天然豚骨拉麵專門店一蘭

营业中

休息中

聽說一蘭起初抵埗香港時，每天不分晝夜也有長長的人龍去排隊朝聖，我作為少數不喜歡排隊的香港人，今晚終於在零晨二時許有機會夜探一蘭…向下走過長長的樓梯，推門而進，地庫面積很大，但每張桌椅的呎吋卻窄得可憐…大概她正告訴你，這是享受美食，而不是促膝夜談的地方。拉麵可算是日本的招牌菜之一， 坊間的拉麵五花百門，從湯底、麵條、上面的澆頭，以至配料皆各有不同。一蘭的焦點，當然是左右拉麵味道的靈魂，出色的熬湯，一碗特別講究的湯底。拉麵我點濃味的，半辣配硬麵，追加了黑木耳，半熟鹽煮蛋，再外加了一客釜醬汁豚肉燒。是晚人客不算多，只有半滿，拉麵仍要等二十分鐘左右才上桌。我馬上先嘗一口拉麵的靈魂，豬骨湯的顏色呈金黃色，濃得看不見底，湯面那層浮油配上香蔥，香味四溢！豬骨的鮮味完全融入湯中，非常濃香。有很多女士都害怕豬骨湯底肥膩，其實那層油是豬骨的膠質和油分，是豬骨和材料釋放出來的精華，能把香濃和鮮味提升出美味的層次。幾口下來，麵已吃了一大半，心想拉麵的份量會不會太少呀？怪不得旁邊的人都有追加麵底。麵條份量太少便不能吸收湯底，會越吃越咸呢～幸好麵條粗細硬度適中，是我喜歡的口感，爽滑彈牙，配上秘製的豬骨濃湯，口味香

同朋友一行五人,做完運動想快趣食D 野,系尖沙咀, 朋友提議食一蘭,今次已經係唔知第幾次食一蘭,不過都幾好, 夜晚唔洗等位, 佢最出色就係可以自己選擇面既材料份量每個人口味都就到, 而我就最鐘意就係普通油膩度普通香蒜普通面硬度, 乜都普通,加一份蒜、青葱白葱,加半熟蛋$14,佢湯底真係好好, 但係佢隻半熟蛋真係比較差, 蛋黃唔夠流心, 而叉燒微微偏硬, 又太薄, 不過佢湯底真係好好, 拉麵最緊要湯底同麵底 , 加返唔少分, 整體85分,而且又半夜都食到, 正!!!!!價錢方面: 拉麵$89+半熟蛋$14+加麵底$19+10%=$134其實唔太抵食, 不過,真係幾好食, 又半夜都食到 , 值得一食再食

有一個研究表明，一些發達國家的國人幸福程度，可能比貧窮之國更低。這並不是說甚麼心裡富足才是富足的大道理，而是事實上，幸福程度，是和expectation相關的，期望愈大，失望愈大，正可謂我踏足一蘭的寫照。要知道，我本身並不算是拉麵控，但對一蘭拉麵的大名，仍然是如雷貫耳，帶住朝聖既心情而來，排左好鬼死耐隊，終於進入店內，等食拉麵，見到真身的一剎，是有點感動的，感覺就像見到明星真人一樣，因為已經在無數次於ig，fb上各平台見到一蘭拉麵的模樣，如今真身眼前，真是令人一下子就想食哂佢。可惜，我飲湯的時候，已覺得湯底十分之咸，不好味，拉麵固然有勁道，掛湯甚佳，但我卻嘗不出有甚麼特別之處，至於叉燒，微微偏硬，肉味濃郁，但也沒有覺得特別好味，吃完一碗麵，只能說，聞名不如見面，見面不如聞名。

香港較出名嘅拉麵店，亦都係我比較喜歡嘅拉麵店。每次去親都係選擇傳統一格嘢食未到之前，木簾係仲未放低嘅。Order紙選擇你鍾意你想點嘅嘢，都係基本選擇返湯底辣定辣，油份要幾多，要唔要蔥。另外有啲配料，加叉燒、木耳、蛋。麵送到後，木廉職員就會放下。拉麵本身包兩塊叉燒，蔥叫咗一份，唔需要額外加錢。麵質爽口彈下，湯底味道濃，油份重。濃郁嘅湯底，加上但怕嘅拉麵，真係非常吸引。

其實都係唔係第一次食一蘭，上次係老銅，見尖沙咀開左舖，就近近地黎試試。大招牌一個濃味、濃厚普通辣湯底、加香蒜、青蔥、义燒配硬身麵條就是我既選擇。上次食係超濃厚油膩度覺得太過油，今次特登低一級，感覺原來又覺得剛剛好，既有油香又不過份膩，的而且確係一個唔錯既選擇，不過其實我有個願望，睇下遲啲佢地會唔會除左义燒，重可以有豬腩肉可以楝。义燒雖然都好食，但久唔久轉下豬腩肉有啲新鮮感會比較好。

在尖沙咀行完K11，諗緊食咩既時間，記得見過"一蘭"…呢間店以前亦聽過，一於試下啦！首先，要排隊。因為要排隊，所以更加有期望，因為只有好食既地方先會有人排隊……等咗半小時，終於可入座。基本消費: $89可選擇的: 湯的濃度，油膩度，麵的軟硬，辣度，要青/走青，要叉燒/走叉燒……一般拉麵有的:蛋，要加錢紫菜，要加錢如果真係勁好食的話，就無計啦！坦白講，唔難食，但唔值……呢個價食拉麵，一定有更好的選擇!!

尖沙咀分店係地庫，要行一條長榴梯。唔使排隊就入到去位麵的湯底非常濃郁，十分惹味，叉燒偏薄，而且得幾片，所以要另外再加叉燒，味道還可以。夠淋。麵質選擇偏了正常，因喜愛麵質地偏硬，湯底味精偏重了一些，吃完之後有點口渴，但湯底真的好惹味。

我今日想食麺黎到一蘭，里面宽敞舒適，店内裝飾都幾特色，拉麵可以揀面硬度，湯濃郁度，油的輕重度，辣与唔辣都可以揀，我要左濃湯，麺好快黎到，飲一啖湯汁豚骨味道好香濃，麺的軟硬啱啱適中，麵与湯汁的味道结合恰到好處，半熟盐水蛋淡淡咸味，蛋白很嫩滑，糖心蛋黄很濃稠香濃非常正！！

只有一款拉麵可選擇$89,碗拉麵其實無嘜特別又少啲麵又唔彈牙..D豚肉又碎又少又爛爛地!連D湯...都係求其搵一間拉麵都好味過佢.....我寧願食出前一丁好過....仲要加一我同我朋友食完十個爆嬲

尖沙咀店有分普通餐廳卡位及自修室座位，一下樓服務員會詢問你的選擇，比銅鑼灣店更有彈性，也更適合朋友聚頭。餐廳有wifi提供，也有冷開水讓顧客自助添加，加添親和感。這裡有名豚骨拉麵，基本上來客都是點這個。劃一$89一碗，顧客可隨自己口味選擇麵質硬度粗幼、湯底濃淡、油膩度、蒜和唐辛子辣醬份量、白或青蔥、以及要不要叉燒。我選擇了硬而幼的麵質、濃味無油湯底、要青蔥要叉燒、一整份蒜和1/2唐辛子秘醬，還有追加了半熟鹽煮蛋。先來半熟鹽煮蛋。麵和蛋分開上是好習慣，一來熱湯不會繼續煮熟蛋，令其失去溏心；二來避免切開一半的蛋被過多的湯浸泡過了，以至溏心蛋黃與豚骨湯混糊；三來客人可自行選擇放湯與否，自主性更高。咬開溏心蛋 (對不起咬得不夠美觀)，其實不大溏心，是剛凝固的質感，濕潤的軟心但沒有任何流動感，於我來說稍嫌熟了一點。我喜歡煮六分鐘的溏心蛋，多了一分鐘的話就算立馬放進冰水冷卻也是會過熟。鹽煮蛋雖有應有的鹹味，但比醬油醃的少了一份鮮味，也少了一份外在的色水。因用鹽醃，蛋白的質感就像是鹹蛋般較實，不算討好。勝在蛋黃比例較大，橙黃夠吸睛，蛋味濃郁。再來主角了，在麵上加了唐辛子秘醬，再放了鹽煮蛋在面，整個畫

之前係銅鑼灣食過,大阪都有食過,但其實我就覺得麻麻地,唔明點解要排隊,揀左濃味,最油,大辣,湯底係豬骨味,不過我覺得都唔算好濃味,同埋食完之後,好口乾,流心蛋都唔算係有野流出黎果D,係凝固既半流心,都OK,如果鍾意食叉燒,最好另外再加,如果唔係會覺得唔夠喉,因為叉燒都幾薄下,麵揀左硬,所以唔會"淋"PATPAT,幾爽口,

自修室嘅格局，所以自己一個人黎毒食都吾尷尬😎湯嘅濃度，麵嘅粗幼度同油膩度都有得選擇！湯底有濃郁嘅豚骨味~麵條好幼，煙煙軔軔咁，都幾入味😋加上兩塊豚肉片，切得好薄，肥瘦度適中~所以吾會好硬，小小爽口咁👍🏻 不過份量黎講就實在太少，食完都覺得唔太實在😹不過勝在有得任針凍水飲😅下次再黎嘅話會試吓1/2辣同加麵底😁

出名排隊排幾粒鐘既一蘭拉麵24小時營業見開業咁耐仲咁多人肯排咁耐隊應該keep到好好食啦!點知今次相當失望。得一款拉麵,湯的濃度,油膩度,香蒜,醬汁,麵的硬度揀左普通所以味道都十分普通!拉麵好似759果款九州拉麵一樣,無彈性,普通幼麵,湯底少少豬骨味!加左勁多秘製汁先好少少！好彩個流心蛋都ok！蛋白滑滑咸咸地，蛋黃屬流心狀態亦有蛋黃香，完全唔明點解要排長龍,唔通我呢個組合唔岩?好彩唔使排隊

平日去一蘭拉麵店，可以大大節省長長人龍的等候時間。今次只用了15分鐘便入座了，店內環境很有日本的風味，可是座位卻是擠迫了一點。 湯的濃度:淡味湯的濃郁度:清淡香蔥:要叉燒:要醬汁:要麵的硬度:軟麵的湯底非常濃郁，即使點了淡味，仍然十分惹味，而且湯底的濃度也不錯，有點糊狀的感覺。叉燒略嫌偏薄了一些，味道也是不過不失的，有濃濃的燒肉味。麵質選擇偏軟會好吃一點，太硬的話很難入口和消化的。改善的地方的地方，湯底味精偏重了一些，吃完之後有點口渴。

突然想食拉麵，前晚去灣仔食拉麵……差！結果第二晚去尋找真正的日本味道，係我同老公每次到訪日本必要到的拉麵店。尖沙咀新分店做到日本那份味道的回憶，濃郁豬骨奶湯底，簡直不二家，豚肉稍為薄了點，但麵仍然一流，連湯一起全清。