天然豚骨拉麵專門店一蘭

营业中

休息中

一蘭以前成日聽，但食真係第一次食🤣完全成個大鄉里咁，係咁問同行友人要點揀😂我幾鍾意可以自己選擇口味，因為我好重口味，所以揀曬超級濃，食落真係幾開心，未試過可以任由自己設定☺️湯底我覺得幾正麵質果d我就覺得一般價錢稍微有d貴，一碗麵就得兩塊肉，無其他配料，平時食拉麵都會有半粒蛋，筍，木耳果d，但哩個就只有蔥🤔不過下次經過都會去食，因為我鍾意佢夠重口味🤪

記得一蘭初黎到香港風頭一時，好多人排隊，搞到我都無諗過話要係香港試食。今次我地去到尖沙咀K11睇戲，突然行過訊號山花園見到有一間一蘭，仲要唔洗排隊，唔好講咁多，我嘅拉麵之心忍唔住喇！入到去落樓梯就係收銀處，左出右入，入去之後店員就會問你要坐個人位定屋台，個人位就要等，肚仔餓直接入去食屋台。行過個人位同見到座位表真係同日本嘅一模一樣！去到屋台區坐低，環境好寬敞，坐位上有個籃可以俾你放低個袋，好貼心！餐台上有點餐紙俾你點餐，呢到叫我屋台我以為有多d野叫，原來都係只得拉麵，甜品同野飲，老實講價錢都稍貴。不過唔緊要，今日嘅主角係拉麵！我地每人叫左一碗天然豚骨拉麵(HKD 95)等左一陣就上左菜，無論係個碗同餐具，呢一刻真係有去左日本嘅feel！另外驚唔夠食都加左個一蘭精選套餐(HKD 65)。食落去湯底濃得黎唔咸，好香；豚肉好軟易入口，仲有中間令人懷念嘅辣醬，同日本食嘅味道一樣，正！

無得去日本，就係要食一蘭去下DONKI😚。一見到大大個牌，就知道到左啦🤤行埋條長樓梯落去就到了。入面好似行迷宮咁，行啊行啊終於到。因為我地唔想等位，所以揀左坐正常位，唔係一人一格咁坐。我哋嗌左兩碗一蘭拉麵、一蘭精選套餐、一碗珍珠米飯。一蘭拉麵 $95都冇咩好點評㗎啦，相信一蘭拉麵嘅味道係點，大家都心裏有數。 唔知點解感覺上無係日本咁好食😂，可能因為隔黎飯香( ´▽` )ﾉ 食落個感覺同普通一碗港產拉麵無咩分別🤧。如果唔係想一解思鄉病，我諗都唔會無啦啦走入一蘭到食一碗拉麵，尤其是佢嘅味道冇咩特別。一蘭精選套餐 $65因為淨係食拉麵，唔係好夠飽。套餐就係包四塊豚肉、紫菜、黑木耳、溫泉蛋，所以其實嗌套餐都幾抵。另外，套餐裏面跟埋嘅豚肉係比正常跟麵上既豚骨厚，感覺好食啲😏！隻溫泉蛋同係日本食既一樣咁好，可能係我遲下仲會係香港食一蘭既最大原因😚。珍珠米飯 $25同行男人痴線，佢叫左碗飯，佢話做湯飯好好食😂。佢嘅意思係啲珍珠米吸收晒啲一蘭湯好好味，但呢個食法我真係第一次見。我試過就覺得有啲奇怪啦，同埋我偏向食開淡味，所以當啲飯吸收左湯之後，變得比較鹹，唔太岩我，不過同行嘅痴線佬就話好好食🤨🤨！一蘭

一蘭已經食左好多次，不論日本定香港，都保持一貫穩定既水準同質素。日本會好食少少如果真係要比。最中意係佢「味集中」個位，每次不論自己一個人食或者同老公食都唔洗怕欖介俾人望。一個人食我必定叫埋生啤、另外加蛋同要多半份至一份替玉 個湯夠熱又唔洗等，叫完好快就上。替玉都唔會變左一舊，熱熱地個底會有啲調味油。麵係幼身既麵，每次我一定叫特硬、特濃味加3辣度。岩岩好，不過如果食開清淡既會覺得咁既選擇稍為有啲咸同多油。

好耐無食過, 裝左修之後原來佢多左個位for屋台區(好似路邊攤咁)😻客人可以揀坐普通bar枱/屋台, 可以唔洗再隔住塊板同fd傾計🤣ㅤㅤㅤㅤㅤㅤㅤㅤㅤ拉麵 $95 保持一貫水準都係咁好食🤤但係...份量真係少左d, 要加麵底先夠飽🙊不過我地諗住留肚食甜品所以都ok既🤣我地仲加左$16食半熟鹽味蛋, 不過我同fd都覺得隻蛋無乜蛋味🙊唔知係佢凍得滯定因為d麵濃味得滯🤣

逢親想食拉麵嘅時候 就會黎一蘭好多人話日本好食啲 但係其實我覺得差唔多可能去旅行個心態唔同就會覺得好食啲今次嚟到話推出左手機app 只要註冊會員落單嘅時候比部電話佢睇 就會送半份豚肉燒平時都只會食叉燒或者半熟蛋 可以順便試吓而且做會員可以儲分 換其他小食配菜嗰啲儲分都幾搞笑 係咪單之後喺旁邊牆壁數二維碼應該係無論食幾多都好 每張單10分叫咗5辣 同埋加溫泉蛋😛 濃湯 硬麵 唔知有冇人覺得黎食 會有種去咗旅行嘅感覺🤣可能因為店員講日文 加上裝修嗰同日本店一樣食起上嚟心情都好啲 送既豚肉燒 冇咩特別感覺覺得一般般 可有可無 如果真係唔夠食嘅 會加返叉燒

疫情時好時壞，限聚4人又限聚變8人，朋友總要見嘅，星期日嘅中午相約好朋友一齊去尖沙咀行街食飯。一蘭係我地嘅最最最掛住日本時嘅必食餐廳之一！簡直一食解千愁！11點45左右到唔駛等位。要早過12點先唔駛排長龍，早D去食都要啦！  最近店內推出左一蘭app! 只需填好個人資料，在店內scan QR code就即時有積分可以換小食，小食有三種包括紫菜，黑木耳同蒜泥 ，每次仲可以去食仲可以儲積分換食物都唔錯！不過一個app 計一個積分，如果一家人去要每人都download先有得送小食同儲分啦！講返碗拉麵，我偏好🍜🌶🌶🌶辣辣辣同軟身拉麵，今次去感覺叉燒同拉麵份量多過以前小小，一蘭嘅豚骨湯香濃唔會太油膩，配紅紅嘅自家製辣粉，加埋薄而唔肥膩嘅叉燒真係一絕！讚！

近排睇返d日本節目諗返起以前去日本但係依家又冇得去旅行唯有食住麵止癢先香港嘅一蘭同日本一樣食野都係咁孤獨去旅行嘅回憶返曬黎不過又真係可以大大減低食飯時嘅風險呢樣野佢真係元祖一蘭拉麵叫左中辣覺得咸左少少紙咁薄嘅叉燒同日本一樣麵揀左硬身個人好怕d麵淋食到最尾d麵發脹曬麵底份量唔算多食完係唔餓嘅感覺其實有時食野食到飽已經係食得太多食得太多反而係浪費節儉都係美德唔夠食嘅朋友可以做佢地會員新會員有多半份麵送除左bar枱仲有一般四方枱bar枱反而唔洗等位同埋bar枱先有日本本舖嘅feel

自疫情以來，已經有八個月沒有去日本了。相信赴日還需要一點時間，現在就去平日遊日必吃的一蘭拉麵。平曰一蘭的孤獨位，現在更顯安全。座位一個一個的分間，可以獨個兒專注地品嚐拉麵，其實也不錯。餐牌沒什麼選擇，就是一蘭拉麵，可按自己喜好選擇湯的濃淡和麵的硬度，當然可以另加配料和飲品。天然豚骨湯拉麵$95初嚐這拉麵的時候，真的有驚為天人的感覺。現在一嚐再試試看。先呷一口湯，湯選擇了超濃，湯汁一如以往的鮮美，滿有豚骨風味，帶少少膠質，又帶微辛辣，沒有太稠厚，稍稍多了一層油，相對地比正常口味油膩。拉麵選了超硬。幼身的麵條掛湯力一流，口感滑溜，其實超硬也不是很硬，吃到尾麵身也不會太腍。配菜只有叉燒和蔥花。叉燒只是薄薄一片，肉質唔係好嫩，有少少乾身，始終拉麵才是靈魂。另外加了半熟鹽味旦$16其實這半熟鹽味旦比較像烚旦。雞旦本身無乜味，但旦黃溏心，加埋濃口湯汁，又幾滋味。重溫一蘭風味，令我想起遊日的樂趣。從前說假期不夠，現在即使有假也去不得。吃一吃拉麵，望梅止渴吧。

香港有好多拉麵店 有水準拉麵店就真係多哩間過江龍黎到香港一段時間仲保持到高水準就係” 天然豚骨拉麵專門店一蘭 ICHIRAN”好多人話日本一蘭好味過香港一蘭本來就覺得差唔多 一樣咁好味 可能係心情問題去旅行心情靚食咩都好咪D 係尖沙咀係地庫哩間 之前要排好耐疫情下都唔駛排隊 去到入得有位只有一款 招牌豚骨湯拉麵可以選擇湯辣度 濃度麵軟硬度可加錢要溫泉蛋 叉燒飲水係自助 有冷熱水選擇 湯辣度濃度 麵軟硬度 都揀左普通先試啖湯 濃郁豬骨湯 鹹到適中 唔會好油膩係幼身拉麵軟硬度岩岩好如果男士一個麵應該會唔夠 可以加麵底總結: 跟日本味道相約 正~

自疫情由年初以來都冇得飛去日本，真係好掛住日本啲拉麵啊😭冇得去當地食拉麵唯有喺香港食一蘭止住渴先啦。今日去咗尖沙咀嘅一蘭拉麵，夜晚7:30去，都有唔少人等緊，大概等咗20分鐘先有得入座。識食一定係揀濃味湯底+濃厚油，唔好以為咁樣食會好油，其實啲油係會令到成個面順滑咗好多，口感好好多，只要唔飲晒啲湯就得。講返拉麵味道，湯底有濃厚嘅豬骨味鹹度適中，叉燒有豬肉味夠林，再加上少少蔥已經好好食。呢間拉麵暫時係我喺香港最鍾意食嘅拉麵之一。

聽過好多人話香港既一蘭冇日本既一蘭咁好食 講真 我又覺得差唔多喎 係咪d人覺得隔離飯香咋？！豚骨湯底依舊濃郁美味 感覺有滿滿既骨膠原係裡面 差唔多飲晒d湯呀我 係略嫌有少少油膩 (經一事長一智 今次油膩度揀左普通 下次會揀“清淡”或者“無”）每次都要加埋隻半熟鹽味蛋就最perfect！另外好鍾意佢可以俾客人選擇麵既軟硬度 口味濃淡度 辣度 油膩度同配料等等 迎合到唔同人既喜好整體黎講不過不失啦 一個人去食其實都幾岩 唔洗同人搭檯唔洗同人眼神接觸 可以沉醉係自己果格自修室入面

今日大約3點多，我跟朋友兩個人一起到尖沙嘴一蘭品嚐久遺的拉麵，客人不多，不用排隊，但只開放屋台，兩個人各自加了一份蔥及一份蒜，怎料服務員把追加的兩份蔥都放到同一個碟， 兩份蒜也是放到同一個碟，服務員上菜時說了一句: 這裏就是兩分蔥及兩份蒜，然後就匆匆地走開了，我心想廚房的碟都不夠用嗎? 明明係兩張唔同嘅單， 事前亦冇詢問過我們是否願意把兩張單的食材混在一起，幸好兩張單的拉面 是分開兩個不同的碗上菜，我真的要感謝採購部有添置足夠的拉麵碗。才剛吃完不久，服務員就走過來，一邊說要幫忙收拾碗筷，一邊就已經動手收拾碗筷了，效率真高，由點餐到吃完拉麵花了不足20分鐘，其實打算飲埋水就走了，大慨係廚房真的很缺餐具，所以要盡快清洗吧，感覺就係用餐被騷擾了。在屋台進餐的感覺就好似去了大排檔一樣，在“味集中Counter"(即獨立進食間隔)重新裝修好之前，我絕對不會再光顧尖沙咀分店了，整個屋台體驗都非常港式。

Japanese noodles...often see the quene there. so we arrived there a bit earlier,like 11am?? in the front of the stairs it announced 15mins waiting, then we went inside,lol, another line, funny, still some people waiting inside,but we could not see it from outside. no seats for the elder and children, final 40mins waiting, we can't remember how it was the taste....not specifically good,not bad, just Japanese noodles....

記得多年前在日本博多本鋪品嚐過一蘭拉麵之後，便一直念念不忘。後來得悉香港也會開分店，那時候便很想可以在香港再食一次。可是記得此店開業之初，經常出現人龍，於是便打消念頭了。直至最近由於實施限聚令，以致很多市民都不會外出堂食，所以當晚便嘗試去幫襯下啦！是晚約7點左右去到店外，果然已不用排隊等位，直接便可以進入店內。店員安排我們坐下後，便示意我們可以自行出去斟水，店內有冷熱水供應。之後我們便點餐，款式只有一款，就是招牌豚骨湯拉麵。辣度、湯的濃淡度和麵的軟硬度可以剔紙仔，並且可以加錢追加其他配料，如半熟溫泉蛋、叉燒和青葱等。不一會，店員將兩碗熱辣辣的拉麵送到我們面前。嘩～好香呢！試下啖湯先，豬骨湯好香好濃，唔算太油。我地揀咗適中軟硬度的幼身麵，入口幾滑。當晚仲贈送幾片叉燒給我們，很開心呢！令人滿足嘅一餐！唯一美中不足的是，我唔記得飲曬啲湯，然後望下香港版個碗底係咪都有嗰幾隻字「この一滴が最高の喜びです」