天然豚骨拉麵專門店一蘭

营业中

休息中

自從香港愈黎愈多好食既拉麵店之後都冇點食過一蘭，但星期六係尖沙咀冇book位真係好難搵到一間餐廳😭行到就暈低既時候諗起隔離有間一蘭唔洗排隊🏃🏻‍♀️原來今年係一蘭係香港既8週年，所以搞緊會員送多半份拉麵😍加入會員只需要簡單down個app👍🏻☑️ 天然豚骨湯拉麵口味同麵既硬度都可以自己簡，湯底就得一款豬骨湯，我叫左濃味，所以豬骨既味係好濃郁🍜但配料方面就少得可憐🥺叉燒得兩片，塘心蛋亦要另外加錢🥚所以有其他選擇既時候應該唔會再黎🙈

第一次食一蘭喺日本食一食愛上之前喺香港已食過幾次一有機會就去食知道做緊優惠同行小朋友會送一碗拉麵所以今次帶埋小朋友去其實味道都唔使特別講我自己係好鍾意覺得好好味先去食送嗰碗小朋友麵都幾細碗應該係平時嘅一半平時一碗已好少所以其實除非係3歲以下小朋友否則應該都唔夠食😂咁啱又做緊8週年優惠送半份加麵咁都抵嘅不過佢本身個價錢貴大人一碗加一份加麵已經$125(連加一)但食完都係唔太飽今次仲叫咗啤酒$58老公見佢唔平以為係生啤點知原來又唔係😅埋單要$380以每人食一碗麵嘅晚餐嚟講都算貴不過小朋友話好好味係咁添，真係食窮😂今次落單轉咗入去前買票買完比侍應，加麵時又再比牌侍應因為今次坐4人枱感覺都幾麻煩如果坐返一人bar枱就應該問題不大

久違了的一蘭想當年食一蘭都係喺銅鑼灣食，排隊人非常多一面難求。尖沙咀開咗咁耐都未試過，今日同班fd玩夜左,就即刻去食下舊時嘅風味，回憶下今次照舊都係點左個叉燒拉麵，一個拉麵，成個靈魂就係會喺個湯度，湯味有濃厚嘅豬骨味道，食得出唔係味精底，唔會死咸重味，口感清新，拉麵底爽口彈牙，配埋湯食好好食，唯獨是個叉燒，我覺得失左個水準，淡味口感鬆散，比起我以前喺銅鑼灣食，好似差好遠。總結：香港依家想食一碗有質素嘅拉麵，其實比比皆是，有好多拉麵店嘅水準已經超越一蘭，咁嘅價錢嘅一碗拉麵，我覺得唔算特別突出，水準比我以前識嘅低左，仲有少少失望，可能佢實在太出名，有個期望光環喺度，食過今次，都未必會再幫襯佢，不過佢有個好處就係開得好夜，夜晚都可以食到碗暖暖嘅拉麵。

相信日本嘅一蘭好多人都試過， 但係香港嘅又真係未試過喎。疫情咁耐冇得去旅行，都要食下啲日本過江龍翻下鄉下。 究竟香港嘅一蘭同日本嘅有咩分別呢？是但啦我等我哋幫大家試試啦。今次試係尖沙咀嘅一覽，價錢方面香港嘅一蘭就真係唔係咁抵食啦。我哋八點鐘去到都要等15分鐘先入到。而家一蘭變咗用自助點餐機嗌嘢食， 我哋叫咗兩碗拉麵。首先講講湯底，係經典嘅豚骨湯，啲湯唔算太有味精，基本係成碗麵嘅精髓，我差唔多飲晒。麵質地我哋今次揀咗硬麵，食落幾彈牙，都算掛湯。如果大家鍾意飲湯嘅話可以選擇軟麵吸收晒啲湯汁。可惜麵嘅份量唔係好多，最後都加咗底。叉燒只得兩片，正正常常，未去到話好好食。總括而言，$95的確有啲貴，大家都係留返去日本先食啦！

來到文明不如見面的日本拉麵店，銅鑼灣分店次次都排長龍，今次就嚟尖沙咀碰吓運氣，6點半入場，冇人龍，即刻有位一如日本拉麵店的傳統，只有一款豚骨拉麵，再加自選配料，我揀左拉麵架精選配料組合，湯係普通濃度，今次終於可以嘗到了水準好高，豬骨湯濃郁，再叫埋呢款燉煮豚肉燒，配拉麵一流！款款都好味😋一定會再嚟！

一蘭拉麵係香港都開左好耐 但因為一直都係咁聽朋友同網上講唔好食所以無去試前排突然間勁想去食一蘭拉麵  就決定自己一個動身去左食今次叫左一個最標準既SET 另外加左隻蛋價錢好似totla 130蚊左加 連埋加一150埋單湯:典型豚骨湯 聞同飲落都好香豬骨味 飲落唔會太油膩令人唔舒服 濃厚之中帶少少清爽 今次我飲哂d湯食呢個湯就明點解一蘭可以沖出日本係哂港台開分店咁出名 個湯係香港都算係頭幾麵:幼曲麵黎 揀左普通硬度 煮得岩岩好 食落就唔會特別有麵粉香 食落幾彈牙 如果話台風份量係偏多佢就係偏少 食完唔太夠喉肉:豬肩肉兩片 揀左最瘦既部位 食落完全唔淋 有咬口 但係無乜味蛋:無影到 因為佢隻蛋係另外加錢再另外成隻連殼比你 唐心都做得足夠幾靚 但要自己"mok"殼又冇得切開扣哂分另外連殼上相信都估到佢完全無做過調味 係唐心蛋但係純白色 加埋因為凍左所以佢蛋味更加少 唔係十分重度蛋控都唔建議加 勁唔抵服務:無服務可言 裝水都要自己出去裝 加隻蛋又要自己mok殼 咁樣都學人收加一? 態度唔差既但本身佢提供既服務只有幫我收張落單紙同埋上碗拉麵呢兩樣...總結:一蘭黎左香港咁多年，第一次去試叫冇失望

一蘭拉麵喺日本出名 第一次喺香港試 覺得都有日本食到嗰種味道 首先最特別係個湯底 真係非常濃郁 自己本身比較中意食辣 所以叫咗兩倍 個辣味非常出眾 拉麵軟硬度可以自己揀 唯一美中不足係得兩件叉燒 仲要有啲硬身

今日心血來潮想食拉麵，就必定諗起一蘭。黎到其實都得係一種湯底簡，就係豬骨湯底，個豬骨湯底好濃，唔好話好油膩，加埋秘製辣椒粉簡直一流，可惜得一片豬肉，同冇糖心蛋。

2年無去過一蘭，假日晚上去到唔洗等位，大排長龍情景不再復見。鍾意一蘭可以選擇麵軟硬度，湯底濃淡、油膩度等。我就鍾意湯底夠哂濃郁，同埋赤紅秘制醬汁，我覺得這個醬汁係成碗麵嘅靈魂。麵嘅份量好似比之前少咗，如果你好肚餓就一定唔夠飽。食完碗麵，忍唔住將碗湯飲哂，因為好想見到碗底的金句，這一滴是最高的喜悅。總結：日本拉麵在香港已經好普遍，好多日本餐廳嘅質素都拍得住一蘭，個碗好大，但麵嘅份量比之前少咗，义燒又少又薄，$95 一碗麵好似唔多值得。

i am really surprised by how empty the restaurant was! i didnt need to wait at all and the booths werent even opened🥢they also renovated and added booths outside so you’d have to pay before u go inside.the ramen isnt as good as it used to be and the charsiu is quite rough. however i still found the flavour delightful. i also love how spicy you can make their ramen🌶🥵

食過好多間拉麵，都係最中意一蘭既湯底、麵質連湯底嘅濃淡、麵嘅軟硬都可以揀真係好人性化次次都食到湯都無淨得一個麵揀好適合我呢啲選擇困難症😙雖然價錢偏貴但係都好值得。

由疫情到依家實在太耐無去旅行啦，自從出咗黎做野之後每年都會去一次日本，喺當地既屋台同拉麵店試下當地既不同美食，今日放工終於忍唔住去咗一蘭，諗住可以望梅止渴。一入去店員就安排咗個座位俾我，雖然冇好似日本既氣氛，喺街外冰冷既天氣入到去暖暖既拉麵店就要即刻除外套，但就有喺日本見到既熟悉間隔同裝飾。我拎咗張落單紙，即刻圈咗濃味同濃厚油腻度，因為食一蘭拉麵我鍾意食濃味啲既，同埋可以飲埋啲湯🤪🤪🤪，其他選項就揀咗普通。整體黎講就普普通通，只喺好耐無去日本想食返一碗日本拉麵。

第一次去尖沙咀一蘭，入面座位唔再係自閉位，而係成個Food Court咁自助揀位，環境好寬敞，但完全無左一蘭個感覺，另外冷氣好凍，坐低完全唔舒適。天然豚骨湯拉麵 $95 呢個係我食過最渣既叉燒，薄薄兩片叉燒肉質竟然似煲完湯豬肉，鞋既！即使湯底同拉麵再好食都已經非常失望。一蘭精選套餐 另加$65多四塊難食叉燒，紫菜，黑木耳及半熟鹽味蛋。隻蛋單售係$16，價錢貴過其他拉麵店，食落無咩味，只係半溏心，好食但性價比低（唔好忘記要另收加一服務費）呢度係一蘭喎，幾年無食，今次真係幾失望！

一蘭拉麵，相信大家都唔會陌生，疲情下冇得去旅行，都可以係香港感受下日本既風味同地道拉麵！呢到既拉麵其實只有一款豚骨湯拉麵，不過食客可以自行選擇所有仔細選項：濃淡口味、辣度、麵條硬度、蔥，連油膩度都可以自己揀！普通份量可能男士未必夠飽，只需加$19就可以加麵，仲可以食到一半先order上，唔怕會比湯底浸到淋晒叫左麵條普通硬度，麵條彈牙，唔會太重口味，辣度1/2倍，估唔到呢個程度已經幾惹味，辣味融入晒湯底叉燒非常細嫩，薄薄一層肥膏增加左脂香感

我係日本控，久違嘅日本😭😭😭喺香港都要食下日本野來平衡一下心理😢喺尖沙咀附近做野，揀左一蘭拉麵，唔使等位，直入。揀左最常叫的叉燒拉麵，麵質揀普通，湯底普通，不要葱花。操作同日本差不多，會有親切感。😊😊拉麵來了，感覺肉偏少，拉麵份量正常，湯底都正常，但說不出嘅感覺，不是日本食到嘅味道。性價比來說，低一點，因為份量較少。食完都唔係幾飽肚。😅😅間唔中食下都尚可接受，特登過黎食就應該不會了。