天悅海鮮酒家 (已結業)

今日朝早放假，同朋友兩個人去咗置樂嗰間天悅度飲茶吹下水，朋友話佢既食物都唔錯，就咁就去試下佢啦！先講食物方面，最驚喜嘅係朋友介紹試吓食嘅燕麥粗糧糕，呢款糕都幾特別，唔係度度有得食佢係甜點黎既，口感都幾特別，咬落嚥嚥韌韌咁，都幾值得一試。我地另外叫既都係D大路嘢，就係叉燒包、腐乳通菜、牛肉球同滑雞飯，腐乳通菜夠晒多腐乳，叉燒包質素都唔錯夠鬆軟餡料又多。我哋總共叫咗五樣食物，埋單價錢係$136.5，價錢都算正常。需要另外一提嘅，就係通道方面嘅問題，由於我哋坐近門口，察覺到通往酒樓門口既路就需要經過三級樓梯，對於行動唔方便嘅人來講都幾麻煩，例如坐輪椅嘅人士、老人家同埋推住BB車既人黎講都幾唔方便，希望酒樓可以想辦法去改善一下。

酒樓好舊，環境一般，但供應的食品頗好，不會太油，招呼也不錯，最可適內裏沒有洗手間，要到外間公厠，我最接受不了。不過，這裡的晚市很旺，主要來吃火鍋，因為是任食的，價錢已反應這裡環境及食物質素。

今日長老未到我放工已經問我想食咩，又忙又唔想諗既情況下，就食任食邊邊啦！星期一至五 成人全包$118 任食長者卡$108 ，紅日加$10位，小朋友就$68舊時屯門唔係咁多任食打邊爐 ，天悅係長龍店 ，等好耐都冇位 ，但現在屯門區實在太多選擇 ，佢係可以唔訂位直入。對上一次幾個月前既經驗，係八點左右就咩都冇 蝦 蠔 甚至菜都可以話冇晒 ，但今次ok 基本免費唔使加錢既都仲有得叫。雞片 可能佢日間時段係茶樓 佢既鮮雞片同平日點心棉花雞的雞片係差唔多的。金錢肚都好食。佢既肥牛就可以唔叫。滾幾秒都可以係全全全熟。次次黎依間 一定食係雲吞。都算大粒彈牙。另外一定叫係響玲 同長老至愛蝦其他可以叫都係菜。魚、蠔、田雞、丸類真係睇你好唔好彩。但價錢就真係平，所以都係值得再黎的。

火鍋料極唔新鮮，菜又霉又爛，見到都唔開胃。第一次肚餓住去一間食店但係可以唔想食嘢因爲太難食！然後服務態度奇差！我哋成大班人去固然興高采烈但個阿姐極差態度咁叫我哋收聲話嘈住佢同佢部長講野！請問你係喺圖書館工作？鍾意食這間野的人睇怕來自第三世界！

家人生日，放工攰個個都唔願行，最好選擇係天悅。被乳鴿呃了，一咬肉質便知龍與鳳，雪鴿兩隻～差了點。剛好跟孖寶餐的炸雞比下去，慢慢食到最後一件皮還脆，雞肉滑嫩，孖住芋香蒸鱔，抵食，鱔跟芋頭比例差遠，豉汁蒸好惹味，鱔算鮮，芋頭有點大舊，致內裡比較實，如夠粉、淋同入味就更好了。蜜味柚子骨份量十足，骨泡過油後再用柚子醬兜兜，入味又多醬汁，好好配飯。椒絲腐乳通菜同金銀蛋莧菜，前者惹味又香、後者有湯濕濕地適合炎夏，任君選擇。尾聲還有桂花糕贈送，內有杞子同雪耳，涼透心又唔會好甜兼有口感，送的一點也不馬虎

成日聽佢打邊爐平, 所以諗佢中午飲茶都平吧。我地叫左4個點心, 總數是8X。蟹子燒賣: 好大粒!! 不過D 蟹子都熟哂了, 但入面有蝦有肉有菇, 挺對版的, 唔錯鳳爪: 一碟有4,5隻, 唔會太咸, 色素又唔太紅, 幾好粉果: 個皮麻麻, 痴LUP LUP的, 但入面好多料, 有沙葛有花生, 但無乜肉, 但味道係OK GE鳳爪排骨飯: 用「砵仔」來裝, 我地放入盒打包, 足足有成盒! 抵食!

天悅除左火鍋出名多人之外，小菜亦不失禮，有魚有肉有菜仲有蝦添，蜜味柚子骨骨、肉、肥瘦均勻走過油有少少脆口，配香香嘅柚子醬，有少少泰式雞醬好濃味，餸飯一絕。金銀蛋浸莧菜係開始炎夏、口感濕濕地嘅首選味道適中可以將白飯變成湯飯。孖寶餐有半只蔥油霸王雞跟上湯大蝦球伊麵，雞肉一般但蔥油好香。上湯大蝦球確係大蝦球啖啖肉兼好彈牙，不過上湯個芡超過了，感覺好似煮錯左芝士汁咁

天悅出名抵食但無服務可言，但見平日$118又有蝦，又有生蠔食，抵食至上，無服務都照試啦。可能我們未夠7pm就入座，食材仲好充足，蝦大隻又新鮮 ; 雲吞大大粒，每粒裡面都有起碼一隻蝦 ; 完全沒有叫咩無咩的情況發生。但見8:30pm後入座的人有啲發脾氣話蝦又無，生蠔又無，連雲吞都無。侍應的態度一如傳聞又串又無禮貌，一句買哂就唔啋你。所以如果想食抵食的火鍋，就一定要早點入座，否則海鮮又無，雲吞又無，連菊花茶都無，又要看侍應面色，真的唔食好過食。

日頭大婚之日註冊了，濃妝又set頭，返到屋企大清洗後，素顏一身輕近近地天悅晚飯。必食天悅小炒皇鑊氣足，又惹味。紫薯鎮江骨哥哥至愛，醬汁濃配飯一絕，炸過嘅紫薯口感粉，微甜中帶醋酸好醒胃。蔥油霸王雞味道稍欠要醮蔥蓉至有味，蔥油夠香取勝。竹笙紅燒豆腐雜菌味道剛好，素食好選擇。唔健康嘅至係最好味，椒鹽九肚魚脆炸香口，粉漿唔算厚，九肚魚滑滑魚肉，炸蒜椒鹽豐足，不用醮淮鹽，用作佐啤酒確係爽。

呢個位置真係有危有機，絕對可以用「三煞位」形容，做過泰式炒蟹、燉奶佬，又做過「置樂城」茶樓，無一間做得長。而天悅就係當中嘅奇葩，因為佢三年又三年，真係十年都嚟緊頭了。可能佢嘅成功就係在於打通門口！如果以前呢間鋪嘅東主，一直都無搞個門口，於是就只有2個位置可以入到去，就係近惠康嗰邊嘅入口同埋近7仔位置入口。依家放棄自己少少空間，令惠康嗰邊同埋置樂中間有個捷徑仔畀人行上行落，方便街坊之餘人流多咗，風水應該都好咗，因為真係川流不息。拉丁好遠，都係講返食。始終都係街坊茶樓，好多優惠畀公公婆婆。晏市普普通通，食飽絕對無問題；而晚市又以打邊爐出名，因為係好抵食嘅任食打邊爐，我哋一家人去一定平過100蚊，事關長者半價。唔好期待佢個湯底有幾靚，亦唔好期望食材有幾高級，嚟呢到都係志在一家人開開心心食個飯，係食呢到嘅人情味。個個侍應都識我家老人家，個個都過嚟寒暄，唔係街坊食堂日日幫襯，點會有呢種味道。

呢間酒樓好細，枱好少，就係因為咁所以特登6:00去食，如果萬一你遲咗嚟，就要等位等好耐先有得食，好多人嚟呢到打邊爐，但流動量好慢「平」係呢一次邊爐嘅形容：每人110幾蚊到包晒所有嘢，呢個價任飲任食實在抵，時限2小時15分鐘嘢食選擇嚟講都幾多，平時打邊爐想有嘅嘢食都有：雲吞、水餃、丸、菜、粟米，另外又有白鱔片可以揀不過唔係每樣你畫咗嘅嘢佢都嚟，就算佢無貨，佢哋係唔會同你講聲，呢方面差少少當然大家打邊爐一定食嘅肥牛，又或者其他肉，以呢個價錢，大家唔好想佢水準好高，但都可入口至於湯底方面亦比較淡喇，同樣之後加水會更淡但總括嚟講吃得飽絕對唔係問題，同埋「平」…

屯門友介紹超底平價天悅火鍋店，每位$113.0！可能是最便宜經濟吃到飽任食任飲二小時十五分！我們都不二之選，齊齊去刷餐飽！店內地方有些殘舊及污漕，感覺枱位局促迫窄而嘈雜，人客都食得很不舒暢，空調都不夠涼快，食到臉紅耳赤，火氣上升，冇計阿！食物會否新鮮味美，但是都非常非常失望！飲品不夠凍，天氣炎熱好不痛快，食材都是次貨比較肉色暗澤的肥牛，豬肉及肉類鮮味頓失，吃到不拉肚子都偷笑！其他丸類有些味惡腥味，食之無味，令人口苦澀味，蔬菜類都不新鮮過期，真是唯一雲吞算鲜味好吃，不再說吧，再無下次，不推介，只有付錢走人！

街坊tak拖平、靚、正之選，兩餸、一孖寶、四個靚仔加一罐波打酒，响今時今日乜都加嘅社會裡每人不需一百蚊而飽足嘅晚飯去邊度揾呢，而且碟頭唔少，先來孖寶中的天悅一品煲，用料十足，有花膠、海參、帶子、蝦、鮑片⋯⋯茨汁唔會漿糊而且味道剛好，再黎過天悅小炒皇，蝦乾、腰果、韮菜花有少許辣椒，夠鑊氣且惹味，沒有理由唔配個靚仔呢彩椒秋葵炒鴕鳥肉，秋葵唔會炒到滑潺潺，同低膽固醇嘅鴕鳥肉結合，不失為一個健康之選，孖寶的椒鹽九肚魚熱辣辣炸起夠哂香口，最後唔做大嘥鬼吃光光

好耐冇同屋企人黎天悅飲茶喇😋同老豆兩個人開左壺水仙，叫左籠蝦餃同煎薄餅，蝦餃既水準差左好多，雖然啲蝦就好足料但係個皮就真係好差好厚，一夾就散。但個薄餅依然好味，卜卜跪皮薄足料。正!

7月1 日, 約左一班好耐冇見既朋友去打邊爐~我本身係置樂街坊,見成日都有人等位, 就諗住去試下啦,點知一試就出事啦:1. 叫左番茄薯仔豬骨湯& 鴛鴦底,湯底由第一ROUND 開始已經係冇味, 唔係味精味, 係"無味"之後仲加左幾次熱水, 即係熱水+鼓油2. 肥牛好肥..魚類一早冇貨, 獅子狗有怪味,正常既係芝心丸同栗米同冬瓜同蝦, 平在可樂任飲!3. 服務態度十分惡劣,食到臨尾都收晒手啦,我老公係附近行過諗住入黎SAY 個HI, 個待應已經望住, 搬張椅坐係到, 講到明唔食, 傾一陣就走都話唔得要計錢!佢仲好似好好人咁話: 如果要坐不如坐係隔離台?傻的嗎? 你估真係入黎抖涼? 貪你地打邊爐既冷氣嗎?任打2個半鍾, 幾分鐘前就話夠鍾埋單, 望一望周圍係咪好多人等先?環顧你地個場都唔多人,  咁都要趕人走...街坊生意都要咁...點叫人幫襯?