天然豚骨拉麵專門店一蘭

营业中

休息中

閒日凌晨1點幾，3位，唔洗排隊。一入餐廳店員會幫你量體溫，唧搓手液，派落單紙同信封放口罩。福岡一蘭係我既最愛！！每次去日本必食！今次第一次幫襯香港店。入到去「自修室」位，回憶返晒黎😂。但同日本唔同既係，香港一蘭會有人係背後出現派筷子，好奇怪，哈哈。加叉燒（4片）｜$26半熟鹽味蛋｜$16拉麵｜$95湯底無日本咁香濃，雖然都係哥陣味。最大分別係叉燒，好瘦，油脂好少，朋友話似食扎肉，其實又無咁誇張，味道係同日本係有一段距離😂。價錢算貴，但係呢段無得出遊既日子，食到一蘭拉麵，一解鄉愁，都係偏心會俾正評。

廿四小時營業真係非常方便飲完酒消遣完的夜貓不過貴得黎又真係唔會食完嘩嘩聲，冇咩驚喜！$95一碗2片薄到紙的叉燒拉麵，加隻半熟鹽水蛋$15， 承惠$110 😅

話說以前去日本旅行成日玩到三更半夜肚餓餓 就會走去開24小既既一蘭食個拉麵醫肚 純粹貪佢快靚正 同深夜時份餐廳選擇真係唔多 但正常時間喇wo 都好少會揀佢 唔係話佢差 而係始終日本好食既拉麵真係好多 估唔到佢黎到香港之後會令到香港人咁瘋狂 日排夜排 估唔到既係 連疲情期間都要排！不過冇辦法啦 朋友話佢真係好想食 唯有陪佢排下啦！今次好似係我第一次係香港食一蘭 味道同日本分別不大 湯底都係咁濃郁 我同朋友都飲晒成碗湯最鍾意既係可以揀辣度同麵既軟硬度 可以就到唔同人既口味而環境方面 都係同日本一樣自修室咁既設計啦！短時間都應該冇機會去日本 同黎止癮都不失為一個好選擇既P.S. 記得要加蛋呀

今次嚟到尖沙咀食一蘭因為凌晨1 2點左右 所以去到唔洗等就入得環境方面同日本相似 都係獨立一個個充滿私人空間嘅位置 不過整體感覺就比日本逼之前係日本試過一次 覺得服務好而且幾好食所以對香港嘅一蘭都有少少期待-今次嚟到店員就話可以掃qrcode成為一蘭whatsappFD 就會送一杯可爾必思 只要落單時show比店員睇就可以唔知係咪同行嘅朋友同我一齊落單 店員冇拎到比我 淨係比咗一杯我朋友但我朋友覺得唔好飲所以就比咗我 我都冇追單話差杯飲品(･･;)-唔知係咪最近有優惠 所以會送多三塊叉燒 所以又送飲品又送叉燒都幾好✨講返個拉麵🍜我覺得湯底偏鹹 原本諗住最後加飯 但係越食越鹹 所以最後都冇加到麵嘅份量唔算多 食完會有想加麵嘅衝動-⚡️整體感覺都唔錯 服務都係好好 聽住店員講嘅日文 有種去咗日本嘅感覺 雖然價錢比起其他拉麵店唔算好便宜 但如果凌晨搵唔到嘢食都可以嚟食一蘭

Standards for Ichiran’s classic ramen has always been held high, but it’s unfortunate that Ichiran’s standards have lowered on this occasion, serving up pork that was cold. Broth was flavoursome as always but it lacked warmth again, which is quite crucial to a satisfying bowl of ramen!

🍜一蘭拉麵系列 💕‼️前日食尖沙咀店送一碟叉燒☺️▫️餐廳：一蘭 銅鑼灣店▫️地點：香港有2間分店📍此為尖沙咀店📍銅鑼灣謝斐道440號駱克大廈A座地下F-I舖（港鐵銅鑼灣站 C 出口, 步行約3分鐘）▫️營業時間：Mon - sun 24 hrs▫️價錢：～$90+—美味：🍜🍜🍜+0.5🍜環境：🍜🍜🍜🍜價錢：💰💰💰💰—一蘭拉麵🍜相信大家都唔陌生，去日本一定會試吓當地既依款拉麵。👦🏻👧🏻超級掛住日本🇯🇵係果邊成日食一蘭👉🏻👈🏻依排品去得🇯🇵唯有係香港🇭🇰食🤫等一次去尖沙咀分店，依間都排好多人👫👭👬👭，好彩位置同環境都唔錯🥳佢可選擇既麵款唔多，亦冇拉麵平日必有既溫泉蛋同好多配菜🥚🥚🥚麵既質感係幾好食🤭不過啲叉燒一般般，有啲硬🤧而個湯都一定要喝曬🥳🥳不過👧🏻挑戰4倍辣🌶🌶覺得依款辣好吸引🤓🤓飲埋湯都ok🤗唔太辣🌶🌶👦🏻既原味係重豚骨味多啲，都好味😋都係日本🇯🇵既一蘭高質啲‼️‼️‼️‼️—#好西 #拉麵 #一蘭 #麵 #銅鑼灣 #日本🇯🇵 #夏天美食 #HongKong #HK #foodie #goodwest #food #meal #lunch #ramen #amy_in_tst

好掛住日本旅行個時既感覺但一直都未去得旅行住，所以有日放工決定出走尖沙咀，去一蘭自私食，當返左鄉下咁。點左個招牌菜，95蚊既天然豚骨湯拉麵，職員話而家用Whatapps scan QR code 即送一杯綠茶同埋免費追加三塊叉燒！咁耐無食，個豚骨湯都係咁香濃幼滑，而且叉燒入口即溶，好似返左大阪咁，好開心好幸福。個拉麵好幼滑，我好耐無食，仲記得既種獨特既湯底味，個七味粉好香，撈埋d蔥同拉麵，一小啖叉燒配一湯匙拉麵咁食，就最正。凍綠茶比較淡，正好中和左拉麵既濃味。個口罩信封都幾靚💖下次要試下其他小菜先得！

I have eaten ramen at several Ichiran branches in Japan; this branch in TST offers a similar experience at a fair price given its location. Compared to the Japanese branches the soup is slightly less rich so keep this in mind when choosing the richness on the order sheet. Also: you may definitely want to order an additional set of ramen (16 HK$). Open until late so it’s perfect for a late bite if you are in TST. Overall recommended.

昨晚與Miss W 、🤴🏻決定食一蘭拉麵（要冇咩人排隊先去），每次經過見到條隊排到樓梯上面就會卻步，今次直接落樓梯推門入去有種暗爽感覺😏，雖然裡面都要排隊，目測6-7位客人排緊隊，侍應探熱後話等10-20分鐘，跟隊後只係等左5分鐘就入座😁，之前食過坐一蘭獨立位，今次就坐普通座位都方便傾計。一蘭拉麵一向都有品質保證，每次都會飲曬d湯！點左各自口味分別原辣、1倍辣、5倍辣！食落1倍辣只係比原辣鹹dd ，5倍就真係試到辣度係高左，可接受下次試挑戰8、10辣🤗！拉麵每碗會跟2塊叉燒，為答謝顧客每碗加多3塊，共5塊呀😱😱😱😱😱！原本叉燒都偏細同薄，忽然增多1.5倍，又只排隊5分鐘，呢啲就係生活中的小確幸嗎？🥰🥰

今日食左一蘭拉麵，相信好多人麵食過，你知啦，近期肺炎都冇得去旅行，但又好掛住日本拉麵，唯有去食啦，但選一蘭原因係因為佢一人一個獨獨位，咁就夠曬安全啦。我最鍾意佢豬骨湯底，同埋佢可以選麵軟定硬，要蔥唔要蔥，任你選擇，你可以自選你喜歡的味道，一碗得义燒冇咩其他配料的拉麵，佢味道係有90分。另外10分我係扣佢價錢，一碗麵接近$100冇咩配料都貴，另外張紙有個選擇要义燒定唔要义燒，我相信冇人會走义燒咁funny吧，淨係得湯同麵？

夜媽媽仲係尖沙嘴又肚餓，好在呢間拉麵開到凌晨五點，仲未刪門😍打呢篇食評係想俾大家少少意見的，就係唔好嗌太辣😳呢晚同朋友一齊黎食，我嗌低於普通既辣度1/2only，感覺岩岩好😋而好食得辣既朋友嗌佐5倍😂結果佢覺得我個碗好味啲，因為佢個碗既辣度太過濃烈，蓋過佐湯底既味道😳所以想試湯底本身既濃香就唔好嗌太辣啦😳

有時候食咗晚餐，但到夜咗突然好餓，好多餐廳又last order, 又唔想食快餐店burger， 去完日本又掛住d拉麵，近近地去尖沙咀食一蘭。叫咗佢最basic 嘅拉麵餐，佢好處可以比你自己簡拉麵嘅軟硬程度，油膩度、蒜泥多少、辣嘅程度等等等....自己簡選一碗最岩口味嘅一蘭拉麵，加上佢三大片叉燒同一定一定要食嘅糖心蛋，真係一流架，我就簡咗軟身嘅拉麵，感覺會拉麵條會吸收更多湯汁，更濃郁綿綿嘅感覺。絕對係深夜食堂首選！

Visited a ramen shop today.I ordered the famous ichiran ramen. The soup was simply fabulous. It was rich and a bit spicy because I ordered some spicy paste on top of the ramen. I drank all the soup. The BBQ pork were juicy.I really love the Ramen texture. It’s soft but chewy.Will definitely visit the shop again !

食過幾次，不過今日就第一次黎尖沙咀既分店食，地方都好闊落，仲要唔洗排隊👍🏻👍🏻👍🏻👍🏻👍🏻太好了。味道都係一樣，無變，保持到水準👍🏻都係咁好味😋服務一樣好。店舖位置都唔難搵😊

想食拉麵第一時間就會林到一蘭。睇過網民嘅建議，今次叫左兩碗唔同層次拉麵比較下1. 揀口味濃淡，油膩度，蒜泥，麵硬度 都是全普通。2. 揀口味濃淡（濃味），油膩度（超濃厚），蒜泥（1份），麵硬度 （超硬)。*如吃得辣揀大辣*結論係*第二口昧係最好味道，濃味湯應配麵硬係好夾阿。至於第一口味全普通真係好普通，沒有特別。一碗拉麵$95分量好少，所以我地都要追加個麵底（$19）先夠食。另外佢地而家做緊推廣追加一蘭精選套餐再like 社交平台 就送半熟鹽味蛋阿。