔥，叉燒，秘製醬汁，麵的硬度都可以自由選擇，無論幾奄尖都可以配合到要求。湯底香濃加上蔥蒜十分野味，又燒諗滑，麵彈牙，我要5倍辣先至正！

一蘭拉麵, 其實好多人都聽過/食過啦！我係拉麵愛好者，覺得一蘭既湯底同其他品牌唔同，冇咁油膩 湯底香濃！好重既豬骨湯味！每次都會唔經唔覺咁飲哂面質黎講，我不嬲係軟面怪，我覺得軟好好味！易入口！但又唔會軟到碎哂呢到既肉比一風x既好食得多！入口溶化唯一係比日本食貴好多！如果呢到有福岡既加醋版就好啦不過始終又貴又要排長龍....真係會減壽想黎食既意欲

一蘭拉麵岩岩空降香港既時候唔等返兩三粒鐘都唔洗旨意食到，而家熱潮減退人龍不再，基本上唔洗等好耐都有位。拉麵係得一種，不過就可以俾你自己選擇湯底既濃淡、麵質既軟硬度、辣定唔辣咁，等客人可以揀自己最鍾意既口味，idea唔錯!每次我都係揀淡味湯底 + 硬身麵，因為我真係覺得個湯底會越食越鹹，同埋D麵浸耐左就會淋身，所以呢個選擇係正確既!未食麵之前先飲一啖湯，豬骨味道果然唔可以睇少，湯底十分濃稠，加埋少少辣味更添刺激! 而且麵質爽口彈牙，好有口感，食到尾D麵都唔會變得過淋，岩岩好!!

一蘭，正常食飯時間都要排長龍，食過幾次都係要等四個字至半個鐘；不過為咗好味嘅拉麵，冇所謂啦。排隊等到差唔多入得嘅時候負責帶位嘅哥哥就會比張紙你揀你碗拉麵嘅preferences，咁入到去一坐低就可以即圈然後交紙落單，慳返少少時間我雖然係鐘意食辣但辣度只係揀咗兩倍，廢事影響到湯底嘅味道啦。而油膩度呢，以前食開普通，但今次屎忽痕圈咗濃厚... 當然好好味但見唔見到層油呀... 食完充滿罪惡感。另外加咗隻半熟蛋，我個人好怕啲半熟蛋嘅蛋白好生好runny，而一蘭嘅就煮得啱啱好，好啱我口味。最後，如果佢啲叉燒可以厚少少或者多兩塊就好喇...

一蘭我只去過一次，閒日唔使排隊，今次因為我家幾位公主想試，星期六嘅日子，我3點去到，門口已排了20幾人！排咗半個鐘，終於到我哋！不過因為無5個人連位，店員問清楚我哋唔介意分開坐，就安排我哋坐同一行嘅分開坐位（4個一齊坐，一個坐好近嘅單人位！）坐低填好點餐紙，今次揀普通辣！加隻溏心蛋！等咗一陣，食物相繼送上！店員關上面前嘅竹簾！就可以享受食物！一蘭拉麵：幼麵好滑，索湯能力高，湯底好濃厚，加了辣粉，味道微辣，配埋湯底更豐富，加上青蔥新鮮，叉燒薄，唔係好肥，反而我喜歡呢種肉質多過平時日式嘅肉卷切片！整體好味！溏心蛋：冰凍、好滑溜，好小心切開，見到橙黃色嘅嘅大蛋黃，蛋黃杰身，好淋好濃蛋味，蛋白彈牙！好味！店員有禮，上菜及收碟好爽，要用嘅物品都在手邊！好方便！味道雖然唔錯，不過如果要排隊食嘅就唔使喇！

第一次在大阪嘗試過一蘭拉麵後，發現新世界似的，後來知道香港也有，一直都想找個機會試試，今天就是那天了！！為什麼我要來銅鑼灣此分店？因為一來好評最高，而且最重要的是，跟大阪般的設計及味道。我在中午約2:30左右到達，地方滿易找的，但已經要排隊等位了，應該排了10-15分鐘左右，我好慶幸早了一點來，不然排的隊會更長進到內部了！跟大阪的設計果然一樣，一人一格自閉位，適合我呢d一個人黎既人！職員在帶你進位前，給一張拉麵的選擇紙，於坐位坐下後，用上桌子上的筆，選擇你所要的味道及份量等，填好後，可按桌上的鐘，職員便會過來收取及下單。我的普通拉麵來啦~~~~之前在大阪試的拉麵，均圈普通味道，所以今次同樣也是，看看有沒有什麼分別。但上次加了蛋、黑木耳，但是這次我只加了黑木耳，因為感覺蛋不是很好吃。湯底好濃郁，即使是圈了普通，麵的份量剛剛好，軟硬度適中，黑木耳夠爽脆，把所有東西加上一起吃，美味極了！而且蔥吃下去也不會有太大味道，易入口。第一次試香港的一蘭，感覺跟大阪沒什麼分別，但還是感覺大阪的比較好吃，可能是初次感受到拉麵新世界的一天吧！這是香港一蘭的洗手間，我很喜歡洗手盤的這個設計，中間是洗手，左右兩

是晚夜食，走去食一蘭。選擇不多，其實我更喜歡專門一點的店，專心只做幾樣有品質的食物更合我心意。豬骨湯底很濃，好味。麵條沒怎樣，合格那種，义燒也沒怎樣，合格那種。湯底比豚王的好味，豚王太傑了點。义燒（肩）我比較喜歡豚王的。但麵條還是周月的最好，真正每日即做的差別吧？！

係銅鑼灣 飲完酒想食消夜就同朋友去左一蘭食拉麵！去到唔流排隊個麵我加左隻流心蛋，好好食我自己鍾意食辣，再加左小辣！又唔會影響個湯低本身原味！正！始終都好似係日本食好食d!但香港店都好食既！鍾意食拉麵既朋友一定要去食下呀🤗🤗🤗🤗🤗

So having landed in Hong Kong and suffering from jet lag we were wide awake at 4am in the morning and in need of food. A quick search on Open Rice found this place near by. We have had Butao Ramen before and were excited to try another Tonkotsu noodle joint.Being so early there was no waiting. Were were straight in. The decor is amazing. if you have never been to an eatery like this it is strange at first to come as  pair and eat alone but it all adds to the experience. The menu comes in English

拉麵來說我最鐘意始終係一蘭～ 我食麵 formula 如下～濃度：最高 ；油度：中等 ；辛辣度：1/2 （右邊我不能吃辣，但是沒有又一定沒有這麼好吃，所以只好叫了1／2）麵身：中等硬度； 大蒜: 一顆追加兩顆；蔥 : Max青蔥～食評來說，香港的一蘭其實水準跟得上日本的一蘭拉麵，色香味俱全。餐廳的工作人員在上菜的時候會細心的把碗中一蘭兩個字朝向顧客，大家不妨可以留意一下～

一欄啱啱開張個時日日都要排隊，排親都最少兩三個鐘，傻左!!去食緊係非繁忙時間去啦! 之前完全無諗過食一蘭, 但由於唔知食d咩好，突然興起去食拉麵, 就上open rice搵下拉麵檔，本身唔係食一蘭架，係因為對家就閂門先再搵！唔洗排隊就有得食, 豚骨拉麵好食, 為了要食佢既本來味道, 所以各選項我都揀正常,等了5分鐘左右, 期待已久熱騰騰拉麵就有得食。相機食先, 好濃的豬骨味;  但份量較少, 食一個真係唔飽，本人覺得好油，呢個係扣分位，不過可能呢d先叫正宗，個人口味(唔鐘意)唔難食，不過唔會刻意去食。

一蘭，係之前的打卡熱點，排隊排幾個鐘隨時是等閒事。我就最怕排隊，所以好outdated咁，今時今日先去朝聖這個拉麵地。入去被帶到一人一格的自修室位，桌上方有拉麵的教學，一蘭指南。第一次幫襯都不用怕唔識下單。拉麵上桌，第一眼唔知點解的感覺是單薄，為何賣相是陽春麵的感覺。算了，先飲湯，濃而不膩的豬骨湯，無油淋淋的感覺黏住雙唇。繼而食麵，麵一入口，好大陣的梘水味啊，豬骨湯都遮蓋不到這陣味。一小片薄薄的叉燒，有等如無，所以想食叉燒的人請加肉。另加的木耳絲及溫泉蛋，木耳絲太少，不太值我加12蚊食佢，蛋又比我食過其他的拉麵店為熟，14蚊雖然唔算貴，但這個熟度的話我不會加錢食。食完成碗拉麵，不似我去其他拉麵店這麼飽足，甚至還有一點空虛的感覺，我都是覺得豚X比較吸引，連office附近的一X堂都豐富過這碗麵，究竟是我不懂吃，還是這兒被人神化左，我也不知道！

知道尖沙咀開了分店 而且地方大很多 又不用排隊 所以一直都想去尖沙咀一蘭店試一試 點了一碗 普通濃度 普通秘製醬汁 硬度超軟 1/2份香蒜 青蔥 叉燒再另加一份叉燒 因為原本$89 只有三小片叉燒 絕對不夠吃 等了二十分鐘左右 麵終於到了 可能是星期六關係 所以要等這麼久 湯底非常香濃 幾乎給我喝光了 不過就要一直飲水 味精太重 麵把湯完全吸收 太好味了

之前去過日本食一蘭拉麵，覺得好好味，令我愛上食拉麵！今天想搵番一蘭拉麵既味道，就去左銅鑼灣食唔。我比較鐘意食硬麵，所以就揀左比超硬低一級既硬麵食！先講湯底，豚骨味濃，但唔會有臭味，微辣同蒜味可以提升豬骨湯既濃度，更加可口。麵質非常有彈性同口感，配合埋青葱直情係天衣無縫！叉燒夠薄，肥瘦均勻，燒過既叉燒，味道濃厚，咸味剛好，一級棒！總括黎講同日本食既接近99%一樣。